മഴമേഘങ്ങൾക്കു കീ​ഴെ കരുതലായി വാസുവേട്ടന്റെ ‘മാരിവിൽ’ വിപ്ലവം

കോ​ഴി​ക്കോ​ട്: വേ​റി​ട്ട, അ​തി​ലേ​റെ വീ​റു​റ്റ ജീ​വി​ത​മാ​ണ് വാ​സു​വേ​ട്ട​നി​ഷ്ടം. ജീ​വി​ത കാ​ഴ്ച​പ്പാ​ടു​ക​ളി​ലും കാ​ണും ഈ ​വ്യ​തി​രി​ക്ത​ത. അ​തു​കൊ​ണ്ടാ​ണ​ല്ലോ, ‘സ​ഖാ​വ് ഇ​നി ജോ​ലി​ക്കൊ​ന്നും പോ​ക​ണ്ട, ശ​നി​യാ​ഴ്ച തോ​റും എ​ന്‍റെ​യ​ടു​ത്ത് വ​ന്നാ​ൽ മ​തി. പൈ​സ ഞാ​ൻ പി​രി​ച്ചു ത​ന്നോ​ളാ’​മെ​ന്ന് പ​റ​ഞ്ഞ മു​ൻ സ​ഹ​പ്ര​വ​ർ​ത്ത​ക​നോ​ട് വാ​സു​വേ​ട്ട​ൻ ക​ട്ടാ​യം പ​റ​ഞ്ഞ​ത്: ‘അ​വ​ന​വ​​ന്റെ അ​പ്പം അ​ധ്വാ​നി​ച്ചു​ണ്ടാ​ക്ക​ണം’.

ജ​യി​ലി​ൽ​നി​ന്നി​റ​ങ്ങി ജോ​ലി അ​ന്വേ​ഷി​ച്ച് കു​റെ ന​ട​ന്ന​പ്പോ​ഴാ​യി​രു​ന്നു സു​ഹൃ​ത്തി​ന്റെ വാ​ഗ്ദാ​നം. രാ​ഷ്ട്രീ​യ​ക്കാ​ർ​ക്കു​ള്ള പ്ര​ത്യേ​ക അ​വ​കാ​ശ​മാ​ണ​ല്ലോ പി​രി​വ്. അ​ങ്ങ​നെ ജീ​വി​ക്കാ​ൻ വാ​സു​വേ​ട്ട​ൻ ഒ​രു​ക്ക​മാ​യി​രു​ന്നി​ല്ല. സം​ഭാ​വ​ന വാ​ങ്ങി​ക്കു​ന്ന​തോ ആ​രെ​യെ​ങ്കി​ലും സേ​വി​ക്കു​ന്ന​തോ ഇ​ഷ്ട​മ​ല്ല. അ​വ​ന​വ​ന്‍റെ അ​പ്പം അ​ധ്വാ​നി​ച്ചു​ണ്ടാ​ക്ക​ണം എ​ന്ന​താ​യി​രു​ന്നു മു​ദ്രാ​വാ​ക്യം. അ​ങ്ങ​നെ​യാ​ണ് വാ​സു​വേ​ട്ട​ൻ കു​ട നി​ർ​മാ​ണ​ത്തി​ലേ​ക്ക് തി​രി​യു​ന്ന​ത്. ഈ ‘​മു​ത​ലാ​ളി ജീ​വി​തം’ അ​ര നൂ​റ്റാ​ണ്ടി​നോ​ട് അ​ടു​ക്കു​ക​യാ​ണ്. കോ​ഴി​ക്കോ​ടി​ന്‍റെ മ​ഴ​ക്കാ​ല മേ​ഘ​ങ്ങ​ൾ​ക്ക് കീ​​ഴെ ക​രു​ത​ലാ​യി വാ​സു​വേ​ട്ട​ന്‍റെ മാ​രി​വി​ൽ കു​ട​ക​ൾ വി​രി​യും, പ​തി​വു​​തെ​റ്റാ​തെ. അ​ങ്ങ​നെ തീ​വ്ര​വി​പ്ല​വ​ത്തി​ന്‍റെ ക​ന​ൽ​വ​ഴി​ക​ൾ താ​ണ്ടി 94ാം വ​യ​സ്സി​ലും കെ​ടാ​തെ ക​ത്തു​ക​യാ​ണ് ഗ്രോ ​വാ​സു​വെ​ന്ന വാ​സു​വേ​ട്ട​ൻ. കു​ട നി​ർ​മാ​ണ​വും ഒ​രു വി​പ്ല​വ പ്ര​വ​ർ​ത്ത​ന​മാ​ണ് അ​ദ്ദേ​ഹ​ത്തി​ന്.

