ത​ള​രി​ല്ല ജീ​വി​തം; സ്ട്രോ​ക്കി​നെ​യും തോ​ൽ​പി​ച്ച് ശി​ഹാ​ബ് തി​ര​ക്കി​ലാ​ണ്

ദോ​ഹ: ഭാ​വി​യെ​ക്കു​റി​ച്ചു​ള്ള പ്ര​തീ​ക്ഷ​ക​ളെ​ല്ലാം അ​സ്ത​മി​ച്ച് ഒ​രു മു​റി​യി​ൽ ഒ​തു​ങ്ങി കൂ​ടേ​ണ്ടി​ട​ത്തു​നി​ന്നും ഒ​രു ഫോ​ൺ വി​ളി​യി​ൽ ജീ​വി​തം മാ​റ്റി​മ​റി​ച്ച ക​ഥ​യാ​ണ് ശി​ഹാ​ബി​ന്‍റേ​ത്. വി​ധി ത​ന്റെ ശ​രീ​ര​ത്തി​ന്റെ ഒ​രു ഭാ​ഗം ത​ള​ർ​ത്തി​യെ​ങ്കി​ലും ഇ​രു​ണ്ട ചു​മ​രു​ക​ൾ​ക്കി​ട​യി​ൽ ഒ​തു​ങ്ങി നി​ൽ​ക്കേ​ണ്ടി വ​ന്ന​വ​ർ​ക്ക് വ​ഴി​കാ​ട്ടി​യും പ്ര​തീ​ക്ഷ​യു​മാ​ണ് മ​ല​പ്പു​റം മോ​ങ്ങം സ്വ​ദേ​ശി വാ​ള​പ്പ​റ ശി​ഹാ​ബ് എ​ന്ന 36കാ​ര​ൻ.

ഡ​ൽ​ഹി യൂ​നി​വേ​ഴ്സി​റ്റി​യി​ൽ​നി​ന്നും എം.​എ അ​റ​ബി​ക് ബി​രു​ദം പൂ​ർ​ത്തി​യാ​ക്കി 2012ൽ ​വ​ലി​യ സ്വ​പ്ന​ങ്ങ​ളു​മാ​യാ​ണ് ശി​ഹാ​ബ് ഖ​ത്ത​റി​ൽ എ​ത്തു​ന്ന​ത്. സ​ന​യ്യ​യി​ൽ പ്ര​വ​ർ​ത്തി​ക്കു​ന്ന പ്ര​മു​ഖ ബി​സി​ന​സ് സ്ഥാ​പ​ന​മാ​യ കേ​ര​ള ഫു​ഡ് സെ​ന്‍റ​റി​ൽ പ​ബ്ലി​ക് റി​ലേ​ഷ​ൻ​സ് ഓ​ഫി​സ​ർ ജോ​ലി​യി​ലാ​ണ് ആ​ദ്യം പ്ര​വേ​ശി​ച്ച​ത്.

ഇ​തി​നി​ട​യി​ൽ 2014ൽ ​ത​ന്‍റെ 24ാം വ​യ​സ്സി​ൽ താ​മ​സ സ്ഥ​ല​ത്തെ കു​ളി​മു​റി​യി​ൽ ത​ല​ക​റ​ങ്ങി വീ​ണ വീ​ഴ്ച ജീ​വി​തം ത​ന്നെ മാ​റ്റി​മ​റി​ച്ചു. സ്ട്രോ​ക്കാ​ണെ​ന്ന് ഡോ​ക്ട​ർ​മാ​ർ സ്ഥി​രീ​ക​രി​ച്ചു. ജീ​വി​ത​ത്തി​ലേ​ക്ക് തി​രി​ച്ചു​വ​ര​വി​ന് മേ​ജ​ർ ശ​സ്ത്ര​ക്രി​യ​യാ​യി​രു​ന്നു നി​ർ​ദേ​ശി​ച്ച​ത്. അ​പ്പോ​ഴും ഒ​രു തി​രി​ച്ചു​വ​ര​വ് സം​ശ​യ​ക​ര​മെ​ന്ന് വി​ധി​യെ​ഴു​തി. എ​ന്നാ​ൽ, പ്രാ​ർ​ഥ​ന​ക​ളും ഇ​ളം പ്രാ​യ​ത്തി​ന്റെ ആ​രോ​ഗ്യ​വും ശി​ഹാ​ബി​ന് ര​ണ്ടാം ജ​ന്മം ന​ൽ​കി.

