ആണിയും നൂലും വരകളായി; സൗദി ഭരണാധികാരികളുടെ ചിത്രങ്ങളൊരുക്കി ഷാജിത്ത്

ന​ജിം കൊ​ച്ചു​ക​ലു​ങ്ക്​

റി​യാ​ദ്​: ക​റു​ത്ത നൂ​ലും ആ​ണി​യും കൊ​ണ്ട്​​ സൗ​ദി ഭ​ര​ണാ​ധി​കാ​രി​ക​ളു​ടെ മ​നം​ക​വ​രും ചി​ത്ര​ങ്ങ​ളൊ​രു​ക്കി പ്ര​വാ​സി ചി​ത്ര​കാ​ര​ൻ. വൃ​ത്താ​കൃ​തി​യി​ലു​ള്ള കാ​ൻ​വാ​സ്​ ​ഫ്രെ​യി​മി​​നു​ള്ളി​ൽ ആ​ണി​ക​ള​ടി​ച്ച്​ അ​വ​യി​ൽ നൂ​ലു​വ​ലി​ച്ചു​കെ​ട്ടി ചി​ത്ര​രൂ​പ​ങ്ങ​ൾ മെ​ന​ഞ്ഞ്​ വി​സ്​​മ​യം തീ​ർ​ത്ത​ത്​​​ റി​യാ​ദി​ലെ മ​ല​യാ​ളി ചി​ത്ര​കാ​ര​ൻ ഷാ​ജി​ത്ത് നാ​രാ​യ​ണ​നാ​ണ്.

വൃ​ത്താ​കൃ​തി​യി​ൽ എ​ഴു​ന്നു​നി​ൽ​ക്കു​ന്ന ആ​ണി​ക​ൾ​ക്കി​ട​യി​ൽ ക​റു​ത്ത നൂ​ലു​കൊ​ണ്ട്​ ഇ​ഴ​പാ​കി​യ​പ്പോ​ൾ തെ​ളി​ഞ്ഞ​ത്​ സ​ൽ​മാ​ൻ രാ​ജാ​വി​​ന്റെ​യും കി​രീ​ടാ​വ​കാ​ശി​യും പ്ര​ധാ​ന​മ​ന്ത്രി​യു​മാ​യ അ​മീ​ർ മു​ഹ​മ്മ​ദ്​ ബി​ൻ സ​ൽ​മാ​​ന്റെ​യും മി​ഴി​വു​റ്റ ഛായാ​ചി​ത്ര​ങ്ങ​ൾ. 300 ആ​ണി​യും ഒ​ന്ന​ര കി​ലോ​മീ​റ്റ​റി​ലേ​റെ നീ​ള​മു​ള്ള ക​റു​ത്ത നൂ​ലും ഉ​പ​യോ​ഗി​ച്ചാ​ണ്​ ഈ ​ക​ര​വി​രു​ത്​.

വ്യ​ത്യ​സ്ത​മാ​യ ചി​ത്ര​ങ്ങ​ൾ ചെ​യ്​​ത്​ ഇ​തി​നു​മു​മ്പും​ ശ്ര​ദ്ധേ​യ​നാ​യ ഷാജി​ത്ത്​ ഇ​ത്ത​വ​ണ സൗ​ദി അ​റേ​ബ്യ​യു​ടെ 92-ാമ​ത് ദേ​ശീ​യ ദി​ന​ത്തോ​ട​നു​ബ​ന്ധി​ച്ചാ​ണ്​ ആ​ണി​യും നൂ​ലും കൊ​ണ്ടു​ള്ള പ​രീ​ക്ഷ​ണ​ത്തി​ന്​ ഒ​രു​​മ്പെ​ട്ട​ത്. ഏ​ക​ദേ​ശം 12 മ​ണി​ക്കൂ​റോ​ളം സ​മ​യ​മെ​ടു​ത്താ​ണ് ഓ​രോ ചി​ത്ര​വും പൂ​ർ​ത്തീ​ക​രി​ച്ച​ത്.

