വെ​ടി​ക്കെ​ട്ടു​ക​ളെ പ്ര​ണ​യി​ച്ച ഫോ​ട്ടോ​ഗ്രാ​ഫ​ർ

ഇ​മാ​റാ​ത്തി​ന്‍റെ ആ​ഘോ​ഷ​ദി​ന​ങ്ങ​ളി​ൽ ആ​കാ​ശ​ത്തി​ന്‍റെ ക​റു​ത്ത കാ​ൻ​വാ​സി​ൽ തെ​ളി​യു​ന്ന നി​റ​മു​ള്ള വെ​ളി​ച്ച​ത്തി​ന​ന്തൊ​രു ഭം​ഗി​യാ​ണ​ല്ലേ. ക്യാ​മ​റ ക​ണ്ണു​ക​ൾ കൂ​ർ​പ്പി​ച്ച് പി​ന്നീ​ടൊ​രി​ക്ക​ലും സം​ഭ​വി​ക്കാ​ൻ ഇ​ട​യി​ല്ലാ​ത്ത ആ ​വ​ർ​ണ്ണ​വെ​ളി​ച്ച​ത്തെ നി​ശ്ച​ല​മാ​ക്കി നി​ർ​ത്തു​ന്ന ഓ​രോ ഫോ​ട്ടോ​ക​ൾ​ക്ക് പി​ന്നി​ലും ക​ഴി​വു​റ്റൊ​രു ഫോ​ട്ടോ​ഗ്രാ​ഫ​റു​ടെ പ്ര​തി​ഭ തെ​ളി​ഞ്ഞു നി​ൽ​ക്കു​ന്ന​ത് കാ​ണാം. വെ​ടി​ക്കെ​ട്ടു​ക​ളെ പ്ര​ണ​യി​ച്ച് വ​ർ​ഷ​ങ്ങ​ളാ​യി അ​ത്ത​രം നി​ശ്ച​ല ദൃ​ശ്യ​ങ്ങ​ൾ പ​ക​ർ​ത്തി ആ​ളു​ക​ളെ അ​ത്ഭു​ത​പ്പെ​ടു​ത്തു​ക​യാ​ണ് ക​മാ​ൽ കാ​സിം എ​ന്ന മ​ല​യാ​ളി ഫോ​ട്ടോ​ഗ്രാ​ഫ​ർ.

ഷാ​ർ​ജ ആ​സ്ഥാ​ന​മാ​യി പു​റ​ത്തി​റ​ങ്ങു​ന്ന ഗ​ൾ​ഫ് ടു​ഡേ ഇം​ഗ്ലീ​ഷ് ദി​ന​പ​ത്ര​ത്തി​ൽ ര​ണ്ടു പ​തി​റ്റാ​ണ്ടു കാ​ല​മാ​യി ഫോ​ട്ടോ​ജേ​ർ​ണ​ലി​സ്റ്റാ​യി ജോ​ലി​ചെ​യ്യു​ന്ന ക​മാ​ൽ കാ​സി​മി​ന് ഫോ​ട്ടോ​ഗ്ര​ഫി​യി​ൽ ഏ​റ്റ​വും ഇ​ഷ്ട​വി​ഷ​യ​വും വെ​ടി​കെ​ട്ട് ത​ന്നെ​യാ​ണ്. ര​ണ്ടു പ​തി​റ്റാ​ണ്ടു കാ​ല​മാ​യി യു.​എ.​ഇ​യി​ൽ ന​ട​ന്ന താ​ൻ പ​ക​ർ​ത്തി​യ വെ​ടി​ക്കെ​ട്ടു ഫോ​ട്ടോ​ക​ളു​ടെ ഒ​രു ശേ​ഖ​രം ത​ന്നെ​യു​ണ്ട് ക​മാ​ലി​ന്‍റെ പ​ക്ക​ൽ.

