ചു​മ​രു​ക​ളി​ൽ ചി​ത്ര​വി​സ്മ​യം

ഒ​രു ചി​ത്രം ആ​യി​രം വാ​ക്കു​ക​ളേ​ക്കാ​ൾ കൂ​ടു​ത​ൽ സം​സാ​രി​ക്കു​മെ​ന്നാ​ണ് പ​റ​യാ​റ്. മ​ന​സ്സി​ൽ തോ​ന്നു​ന്ന ആ​ശ​യ​ങ്ങ​ൾ മ​റ്റു​ള്ള​വ​രെ എ​ളു​പ്പ​ത്തി​ൽ മ​ന​സ്സി​ലാ​ക്കി​ക്കാ​ൻ ചി​ത്ര​ക​​ല​യോ​ളം പോ​ന്ന മ​റ്റൊ​രു ഭാ​ഷ​യു​മി​ല്ല. ഇ​വി​ടെ ചി​ത്ര​ങ്ങ​ളു​ടെ ഭാ​ഷ​യി​ൽ ത​ന്റെ ആ​ശ​യ​ങ്ങ​ളെ ചു​മ​രു​ക​ളി​ൽ കോ​റി​യി​ടു​ക​യാ​ണ് ആ​ല​പ്പു​ഴ സ്വ​ദേ​ശി​യാ​യ കെ.​പി. ശ്രീ​ജി​ത്ത്. സ്‌​പ്രേ പെ​യി​ന്റി​ങ്ങി​ലാ​ണ് ശ്രീ​ജി​ത്ത് മി​നി​റ്റു​ക​ൾ​ക്ക​കം ചി​ത്ര​ങ്ങ​ൾ​ക്ക് ജീ​വ​ൻ ന​ൽ​കു​ന്ന​ത്.

25 വ​ർ​ഷ​മാ​യി ഉ​പ​ജീ​വ​ന​മാ​ർ​ഗം​കൂ​ടി​യാ​യി ചി​ത്ര​ര​ച​ന​യെ കൂ​ടെ​ക്കൂ​ട്ടി​യി​രി​ക്കു​ക​യാ​ണ് ശ്രീ​ജി​ത്ത്. ന​ൽ​കു​ന്ന ഏ​തു ചി​ത്ര​വും അ​തേ തി​ള​ക്ക​ത്തോ​ടെ ചു​വ​രു​ക​ളി​ൽ വ​ര​ച്ചു​ന​ൽ​കും. ചെ​റു​പ്പം മു​ത​ൽ ചി​​ത്ര​ര​ച​ന ശ്രീ​ജി​ത്തി​നൊ​പ്പ​മു​ണ്ട്. പ​ത്താം​ത​ര​ത്തോ​ടെ പ​ഠ​നം ഉ​പേ​ക്ഷി​ച്ചു. പി​ന്നീ​ട് ചി​ത്ര​ര​ച​ന​ത​ന്നെ ജീ​വി​ത​മാ​ര്‍ഗം എ​ന്നു​റ​പ്പി​ച്ച് കൂ​ടു​ത​ല്‍ സ​മ​യം അ​തി​നാ​യി ചെ​ല​വ​ഴി​ച്ചു. നാ​ട്ടി​ല്‍ത​ന്നെ ഹൗ​സ് പെ​യി​ന്റി​ങ്ങും ബോ​ര്‍ഡ് എ​ഴു​ത്തും ചി​ത്ര​ര​ച​ന​യു​മൊ​ക്കെ​യാ​യി ജീ​വി​തം മു​ന്നോ​ട്ടു​പോ​യി. ഇ​തി​നി​ടെ പ്ര​വാ​സി​യു​മാ​യി. ഷാ​ര്‍ജ​യി​ലെ ഷി​പ് യാ​ർ​ഡി​ലും യു.​എ.​ഇ​യി​ലെ പ്ര​മു​ഖ ക​മ്പ​നി​ക​ളി​ലു​മാ​യി 11 വ​ര്‍ഷം ജോ​ലി ചെ​യ്തു. പി​ന്നീ​ട് ജോ​ലി ഉ​പേ​ക്ഷി​ച്ചു. പി​ന്നീ​ട് നാ​ട്ടി​ൽ തി​രി​ച്ചെ​ത്തി വി​വി​ധ ജി​ല്ല​ക​ളി​ൽ ടൂ​റി​സ്റ്റ് ബ​സു​ക​ളി​ലും ലോ​റി​ക​ളി​ലും ചി​ത്ര​ങ്ങ​ള്‍ വ​ര​ക്കു​ന്ന ജോ​ലി​ചെ​യ്തു. വാ​ഹ​ന​ങ്ങ​ളി​ൽ ഡി​സൈ​നു​ക​ള്‍ക്ക് നി​യ​ന്ത്ര​ണം ഏ​ര്‍പ്പെ​ടു​ത്തി​യ​തോ​ടെ തൊ​ഴി​ൽ ന​ഷ്ട​പ്പെ​ട്ടു. തു​ട​ർ​ന്ന് ചു​മ​ർ​ചി​ത്ര​ങ്ങ​ളി​ൽ ക​ര​വി​രു​ത് തെ​ളി​യി​ക്കു​ക​യാ​യി​രു​ന്നു.

