അറബി സിലബസിൽ മികവിന്റെ സുവർണനേട്ടം; മലയാളി വിദ്യാർഥിക്ക് ഗോ​ൾ​ഡ​ൻ വി​സയുടെ ആദരം...

ഇ​ബ്രാ​ഹീം ഹ​സ്സാ​ന്​ അ​ഞ്ചു വ​യ​സ്​ പി​ന്നി​ട്ട കാ​ലം. പ്ര​വാ​ച​ക ന​ഗ​രി​യെ​ന്ന്​ അ​റി​യ​പ്പെ​ടു​ന്ന മ​ദീ​ന​യി​ലെ ഒ​രു മ​സ്​​ജി​ദി​ലാ​ണ്​ പി​താ​വ്​ ഇ​സ്​​ഹാ​ഖ്​ ന​ദ്​​വി ജോ​ലി ചെ​യ്യു​ന്ന​ത്. പ്ര​ദേ​ശ​ത്തെ സ്കൂ​ളു​ക​ളി​ൽ അ​റ​ബി​ക്​ സി​ല​ബ​സി​ലാ​ണ്​ അ​ധ്യയ​നം. ഒ​ന്നാം ക്ലാ​സി​ൽ ചേ​ർ​ക്കാ​ൻ കു​ട്ടി​യു​മാ​യി അ​ദ്ദേ​ഹം സ്കൂ​ളു​ക​ൾ ക​യ​റി​യി​റ​ങ്ങാ​ൻ തു​ട​ങ്ങി. അ​ഡ്​​മി​ഷ​ന്​ മു​മ്പ്​ ഹ​സ്സാ​ന്​​ അ​റ​ബി അ​റി​യു​മോ​യെ​ന്ന്​ ഓ​രോ സ്ഥാ​പ​ന മേ​ധാ​വി​ക​ളും ചോ​ദി​ച്ചു.

അ​റ​ബി മാ​തൃ ഭാ​ഷ​യ​ല്ലാ​ത്ത ഒ​രു കു​ട്ടി​യെ സ്കൂ​ളി​ൽ ചേ​ർ​ക്കാ​ൻ അ​വ​ർ​ക്ക്​ സാ​ധി​ക്കി​ല്ലാ​യി​രു​ന്നു. സ്കൂ​ളു​ക​ളി​ൽ നി​ന്ന്​ സ്കൂ​ളു​ക​ളി​ലേ​ക്ക്​ അ​ഡ്​​മി​ഷ​ന്​ തേ​ടി പോ​യി​ക്കൊ​ണ്ടി​രു​ന്നു. എ​ല്ലാ​യി​ട​ത്തു​നി​ന്നും തി​രി​ച്ചു​പോ​കാ​ൻ പ​റ​ഞ്ഞ​തോ​ടെ ഇ​സ്​​ഹാ​ഖ്​ ന​ദ്​​വി​ക്ക്​ ആ​ശ​ങ്ക ക​ന​ത്തു. അ​വ​സാ​ന​മാ​യി ഒ​രു സ്കൂ​ളി​ൽ കൂ​ടി പോ​യി​നോ​ക്കി.

കു​ട്ടി​ക്ക്​ അ​റ​ബി ഭാ​ഷ അ​റി​യി​ല്ലെ​ന്ന്​ ആ ​സ്കൂ​ളി​ലെ പ്ര​ധാ​നാ​ധ്യാ​പ​ക​നും ക​ണ്ടെ​ത്തി. ഇ​വി​ടെ​യും അ​ഡ്​​മി​ഷ​ൻ കി​ട്ടി​യി​ല്ലെ​ങ്കി​ൽ പ​ഠ​നം മു​ട​ങ്ങു​മെ​ന്ന്​ തൊ​ണ്ട​യി​ട​റി അ​​ദ്ദേ​ഹം അ​വ​ർ​ക്ക്​ മു​മ്പി​ൽ ബോ​ധി​പ്പി​ച്ചു. മു​ഖ​ത്തെ ദൈ​ന്യ​ത ക​ണ്ടി​ട്ടാ​ക​ണം പ്ര​ധാ​നാ​ധ്യാ​പ​ക​ൻ ഒ​രു നിബന്ധന മു​ന്നോ​ട്ടു​വെ​ച്ചു. മൂ​ന്നു മാ​സ​ത്തി​ന​കം ഹ​സ്സാ​ൻ മ​റ്റു കു​ട്ടി​ക​ളെ​പ്പോ​ലെ ആ​യി​ത്തീ​ര​ണം. അ​റ​ബി സാ​മാ​ന്യം സം​സാ​രി​ക്കു​ക​യും ന​ന്നാ​യി പ​ഠി​ക്കു​ക​യും വേ​ണം. കു​ഞ്ഞു ഹ​സ്സാ​ന്​ മു​മ്പി​ലെ ആ​ദ്യ വെല്ലുവിളി. എ​ല്ലാ​വ​രെ​യും അ​ദ്​ഭു​ത​പ്പെ​ടു​ത്തി മൂ​ന്നു മാ​സ​ത്തി​ന​കം അ​വ​ൻ ക്ലാ​സി​ലെ മി​ടു​ക്ക​ൻ കു​ട്ടി​യാ​യി. ഒ​ന്നാം വ​ർ​ഷം പി​ന്നി​ട്ട​പ്പോ​ൾ ബാ​ച്ചി​ലെ ടോ​പ്പ​റു​മാ​യി.

