അ​ര നൂ​റ്റാ​ണ്ടി​ന്‍റെ പ്ര​വാ​സ​നി​റ​വി​ൽ പൊ​ന്നാ​നി​യു​ടെ സാ​ലി​ഹ്ക്ക

മ​സ്ക​ത്ത്: പൊ​ന്നാ​നി​യി​ലെ പു​തു​വീ​ട് ത​റ​വാ​ട്ടി​ലെ അ​സീ​സ് അ​ബ്ദു​ൽ സാ​ലി​ഹി​ന്‍റെ മ​സ്ക​ത്തി​ലെ പ്ര​വാ​സ​ജീ​വി​ത​ത്തി​ന് ക​ഴി​ഞ്ഞ​ദി​വ​സം അ​ര​നൂ​റ്റാ​ണ്ട് പൂ​ർ​ത്തി​യാ​യി. 1973 മാ​ർ​ച്ച് മൂ​ന്നി​ന് മ​ത്ര​യി​ൽ ക​പ്പ​ലി​റ​ങ്ങി​യ ഇ​ദ്ദേ​ഹം ബേ​ക്ക​റി ജീ​വ​ന​ക്കാ​ര​നാ​യാ​ണ് പ്ര​വാ​സ​ജീ​വി​തം ആ​രം​ഭി​ക്കു​ന്ന​ത്. ക​ഠി​ന​മാ​യ യ​ത്ന​ത്തി​ലൂ​ടെ പ​ട​വു​ക​ൾ ക​യ​റി ഉ​യ​ര​ങ്ങ​ളി​ലെ​ത്തി​യ സാ​ലി​ഹ് ഒ​മാ​നി​ലെ പ്ര​മു​ഖ മ​സാ​ല​പ്പൊ​ടി സ്ഥാ​പ​ന​മാ​യ അ​സീ​ൽ സ്പൈ​സ​സി​ന്‍റെ മാ​നേ​ജി​ങ് ഡ​യ​റ​ക്ട​റാ​ണ് നി​ല​വി​ൽ. 2014ൽ ​ക​ര​ൾ​മാ​റ്റ ശ​സ്ത്ര​ക്രി​യ​ക്ക് വി​ധേ​യ​നാ​യ അ​ദ്ദേ​ഹം ഇ​പ്പോ​ഴും ഒ​മാ​നി​ൽ​ത​ന്നെ​യാ​ണ് ക​ഴി​യു​ന്ന​ത്.

ചി​കി​ത്സ ആ​വ​ശ്യാ​ർ​ഥം ഇ​ട​ക്കി​ടെ നാ​ട്ടി​ൽ​പോ​വേ​ണ്ടി വ​രാ​റു​ണ്ടെ​ങ്കി​ലും ജീ​വി​ത​ത്തി​ന്‍റെ മു​ക്കാ​ൽ ഭാ​ഗ​വും സു​ൽ​ത്താ​നേ​റ്റി​ൽ ജീ​വി​ച്ച അ​ദ്ദേ​ഹ​ത്തി​ന് ഒ​മാ​ൻ ത​ന്നെ​യാ​ണ് ഏ​റെ ഇ​ഷ്ടം. 1974 അ​വ​സാ​ന​ത്തേ​ടെ​യാ​ണ് മ​ത്ര​യി​ൽ ഒ​മാ​നി​യു​ടെ വ്യാ​പാ​ര സ്ഥാ​പ​ന​ത്തി​ൽ പെ​ട്ടി​യും പു​ത​പ്പു​മൊ​ക്കെ വി​ൽ​ക്കു​ന്ന ചെ​റി​യ ക​ട​യി​ലേ​ക്ക് ജോ​ലി​മാ​റു​ന്ന​ത്. അ​ന്ന് മ​ത്ര സൂ​ഖൊ​ന്നും ഉ​ണ്ടാ​യി​രു​ന്നി​ല്ല. ഉ​ള്ള ക​ട​ക​ളി​ൽ ബ​ഹു​ഭൂ​രി​പ​ക്ഷ​വും ഒ​മാ​നി​ക​ൾ ത​ന്നെ​യാ​ണ് ന​ട​ത്തി​യി​രു​ന്ന​ത്. മ​ല​യാ​ളി​ക​ളു​ടേ​താ​യി ഒ​രു ഹോ​ട്ട​ൽ മാ​ത്ര​മാ​ണു​ണ്ടാ​യി​രു​ന്ന​ത്. ഇ​ന്ന​ത്തെ പോ​ലെ മ​ല​യാ​ളി സാ​ന്നി​ധ്യ​മൊ​ന്നും മ​ത്ര​യി​ൽ ഉ​ണ്ടാ​യി​രു​ന്നി​ല്ല. 25ഓ​ളം മ​ല​യാ​ളി​ക​ൾ മാ​ത്ര​മാ​ണ് അ​ന്നു​ണ്ടാ​യി​രു​ന്ന​ത്.