പ​ക്ഷാ​ഘാ​തം അ​ദ്ദേ​ഹ​ത്തി​ന്റെ ഇ​ട​തു​ഭാ​ഗ​ത്തെ പൂ​ർ​ണ​മാ​യും നി​ശ്ച​ല​മാ​ക്കി​യി​രു​ന്നു. ഹ​മ​ദ് ആ​ശു​പ​ത്രി​യി​ലെ ര​ണ്ട​ര മാ​സ​ത്തെ ചി​കി​ത്സ​ക്കു​ശേ​ഷം ഊ​ന്നു​വ​ടി​യി​ൽ ശി​ഹാ​ബ് സ്വ​പ്ന​ങ്ങ​ളെ​ല്ലാം പെ​ട്ടി​യി​ൽ അ​ട​ച്ച് നാ​ട്ടി​ലേ​ക്ക് വി​മാ​നം ക​യ​റി. ജീ​വി​തം കെ​ട്ടി​പ്പ​ടു​ക്കാ​ൻ എ​ത്തി​യ ശി​ഹാ​ബി​ന്റെ ജീ​വി​ത​ത്തി​ലേ​ക്ക് ക​രി​നി​ഴ​ൽ വീ​ഴ്ത്തു​ക​യാ​യി​രു​ന്നു ഈ ​ദു​ര​ന്തം. ഇ​നി​യൊ​രു പ്ര​വാ​സ​ജീ​വി​തം സാ​ധ്യ​മ​ല്ലെ​ന്നും ഈ ​നി​ല​യി​ൽ ആ​ര് ജോ​ലി​യി​ൽ എ​ടു​ക്കു​മെ​ന്ന ചി​ന്ത​യും അ​വ​നെ ത​ള​ർ​ത്തി.

പു​തു​ജീ​വി​തം സ​മ്മാ​നി​ച്ച ഫോ​ൺ കാ​ൾ

നാ​ട്ടി​ലെ​ത്തി​യ ശി​ഹാ​ബ് കേ​ര​ള​ത്തി​ലെ വി​വി​ധ ആ​ശു​പ​ത്രി​ക​ളി​ൽ ചി​കി​ത്സ തേ​ടി. നീ​ണ്ട ഒ​മ്പ​തു മാ​സ​ത്തെ കാ​ത്തി​രി​പ്പി​നി​ട​യി​ലാ​ണ് ത​ന്റെ പ​ഴ​യ തൊ​ഴി​ലു​ട​മ​യും ഖ​ത്ത​റി​ലെ ജീ​വ​കാ​രു​ണ്യ പ്ര​വ​ർ​ത്ത​ക​നു​മാ​യ ഉ​ള്ള​ട​ത്ത് അ​ബ്ദു​ല്ല​യു​ടെ ഫോ​ൺ തേ​ടി​യെ​ത്തി​യ​ത്. ശി​ഹാ​ബി​ന്റെ ജീ​വി​തം​ത​ന്നെ മാ​റ്റി​മ​റി​ക്കു​ന്ന​താ​യി​രു​ന്നു ആ ​വി​ളി. ‘ശി​ഹാ​ബ് നി​ന്നെ​ക്കൊ​ണ്ട് സാ​ധി​ക്കും, നീ ​തി​രി​ച്ചു​വ​ര​ണം... ഒ​രു മു​റി​യി​ൽ ഒ​തു​ങ്ങി കൂ​ടേ​ണ്ട​വ​ന​ല്ല നീ, ​നി​ന​ക്ക് സാ​ധി​ച്ചി​ല്ലെ​ങ്കി​ൽ തി​രി​ച്ചു നാ​ട്ടി​ലേ​ക്ക് മ​ട​ങ്ങാം’ -ആ​ത്മ​വി​ശ്വാ​സ​വും പ്ര​തീ​ക്ഷ​ക​ളും സ​മ്മാ​നി​ക്കു​ന്ന വാ​ക്കു​ക​ൾ ശി​ഹാ​ബി​ന്റെ സ്വ​പ്ന​ങ്ങ​ൾ​ക്ക് പ​ച്ച​പ്പാ​യി. എ​ങ്കി​ലും ആ​ശ​ങ്ക​ക​ൾ ഏ​റെ​യാ​യി​രു​ന്നു. ഈ ​വൈ​ക​ല്യ​ങ്ങ​ളു​മാ​യി താ​ൻ വ​ന്നി​ട്ട് എ​ന്തു കാ​ര്യ​മെ​ന്ന മ​റു ചോ​ദ്യം ശി​ഹാ​ബ് ഉ​ന്ന​യി​ച്ചെ​ങ്കി​ലും തൊ​ഴി​ലു​ട​മ വി​ട്ടി​ല്ല. മ​ക​നെ മു​റി​യി​ൽ നി​ന്നും പു​റ​ത്തി​റ​ക്കി ന​മു​ക്ക് ന​ല്ല ജീ​വി​തം ന​ൽ​ക​ണ​മെ​ന്ന് അ​ദ്ദേ​ഹം മാ​താ​വി​നോ​ടും പ​റ​ഞ്ഞു.

ഒ​ടു​വി​ൽ മാ​തൃ​സ​മ്മ​ത​ത്തോ​ടെ​ത​ന്നെ ശി​ഹാ​ബ് വീ​ണ്ടും ഖ​ത്ത​റി​ലേ​ക്ക് വി​മാ​നം ക​യ​റി. തൊ​ഴി​ലാ​ളി​ക​ൾ ത​ള​രു​മ്പോ​ഴും, വീ​ഴു​മ്പോ​ഴും അ​വ​രെ കൈ​വി​ട്ട് പു​തി​യ​തി​​​നെ തേ​ടി​പ്പോ​കു​ന്ന ലോ​ക​ത്ത് അ​ബ്ദു​ല്ല മ​നു​ഷ്യ​പ്പ​റ്റു​ള്ള തൊ​ഴി​ലു​ട​മ​യാ​യി മാ​റി.