പൂ​ര​ങ്ങ​ളു​ടെ നാ​ടാ​യ തൃ​ശ്ശൂ​ർ ജി​ല്ല​യി​ലെ ചാ​വ​ക്കാ​ട് സ്വ​ദേ​ശി​യാ​ണ് ക​മാ​ൽ കാ​സിം. തൃ​ശ്ശൂ​ർ പൂ​ര​ത്തി​ൽ ന​ട​ക്കാ​റു​ള്ള വെ​ടി​ക്കെ​ട്ട് ഫി​ലിം​ക്യാ​മ​റ​യി​ൽ പ​ക​ർ​ത്തി​യാ​ണ് വെ​ടി​ക്കെ​ട്ട് ഫോ​ട്ടോ​ഗ്ര​ഫി​യി​ലേ​ക്ക് തു​ട​ക്കം കു​റി​ക്കു​ന്ന​ത്. വ​ർ​ണ്ണാ​ഭ​മാ​യ നി​റ​ക്കൂ​ട്ടു​ക​ൾ​കൊ​ണ്ട് ആ​കാ​ശ​ത്ത് തെ​ളി​യു​ന്ന വ​ർ​ണ്ണ​വെ​ളി​ച്ച​ങ്ങ​ൾ​ക്ക​പ്പു​റം ആ ​ഒ​രു​നി​മി​ഷ​ത്തി​നാ​യി കാ​ത്തി​രു​ന്ന് ചി​ന്നി​ചി​ത​റി​യ വെ​ളി​ച്ച​പ്പൊ​ട്ടു​ക​ൾ ഒ​ത്തു​ചേ​ർ​ന്ന് മ​നോ​ഹ​ര​മാ​ക്കി​യ ആ ​വ​ർ​ണ്ണ​നി​മി​ഷ​ത്തെ ഒ​റ്റ​ക്ലി​ക്കി​ൽ പ​ക​ർ​ത്തു​മ്പോ​ൾ ത​നി​ക്ക് ല​ഭി​ക്കു​ന്ന മ​ന​സു​ഖം അ​ത്ര​ത​ന്നെ വ​ലു​താ​ണെ​ന്നും താ​ത്പ​ര്യ​മു​ള്ള ജോ​ലി ചെ​യ്യു​മ്പോ​ൾ മ​ന​സി​ന് ല​ഭി​ക്കു​ന്ന സം​തൃ​പ്തി​യാ​ണ് പ്ര​ധാ​ന​മെ​ന്നും ഓ​രോ വെ​ടി​ക്കെ​ട്ട് ഫോ​ട്ടോ പ​ക​ർ​ത്തു​മ്പോ​ഴും താ​നാ ജോ​ലി ആ​സ്വ​ദി​ക്കു​ക​യാ​ണെ​ന്നും ക​മാ​ൽ കാ​സിം പ​റ​യു​ന്നു.

വെ​ടി​ക്കെ​ട്ടു പ്ര​ദ​ർ​ശ​ന​ങ്ങ​ൾ ഇ​മാ​റാ​ത്തി ദേ​ശി​യ അ​ട​യാ​ള​ത്തി​ന്‍റെ ത​ന്നെ ഭാ​ഗ​മാ​യി മാ​റി​യി​രി​ക്കു​ന്ന ഈ ​കാ​ല​ത്ത് വെ​ടി​ക്കെ​ട്ടി​ല്ലാ​തെ യു.​എ.​ഇ​യി​ലെ ഒ​രു ദേ​ശി​യ ആ​ഘോ​ഷ​വും പൂ​ർ​ത്തി​യാ​വി​ല്ല. ഏ​ത് എ​മി​റേ​റ്റി​ൽ വെ​ടി​ക്കെ​ട്ടു​ണ്ടെ​ന്ന് കേ​ട്ടാ​ലും എ​ല്ലാ ജോ​ലി​ത്തി​ര​ക്കു​ക​ളും മാ​റ്റി​വെ​ച്ച് വെ​ടി​ക്കെ​ട്ട് ഫോ​ട്ടോ പ​ക​ർ​ത്താ​ൻ ക​മാ​ൽ അ​വി​ടെ​യു​ണ്ടാ​കും. ഞൊ​ടി​യി​ട​കൊ​ണ്ട് ആ​കാ​ശ​ത്ത് തെ​ളി​യു​ന്ന​തും ഇ​ല്ലാ​താ​കു​ന്ന​തു​മാ​യ നി​മി​ഷ​ങ്ങ​ൾ ക്യാ​മ​റ​യി​ൽ പ​ക​ർ​ത്തു​ക​യെ​ന്ന​ത് ഫോ​ട്ടോ​ഗ്ര​ഫി​യി​ലെ മ​റ്റു​മേ​ഖ​ല​ക​ളെ അ​പേ​ക്ഷി​ച്ച്​ വ​ള​രെ ശ്ര​ദ്ധ​യും ക്ഷ​മ​യും ആ​വ​ശ്യ​മു​ള്ള ഒ​ന്നാ​ണ്. നി​റ​വും വെ​ളി​ച്ച​വും ദൂ​ര​വും എ​ല്ലാം ഒ​ത്തു​ചേ​ർ​ന്ന അ​നു​യോ​ജ്യ​മാ​യൊ​രു സ്ഥ​ലം ക​ണ്ടെ​ത്തു​ക മു​ത​ൽ ക്യാ​മെ​റ​യെ​ല്ലാം സെ​റ്റു​ചെ​യ്തു കേ​വ​ലം ര​ണ്ടോ മൂ​ന്നോ മി​നി​റ്റു​ക​ൾ മാ​ത്രം വ​ന്നു​പോ​വു​ന്ന വെ​ളി​ച്ച​ങ്ങ​ൾ​ക്കു​വേ​ണ്ടി​യു​ള്ള കാ​ത്തി​രി​പ്പും വെ​ടി​ക്കെ​ട്ട് ഫോ​ട്ടോ​ക​ളെ മ​റ്റു​ള്ള​വ​യി​ൽ നി​ന്ന് വ്യ​ത്യ​സ്ഥ​മാ​ക്കു​ന്നു.