അ​ങ്ങ​നെ മ​ദീ​ന​യി​ലെ സ്കൂ​ളി​ൽ പ​ഠി​ച്ചു തു​ട​ങ്ങി​യ ആ ​മ​ല​യാ​ളി വി​ദ്യാ​ർ​ഥി പി​താ​വി​ന്‍റെ ജോ​ലി മാ​റ്റ​ത്തോ​ടൊ​പ്പം എ​ട്ടാം ക്ലാ​സു​മു​ത​ൽ യു.​എ.​ഇ​യി​ലെ​ത്തി. അ​ജ്​​മാ​നി​ലെ അ​ൽ ഹി​ക്​​മ പ്രൈ​വ​റ്റ്​ സ്കൂ​ളി​ൽ അ​റ​ബി​ക്​ സി​ല​ബ​സി​ൽ പ​ഠ​നം തു​ട​ർ​ന്നു. ഇ​മാ​റാ​ത്തി​ക​ളും വി​വി​ധ അ​റ​ബ്​ രാ​ജ്യ​ങ്ങ​ളി​ൽ നി​ന്നു​മു​ള്ള വി​ദ്യാ​ർ​ഥി​ക​ളും പ​ഠി​ക്കു​ന്ന സ്കൂ​ളാ​ണി​ത്. പൂ​ർ​ണ​മാ​യും അ​റ​ബ്​ സി​ല​ബ​സി​ലു​ള്ള ഇ​വി​ടെ ഇ​ത്ത​വ​ണ പ​ന്ത്ര​ണ്ടാം ക്ലാ​സ്​ റി​സ​ൾ​ട്ട്​ പ്ര​ഖ്യാ​പി​ച്ച​പ്പോ​ൾ ടോ​പ്പ​ർ അ​വ​നാ​യി​രു​ന്നു- 98.21ശ​ത​മാ​നം മാ​ർ​ക്ക്.

മി​ക​ച്ച വി​ജ​യം നേ​ടി​യ ഈ ​മി​ടു​ക്ക​ന് സ​ർ​ട്ടി​ഫി​ക്ക​റ്റ് സ​മ്മാ​നി​ച്ച​ത് അ​ജ്മാ​ൻ രാ​ജ​കു​ടും​ബാം​ഗ​വും അ​മീ​രി ദി​വാ​ൻ ചെ​യ​ർ​മാ​നു​മാ​യ ശൈ​ഖ് മാ​ജി​ദ് ബി​ൻ സ​ഈ​ദ് അ​ൽ​നു​ഐ​മി​. തൊ​ട്ടു​പി​ന്നാ​ലെ അ​ജ്മാ​ൻ സ​ർ​ക്കാ​ർ പ​ത്തു​വ​ർ​ഷ​ത്തെ ഗോ​ൾ​ഡ​ൻ വി​സ​യും ഇ​ബ്രാ​ഹിം ഹ​സ​ന് സ​മ്മാ​നി​ച്ചു. ര​ണ്ട് വ​ർ​ഷം മു​മ്പ് ഖു​ർ​ആ​ൻ പൂ​ർ​ണ​മാ​യി മ​നഃ​പാ​ഠ​മാ​ക്കി ഹാ​ഫി​ളാ​യ ഇ​ബ്രാ​ഹീം ഹ​സ്സാ​നെ അ​ജ്മാ​ൻ ഭ​ര​ണാ​ധി​കാ​രി​യു​ടെ ഇ​ഫ്താ​റി​ൽ പ​ങ്കെ​ടു​പ്പി​ച്ച് ആ​ദ​രി​ച്ചി​രു​ന്നു.