സാ​ധാ​ര​ണ ചി​ത്രം​വ​ര​ക്കു​ന്ന രീ​തി​യി​ല്‍നി​ന്നു വ്യ​ത്യ​സ്ത​മാ​യി പെ​ന്‍സി​ലോ ബ്ര​ഷോ ഉ​പ​യോ​ഗി​ച്ച് ദി​വ​സ​ങ്ങ​ളോ​ളം സ​മ​യ​മെ​ടു​ത്തു വ​ര​ക്കേ​ണ്ട ചി​ത്ര​ങ്ങ​ള്‍ എ​ങ്ങ​നെ വേ​ഗ​ത്തി​ല്‍ വ​ര​ക്കാ​മെ​ന്ന ചി​ന്ത​യാ​ണ് ശ്രീ​ജി​ത്തി​നെ സ്‌​പ്രേ പെ​യി​ന്റി​ങ്ങി​ലേ​ക്ക് എ​ത്തി​ച്ച​ത്. എ​ളു​പ്പ​ത്തി​ല്‍ ഗ​ണ്‍ ഉ​പ​യോ​ഗി​ച്ച് വ​ര​ക്കാ​ന്‍ സാ​ധി​ക്കു​ന്ന​തി​നാ​ൽ ഇ​പ്പോ​ള്‍ ചി​ത്രം വ​ര​ക്കാ​നാ​യി ബ്ര​ഷോ പെ​ന്‍സി​ലോ ഉ​പ​യോ​ഗി​ക്കാ​റേ​യി​ല്ല.

