റുഫസ് ഡിസൂസയുടെ കായിക പരിശീലനത്തിന് അഞ്ചര പതിറ്റാണ്ടിന്‍റെ തിളക്കം

മ​ട്ടാ​ഞ്ചേ​രി: കൊ​ച്ചി​ക്കാ​ർ സ്നേ​ഹാ​ദ​ര​വോ​ടെ ഫു​ട്ബാ​ൾ അ​ങ്കി​ൾ എ​ന്ന് വി​ളി​ക്കു​ന്ന റൂ​ഫ​സ് ഡി​സൂ​സ കാ​യി​ക പ​രി​ശീ​ല​നം തു​ട​ങ്ങി​യി​ട്ട്​ 54 വ​ർ​ഷം ക​ട​ക്കു​ക​യാ​ണ്. കു​ട്ടി​ക​ളെ ഫു​ട്ബാ​ൾ, ഹോ​ക്കി മ​ത്സ​ര​ങ്ങ​ൾ​ക്ക്​ ഒ​രു​ക്കു​ന്ന റൂ​ഫ​സ് ത​ന്‍റെ പ​രി​ശീ​ല​ന ദൗ​ത്യം തു​ട​ങ്ങി​യ​ത് 1970 മേ​യ് 19ന്. ​അ​തി​നു മു​മ്പ് 20 വ​ർ​ഷ​ത്തോ​ളം ഫു​ട്ബാ​ളി​ലും ഹോ​ക്കി​യി​ലും ക​ളി​ക്കാ​ര​നെ​ന്ന നി​ല​യി​ൽ അം​ഗീ​കാ​ര​ങ്ങ​ൾ അ​ന​വ​ധി നേ​ടി​യി​രു​ന്നു അ​ദ്ദേ​ഹം. തി​രു​കൊ​ച്ചി​ക്ക്​ വേ​ണ്ടി ക​ളി തു​ട​ങ്ങി​യ റു​ഫ​സ് പി​ന്നീ​ട് കേ​ര​ളം, മ​ദ്രാ​സ് സം​സ്ഥാ​ന​ങ്ങ​ൾ​ക്ക് വേ​ണ്ടി ഹോ​ക്കി​യും ഫു​ട്ബാ​ളും ക​ളി​ച്ചു.

തു​ട​ർ​ന്ന് മ​ദാ​സ്, ബാം​ഗ​ളൂ​രു, ഹൈ​ദ്രാ​ബാ​ദ്, കേ​ര​ളം, ശ്രീ​ല​ങ്ക ഉ​ൾ​പ്പെ​ടു​ന്ന സ​തേ​ൺ പെ​ന്‍റാം​ഗു​ല​ർ ടീ​മി​ൽ ക​ളി​ച്ച് വെ​ന്നി​ക്കൊ​ടി നാ​ട്ടി. ഹോ​ക്കി​യി​ലും ഫു​ട്ബാ​ളി​ലും ഗോ​ള​ടി യ​ന്ത്ര​മാ​യി​രു​ന്നു റൂ​ഫ​സ്. അ​ര​നൂ​റ്റാ​ണ്ടി​നി​ട​യി​ൽ റൂ​ഫ​സ് പ​രി​ശീ​ലി​പ്പി​ച്ച കു​ട്ടി​ക​ളി​ൽ നി​ര​വ​ധി പേ​ർ ദേ​ശീ​യ, അ​ന്ത​ർ ദേ​ശീ​യ നി​ല​വാ​ര​ത്തി​ൽ എ​ത്തി​യി​ട്ടു​ണ്ട്. 2000 ലെ ​സി​ഡ്നി ഒ​ളി​മ്പി​ക്സി​ൽ ക​ളി​ച്ച ഇ​ന്ത്യ​ൻ ഹോ​ക്കി ടീ​മി​ലെ ക​ളി​ക്കാ​രി​ൽ ഒ​രാ​ളാ​യ ദി​നേ​ശ് നാ​യ്ക്ക് അ​ദ്ദേ​ഹ​ത്തി​ന്‍റെ ശി​ഷ്യ​നാ​ണ്. ന​വ​തി​യോ​ട​ടു​ക്കു​മ്പോ​ഴും ഒ​രു ദി​വ​സം പോ​ലും പ​രി​ശീ​ല​നം മു​ട​ക്കാ​തെ റു​ഫ​സ് ക​ർ​മ​നി​ര​ത​നാ​ണ്.

54 കൊ​ല്ല​ത്തി​നി​ട​ക്ക്​ അ​പൂ​ർ​വ​മാ​യി മാ​ത്ര​മേ അ​ദ്ദേ​ഹം പ​രേ​ഡ് ഗ്രൗ​ണ്ടി​ൽ വ​രാ​തി​രു​ന്നി​ട്ടു​ള്ളൂ. സൂ​ര്യോ​ദ​യ​ത്തി​ന് ഏ​റെ മു​മ്പ് ത​ന്നെ ഗ്രൗ​ണ്ടി​ലെ​ത്തും. തു​ട​ർ​ന്ന് ശി​ഷ്യ​രു​മെ​ത്തും. ക​ളി​ക്ക​ള​ത്തി​ൽ ക​ർ​ക്ക​ശ​കാ​ര​നാ​യ റു​ഫ​സ്​ ദൈ​വം അ​നു​വ​ദി​ക്കു​ന്ന കാ​ല​ത്തോ​ളം താ​ൻ ക​ളി​ക്ക​ള​ത്തി​ലു​ണ്ടാ​കു​മെ​ന്ന് ഉ​റ​പ്പ് ന​ൽ​കു​ന്നു.