വെ​ടി​ക്കെ​ട്ട് ഫോ​ട്ടോ​പ​ക​ർ​ത്തു​മ്പോ​ഴും സ്​​നേ​ഹ​ത്തോ​ടെ ക​മാ​ൽ കാ​സി​മി​ന്​ ഒ​രു പ​രി​ഭ​വ​മു​ണ്ട്. മി​ക്ക എ​മി​റേ​റ്റി​ലെ​യും വെ​ടി​ക്കെ​ട്ടു സം​ഘാ​ട​ക​ർ ഫോ​ട്ടോ എ​ടു​ക്കാ​ൻ വി​ളി​ക്കാ​റു​ണ്ട്. എ​ന്നാ​ൽ, ഈ ​ചി​ത്ര​ങ്ങ​ൾ പ്ര​മു​ഖ പ​ത്ര​ങ്ങ​ളി​ൽ അ​ടി​ച്ചു​വ​രു​മ്പോ​ൾ ഫോ​ട്ടോ​ഗ്രാ​ഫ​റു​ടെ പേ​ര്​ രേ​ഖ​പ്പെ​ടു​ത്തി​യി​ട്ടു​ണ്ടാ​വി​ല്ല. ത​ന്‍റെ വെ​ടി​കെ​ട്ടു​പ്ര​ണ​യ​ത്തെ കു​റി​ച്ച​റി​യു​ന്ന സു​ഹൃ​ത്തു​ക്ക​ൾ പ​ത്ര​ത്തി​ലെ ചി​ത്രം ക​ണ്ട്​ വി​ളി​ച്ചു​പ​റ​യു​മ്പോ​ൾ, ആ ​ഫോ​ട്ടോ താ​നെ​ടു​ത്ത​താ​ണെ​ന്നു പ​റ​യാ​ൻ​ക​ഴി​യാ​ത്ത​തി​ൽ പ​ല​പ്പോ​ഴും ദുഃ​ഖം തോ​ന്നി​യി​ട്ടു​ണ്ടെ​ന്നും ക​മാ​ൽ പ​റ​യു​ന്നു.

