‘സു​ല്ലി’, ഇ​ന്ത്യ​ൻ പ​വ​ലി​യ​ന്‍റെ ഐശ്വ​ര്യം

ദു​ബൈ: ആ​ഘോ​ഷ​ത്തി​ന്‍റെ അ​തി​ശ​യ വേ​ദി​യാ​യ ഗ്ലോ​ബ​ൽ വി​ല്ലേ​ജി​ലെ ഇ​ന്ത്യ​ൻ പ​വ​ലി​യ​ൻ സ​ന്ദ​ർ​ശി​ച്ച​വ​രാ​രും മ​റ​ക്കാ​ത്ത ഒ​രു മു​ഖ​മു​ണ്ട്. നീ​ണ്ട മ​ര​ക്കാ​ലു​ക​ളി​ൽ ന​ട​ന്നും നൃ​ത്തം ചെ​യ്തും ആ​ൾ​ക്കൂ​ട്ട​ത്തി​നി​ട​യി​ൽ സ​ഞ്ച​രി​ക്കു​ന്ന​യാ​ൾ. മി​ക്ക​വ​രും ഇ​ന്ത്യ​ൻ പ​വ​ലി​യ​ന്‍റെ പ്ര​വേ​ശ​ന ക​വാ​ട​ത്തി​ൽ ത​ന്നെ​യാ​ണ്​ ഇ​ദ്ദേ​ഹ​ത്തെ കാ​ണു​ന്ന​ത്. അ​സാ​ധാ​ര​ണ നീ​ള​മു​ള്ള കാ​ലു​ക​ളാ​ണ്​ ആ​ളു​ക​ളു​ടെ ശ്ര​ദ്ധ പി​ടി​ച്ചു​പ​റ്റു​ന്ന ഘ​ട​കം.

ഇ​ത്ത​രം കാ​ലു​ക​ളി​ൽ സ​ഞ്ച​രി​ക്കു​ന്ന ന​ർ​ത്ത​ക​നെ ഇ​ന്ത്യ​ക്കാ​ർ​ക്ക്​ ചി​ല​ർ​ക്കെ​ങ്കി​ലും, പ്ര​​ത്യേ​കി​ച്ച്​ ഉ​ത്ത​രേ​ന്ത്യ​ക്കാ​ർ​ക്ക്​ പ​രി​ച​യ​മു​ണ്ടാ​കാം. എ​ന്നാ​ൽ, മ​റ്റു രാ​ജ്യ​ക്കാ​രെ സം​ബ​ന്ധി​ച്ചി​ട​ത്തോ​ളം ഒ​ര​ത്ഭു​ത​മാ​ണി​ത്. അ​വ​രി​ൽ പ​ല​രും ഈ ​ന​ർ​ത്ത​ക​നൊ​പ്പം സെ​ൽ​ഫി​യെ​ടു​ക്കു​ന്നു, ഹ​സ്ത​ദാ​നം ചെ​യ്യു​ന്നു, മ​റ്റു ചി​ല​ർ കു​ട്ടി​ക​ളെ അ​ദ്ദേ​ഹ​ത്തി​​ന്‍റെ ​കൈ​യി​ൽ കൊ​ടു​ത്ത്​ ഫോ​ട്ടോ​യെ​ടു​ക്കു​ന്നു. ഇ​ത്ത​ര​ത്തി​ൽ ഇ​ത്ത​വ​ണ​ത്തെ ഗ്ലോ​ബ​ൽ വി​ല്ലേ​ജി​ലെ താ​ര​മാ​യ ന​ർ​ത്ത​ക​ൻ ഡ​ൽ​ഹി സ്വ​ദേ​ശി​യാ​യ സു​ല്ലി​യാ​ണ്.