പി​താ​മ​ഹ​ന്‍റെ സ്വ​പ്ന പാ​ത​യി​ൽ

കൊ​ല്ലം ഓ​ച്ചി​റ​യി​ലെ പ​രേ​ത​നാ​യ മ​രു​ത​വ​ന ഹാ​ജി ഇ​ബ്രാ​ഹിം​കു​ട്ടി​യു​ടെ മ​ക​നാ​ണ്​ ഇ​സ്​​ഹാ​ഖ്​ ന​ദ്​​വി. മ​ക​ൻ അ​റ​ബി ഭാ​ഷ​യും ഖു​ർ​ആ​നും പ​ഠി​ക്ക​ണ​മെ​ന്ന വ​ള​രെ വ​ലി​യ ആ​ഗ്ര​ഹ​ത്തി​നു​ട​മ​യാ​യി​രു​ന്നു ഇ​ബ്രാ​ഹീം​കു​ട്ടി. അ​തി​നാ​ൽ പ്ര​യാ​സ​പ്പെ​ട്ട്​ ത​മി​ഴ്​​ന​ട്ടി​ലെ ഒ​രു മ​ത വി​ദ്യ​ഭ്യാ​സ സ്ഥാ​പ​ന​ത്തി​ൽ എ​ത്തി​ച്ചാ​ണ്​ അ​ദ്ദേ​ഹം പ​ഠി​പ്പി​ച്ച​ത്. പി​താ​വി​ന്‍റെ സ്വ​പ്ന​ങ്ങ​ൾ​​ക്ക്​ ചി​റ​കു​ന​ൽ​കി​യ മ​ക​ൻ 1998ൽ ​മ​ക്ക​യി​ൽ ന​ട​ന്ന അ​ന്താ​രാ​ഷ്ട്ര ഖു​ർ​ആ​ൻ മ​ത്സ​ര​ത്തി​ൽ ഇ​ന്ത്യ​ൻ പ്ര​തി​നി​ധി​യാ​യി പ​ങ്കെ​ടു​ക്കു​ക​യും ഒ​ന്നാ​മ​തെ​ത്തു​ക​യും ചെ​യ്തു. അ​പൂ​ർ​വം വ്യ​ക്​​തി​ക​ൾ​ക്ക്​​മാ​ത്രം ല​ഭി​ക്കു​ന്ന ക​അ്ബ​യി​ൽ പ്ര​വേ​ശി​ക്കാ​നു​ള്ള അ​വ​സ​ര​വും ഇ​തു​കാ​ര​ണ​മാ​യി ല​ഭി​ച്ചു. പി​ന്നീ​ട്​ മ​ദീ​ന​യി​ൽ ഇ​മാ​മാ​യി സേ​വ​നം അ​നു​ഷ്ഠി​ക്കാ​ൻ അ​വ​സ​രം ല​ഭി​ക്കാ​നും മത്സര വി​ജ​യം നി​മി​ത്ത​മാ​യി.

വ​ർ​ഷ​ങ്ങ​ൾ മ​ദീ​ന​യി​ൽ ക​ഴി​ഞ്ഞ ശേ​ഷ​മാ​ണ്​ 2018ൽ ​യു.​എ.​ഇ​യി​ലേ​ക്ക്​ ജോ​ലി മാ​റു​ന്ന​ത്. ഇ​പ്പോ​ൾ അ​ജ്മാ​ൻ ഔ​ഖാ​ഫി​ന്റെ കീ​ഴി​ലു​ള്ള പ​ള്ളി​യി​ൽ ഇ​മാ​മാ​യി സേ​വ​ന​മ​നു​ഷ്ഠി​ക്കു​ക​യാ​ണ്. ആ​ൺ മ​ക്ക​ൾ​ക്കെ​ല്ലാം പി​താ​വി​ന്‍റെ പേ​ര്​ ചേ​ർ​ത്താ​ണ്​ ഇ​സ്​​ഹാ​ഖ്​ ന​ദ്​​വി പേ​ര്​ ന​ൽ​കി​യ​ത്. പി​താ​മ​ഹ​ന്‍റെ സ്വ​പ്ന​ങ്ങ​ൾ ഏ​റ്റെ​ടു​ത്ത പേ​ര​ക്കു​ട്ടി​ക​ളും ഖു​ർ​ആ​നും അ​റ​ബി ഭാ​ഷ​യും പ​ഠി​ച്ചെ​ടു​ക്കു​ക​യാ​യി​രു​ന്നു. മൂ​ത്ത മ​ക​നാ​യ ഹ​സ്സാ​ൻ ചെ​റു​പ്പം മു​ത​ൽ നി​ര​വ​ധി ഖു​ർ​ആ​ൻ, അ​റ​ബി ക​വി​ത, പ്ര​സം​ഗം, പ്ര​ബ​ന്ധം മ​ത്സ​ര​ങ്ങ​ളി​ൽ പ​ങ്കെ​ടു​ക്കു​ക​യും സ​മ്മാ​ന​ങ്ങ​ൾ ക​ര​സ്ഥ​മാ​ക്കു​ക​യും ചെ​യ്തി​ട്ടു​ണ്ട്.

