ഒരു രൂപകൊണ്ട് ഉഗ്രൻ ‘നമ്പറുകളൊരുക്കി’ അധ്യാപകൻ

ചേ​ർ​ത്ത​ല: ദി​വ​സ​വും നോ​ട്ടു​ക​ൾ ക്ര​യ​വി​ക്ര​യം ന​ട​ത്തു​ന്ന​വ​രാ​ണ്​ ന​മ്മ​ൾ. ഇ​തി​ലെ പ്ര​ത്യേ​ക​ത​ക​ൾ ഒ​ന്നും ന​മ്മ​ൾ ശ്ര​ദ്ധി​ക്കാ​റി​ല്ല. എ​ന്നാ​ൽ, ഇ.​എം.​എ​സി​ന്‍റെ ജ​ന്മ​ദി​നം എ​ന്നാ​ണെ​ന്ന്​ ചോ​ദി​ച്ചാ​ൽ അ​ധ്യാ​പ​ക​നാ​യ അ​രവി​ന്ദ് കു​മാ​ർ ഒ​രു രൂ​പ​യു​ടെ നോ​ട്ട്​ ന​മു​ക്ക്​ നേ​രെ നീ​ട്ടും. നോ​ട്ടി​ന്‍റെ ന​മ്പ​ർ വാ​യി​ക്കാ​ൻ പ​റ​യും. വാ​യി​ക്കു​മ്പോ​ൾ ന​മ്മ​ൾ അ​ത്​​ഭു​ത​പ്പെ​ടും. അ​തി​ലെ ന​മ്പ​ർ ഇ.​എം.​എ​സി​ന്‍റെ ജ​ന്മ​ദി​ന​വും വ​ർ​ഷ​വും സൂ​ചി​പ്പി​ക്കു​ന്ന 13-06-09 എ​ന്ന​താ​കും. ഇ​ങ്ങ​നെ മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍റേ​ത്​ അ​ട​ക്കം ഒ​ട്ടേ​റെ നേ​താ​ക്ക​ളു​ടെ ജ​ന്മ​ദി​നം ന​മ്പ​റാ​യി​വ​രു​ന്ന നോ​ട്ടു​ക​ളു​ടെ ശേ​ഖ​ര​മാ​ണ്​ ചേ​ർ​ത്ത​ല ടൗ​ൺ എ​ൽ.​പി.​എ​സി​ലെ അ​ധ്യാ​പ​ക​ൻ ന​ഗ​ര​സ​ഭ 34ാം വാ​ർ​ഡി​ൽ പ്ര​ഥ​മേ​ഷ് മ​ന്ദി​റി​ലെ അ​രവി​ന്ദ് കു​മാ​റി​ന്‍റെ പ​ക്ക​ലു​ള്ള​ത്.

സം​സ്ഥാ​ന​ത്തെ 140 നി​യ​മ​സ​ഭ സാ​മാ​ജി​ക​രു​ടെ ജ​ന്മ​ദി​ന​വും വാ​ർ​ഷി​ക​വും സൂ​ചി​പ്പി​ക്കു​ന്ന ന​മ്പ​റു​ള്ള ഒ​റ്റ​രൂ​പ നോ​ട്ടു​ക​ൾ ഇ​ദ്ദേ​ഹ​ത്തി​ന്‍റെ പ​ക്ക​ലു​ണ്ട്. നോ​ട്ടും അ​തി​ലെ ന​മ്പ​ർ സൂ​ചി​പ്പി​ക്കു​ന്ന​ത്​ ആ​രു​ടെ ജ​ന്മ​ദി​ന​മെ​ന്ന്​ വി​വ​രി​ക്കു​ന്ന കു​റി​പ്പു​ക​ളും ചേ​ർ​ത്ത് പു​തു​ത​ല​മു​റ​ക്ക്​ അ​റി​വ്​ പ​ക​രു​ക​യാ​ണ് അ​ർ​വി​ന്ദ് കു​മാ​ർ.

