അ​സു​ഖ​ബാ​ധി​ത​നാ​യി​ട്ടും വാ​യ​ന മു​ട​ങ്ങാ​തെ ഗം​ഗാ​ധ​ര​ൻ മാ​സ്റ്റ​ർ

കു​ന്ദ​മം​ഗ​ലം: ഒ​ന്നി​ട​വി​ട്ട ദി​വ​സ​ങ്ങ​ളി​ലെ ഡ​യാ​ലി​സി​സ്, വി​ടാ​തെ പി​ന്തു​ട​രു​ന്ന രോ​ഗ​പീ​ഡ​ക​ൾ... രോ​ഗം ന​ൽ​കി​യ അ​വ​ശ​ത​ക്കി​ട​യി​ലും ഗം​ഗാ​ധ​ര​ൻ മാ​സ്റ്റ​ർ വാ​യ​ന വി​ട്ടി​ട്ടി​ല്ല. ചാ​ത്ത​മം​ഗ​ലം എ​ട​ത്തോ​ല​ത്ത് വീ​ട്ടി​ൽ എ. ​ഗം​ഗാ​ധ​ര​ൻ നാ​യ​ർ എ​ന്ന ഗം​ഗാ​ധ​ര​ൻ മാ​സ്റ്റ​ർ ഇ​പ്പോ​ഴും വാ​യ​ന​യു​ടെ ലോ​ക​ത്തു​ത​ന്നെ​യാ​ണ്.

അ​ടി​യ​ന്ത​രാ​വ​സ്ഥ മു​ത​ൽ സം​ഭ​വ​ബ​ഹു​ല​മാ​യ പൊ​തു​ജീ​വി​ത​ത്തി​ലൂ​ടെ ക​ട​ന്നു​വ​ന്ന ഗം​ഗാ​ധ​ര​ൻ മാ​സ്റ്റ​ർ ഒ​രു വ​ർ​ഷം മു​മ്പ് വ​രെ ക​ർ​മ​നി​ര​ത​നാ​യി​രു​ന്നു. ചാ​ത്ത​മം​ഗ​ലം പൊ​തു​ജ​ന വാ​യ​ന​ശാ​ല​യി​ലൂ​ടെ ആ​രം​ഭി​ച്ച ഗ്ര​ന്ഥ​ശാ​ല പ്ര​വ​ർ​ത്ത​നം സം​സ്ഥാ​നം വ​രെ വ്യാ​പി​പ്പി​ക്കാ​ൻ അ​ദ്ദേ​ഹ​ത്തി​ന് ക​ഴി​ഞ്ഞു. 1958ൽ ​വാ​യ​ന​ശാ​ല​യി​ൽ ക​മ്മി​റ്റി അം​ഗ​മാ​യ അ​ദ്ദേ​ഹം ഇ​ന്നും വാ​യ​ന​ശാ​ല​യു​ടെ അ​വി​ഭാ​ജ്യ ഘ​ട​ക​മാ​ണ്.

