തുരീയം സംഗീതോത്സവം:സാമ്പ്രദായിക ശൈലി കൈവിടാതെ ജമനീഷ്; കൊട്ടിക്കയറി തിരുവാരൂർ

പ​യ്യ​ന്നൂ​ർ: മ​ഴ​യൊ​ഴി​ഞ്ഞ സാ​യ​ന്ത​ന​ത്തി​ൽ ക​ർ​ണാ​ട​ക സം​ഗീ​ത​ത്തി​ന്റെ സാ​മ്പ്ര​ദാ​യി​ക ശൈ​ലി കൈ​വി​ടാ​തെ​യു​ള്ള ആ​ലാ​പ​ന സൗ​ന്ദ​ര്യ​മാ​യി​രു​ന്നു തു​രീ​യം സം​ഗീ​തോ​ത്സ​വ​ത്തി​ന്റെ മൂ​ന്നാം ദി​ന​ത്തെ ധ​ന്യ​മാ​ക്കി​യ​ത്. ശു​ദ്ധ​സം​ഗീ​ത വേ​ദി​യി​ലെ മ​ല​യാ​ളി തി​ള​ക്കം കോ​ട്ട​യം ജ​മ​നീ​ഷ് ഭാ​ഗ​വ​ത​രാ​ണ് തു​രീ​യം വേ​ദി​യി​ൽ രാ​ഗ​പ്പെ​രു​മ​ഴ തീ​ർ​ത്ത് ആ​സ്വാ​ദ​ക ഹൃ​ദ​യ​ത്തി​ൽ ഇ​ടം നേ​ടി​യ​ത്.

ജ​മ​നീ​ഷി​ന്റെ ആ​ലാ​പ​നം ല​ളി​ത​സു​ന്ദ​ര​മാ​യി മു​ന്നേ​റി​യ​പ്പോ​ൾ മൃ​ദം​ഗ​ത്തി​ൽ സം​ഗീ​ത​പ്പെ​രു​മ​ഴ വ​ർ​ഷി​ച്ച് ഡോ. ​തി​രു​വാ​രൂ​ർ ഭ​ക്ത​വ​ത്സ​ലം കാ​ണി​ക​ൾ​ക്ക് ന​ൽ​കി​യ​ത് നാ​ദ​സൗ​ന്ദ​ര്യ​ത്തി​ന്റെ വെ​ടി​ക്കെ​ട്ട്. സം​ഗീ​ത​ലോ​ക​ത്തെ പ്ര​മു​ഖ​നി​ര പ​ക്ക​മേ​ള​മൊ​രു​ക്കി ക​ച്ചേ​രി​യെ ഭാ​വ​ദീ​പ്ത​മാ​ക്കാ​ൻ വേ​ദി​യി​ലെ​ത്തി​യ​തും മ​റ്റൊ​രു പ്ര​ത്യേ​ക​ത.

ഡോ. ​തി​രു​വാ​രൂ​രി​ന് പു​റ​മെ പാ​ട്ടി​നൊ​പ്പ​വും പാ​ട്ടി​നു പി​ന്നാ​ലെ​യും ഗാ​ന​നൂ​ലി​ഴ മു​റി​യാ​തെ അ​നു​ഗ്ര​ഹീ​ത ക​ലാ​കാ​ര​ൻ സാ​യ് ര​ക്ഷി​ത് വ​യ​ലി​നി​ലും ച​ന്ദ്ര​ശേ​ഖ​ര ശ​ർ​മ്മ ഘ​ട​ത്തി​ലും തീ​ർ​ത്ത മേ​ള​ങ്ങ​ൾ ക​ച്ചേ​രി​യെ ഗം​ഭീ​ര​മാ​യ അ​നു​ഭ​വ​മാ​ക്കി. ബു​ധ​നാ​ഴ്ച എം.​എ. മും​താ​സ് മു​ഖ്യാ​തി​ഥി​യാ​യി. സ്വാ​മി കൃ​ഷ്ണാ​ന​ന്ദ ഭാ​ര​തി സ്വാ​ഗ​തം പ​റ​ഞ്ഞു.

തു​രീ​യം സം​ഗീ​തോ​ത്സ​വ​ത്തി​നെ​റ നാ​ലാം ദി​ന​മാ​യ വ്യാ​ഴാ​ഴ്ച ക​ർ​ണാ​ട​ക സം​ഗീ​ത ലോ​ക​ത്തെ യു​വ​ശ​ബ്ദം സാ​കേ​ത് രാ​മ​ന്റെ ക​ച്ചേ​രി​യാ​ണ്. ഡ​ൽ​ഹി സു​ന്ദ​ർ (വ​യ​ലി​ൻ),തി​രു​വാ​രൂ​ർ ഭ​ക്ത​വ​ത്സ​ലം (മൃ​ദം​ഗം), അ​നി​രു​ദ്ധ ആ​ത്രേ​യ (ഗ​ഞ്ചി​റ) എ​ന്നി​വ​ർ മേ​ള​മൊ​രു​ക്കും. കൊ​മ്പ​ങ്കു​ളം വി​ഷ്ണു സോ​മ​യാ​ജി അ​തി​ഥി​യാ​വും.