സ്വാ​ത​ന്ത്ര്യ​സ​മ​ര​ത്തി​ലെ പ്ര​ധാ​ന സം​ഭ​വ​ങ്ങ​ൾ, ശാ​സ്ത്ര​ക​ണ്ടു​പി​ടി​ത്തം ന​ട​ന്ന​വ​ർ​ഷം, പു​ന്ന​പ്ര-​വ​യ​ലാ​ർ സ​മ​രം, ചാ​ന്ദ്ര​യാ​ൻ തു​ട​ങ്ങി​യ​വ​യു​ടെ​യെ​ല്ലാം തീ​യ​തി​യും വ​ർ​ഷ​വും ന​മ്പ​റാ​യു​ള്ള നോ​ട്ടു​ക​ൾ അ​ർ​വി​ന്ദി​ന്‍റെ ശേ​ഖ​ര​ത്തി​ലു​ണ്ട്. പ്ര​ധാ​ന​മ​ന്ത്രി ന​രേ​ന്ദ്ര​മോ​ദി​യു​ടെ ജ​ന്മ​ദി​ന​മാ​യ11-09-50 മു​ത​ൽ കേ​ര​ള മു​ഖ്യ​മ​ന്ത്രി പി​ണ​റാ​യി വി​ജ​യ​ന്റെ ജ​ന്മ​ദി​ന​മാ​യ 24-05-45വ​രെ ന​മ്പ​റാ​യു​ള്ള ഒ​റ്റ​രൂ​പ നോ​ട്ടു​ക​ളു​ണ്ട്. കൂ​ടാ​തെ എ​ല്ലാ മ​ന്ത്രി​മാ​രു​ടെ​യും ജ​ന്മ​ദി​ന​വും വ​ർ​ഷ​വും ദി​വ​സം വ​രെ​യും കേ​ര​ള​ത്തി​ലെ ആ​ദ്യ​മ​ന്ത്രി​സ​ഭ രൂ​പം കൊ​ണ്ട ദി​വ​സ​മാ​യ 05-04-57ഉം ​ഒ​രു രൂ​പ​യു​ടെ ന​മ്പ​റി​ൽ അ​ർ​വി​ന്ദ് ക്ര​മ​പ്പെ​ടു​ത്തി​യി​ട്ടു​ണ്ട്.

മ​റ്റ​ത്തി​ൽ ഭാ​ഗം ഹൈ​സ്കൂ​ളി​ലെ മു​ൻ പ്ര​ഥ​മാ​ധ്യാ​പ​ക​ൻ അ​ശോ​ക് കു​മാ​റാ​ണ് നോ​ട്ട് ശേ​ഖ​ര​ണ​ത്തി​ന് പ്ര​ചോ​ദ​ന​മാ​യ​ത്. 17ാം വ​യ​സ്സ്​ മു​ത​ൽ നോ​ട്ടു​ക​ൾ ശേ​ഖ​രി​ച്ച് തു​ട​ങ്ങി. കേ​ര​ള​ത്തി​ന് പു​റ​മെ ഡ​ൽ​ഹി, ക​ർ​ണാ​ട​ക, ത​മി​ഴ്നാ​ട് തു​ട​ങ്ങി​യ സം​സ്ഥാ​ന​ങ്ങ​ളി​ൽ​നി​ന്നു​മാ​ണ് നോ​ട്ടു​ക​ൾ ശേ​ഖ​രി​ച്ച​ത്. ഇ​പ്പോ​ൾ ഒ​രു ല​ക്ഷ​ത്തി​ലേ​റെ രൂ​പ​യു​ടെ ഒ​രു രൂ​പ നോ​ട്ടു​ക​ൾ അ​ർ​വി​ന്ദ് കു​മാ​റി​ന്റെ പ​ക്ക​ലു​ണ്ട്.

