ഖത്തറിൻെറ ഖൽബിലേറിയ മമ്മൂഞ്ഞ്​ വേഷമഴിക്കുന്നു

ഖത്തർ ദേശീയദിനമായാലും ഇന്ത്യൻ സ്വാതന്ത്ര്യദിനമായാലും വിവിധ വേഷങ്ങൾ കെട്ടി ഹൃദയം കീഴടക്കാൻ ഇനി മമ്മൂഞ്ഞില്ല. മഹാൻമാരുടെ വേഷങ്ങൾ അഴിച്ചുവെച്ച്​ 30 വർഷത്തെ പ്രവാസജീവിതത്തോട്​ മമ്മൂഞ്ഞ്​ വിടപറയുകയാണ്​. 1990ലാണ്​ കാസർകോട്​ സ്വദേശിയായ മുണ്ടിത്തടുക്ക അബ്​ദുല്ല മമ്മൂഞ്ഞ്​ ഖത്തറിൽ എത്തുന്നത്​. ഉടൻ തന്നെ ഖത്തർ നീതിന്യായ മന്ത്രാലയത്തിൽ ജോലികിട്ടി. 30 വർഷത്തെ സേവനത്തിന്​ ശേഷം 60ാം വയസിൽ അദ്ദേഹം ജോലി മതിയാക്കി നാട്ടിലേക്ക്​ മടങ്ങുകയാണ്​.

ഖത്തറിലെ ഏത്​ പ്രധാന ചടങ്ങുകളിലും മഹാൻമാരുടെ വേഷങ്ങൾ ധരിച്ചാണ്​ മമ്മൂഞ്ഞ്​ എത്തുക. ഏത്​ പരിപാടിയിലും മമ്മൂഞ്ഞിന്​ പ്രവേശനടിക്കറ്റ്​ വേണ്ട. ഇന്ത്യൻ എംബസിയിൽ ആയിക്കോ​ട്ടെ ഖത്തർ ദേശീയ ദിന ​േവദിയിലായിക്കോ​ട്ടെ, മൂപ്പർ കയറിയങ്ങ്​ ചെല്ലും. ഖത്തറിൻെറ പ്രധാനആഘോഷവേളകളിൽ ഖത്തരി വേഷം... ​െഎ ലൗ ഖത്തർ എന്നെഴുതിയ കുടയും പതാകയും ചൂടിയെത്തുന്ന അദ്ദേഹത്തിൻെറ ചുറ്റിലും ആളുകൾ നിരവധി കൂടും. കായികദിനത്തിൽ അതിനനുസരിച്ചായിരിക്കും വേഷം.

ചിലപ്പോൾ വെള്ള പാൻറ്​, വെള്ള ഷർട്ട്​ തുടങ്ങി കണ്ണാടിയും വാച്ചുമടക്കം വെള്ളയായിരിക്കും. ഇന്ത്യയുടെ വിശേഷദിവസങ്ങളിലാവ​ട്ടെ ഗാന്ധിജി, അംബേദ്​കർ, സുഭാഷ്​ ചന്ദ്രബോസ്​, ടാഗോർ, നെഹ്​റു, ശ്രീനാരായണ ഗുരു, ഡോ. എ.പി.ജെ. അബ്​ദുൽകലാം തുടങ്ങിയവരായാണ്​​ പ്രത്യക്ഷപ്പെടുക. സ്വാതന്ത്ര്യദിനത്തിലും റിപ്പബ്ലിക്​ ദിനത്തിലും ഇന്ത്യൻ എംബസിയിലെ ക്ഷണിക്കപ്പെടാതെ വരുന്ന 'മുഖ്യാതിഥി'യാണ്​ മമ്മൂഞ്ഞ്​. ഗാന്ധിജിയായി കയറിച്ചെല്ലുന്ന ഇദ്ദേഹം അതത്​ കാലത്തെ ഇന്ത്യൻ എംബാസഡർമാരുടെ പ്രിയങ്കരനാണ്​. വിവിധ സംഘടനകളുടെ പരിപാടികളിലും വ്യത്യസ്​ത വേഷങ്ങളണിയും.

ടിപ്പു സുൽത്താൻ ഏ​െറ ൈ​കയടി നേടിയ വേഷമാണ്​. വിവിധ സംസ്​ഥാനക്കാരുടെ കൂട്ടായ്​മകളുടെ പരിപാടികളിൽ അതിനനുസരിച്ച വേഷങ്ങൾ. കന്നഡ സംഘത്തിൻെറ ചടങ്ങുകളിൽ മൈസൂർ മഹാരാജാവിൻെറ വേഷം, തമിഴ്​നാട്ടുകാരുടേതാണെങ്കിൽ അതിനനുസരിച്ച്​ ഒരുങ്ങിയെത്തും, ഓണത്തിനാണെങ്കിൽ മാവേലി.... ഓരോന്നിനും അനുസരിച്ച വസ്​ത്രങ്ങൾ വാങ്ങുകയോ തുന്നിക്കുകയോ ആണ്​ ചെയ്യാറ്​. ഇതിനകം 30ലധികം മഹാൻമാരുടെ വേഷങ്ങൾ സ്വന്തമാക്കി​. ഇവയെല്ലാം നേരേത്ത തന്നെ കാർഗോ വഴി നാട്ടിലെത്തിച്ചു.

ഖത്തറിൽ വന്ന ഉടൻ തന്നെ കെ.എം.സി.സി നടത്തിയ സംഗീതപരിപാടിയിൽ ഹിന്ദിതുളു പാട്ടിനനുസരിച്ച്​ മാങ്ങ വിൽപ്പനക്കാരൻെറ വേഷം കെട്ടി പ്രത്യക്ഷപ്പെട്ടതാണ്​ തുടക്കം. അത്​ ഏ​െറ ശ്രദ്ധിക്കപ്പെട്ടു, അങ്ങിനെയാണ്​ മമ്മൂഞ്ഞ്​ ഖത്തറിൻെറ ഖൽബിൽ ഇടംനേടിയത്​. ഖത്തരി പ്രമുഖരുടെയടക്കം ഇഷ്​ടക്കാനാണിദ്ദേഹം. മന്ത്രാലയത്തിൻെറ വിവിധ ഓഫിസുകളിൽ ഇദ്ദേഹം വിവിധ വേഷങ്ങൾ ധരിച്ച ഫോ​ട്ടോ ആലേഖനം ചെയ്​തുവച്ചിട്ടുണ്ട്​.

കഴിഞ്ഞ ഖത്തർഇന്ത്യ സാംസ്​കാരികവർഷാഘോഷത്തോടനുബന്ധിച്ച്​ മിന പാർക്കിൽ ഗാന്ധിജിയുടെ വേഷത്തിൽ ദീർഘനേരം നിന്ന മമ്മൂഞ്ഞി​ക്ക്​ വൻ വരവേൽപ്പാണ്​ ലഭിച്ചത്​​. ഏതായാലും അദ്ദേഹം ദിവസങ്ങൾക്കുള്ളിൽ സ്വദേശമായ കാസർകോ​ട്ടേക്ക്​ മടങ്ങും. ഭാര്യ സുലൈഖ, മക്കളായ സുനീറ, സബ്​ന, നൗഷാദ്​, മൻസൂർ എന്നിവരടങ്ങിയതാണ്​ കുടുംബം. എല്ലാത്തിനും കൂട്ടായി അവർ ഉണ്ടാവു​േമ്പാൾ നാട്ടിലും കലാജീവിതം തുടരാൻ തന്നെയാണ്​ തീരുമാനം.