എ ​പ്ല​സ് ഗ്രേ​ഡ് ലൈ​ബ്ര​റി​യാ​യ ചാ​ത്ത​മം​ഗ​ലം പൊ​തു​ജ​ന വാ​യ​ന​ശാ​ല​യെ ജി​ല്ല​യി​ലെ മി​ക​ച്ച ഗ്ര​ന്ഥ​ശാ​ല​ക​ളി​ൽ ഒ​ന്നാ​ക്കി മാ​റ്റാ​ൻ അ​ദ്ദേ​ഹ​ത്തി​ന് ക​ഴി​ഞ്ഞു. 1965 മു​ത​ൽ കോ​ഴി​ക്കോ​ട് താ​ലൂ​ക്ക് ഗ്ര​ന്ഥ​ശാ​ല യൂ​നി​യ​ൻ അം​ഗ​മാ​യ അ​ദ്ദേ​ഹം 2000ത്തി​ൽ കോ​ഴി​ക്കോ​ട് താ​ലൂ​ക്ക് ലൈ​ബ്ര​റി കൗ​ൺ​സി​ലി​ന്റെ ജോ. ​സെ​ക്ര​ട്ട​റി​യാ​യി. 2005 മു​ത​ൽ 2015 വ​രെ താ​ലൂ​ക്ക് ലൈ​ബ്ര​റി കൗ​ൺ​സി​ൽ സെ​ക്ര​ട്ട​റി​യാ​യും 2015 മു​ത​ൽ 2020 വ​രെ സ്റ്റേ​റ്റ് ലൈ​ബ്ര​റി കൗ​ൺ​സി​ൽ അം​ഗ​മാ​യും പ്ര​വ​ർ​ത്തി​ച്ചു. വാ​യ​ന​യോ​ടു​ള്ള അ​ട​ങ്ങാ​ത്ത ദാ​ഹം കാ​ര​ണം അ​ദ്ദേ​ഹം വാ​ങ്ങി​ക്കൂ​ട്ടി​യ പു​സ്ത​ക​ങ്ങ​ൾ വി​വി​ധ ഗ്ര​ന്ഥ​ശാ​ല​ക​ൾ​ക്ക് ന​ൽ​കു​ക​യാ​ണ് പ​തി​വ്.

പു​തു​ത​ല​മു​റ​ക്ക് വാ​യ​ന​യോ​ട് താ​ൽ​പ​ര്യം കൂ​ടി​വ​രു​ന്നു​ണ്ട് എ​ന്ന​തി​ൽ അ​ദ്ദേ​ഹം ഏ​റെ സ​ന്തു​ഷ്ട​നാ​ണ്. വാ​യ​ന ത​ന​താ​യ വ്യ​ക്തി​ത്വം രൂ​പ​പ്പെ​ടു​ത്തു​മെ​ന്ന് അ​ദ്ദേ​ഹം പ​റ​യു​ന്നു. 1939 ജ​നി​ച്ച ഗം​ഗാ​ധ​ര​ൻ മാ​സ്റ്റ​ർ 1958ൽ ​ചാ​ത്ത​മം​ഗ​ലം പ​ഞ്ചാ​യ​ത്തി​ൽ ക്ല​ർ​ക്ക് ആ​യാ​ണ് ഔ​ദ്യോ​ഗി​ക ജീ​വി​തം ആ​രം​ഭി​ച്ച​ത്. 1964ൽ ​മ​ല​യ​മ്മ എ.​യു.​പി സ്കൂ​ളി​ൽ അ​ധ്യാ​പ​ക​നാ​യി. 1994ൽ ​പ്ര​ധാ​നാ​ധ്യാ​പ​ക​നാ​യി റി​ട്ട​യ​ർ ചെ​യ്ത​ശേ​ഷം പൊ​തു​പ്ര​വ​ർ​ത്ത​ന രം​ഗ​ത്ത് ക​ർ​മ​നി​ര​ത​നാ​യി. ചാ​ത്ത​മം​ഗ​ല​ത്തെ സാം​സ്കാ​രി​ക സം​ഘ​ട​ന​ക​ളാ​യി​രു​ന്ന കൈ​ര​ളി തി​യ​റ്റേ​ഴ്സ്, സ്നേ​ഹ​ല​ത തി​യ​റ്റേ​ഴ്സ്, ന​വ​ചേ​ത​ന എ​ന്നി​വ​യു​ടെ​യെ​ല്ലാം മു​ൻ​നി​ര​യി​ലു​ണ്ടാ​യി​രു​ന്നു. ഭാ​ര്യ: ജാ​നു. മ​ക്ക​ൾ: എ.​ജി. അ​നി​ത, എ.​ജി. സു​നി​ത (ഇ​രു​വ​രും അം​ഗ​ൻ​വാ​ടി അ​ധ്യാ​പ​ക​ർ), എ.​ജി. അ​ജീ​ഷ് (ക്ല​ർ​ക്ക്, സ​ഹ​ക​ര​ണ ആ​ശു​പ​ത്രി കോ​ഴി​ക്കോ​ട്).