പ്രവാസി ഓണാഘോഷങ്ങളിൽ സ്ഥിരം മാവേലിയായി ജിൻഷാദ്​

ദ​മ്മാം: പ്ര​വാ​സി​ക​ളു​ടെ ഓ​ണാ​ഘോ​ഷ​ങ്ങ​ളി​ൽ സ്ഥി​രം മാ​വേ​ലി​യാ​യി ജി​ൻ​ഷാ​ദ്. സൗ​ദി​ കി​ഴ​ക്ക​ൻ പ്ര​വി​ശ്യ​യി​ലെ ഓ​ണാ​ഘോ​ഷ വേ​ദി​ക​ളി​ൽ സ്ഥി​രം മാ​വേ​ലി​യാ​യ കൊ​ല്ലം, ക​രു​നാ​ഗ​പ്പ​ള്ളി ത​ഴ​വ സ്വ​ദേ​ശി ചോ​ദ്യോ​ത്ത്​ വീ​ട്ടി​ൽ ജി​ൻ​ഷാ​ദി​ന് ഇ​നി​ തി​ര​ക്കി​ന്റെ നാ​ളു​ക​ളാ​ണ്. ​പ്ര​വാ​സി​ലോ​ക​ത്ത് ഓ​ണാ​ഘോ​ഷം തീ​രാ​ത്ത​തി​നാ​ൽ മാ​വേ​ലി​വേ​ഷം ആ​ഴ്ച​ക​ളോ​ളം കെ​ട്ടേ​ണ്ടി വ​രും.

ദ​മ്മാം സെ​ക്ക​ൻ​ഡ്​ ഇ​ൻ​ഡ​സ്​​ട്രി​യ​ൽ സി​റ്റി​യി​ൽ സൗ​ദി മെ​റ്റ​ൽ കോ​ട്ടി​ങ് ക​മ്പ​നി​യി​ൽ ഡ്രൈ​വ​റാ​യ ജി​ൻ​ഷാ​ദ്​ ഏ​ഴു​വ​ർ​ഷം​ മു​മ്പാ​ണ്​ ആ​ദ്യ​മാ​യി മാ​വേ​ലി വേ​ഷം കെ​ട്ടി​യ​ത്. ദ​മ്മാം ദ​ല്ല​യി​ലെ ക്യാ​മ്പി​ൽ ന​ട​ന്ന ഓ​ണാ​ഘോ​ഷ​ത്തി​ൽ പ​​ങ്കെ​ടു​ക്കാ​ൻ സു​ഹൃ​ത്തു​മൊ​ത്ത്​ പോ​യ​താ​യി​രു​ന്നു ജി​ൻ​ഷാ​ദ്. അ​ന്ന​വി​ടെ എ​ത്താ​മെ​ന്നേ​റ്റി​രു​ന്ന മാ​വേ​ലി സ​മ​യ​മേ​റെ​ക്ക​ഴി​ഞ്ഞി​ട്ടും എ​ത്താ​തി​രു​ന്ന​പ്പോ​ൾ സം​ഘാ​ട​ക​ർ ജി​ൻ​ഷാ​ദി​നെ മാ​വേ​ലി​യാ​ക്കു​ക​യാ​യി​രു​ന്നു.

പി​ന്നീ​ട് മ​റ്റു പ​രി​പാ​ടി​ക​ളി​ലേ​ക്കും ക്ഷ​ണം കി​ട്ടി. പി​ന്നെ തി​രി​ഞ്ഞു​നോ​ക്കേ​ണ്ടി​വ​ന്നി​ട്ടി​ല്ല. കോ​വി​ഡ്​ കാ​ല​ത്ത്​ പ​രി​പാ​ടി​ക​ളി​ൽ കു​റ​വ്​ വ​ന്ന​തൊ​ഴി​ച്ചാ​ൽ ഓ​ണ​ക്കാ​ല​ത്ത്​ ജി​ൻ​ഷാ​ദി​ന്​ തി​ര​ക്കോ​ടു തി​ര​ക്ക്​ ത​ന്നെ. ഇ​ത്ത​വ​ണ​യും ഇ​തി​ന​കം ര​ണ്ടു​ മൂ​ന്ന്​ വേ​ദി​ക​ളി​ൽ മാ​വേ​ലി​വേ​ഷം കെ​ട്ടി​ക്ക​ഴി​ഞ്ഞു. ഗ​ൾ​ഫി​ലെ കു​ട്ടി​ക​ൾ​ക്കാ​ണ്​ മാ​വേ​ലി​യെ​ക്കാ​ണു​മ്പോ​ൾ ഏ​റ്റ​വും കൗ​തു​ക​മെ​ന്ന്​ ജി​ഷാ​ദ്​ പ​റ​ഞ്ഞു. മാ​വേ​ലി​യാ​യി വേ​ഷം കെ​ട്ടു​മ്പോ​ൾ കു​ട്ടി​ക​ൾ​ക്കാ​യി ചോ​ക്ല​റ്റു​ക​ൾ കൈ​യി​ൽ ക​രു​താ​റു​ണ്ടെ​ന്നും ജി​ൻ​ഷാ​ദ്​ പ​റ​ഞ്ഞു.

സു​ഹൃ​ത്തു​ക്ക​ളു​ടെ സ​ഹാ​യ​ത്തോ​ടെ പ​ട്ടു​വ​സ്ത്ര​ങ്ങ​ളും ആ​ട​യാ​ഭ​ര​ണ​ങ്ങ​ളും ഓ​ല​ക്കു​ട​യു​മൊ​ക്കെ സം​ഘ​ടി​പ്പി​ച്ച്​ ആ​ഢ്യ​ത്വം ഒ​ട്ടും കു​റ​യാ​തെ ത​ന്നെ​യാ​ണ്​ മാ​വേ​ലി​യു​ടെ വ​ര​വ്. സോ​ഷ്യ​ൽ മീ​ഡി​യ​ക​ളി​ലെ സം​വാ​ദ​ങ്ങ​ളി​ലും ച​ർ​ച്ച​ക​ളി​ലും ടി​ക്​​ടോ​ക്കി​ലു​മെ​ല്ലാം സ​ജീ​വ​മാ​ണ്​ ജി​ൻ​ഷാ​ദ്.

കോ​വി​ഡ്​ കാ​ല​ത്ത്​ ഐ​സൊ​ലേ​ഷ​ൻ വാ​ർ​ഡു​ക​ളി​ൽ ക​ഴി​ഞ്ഞി​രു​ന്ന രോ​ഗി​ക​ൾ​ക്ക്​ ആ​ശ്വാ​സ​വു​മാ​യി ജീ​വ​കാ​രു​ണ്യ​പ്ര​വ​ർ​ത്ത​ന​രം​ഗ​ത്തും ജി​ൻ​ഷാ​ദ്​ ഉ​ണ്ടാ​യി​രു​ന്നു. നാ​ട്ടി​ൽ ലാ​ബ്​ ടെ​ക്നീ​ഷ്യ​നാ​യ ഭാ​ര്യ അ​നീ​ഷ​യും മ​ക്ക​ളാ​യ ഷി​ബ​യും അ​ൽ​അ​മീ​നു​മെ​ല്ലാം പാ​ട്ടും നൃ​ത്ത​വും അ​ഭി​ന​യ​വും ഒ​പ്പം കൊ​ണ്ടു​ന​ട​ക്കു​ന്ന​വ​രാ​ണ്.