ഉ​ത്ത​രേ​ന്ത്യ​യി​ൽ ചി​ല ഗ്രാ​മ​ങ്ങ​ളി​ലും ന​ഗ​ര​ങ്ങ​ളി​ലും സ​ജീ​വ​മാ​യ നാ​ടോ​ടി​നൃ​ത്ത ക​ലാ​രൂ​പ​മാ​ണി​ദ്ദേ​ഹം അ​വ​ത​രി​പ്പി​ക്കു​ന്ന​ത്​. നീ​ള​മു​ള്ള മ​ര​ക്കാ​ലി​ൽ വീ​ഴാ​തെ ബാ​ല​ൻ​സ്​ ചെ​യ്ത്​ നി​ൽ​ക്കു​ക എ​ന്ന​ത്​ വ​ർ​ഷ​ങ്ങ​ളു​ടെ പ​രി​ശീ​ല​ന​ത്തി​ലൂ​ടെ നേ​ടി​യെ​ടു​ക്കു​ന്ന ക​ഴി​വാ​ണ്. ആ​ദ്യ​മാ​യാ​ണ്​ ഗ്ലോ​ബ​ൽ വി​ല്ലേ​ജ്​ എ​ന്ന ആ​റു​മാ​സം നീ​ളു​ന്ന ആ​ഘോ​ഷ വേ​ദി​യി​ലേ​ക്ക്​ സു​ല്ലി എ​ത്തു​ന്ന​ത്. കൂ​ടെ ഡ​ൽ​ഹി​യി​ൽ​നി​ന്നു​ള്ള നൃ​ത്ത​സം​ഘ​വു​മു​ണ്ട്. ഇ​വ​ർ പ്ര​ധാ​ന വേ​ദി​യി​ലും മ​റ്റും ചി​ല പ​രി​പാ​ടി​ക​ൾ അ​വ​ത​രി​പ്പി​ക്കു​ന്നു​ണ്ട്. രാ​ജ​സ്ഥാ​നി നാ​ടോ​ടി​നൃ​ത്ത​മാ​ണ്​ പ്ര​ധാ​ന​മാ​യും ഇ​വ​ർ അ​വ​ത​രി​പ്പി​ക്കു​ന്ന​ത്.

എ​ല്ലാ ദി​വ​സ​വും വൈ​കീ​ട്ട് ആ​റു മു​ത​ൽ പ​ത്തു വ​രെ നൃ​ത്ത​വേ​ഷ​ത്തി​ൽ മ​ര​ക്കാ​ലി​ന്​ മു​ക​ളി​ൽ നി​ൽ​ക്കു​മെ​ന്ന്​ സു​ല്ലി ‘ഗ​ൾ​ഫ്​ മാ​ധ്യ​മ’​ത്തോ​ട്​ പ​റ​ഞ്ഞു. ഡ​ൽ​ഹി പ​ട്ടേ​ൽ ന​ഗ​റി​ലാ​ണ്​ ഇ​ദ്ദേ​ഹം താ​മ​സി​ക്കു​ന്ന​ത്. മെ​ലി​ഞ്ഞ ശ​രീ​ര പ്ര​കൃ​തി​യാ​യ​തി​നാ​ൽ വ​ലി​യ പ്ര​യാ​സ​മി​ല്ലാ​തെ നി​ൽ​ക്കാ​നാ​വും. വി​വി​ധ രാ​ജ്യ​ക്കാ​രും വേ​ഷ​ക്കാ​രും എ​ത്തു​ന്ന ഗ്ലോ​ബ​ൽ വി​ല്ലേ​ജി​ൽ ശ്ര​ദ്ധി​ക്ക​പ്പെ​ടു​ന്ന​തി​ൽ സ​ന്തു​ഷ്ട​നാ​ണ്​ സു​ല്ലി. എ​ങ്കി​ലും തി​ര​ക്കേ​റി​യ ദി​വ​സ​ങ്ങ​ളി​ൽ ന​ട​ന്നു​നീ​ങ്ങാ​നും മ​റ്റും പ്ര​യാ​സ​പ്പെ​ടു​ന്നു​ണ്ട്.

ഒ​രു ക​ലാ​രൂ​പം അ​വ​ത​രി​പ്പി​ക്കു​ക എ​ന്ന​തു​പോ​ലെ ജീ​വി​തോ​പാ​ധി എ​ന്ന നി​ല​യി​ൽ​കൂ​ടി​യാ​ണ്​ സു​ല്ലി സാ​ഹ​സി​ക നൃ​ത്തം ചെ​യ്യു​ന്ന​ത്. ആ​ൾ​ക്കൂ​ട്ട​ത്തി​ലാ​യി​രി​ക്കു​മ്പോ​ഴും ബു​ദ്ധി​മു​ട്ടി​ക്കു​ന്ന അ​നു​ഭ​വ​ങ്ങ​ളി​ല്ലെ​ന്ന്​ സു​ല്ലി പ​റ​യു​ന്നു. ഇ​ന്ത്യ​യി​ലും നി​ര​വ​ധി സ്ഥ​ല​ങ്ങ​ളി​ൽ ഇ​ദ്ദേ​ഹം നൃ​ത്തം അ​വ​ത​രി​പ്പി​ച്ചി​ട്ടു​ണ്ട്.