1975 ലാ​ണ് മ​ത്ര​യി​ലെ ജി​ബ്രു​വി​ൽ ആ​ദ്യ​ത്തെ വ്യാ​പാ​ര സ്ഥാ​പ​നം ആ​രം​ഭി​ക്കു​ന്ന​ത്. അ​തേ​വ​ർ​ഷം​ത​ന്നെ റൂ​വി അ​ൽ നാ​സ​ർ സി​നി​മ​ക്ക് സ​മീ​പം ഹോ​ട്ട​ലും ആ​രം​ഭി​ച്ചു.​ 1977ലാ​ണ് വ്യാ​പാ​ര മേ​ഖ​ല ഹ​ദ​റ​യി​ലേ​ക്ക് മാ​റ്റി​യ​ത്. ഇ​വി​ടെ ജ​ബ​ൽ അ​ൽ ഹൂ​ർ എ​ന്ന​പേ​രി​ൽ ഗ്രോ​സ​റി ക​ട​യും ഹോ​ട്ട​ലും തു​ട​ങ്ങി. ഈ ​ഗ്രോ​സ​റി​യാ​ണ് പെ​ങ്ങ​ളു​ടെ മ​ക​ൻ അ​ബ്ദു​ൽ റ​ഹീ​മി​ന്‍റെ ഉ​ട​മ​സ്ഥ​ത​യി​ലു​ള്ള താ​ജ് ഹൈ​പ്പ​ർ​മാ​ർ​ക്ക​റ്റാ​യി മാ​റി​യ​ത്. അ​ക്കാ​ല​ത്ത് ഹ​ദ​റ​യി​ൽ റോ​ഡ്, വൈ​ദ്യു​തി തു​ട​ങ്ങി​യ സൗ​ക​ര്യ​ങ്ങ​ളു​ണ്ടാ​യി​രു​ന്നി​ല്ല. ജ​ന​റേ​റ്റ​റാ​ണ് വെ​ളി​ച്ച​ത്തി​നും മ​റ്റും ഉ​പ​യോ​ഗി​ച്ചി​രു​ന്ന​ത്.

1990ലാ​ണ് അ​സീ​ൽ സ്പൈ​സ​സ് ആ​രം​ഭി​ച്ച​ത്. സ്രാ​വി​ന്‍റെ വാ​ലും ചി​റ​കു​ക​ളും വി​ദേ​ശ​ത്തേ​ക്ക് ക​യ​റ്റി​യ​യ​ക്കു​ന്ന​തും മ​റ്റു നി​ര​വ​ധി ബി​സി​ന​സു​ക​ളും ന​ട​ത്തി​യി​രു​ന്നു. ഒ​മാ​നി​ലേ​ക്ക് ദു​ബൈ​യി​ൽ​നി​ന്ന് ഉ​ൽ​പ​ന്ന​ങ്ങ​ൾ എ​ത്തി​ച്ച് വി​ൽ​പ​ന ന​ട​ത്തു​ന്ന​ത​ട​ക്കം നി​ര​വ​ധി സം​രം​ഭ​ങ്ങ​ൾ​ക്ക് തു​ട​ക്കം കു​റി​ച്ച​തും അ​ദ്ദേ​ഹ​മാ​യി​രു​ന്നു. കേ​ര​ള​ത്തി​ൽ​നി​ന്ന്​ 500ഓ​ളം ആ​ളു​ക​ളെ വി​വി​ധ സ​മ​യ​ങ്ങ​ളി​ലാ​യി ഇ​ദ്ദേ​ഹം ഒ​മാ​നി​ൽ ജോ​ലി​ക്കെ​ത്തി​ച്ചി​ട്ടു​ണ്ട്.

എം.​എ. അ​സീ​സി​ന്‍റെ​യും മ​റി​യം ബീ​യു​ടെ​യും മൂ​ന്നു ഭാ​ര്യ​മാ​രി​ലെ 31 മ​ക്ക​ളി​ൽ ഒ​രാ​ളാ​ണ് സാ​ലി​ഹ്. മ​റി​യം​ബീ​ക്ക് 15 മ​ക്ക​ളാ​ണു​ണ്ടാ​യി​രു​ന്ന​ത്. സ​ക്കീ​ന, സൗ​ദ എ​ന്നി​വ​രാ​ണ് സാ​ലി​ഹി​ന്‍റെ ഭാ​ര്യ​മാ​ർ. ലു​ബ്ന, ന​സീ​ബ്, റ​ജു​ല, സാ​ദി​ഖ്, ഷ​ഹ്​​ല, സ​ഫ്വാ​ന എ​ന്നി​വ​ർ മ​ക്ക​ളാ​ണ്. മ​ക​ൻ ന​സീ​ബ് അ​ൽ അ​സീ​ൽ സ്പൈ​സ​സി​ന്‍റെ മാ​നേ​ജ​റാ​ണ്.