ഏ​റ്റ​വും ബു​ദ്ധി​മു​ട്ടു​ള്ള ചി​ത്രം വ​ര​ക്കാ​ന്‍ മൂ​ന്നു മ​ണി​ക്കൂ​ര്‍ മാ​ത്ര​മാ​ണ് എ​ടു​ക്കു​ന്ന​തെ​ന്ന് ശ്രീ​ജി​ത്ത് പ​റ​യു​ന്നു. ചി​ത്ര​ര​ച​ന​യി​ല്‍ മ്യൂ​റ​ല്‍, കാ​ര്‍ട്ടൂ​ണു​ക​ള്‍, ഓ​യി​ല്‍ പെ​യി​ന്റി​ങ്, ഫിം​ഗ​ര്‍ പെ​യി​ന്റി​ങ് തു​ട​ങ്ങി​യ പ​ല പ​രീ​ക്ഷ​ണ​ങ്ങ​ളും ശ്രീ​ജി​ത്ത് ‍ന​ട​ത്തി​യി​ട്ടു​ണ്ട്. സി​മ​ന്റി​ലും പ്ലാ​സ്‌​റ്റ​ർ ഓ​ഫ് പാ​രി​സി​ലും ശി​ല്‍പ​ങ്ങ​ൾ ചെ​യ്യും. ശി​ല്‍പ​ങ്ങ​ള്‍ ചെ​യ്യാ​ന്‍ ടൂ​ള്‍സ് ഒ​ന്നും​ത​ന്നെ ഉ​പ​യോ​ഗി​ക്കാ​റി​ല്ല. കൈ​യി​ല്‍ കി​ട്ടു​ന്ന​തെ​ന്തും ശ്രീ​ജി​ത്തി​ന് ടൂ​ള്‍സാ​ണ്. ഒ​രു ദി​വ​സം നാ​ലു ചി​ത്ര​ങ്ങ​ള്‍വ​രെ വ​ര​ക്കാ​ൻ ക​ഴി​യു​മെ​ന്നും ശ്രീ​ജി​ത്ത് പ​റ​യു​ന്നു.

കേ​ര​ള​ത്തി​ലെ എ​ല്ലാ ജി​ല്ല​ക​ളി​ലും ചി​ത്രം വ​ര​ച്ചി​ട്ടു​ണ്ട് ശ്രീ​ജി​ത്ത്. ക്രി​സ്ത്യ​ൻ ദേ​വാ​ല​യ​ങ്ങ​ളി​ലെ മ​ദ്ബ​ഹ​ക​ളി​ലെ ഡി​സൈ​നി​ങ്ങി​ലാ​യി​രു​ന്നു തു​ട​ക്കം. മ​ണാ​ര്‍ക്കാ​ട് പ​ള്ളി ഉ​ള്‍പ്പെ​ടെ നി​ര​വ​ധി പ​ള്ളി​ക​ളു​ടെ മ​ദ്ബ​ഹ​യി​ലെ ചി​ത്ര​ങ്ങ​ള്‍ വ​ര​ക്കാ​നും ഭാ​ഗ്യം ല​ഭി​ച്ചു. വീ​ടി​ന്റെ അ​ക​ത്ത​ള​ങ്ങ​ളി​ൽ ചാ​രു​ത​യോ​ടെ ചി​ത്രം വ​ര​ച്ചെ​ടു​ക്കാ​നു​ള്ള ശ്രീ​ജി​ത്തി​ന്റെ ക​ഴി​വ് മ​ന​സ്സി​ലാ​ക്കി ഹൈ​ദ​രാ​ബാ​ദ്, ആ​ഗ്ര തു​ട​ങ്ങി​യ ഇ​ട​ങ്ങ​ളി​ൽ​നി​ന്നും ശ്രീ​ജി​ത്തി​നെ തേ​ടി ആ​ളു​ക​ൾ എ​ത്താ​റു​ണ്ട്. ഇ​നി​യു​ള്ള കാ​ലം ചി​ത്രം​വ​ര​യി​ല്‍ത​ന്നെ തു​ട​രാ​നാ​ണ് ആ​ഗ്ര​ഹ​മെ​ന്നും ജോ​ലി​യി​ല്‍ സം​തൃ​പ്തി​യു​ണ്ടെ​ന്നും ശ്രീ​ജി​ത്ത് പ​റ​യു​ന്നു. ആ​ല​പ്പു​ഴ ജി​ല്ല​യി​ലെ മാ​ന്നാ​ര്‍ പാ​വു​ക​ര കു​റ​ക്കോ​ട്ട് വ​ഞ്ചി​യി​ല്‍ പ​ഞ്ച​മ​ന്റെ​യും രാ​ജ​മ്മ​യു​ടെ​യും മ​ക​നാ​ണ് കെ.​പി. ശ്രീ​ജി​ത്ത്.