12 വ​ർ​ഷം പി​ന്നി​ട്ട ഇ​ച്ഛാ​ശ​ക്തി

ചു​രു​ങ്ങി​യ ഇ​ട​വേ​ള​ക്കു​ശേ​ഷം തി​രി​കെ ഖ​ത്ത​റി​ൽ എ​ത്തി​യ ശി​ഹാ​ബി​ന് പ​ഴ​യ ത​സ്തി​ക​യാ​യ പ​ബ്ലി​ക് റി​ലേ​ഷ​ൻ​സ് ഓ​ഫി​സ​ർ ത​ന്നെ ക​മ്പ​നി വെ​ച്ചു​നീ​ട്ടി. അ​ന​ക്ക​മി​ല്ലാ​ത്ത ഇ​ടം​​​കൈ​യി​നെ​യും ഭാ​ഗി​ക​മാ​യി മാ​ത്രം ച​ലി​ക്കു​ന്ന ഇ​ടം​കാ​ലി​നെ​യും മ​നഃ​സ​ന്നി​ധ്യം​കൊ​ണ്ട് തോ​ൽ​പ്പി​ക്കു​ക​യാ​ണ് ശി​ഹാ​ബ്. ക​മ്പ​നി ആ​വ​ശ്യ​ങ്ങ​ൾ​ക്കാ​യി ഖ​ത്ത​റി​ലെ സ​ർ​ക്കാ​ർ ഓ​ഫി​സു​ക​ളി​ൽ​നി​ന്ന് ഓ​ഫി​സു​ക​ളി​ലേ​ക്കാ​യി അ​​ദ്ദേ​ഹം ചി​റ​കു​വി​രി​ച്ച് പ​റ​ക്കു​ന്നു. അ​റ​ബി ഭാ​ഷ​യി​ലും ഖ​ത്ത​റി​ലെ നി​യ​മ​ങ്ങ​ളി​ലും മി​ക​ച്ച പ്രാ​വീ​ണ്യ​മു​ള്ള ശി​ഹാ​ബി​ന് ഇ​പ്പോ​ൾ വി​ശ്ര​മി​ക്കാ​ൻ ഒ​ട്ടും സ​മ​യ​മി​ല്ല. തി​രി​ച്ചു​വ​ര​വി​ൽ 12 വ​ർ​ഷം പി​ന്നി​ട്ട ഈ ​യു​വാ​വ് ഇ​ന്ന് സ്ഥാ​പ​ന​ത്തി​ൽ മാ​ത്ര​മ​ല്ല, പ്ര​വാ​സ മ​ണ്ണി​ലും തൊ​ഴി​ൽ സ​മൂ​ഹ​ത്തി​ലും മാ​തൃ​ക​യാ​ണ്.

ത​ള​ർ​ന്ന കൈ​കാ​ലു​ക​ളു​മാ​യി വീ​ടി​ന്റെ നാ​ല് ചു​മ​രി​നു​ള്ളി​ൽ ശി​ഷ്ട​കാ​ലം ഒ​തു​ങ്ങി​പ്പോ​വു​മാ​യി​രു​ന്ന ത​ന്നെ ഖ​ത്ത​റി​ൽ തി​രി​കെ​യെ​ത്തി​ച്ച് വീ​ണ്ടും ഉ​യ​രെ പ​റ​ക്കാ​ൻ സൗ​ക​ര്യ​മൊ​രു​ക്കി​യ തൊ​ഴി​ലു​ട​മ​യു​ടെ വാ​ക്കു​ക​ൾ ന​ന്ദി​യോ​ടെ ഓ​ർ​ത്തെ​ടു​ക്കു​ക​യാ​ണ് ശി​ഹാ​ബ്. ഒ​പ്പം ദൈ​വ​ത്തി​നും അ​ദ്ദേ​ഹം ന​ന്ദി പ​റ​യു​ന്നു. ഇ​ച്ഛാ​ശ​ക്തി​യും പ്ര​വ​ർ​ത്തി​ക്കാ​നു​ള്ള മ​ന​സ്സും ഉ​ണ്ടെ​ങ്കി​ൽ വൈ​ക​ല്യം ഒ​ന്നും മ​ന​സ്സി​നെ ബാ​ധി​ക്കി​ല്ലെ​ന്ന് ശി​ഹാ​ബ് പ​റ​യു​ന്നു. മ​ല​പ്പു​റം മോ​ങ്ങം സ്വ​ദേ​ശി വാ​ള​പ്പ​റ പ​രേ​ത​നാ​യ മു​ഹ​മ്മ​ദ്-​മ​റി​യു​മ്മ ദ​മ്പ​തി​ക​ളു​ടെ മ​ക​നാ​ണ് ഇ​ദ്ദേ​ഹം. താ​ഹി​റ​യാ​ണ് ഭാ​ര്യ.