ഇ​ടു​ക്കി മെ​ഡി​ക്ക​ൽ ​കോ​ള​ജ്​: പ്ര​വേ​ശ​ന​ത്തി​ന് തു​ട​ക്കം, ആ​ദ്യം അ​ഡ്മി​ഷ​ന്‍ ഇ​ര​ട്ട സ​ഹോ​ദ​ര​ന്മാ​ർക്ക്

ചെ​റു​തോ​ണി: ഇ​ടു​ക്കി മെ​ഡി​ക്ക​ൽ ​കോ​ള​ജി​ൽ പു​തി​യ ബാ​ച്ചി​ലേ​ക്കു​ള്ള പ്ര​വേ​ശ​ന​ത്തി​ന് തു​ട​ക്ക​മാ​യി. പു​തി​യ ബാ​ച്ചി​ല്‍ ആ​ദ്യം അ​ഡ്മി​ഷ​ന്‍ എ​ടു​ത്ത​ത് ഇ​ര​ട്ട സ​ഹോ​ദ​ര​ന്മാ​രാ​യ സൂ​ര്യ​ദേ​വും ഹ​രി​ദേ​വു​മാ​ണ്. പ്രി​ന്‍സി​പ്പ​ല്‍ ഇ​ന്‍ ചാ​ര്‍ജ് ഡോ. ​ഇ.​എ​സ്. ഗ്ലി​ഡ ഇ​രു​വ​ര്‍ക്കും അ​ഡ്മി​ഷ​ന്‍ സ്ലി​പ് ന​ല്‍കി​യ​തോ​ടെ​യാ​ണ്​ പ്ര​വേ​ശ​ന ന​ട​പ​ടി​ക്ക്​ തു​ട​ക്ക​മാ​യ​ത്.

ഇ​ടു​ക്കി മെ​ഡി​ക്ക​ല്‍ കോ​ള​ജി​ല്‍ 2022-27 അ​ധ്യ​യ​ന വ​ര്‍ഷ​ത്തി​ലേ​ക്ക് പ്ര​വേ​ശ​നം ആ​രം​ഭി​ച്ചി​രി​ക്കു​ന്ന​ത് ഇ​ര​ട്ടി മ​ധു​ര​മാ​ണെ​ന്ന് മ​ന്ത്രി റോ​ഷി അ​ഗ​സ്റ്റ്യ​ന്‍ പ​റ​ഞ്ഞു. ന​വം​ബ​ര്‍ മൂ​ന്നാം വാ​ര​ത്തോ​ടെ ക്ലാ​സു​ക​ള്‍ ആ​രം​ഭി​ക്കും. അ​തി​നു മു​ന്നോ​ടി​യാ​യി മെ​ഡി​ക്ക​ല്‍ കോ​ള​ജ് വി​ക​സ​ന സ​മി​തി നേ​തൃ​ത്വ​ത്തി​ല്‍ അ​ടി​സ്ഥാ​ന സൗ​ക​ര്യം വി​ക​സി​പ്പി​ച്ചു കൊ​ണ്ടി​രി​ക്കു​ക​യാ​ണ്.

വി​ദ്യാ​ർ​ഥി​ക​ള്‍ക്ക് ഹോ​സ്റ്റ​ല്‍ സൗ​ക​ര്യം, വാ​ഹ​ന സൗ​ക​ര്യം തു​ട​ങ്ങി​യ​വ ഏ​ര്‍പ്പാ​ടാ​ക്കി ക​ഴി​ഞ്ഞു. പു​തു​താ​യി നി​ര്‍മി​ച്ച ആ​ശു​പ​ത്രി ബ്ലോ​ക്ക് പ്ര​വ​ര്‍ത്ത​ന​സ​ജ്ജ​മാ​ക്കി. ജി​ല്ല ആ​ശു​പ​ത്രി​യു​ടെ പ​രി​മി​ത​സൗ​ക​ര്യ​ങ്ങ​ളി​ല്‍നി​ന്ന് ഘ​ട്ടം ഘ​ട്ട​മാ​യി പൂ​ര്‍ണ സ​ജ്ജീ​ക​ര​ണ​ത്തി​ലേ​ക്ക് എ​ത്താ​നാ​ണ് ശ്ര​മ​മെ​ന്നും മ​ന്ത്രി പ​റ​ഞ്ഞു.