മങ്ങാരം മാറിക്കോട്ടെ, മജീദ്​​ കാക്ക മാറില്ല

കാ​യം​കു​ളം: നാ​ട് ന​ഗ​ര​മാ​യി വി​ക​സി​ച്ചി​ട്ടും അ​ര​നൂ​റ്റാ​ണ്ട് മു​മ്പു​ള്ള പ​ഴ​യ മാ​ട​ക്ക​ട​യു​മാ​യി മാ​റ്റ​ങ്ങ​ളി​ല്ലാ​തെ മ​ജീ​ദ് കാ​ക്ക. ക​റ്റാ​നം ഇ​ലി​പ്പ​ക്കു​ളം ഗ്രാ​മ​ത്തി​ലെ പ്ര​ധാ​ന ജ​ങ്ഷ​നു​ക​ളി​ലൊ​ന്നാ​യ മ​ങ്ങാ​ര​ത്താ​ണ്​ കാ​ല​ത്തെ ​വെ​ല്ലു​വി​ളി​ച്ച്​ ​ മ​ജീ​ദ കാ​ക്ക ത​ന്‍റെ മാ​ട​ക്ക​ട​യു​മാ​യി സ​ജീ​വ​മാ​യി മു​ന്നോ​ട്ടു​പോ​കു​ന്ന​ത്. മ​ങ്ങാ​രം എ​ല്ലാ രീ​തി​യി​ലും മാ​റി​യി​ട്ടും അ​ന്തി​യാ​യാ​ൽ പ​ഴ​മ​യു​ടെ വി​ള​ക്കു​വെ​ട്ടം തെ​ളി​യു​ന്ന ക​ട നാ​ടി​ന്‍റെ അ​ട​യാ​ള​ങ്ങ​ളി​ലൊ​ന്നാ​യി മാ​റു​ക​യാ​ണ്.

ചെ​മ്മ​ൺ​പാ​ത​ക​ളും ഇ​രു​വ​ശ​വും കൈ​ത​ക്കാ​ടും നി​റ​ഞ്ഞ കാ​ല​ത്ത് 22 ാം വ​യ​സ്സി​ലാ​ണ്​ കു​ഴു​വേ​ലി​ത്ത​റ​യി​ൽ അ​ബ്ദു​ൽ മ​ജീ​ദ്​ മ​ങ്ങാ​ര​ത്ത്​ ക​ട തു​ട​ങ്ങു​ന്ന​ത്. ഇ​പ്പോ​ൾ 76 വ​യ​സ്സാ​യി. ക​ട​യി​ൽ സൈ​ക്കി​ളു​ക​ളും വാ​ട​ക​ക്ക് ന​ൽ​കി​യി​രു​ന്നു. മ​ണി​ക്കൂ​റി​ന് 25 പൈ​സ​യി​ൽ തു​ട​ങ്ങി ഒ​രു രൂ​പ​വ​രെ വാ​ട​ക ല​ഭി​ച്ചി​രു​ന്ന കാ​ലം വ​രെ അ​തും തു​ട​ർ​ന്നു.

lifeഇ​വി​ടു​ത്തെ തെ​റു​പ്പു​ബീ​ഡി​ക്കും ഏ​റെ ഡി​മാ​ൻ​ഡു​ണ്ടാ​യി​രു​ന്നു. നാ​ലു​പേ​രാ​ണ് ബീ​ഡി​തെ​റു​ക്കാ​ൻ എ​ത്തി​യി​രു​ന്ന​ത്. തെ​റു​പ്പു​കാ​ർ അ​ന്യം നി​ന്ന​തോ​ടെ ഇ​തും നി​ല​ച്ചു. വീ​ട്ടി​ൽ​നി​ന്ന്​ ത​യാ​റാ​ക്കി കൊ​ണ്ടു​വ​രു​ന്ന പ​ല​ഹാ​ര​ങ്ങ​ളും സ്വ​ന്തം കൃ​ഷി​വി​ള​ക​ളും ക​ട​യി​ലൂ​ടെ​യാ​ണ് വി​റ്റി​രു​ന്ന​ത്.

ഒ​രു കാ​ല​ത്ത്​ നാ​ട്ടി​ൻ​പു​റ ച​ർ​ച്ച​ക​ളു​ടെ കേ​ന്ദ്ര​വും മ​ജീ​ദ്​ കാ​ക്ക​യു​ടെ ക​ട​യാ​യി​രു​ന്നു. വി​ഷ​യ​ത്തി​ന്‍റെ ഗൗ​ര​വ​മ​നു​സ​രി​ച്ച് മ​ണ്ണെ​ണ്ണ വി​ള​ക്കി​ന്‍റെ പ്ര​കാ​ശ​ത്തി​ൽ രാ​ത്രി വൈ​കി​യും ച​ർ​ച്ച നീ​ണ്ടി​രു​ന്ന കാ​ല​ത്തെ​ക്കു​റി​ച്ച് നാ​ട്ടു​കാ​ർ ഇ​പ്പോ​ഴും ഓ​ർ​ക്കു​ന്നു. ക​ട​യി​ലെ ച​ർ​ച്ച​യി​ൽ​നി​ന്ന്​ ക്ല​ബു​ക​ളും മ​ത സം​ഘ​ട​ന​ക​ളും വ​രെ രൂ​പം​കൊ​ണ്ടി​ട്ടു​ണ്ട്.

മ​ണ്ണെ​ണ്ണ സ്റ്റൗ​വി​ലെ ചാ​യ ഇ​ന്നും അ​തേ​പ​ടി തു​ട​രു​ന്നു. 22 വ​ർ​ഷം മു​മ്പ് വാ​ങ്ങി​യ സ്റ്റൗ​വാ​ണ് ഇ​പ്പോ​ഴും ഉ​പ​യോ​ഗി​ക്കു​ന്ന​തെ​ന്ന്​ മ​ജീ​ദ്​ പ​റ​യു​ന്നു. മ​ൺ​ക​ല​ത്തി​ലാ​ണ്​ കു​ടി​വെ​ള്ളം. മ​ല​ബാ​ർ വി​പ്ല​വ​പോ​രാ​ളി​യാ​യി​രു​ന്ന മീ​രാ​ൻ ഹാ​ജി​യു​ടെ മ​ക​നാ​യ മ​ജീ​ദ് നാ​ട്ടി​ലെ സാ​മൂ​ഹി​ക-​രാ​ഷ്ട്രീ​യ പ്ര​വ​ർ​ത്ത​ന​ങ്ങ​ളി​ലും സ​ജീ​വ​മാ​യി​രു​ന്നു. എം.​ഇ.​എ​സ്, കോ​ൺ​ഗ്ര​സ്, ജ​മാ​അ​ത്ത് ക​മ്മി​റ്റി തു​ട​ങ്ങി​യ​വ​യു​മാ​യി ബ​ന്ധ​പ്പെ​ട്ടാ​യി​രു​ന്നു പ്ര​വ​ർ​ത്ത​നം.