അ​ജ്മാ​ൻ സ​ർ​ക്കാ​റി​ന്​ കീ​ഴി​ലെ ശൈ​ഖ് ഹു​മൈ​ദ് ബി​ൻ റാ​ഷി​ദ് അ​ൽ​നു​ഐ​മി ഖു​ർ​ആ​ൻ പ​ഠ​ന കേ​ന്ദ്ര​ത്തി​ൽ നി​ന്നാ​ണ് 2019ൽ ​ഔ​ദ്യോ​ഗി​ക​മാ​യി ഖു​ർ​ആ​ൻ മ​നഃ​പാ​ഠ​മാ​ക്കി​യ സ​ർ​ട്ടി​ഫി​ക്ക​റ്റ് ക​ര​സ്ഥ​മാ​ക്കി​യ​ത്. ഷാ​ർ​ജ സ​ർ​ക്കാ​റി​ന്റെ കീ​ഴി​ലെ അ​ന്താ​രാ​ഷ്ട്ര ഹോ​ളി ഖു​ർ​ആ​ൻ അ​ക്കാ​ദ​മി​യു​ടെ സെ​ക്ര​ട്ട​റി ജ​ന​റ​ലും ഷാ​ർ​ജ റേ​ഡി​യോ​യു​ടെ ത​ല​വ​നു​മാ​യ ശൈ​ഖ് ശ​ർ​സാ​ദി​ന്റെ കൂ​ടെ റേ​ഡി​യോ അ​ഭി​മു​ഖ​ത്തി​ൽ പ​​​ങ്കെ​ടു​ക്കാ​നും അ​വ​സ​രം ല​ഭി​ച്ചു.

മെ​ഡി​ക്ക​ൽ പ​ഠ​നം ല​ക്ഷ്യം

ഇ​സ്ഹാ​ഖ്​ ന​ദ്​​വി​യു​ടെ​യും ഭാ​ര്യ ആ​ലു​വ നൂ​ർ​മ​ൻ​സി​ൽ ഫ​ർ​ഹ​ത്തി​ന്റെ​യും എ​ട്ടു മ​ക്ക​ളി​ൽ അ​ഞ്ചു​പേ​രും അ​റ​ബി സി​ല​ബ​സി​ലാ​ണി​പ്പോ​ൾ പ​ഠ​നം തു​ട​രു​ന്ന​ത്. ഏ​റ്റ​വും മൂ​ത്ത​യാ​ളാ​യ ഹ​സ്സാ​ന്‍റെ മി​ക​വാ​ണ്​ ഇ​ള​യ​വ​ർ​ക്കും ഈ ​സ്കൂ​ളി​ൽ അ​ഡ്​​മി​ഷ​ന്​ സ​ഹാ​യി​ച്ച​ത്. ഒ​രു​പ​ക്ഷേ, അ​റ​ബ്​ സി​ല​ബ​സി​ൽ പ​ഠി​ക്കു​ന്ന അ​പൂ​ർ​വം മ​ല​യാ​ളി കു​ട്ടി​ക​ളാ​ണി​വ​ർ. മൂ​ത്ത മ​ക​ളാ​യ ഫാ​ത്തി​മ, യു.​എ.​ഇ മ​ത​കാ​ര്യ വ​കു​പ്പ്​ സം​ഘ​ടി​പ്പി​ച്ച ഖു​ർ​ആ​ൻ പാ​രാ​യ​ണ മ​ൽ​സ​ര​ത്തി​ൽ ഒ​ന്നാ​മ​തെ​ത്തി​യി​ട്ടു​ണ്ട്. വീ​ട്ടി​ൽ മ​ല​യാ​ളം പോ​ലെ ത​ന്നെ അ​റ​ബി​യും കൈ​കാ​ര്യം ചെ​യ്യു​ന്ന​വ​രാ​ണ് ഈ ​കു​ടും​ബം.