വെ​ടി​കെ​ട്ടി​നോ​ടു​ള്ള അ​തി​യാ​യ പ്ര​ണ​യം കൊ​ണ്ടും വ​ർ​ഷ​ങ്ങ​ളാ​യു​ള്ള അ​ധ്വാ​നം കൊ​ണ്ടു​മാ​ണ് ത​നി​ക്ക് ഇ​ത്ര​യും മ​നോ​ഹ​ര​മാ​യി ഫോ​ട്ടോ​ക​ൾ പ​ക​ർ​ത്താ​ൻ സാ​ധി​ക്കു​ന്ന​തെ​ന്ന് ക​മാ​ൽ അ​ഭി​പ്രാ​യ​പ്പെ​ടു​ന്നു. 15 അ​ന്താ​രാ​ഷ്ട്ര അ​വാ​ർ​ഡു​ക​ള​ട​ക്കം 42ഓ​ളം ഫോ​ട്ടോ​ഗ്രാ​ഫി അ​വാ​ർ​ഡു​ക​ൾ ഇ​തു​വ​രെ ക​മാ​ലി​നെ തേ​ടി​യെ​ത്തി​യി​ട്ടു​ണ്ട്. തു​ട​ർ​ച്ച​യാ​യി ഏ​ഴ് ത​വ​ണ ദു​ബൈ ഷോ​പ്പി​ങ്​ ഫെ​സ്റ്റി​വ​ൽ ഫോ​ട്ടോ​ഗ്രാ​ഫി അ​വാ​ർ​ഡ്​ നേ​ടി. ഇ​തി​ൽ നാ​ലു ത​വ​ണ​യും വെ​ടി​ക്കെ​ട്ടാ​യി​രു​ന്നു ഫ്രെ​യി​മി​ൽ. യു.​എ.​ഇ​യി​ൽ ത​ന്നെ ഫോ​ട്ടോ​ഗ്രാ​ഫി​യി​ൽ ഏ​റ്റ​വും കൂ​ടു​ത​ൽ അ​വാ​ർ​ഡു​ക​ൾ വാ​ങ്ങി​യ ഫോ​ട്ടോ​ഗ്രാ​ഫ​ർ​മാ​രി​ൽ ഒ​ന്നാ​മ​താ​ണ് ക​മാ​ൽ കാ​സിം.

ഏ​ക​ദേ​ശം 32 വ​ർ​ഷ​മാ​യി ഫോ​ട്ടോ​ഗ്ര​ഫി മേ​ഖ​ല​യി​ലു​ള്ള ക​മാ​ൽ, 11 വ​ർ​ഷം ഖ​ത്ത​റി​ലാ​യി​രു​ന്നു. ഇ​പ്പോ​ൾ യു.​എ.​ഇ​യി​ലെ പ്ര​മു​ഖ ഇം​ഗ്ലീ​ഷ് ദി​ന​പ​ത്ര​മാ​ധ്യ​മാ​യ ഗ​ൾ​ഫ് ടു​ഡേ, അ​ൽ ഖ​ലീ​ജ് എ​ന്നി​വ​യു​ടെ ഫോ​ട്ടോ​ജേ​ർ​ണ​ലി​സ്റ്റാ​ണ് ക​മാ​ൽ കാ​സിം. സു​നാ​മി, ജ​ല​ക്ഷാ​മം, ഇ​ന്ത്യ അ​റ​ബ്‌ സാം​സ്‌​കാ​രി​ക സൗ​ഹൃ​ദം, മ​രു​ഭൂ​മി​യി​ലെ ജീ​വി​തം, എ​ന്നി വി​ഷ​യ​ങ്ങ​ളി​ലെ ക​മാ​ലി​ന്‍റെ ഫോ​ട്ടോ​ഗ്രാ​ഫി പ്ര​ദ​ർ​ശ​ന​ങ്ങ​ൾ ഏ​റെ ശ്ര​ദ്ധേ​യ​മാ​യി​രു​ന്നു. യു.​എ.​ഇ​യി​ലെ പ്ര​ശ​സ്ത​മാ​യ പ​ബ്ലി​ഷി​ങ്​ ക​മ്പ​നി​യു​മാ​യി സ​ഹ​ക​രി​ച്ച്​ വെ​ടി​ക്കെ​ട്ട് ഫോ​ട്ടോ​ഗ്രാ​ഫി​യെ വി​ഷ​യ​മാ​ക്കി ഇം​ഗ്ലീ​ഷി​ൽ സ​മ​ഗ്ര​മാ​യ പു​സ്ത​കം ത​യ്യാ​റാ​കു​ന്ന​തി​ന്‍റെ പ​ണി​പ്പു​ര​യി​ലാ​ണ് ക​മാ​ൽ കാ​സിം.