1977ലാ​ണ് വാ​സു​വേ​ട്ട​ൻ കു​ട നി​ർ​മാ​ണം ആ​രം​ഭി​ക്കു​ന്ന​ത്. ‘1977 വ​രെ തൊ​ഴി​ലാ​ളി ആ​യി​രു​ന്ന ഞാ​ൻ തി​രു​നെ​ല്ലി- തൃ​ശി​ലേ​രി ആ​ക്ഷ​ൻ ക​ഴി​ഞ്ഞ് ജ​യി​ലി​ൽ​നി​ന്ന് നാ​ട്ടി​ൽ തി​രി​ച്ചെ​ത്തി​യ​പ്പോ​ൾ അ​ങ്ങ​നെ മു​ത​ലാ​ളി​യാ​യി’ എ​ന്നാ​ണ് അ​തേ​ക്കു​റി​ച്ച് വാ​സു​വേ​ട്ട​ൻ ത​മാ​ശ​രൂ​പ​ത്തി​ൽ പ​റ​യു​ക. ‘ജ​യി​ലി​ലാ​യ​തോ​ടെ കോം​ട്ര​സ്റ്റി​ലെ ജോ​ലി​യി​ൽ​നി​ന്ന് പി​രി​ച്ചു​വി​ട​പ്പെ​ട്ടി​രു​ന്നു. ഒ​ന്നാം പ്ര​തി ആ​യി​ട്ടും അ​ന്നും കേ​സ് ന​ട​ത്തു​ക​യോ ജാ​മ്യ​മെ​ടു​ക്കു​ക​യോ ചെ​യ്തി​രു​ന്നി​ല്ല. 29 പ്ര​തി​ക​ളെ​യും വെ​റു​തെ​വി​ട്ട​പ്പോ​ൾ എ​ന്നെ​യും വി​ട്ടു.