എ​ട്ടു​മ​ക്ക​ളി​ൽ സം​സാ​രി​ച്ചു തു​ട​ങ്ങി​യി​ട്ടി​ല്ലാ​ത്ത ഈ ​കു​ഞ്ഞു സ​ൽ​മ​യൊ​ഴി​കെ എ​ല്ലാ​വ​രും അ​റ​ബി സം​സാ​രി​ക്കും. മൂ​ത്ത സ​ഹോ​ദ​ര​നെ പോ​ലെ അ​ടു​ത്ത​വ​ർ​ഷ​ങ്ങ​ളി​ൽ ഹാ​ഫി​ളാ​കാ​നു​ള്ള ഒ​രു​ക്ക​ത്തി​ലാ​ണ് എ​ല്ലാ​വ​രും. ഫാ​ത്തി​മ​ക്ക്​ പു​റ​മെ, ഇ​ബ്രാ​ഹീം ദ​ഖ്​​വാ​ൻ, റു​മൈ​സ, ഇ​ബ്രാ​ഹീം സൗ​ബാ​ൻ, അ​ഫ്​​റ, ഖ​ൽ​സം, സ​ൽ​മ എ​ന്നി​വ​രാ​ണ്​ ഹ​സ്സാ​ന്‍റെ ​സ​ഹോ​ദ​ര​ങ്ങ​ൾ.

സ്കൂ​ളി​ൽ ഏ​റ്റ​വും മി​ക​ച്ച പ്രോ​ൽ​സാ​ഹ​ന​മാ​ണ്​ അ​ധ്യാ​പ​ക​ർ പ​ഠ​ന​ത്തി​ന്​ ന​ൽ​കു​ന്ന​തെ​ന്ന്​ ഹ​സ്സാ​ൻ സാ​ക്ഷ്യ​പ്പെ​ടു​ത്തു​ന്നു. വി​വി​ധ രാ​ജ്യ​ക്കാ​രു​മാ​യി ഇ​ട​പ​ഴ​കാ​നും അ​വ​രു​ടെ സം​സ്കാ​രം മ​ന​സി​ലാ​ക്കാ​നും പ​ഠ​നം ഉ​പ​ക​രി​ച്ചു. എ​ല്ലാ കാ​ര്യ​ങ്ങ​ളി​ലും സം​തൃ​പ്തി​യാ​ണു​ള്ള​ത്. ഗ​ൾ​ഫ്​ രാ​ജ്യ​ങ്ങ​ളി​ലെ സി​ല​ബ​സ്​ എ​ല്ലാം സ​മാ​ന​മാ​യ​തി​നാ​ൽ സൗ​ദി​യി​ൽ നി​ന്ന്​ യു.​എ.​ഇ​യി​ൽ എ​ത്തി​യ​പ്പോ​ൾ വ​ലി​യ പ്ര​യാ​സ​ങ്ങ​ളു​ണാ​യി​രു​ന്നി​ല്ല.

വ​ള​രെ ല​ളി​ത​മാ​ണ്​ സി​ല​ബ​സെ​ന്നും ഹ​സ്സാ​ൻ പ​റ​യു​ന്നു. മെ​ഡി​ക്ക​ൽ മേ​ഖ​ല​യി​ൽ പ​ഠ​നം തു​ട​ര​ണ​മെ​ന്നാ​ണ്​ ഈ ​മി​ടു​ക്ക​​ന്‍റെ ആ​ഗ്ര​ഹം. യു.​എ.​ഇ​യി​ൽ ത​ന്നെ പ​ഠ​നം പൂ​ർ​ത്തി​യാ​ക്കാ​നാ​ണ്​ ല​ക്ഷ്യ​മി​ടു​ന്ന​ത്. എ​ന്നാ​ൽ മെ​ഡി​ക്ക​ൽ രം​ഗം ചി​ല​വേ​റി​യ​താ​ണെ​ന്ന​ത്​ ഭാ​വി​യെ കു​റി​ച്ച ആ​ശ​ങ്ക​യാ​യി ബാ​ക്കി​യു​ണ്ട്. പ​ഠ​ന​ത്തി​നും ഉ​പ​ജീ​വ​ന​ത്തി​നും യു.​എ.​ഇ ന​ൽ​കു​ന്ന പ്രോ​ത്സാ​ഹ​ന​ത്തി​നും ആ​നു​കൂ​ല്യ​ങ്ങ​ൾ​ക്കും എ​ന്നെ​ന്നേ​ക്കും ക​ട​പ്പാ​ടു​ണ്ടെ​ന്നും ന​ന്മ​യു​ടെ ഈ ​രാ​ജ്യം ഉ​ന്ന​മ​ന​ത്തി​ലും ഉ​യ​ർ​ച്ച​യി​ലും മു​ന്നി​ട്ടു നി​ൽ​ക്കാ​നാ​ണ്​ പ്രാ​ർ​ഥ​ന​യെ​ന്നും ഇ​സ്ഹാ​ഖ്​ ന​ദ്​​വി പ​റ​യു​ന്നു.