നോ​ട്ട് ശേ​ഖ​ര​ണ​ത്തി​നൊ​പ്പം സ്റ്റാ​മ്പു​ക​ളു​ടെ വി​പു​ല​മാ​യ ശേ​ഖ​ര​ണ​വും അ​രവി​ന്ദി​നു​ണ്ട്. ഗാ​ന്ധി​ജി​യെ​ക്കു​റി​ച്ചു​ള്ള സ്റ്റാ​മ്പു​ക​ളാ​ണ് ഏ​റെ​യും. വി​വി​ധ രാ​ജ്യ​ങ്ങ​ളി​ലെ രാ​ഷ്ട്ര​ത​ല​വ​ന്മാ​രു​ടെ​യും ച​രി​ത്ര​ദി​വ​സ​ങ്ങ​ളി​ലെ​യും സ്റ്റാ​മ്പു​ക​ളു​ടെ അ​മൂ​ല്യ​ശേ​ഖ​ര​വും ഇ​ദ്ദേ​ഹ​ത്തി​നു​ണ്ട്. 2013 മു​ത​ൽ 2019 വ​രെ തു​ട​ർ​ച്ച​യാ​യി ലിം​ക റെ​ക്കോ​ഡ്‌​സി​ലും ഇ​ടം നേ​ടി. കു​ട്ടി​ക്കാ​ല​ത്ത് സാ​മ്പ​ത്തി​ക ബു​ദ്ധി​മു​ട്ട്​ കാ​ര​ണം ഇ​ട​ക്കു​വെ​ച്ച് പ​ഠ​നം നി​ർ​ത്തേ​ണ്ടി വ​ന്ന അ​ർ​വി​ന്ദ് എ​ൽ.​ഐ.​സി എ​ജ​ന്‍റാ​യി പ്ര​വ​ർ​ത്തി​ച്ചു. പി​ന്നീ​ട് ഓ​ൺ​ലൈ​ൻ വി​ദ്യാ​ഭ്യാ​സം വ​ഴി ബി​രു​ദ​ത്തി​ന് റാ​ങ്ക് നേ​ടി. കു​റേ​ക്കാ​ലം സ്വ​കാ​ര്യ ക​മ്പ​നി​ക​ളി​ൽ പ്ര​വ​ർ​ത്തി​ച്ചു.

ഇ​പ്പോ​ൾ ചേ​ർ​ത്ത​ല ടൗ​ൺ എ​ൽ.​പി സ്കൂ​ളി​ൽ അ​ധ്യാ​പ​ക​നാ​ണ്. ക​റ​ൻ​സി-​നാ​ണ​യ ശേ​ഖ​രം കൂ​ടാ​തെ സ്റ്റാ​മ്പും തീ​പ്പ​ട്ടി​ക്ക​വ​റു​ക​ളു​ടെ​യും വ​ൻ​ശേ​ഖ​ര​മാ​ണ് വീ​ട്ടി​ലു​ള്ള​ത്. ഞാ​യ​റാ​ഴ്ച ഉ​ച്ച​യോ​ടെ ഇ​വ കാ​ണാ​ൻ മ​ന്ത്രി പി. ​പ്ര​സാ​ദ് അ​ർ​വി​ന്ദി​ന്‍റെ വീ​ട്ടി​ൽ എ​ത്തി​യി​രു​ന്നു. ഒ​രു മ​ണി​ക്കൂ​റോ​ളം എ​ല്ലാം നേ​രി​ട്ട് ക​ണ്ട് പ്രോ​ത്സാ​ഹി​ച്ചാ​ണ് മ​ന്ത്രി മ​ട​ങ്ങി​യ​ത്. തി​രു​ന​ല്ലൂ​ർ സ്കൂ​ളി​ൽ അ​ധ്യാ​പി​ക​യാ​യ ജ്യോ​തി​ല​ക്ഷ്മി​യാ​ണ്​ ഭാ​ര്യ. ഏ​ക​മ​ക​ൾ സി​ദ്ധി ടൗ​ൺ എ​ൽ.​പി സ്കൂ​ൾ ര​ണ്ടാം ക്ലാ​സ് വി​ദ്യാ​ർ​ഥി​നി​യാ​ണ്.