77 മു​ത​ൽ എ​ല്ലാ മ​ഴ​ക്കാ​ല​ത്തും വാ​സു​വേ​ട്ട​ന്‍ കു​ട​ക​ളു​ണ്ടാ​ക്കും. ജ​യി​ലി​ലാ​കു​ന്ന സ​മ​യ​ത്ത് മാ​ത്ര​മാ​ണ് ആ ​പ​തി​വ് മു​ട​ങ്ങി​യ​ത്. ഹീ​റോ എ​ന്ന പേ​രി​ലാ​യി​രു​ന്നു ആ​ദ്യം കു​ട​ക​ൾ ഉ​ണ്ടാ​ക്കി​യ​ത്. ഹീ​റോ പേ​ന​ക​ളോ​ടു​ള്ള ഇ​ഷ്ട​മാ​ണ് ആ ​പേ​ര് തി​ര​ഞ്ഞെ​ടു​ക്കാ​ൻ കാ​ര​ണം. ധീ​ര​ത​യെ അ​ത്ര​യ​ങ്ങ് കൂ​ട്ടു​പി​ടി​ക്ക​ണ്ട എ​ന്നു​തോ​ന്നി​യ​പ്പോ​ൾ ഹീ​റോ ​പേ​ര് മാ​റി മാ​രി​വി​ൽ ആ​യി. നി​ർ​മാ​ണ സീ​സ​ണി​ൽ ബ​ന്ധു​ക്ക​ളും സു​ഹൃ​ത്തു​ക്ക​ളു​മാ​യ നാ​ല​ഞ്ചു​പേ​ർ സ​ഹാ​യ​ത്തി​നു​ണ്ടാ​കും. ഇ​ത്ത​വ​ണ ര​ണ്ടാ​യി​ര​ത്തോ​ളം കു​ട​ക​ൾ ഉ​ണ്ടാ​ക്കി​യി​ട്ടു​ണ്ട്. പൊ​റ്റ​മ്മ​ലി​ലെ ക​ട​യി​ൽ ത​ന്നെ​യാ​ണ് ഇ​പ്പോ​ഴും വാ​സു​വേ​ട്ട​ൻ കു​ട വി​ൽ​ക്കു​ന്ന​ത്. കു​ട്ടി​ക​ൾ​ക്കു​ള്ള ഡി​സൈ​ൻ കു​ട​യും കാ​ല​ൻ കു​ട​യും ത്രീ ​ഫോ​ൾ​ഡ് കു​ട​ക​ളു​മാ​ണ് വി​ൽ​പ​ന​ക്കു​ള്ള​ത്. കാ​ല​ൻ കു​ട​ക്ക് 420ഉം ​ത്രീ ഫോ​ൾ​ഡ് കു​ട​ക​ൾ​ക്ക് 320, 340 രൂ​പ​യു​മാ​ണ് വി​ല. കു​ട്ടി​ക​ളു​ടെ കു​ട​ക​ൾ 240 രൂ​പ നി​ര​ക്കി​ൽ ല​ഭി​ക്കും. പ​ണ്ട് കു​ട​ക്ക​ച്ച​വ​ടം പൂ​ട്ടി​ക്കാ​ൻ പൊ​ലീ​സു​കാ​ർ നി​ർ​ബ​ന്ധി​ച്ചി​രു​ന്ന​താ​യി വാ​സു​വേ​ട്ട​ൻ വെ​ളി​പ്പെ​ടു​ത്തു​ന്നു. അ​ന്ന് ക​ട​യു​ടെ മു​ന്നി​ൽ എ​ന്നും ര​ണ്ടു​വീ​തം പൊ​ലീ​സു​കാ​ർ എ​പ്പോ​ഴും നി​രീ​ക്ഷ​ണ​ത്തി​നു​ണ്ടാ​കും. പ്ര​ധാ​ന​മ​ന്ത്രി​യോ പ്ര​സി​ഡ​ന്‍റോ അ​തു​പോ​ലു​ള്ള പ്ര​ധാ​ന​പ്പെ​ട്ട​വ​രോ കോ​ഴി​ക്കോ​ടെ​ത്തു​ന്ന ദി​വ​സം ക​രു​ത​ൽ കൂ​ടും. ഏ​താ​നും വ​ർ​ഷ​ങ്ങ​ൾ​ക്കു മു​മ്പാ​ണ് ക​ട​യു​ടെ മു​മ്പി​ൽ പാ​റാ​വ് നി​ൽ​ക്കു​ന്ന പ​ണി പൊ​ലീ​സു​കാ​ർ ഉ​പേ​ക്ഷി​ച്ച​ത്.

കു​ത്ത​ക​ക്ക​മ്പ​നി​ക​ളു​ടേ​തു​പോ​ലെ വ​ലി​യ​തോ​തി​ൽ കു​ട നി​ർ​മി​ച്ച് വ​മ്പ​ൻ ലാ​ഭ​മു​ണ്ടാ​ക്കാ​നൊ​ന്നും വാ​സു​വേ​ട്ട​ന് താ​ൽ​പ​ര്യ​മി​ല്ല. മൂ​ന്നോ നാ​ലോ മാ​സ​ത്തേ​ക്കു​ള്ള ചാ​യ​ക്കാ​ശ്. അ​തി​ന​പ്പു​റ​മൊ​ന്നും ഈ ​ജോ​ലി​യി​ൽ നി​ന്ന് ല​ഭി​ക്കി​ല്ലെ​ങ്കി​ലും അ​ധ്വാ​നി​ച്ചു ജീ​വി​ക്കു​ക എ​ന്ന മു​ദ്രാ​വാ​ക്യം കൈ​വി​ടാ​ൻ ഒ​രു​ക്ക​മ​ല്ല വാ​സു​വേ​ട്ട​ൻ.