റി​യാ​ദി​ലെ അ​ൽ മ​അ് രി​ഫ യൂ​നി​വേ​ഴ്സി​റ്റി​യി​ൽ ന​ട​ന്ന സൗ​ദി ദേ​ശീ​യ​ദി​നാ​ഘോ​ഷ ച​ട​ങ്ങി​ൽ സ​ർ​വ​ക​ലാ​ശാ​ല​യു​ടെ പ്ര​സി​ഡ​ൻ​റ് പ്ര​ഫ. വലി​ദ് അ​ബു അ​ൽ​ഫ​റ​ജ് ഷാ​ജി​ത്തി​ന്‌ പ്ര​ശ​സ്തി പ​ത്ര​വും ഉ​പ​ഹാ​ര​വും സ​മ്മാ​നി​ച്ചു. സൗ​ദി ഭ​ര​ണാ​ധി​കാ​രി​ക​ളു​ടെ മ​നോ​ഹ​ര ചി​ത്ര​ങ്ങ​ൾ വേ​റി​ട്ട​രീ​തി​യി​ൽ ചി​ത്രീ​ക​രി​ച്ച് സൗ​ദി അ​റേ​ബ്യ​യോ​ട് ത​ന്റെ സ്നേ​ഹ​വും ബ​ഹു​മാ​ന​വും പ്ര​ക​ടി​പ്പി​ച്ച ഷാ​ജി​ത്തി​നെ ച​ട​ങ്ങി​ൽ അ​ദ്ദേ​ഹം ആ​ദ​രി​ക്കു​ക​യും അ​നു​മോ​ദി​ക്കു​ക​യും ചെ​യ്തു.

സൗ​ദി പൗ​ര​ന്മാ​രി​ൽ​നി​ന്നും ത​​ന്റെ സു​ഹൃ​ത്തു​ക്ക​ളി​ൽ​നി​ന്നും ചി​ത്ര​ങ്ങ​ൾ​ക്ക് മി​ക​ച്ച പ്ര​തി​ക​ര​ണ​മാ​ണ് ഇ​തി​ന​കം ല​ഭി​ച്ചി​ട്ടു​ള്ള​തെ​ന്ന്​ ഷാജി​ത്ത്​ 'ഗ​ൾ​ഫ്​ മാ​ധ്യ​മ'​ത്തോ​ട്​ പ​റ​ഞ്ഞു. സ​മാ​ന​രീ​തി​യി​ലു​ള്ള കൂ​ടു​ത​ൽ ചി​ത്ര​ങ്ങ​ൾ ത​യാ​റാ​ക്കാ​നു​ള്ള തീ​രു​മാ​ന​ത്തി​ലാ​ണ് ഷാ​ജി​ത്ത്.

വാ​ട്ട​ർ​ക​ള​ർ, ഓ​യി​ൽ, അ​ക്രി​ലി​ക്, പാ​സ്​​റ്റ​ൽ, പെ​ൻ​സി​ൽ, കോ​ഫി, അ​ക്ഷ​ര​ങ്ങ​ൾ തു​ട​ങ്ങി​യ​വ ഉ​പ​യോ​ഗി​ച്ച് ആ​ക​ർ​ഷ​ക​മാ​യ ഒ​ട്ട​ന​വ​ധി ചി​ത്ര​ങ്ങ​ൾ ഇ​തി​ന​കം വ​ര​ച്ചി​ട്ടു​ണ്ട്. ചി​ത്ര​ര​ച​ന ശാ​സ്ത്രീ​യ​മാ​യി പ​ഠി​ച്ചി​ട്ടി​ല്ല. ക​ഴി​ഞ്ഞ വ​ർ​ഷ​ത്തെ സൗ​ദി ദേ​ശീ​യ ദി​ന​ത്തോ​ട​നു​ബ​ന്ധി​ച്ച് അ​രി​മ​ണി​ക​ൾ കൊ​ണ്ട് വ​ര​ച്ച സൗ​ദി ഭ​ര​ണാ​ധി​കാ​രി​ക​ളു​ടെ ചി​ത്രം ഒ​ട്ടേ​റെ പ്ര​ശം​സ പി​ടി​ച്ചു​പ​റ്റി​യി​രു​ന്നു. ക​ണ്ണൂ​ർ ചൊ​വ്വ സ്വ​ദേ​ശി​യാ​യ ഷാ​ജി​ത്ത് കു​ടും​ബ​ത്തോ​ടൊ​പ്പം റി​യാ​ദി​ലാ​ണ് താ​മ​സം. ഭാ​ര്യ ഷൈ​ജ. മ​ക്ക​ൾ അ​ശ്വി​ൻ, ഐ​ശ്വ​ര്യ.