ന​വ​തി​യി​ലും തി​ള​ങ്ങി അ​ധ്യാ​പ​ക​ൻ; 90ന്‍റെ നിറവിൽ കുമളിയുടെ സ്വന്തം ‘വി.എസ്​’

കു​മ​ളി: മ​ഞ്ഞും മ​ഴ​യും ശ​രീ​രം കോ​ച്ചു​ന്ന ത​ണു​പ്പും ഹൈ​റേ​ഞ്ചി​നെ മൂ​ടി നി​ന്നി​രു​ന്ന കാ​ലം. കാ​ടും നാ​ടും ഒ​ന്നാ​യി ചേ​ർ​ന്ന് വ​ന്യ​ജീ​വി​ക​ൾ അ​തി​രു​ക​ളി​ല്ലാ​തെ എ​ങ്ങും ചു​റ്റി ന​ട​ന്ന നേ​രം. ഹൈ​റേ​ഞ്ചി​ൽ കു​ടി​യേ​റി​പ്പാ​ർ​ത്ത ജ​ന​ത​ക്ക്​ കൂ​ട്ടാ​യി ദാ​രി​ദ്യ​വും പ​ക​ർ​ച്ച​വ്യാ​ധി​ക​ളും നി​റ​ഞ്ഞാ​ടി​യ കാ​ല​ഘ​ട്ടം. ഇ​തി​ലേ​ക്കാ​ണ് ച​ങ്ങ​നാ​ശ്ശേ​രി പ​ട്ട​ണ​ത്തി​ലെ ജീ​വി​ത​ത്തി​ൽ നി​ന്നും ഹൈ​റേ​ഞ്ചി​ലെ പ്ര​തി​കൂ​ല കാ​ലാ​വ​സ്ഥ​യി​ലേ​ക്ക് മ​ല ക​യ​റി ഒ​രു അ​ധ്യാ​പ​ക​ൻ എ​ത്തു​ന്ന​ത്. പി​ന്നീ​ടു​ള്ള ജീ​വി​തം ഹൈ​റേ​ഞ്ചി​നാ​യി സ​മ​ർ​പ്പി​ച്ച ആ​റ​ര പ​തി​റ്റാ​ണ്ട്. നി​ര​വ​ധി കു​രു​ന്നു​ക​ൾ​ക്ക് അ​റി​വി​നൊ​പ്പം ലോ​ക വാ​തി​ൽ തു​റ​ന്നു ന​ൽ​കി ഉ​യ​ര​ങ്ങ​ളി​ലേ​ക്ക് ന​യി​ച്ച അ​ധ്യാ​പ​ക​നെ അ​വ​ർ ര​ണ്ട​ക്ഷ​ര​ത്തി​ൽ നെ​ഞ്ചോ​ട് ചേ​ർ​ത്തു​വെ​ച്ചു. അ​താ​ണ് വി.​എ​സ്. കു​മ​ളി​യു​ടെ സ്വ​ന്തം വി.​എ​സ്. ഷം​സു​ദ്ദീ​ൻ എ​ന്ന അ​ധ്യാ​പ​ക​ൻ.

ന​വ​തി​യു​ടെ നി​റ​വി​ൽ നി​ൽ​ക്കു​മ്പോ​ഴും വി.​എ​സ് ഇ​പ്പോ​ഴും കു​മ​ളി​യു​ടെ സാ​മൂ​ഹി​ക, സാം​സ്കാ​രി​ക, കാ​യി​ക രം​ഗ​ങ്ങ​ളി​ലെ​ല്ലാം സ​ജീ​വ​മാ​ണ്.1935 മേ​യ് 19ന് ​ച​ങ്ങ​നാ​ശ്ശേ​രി, വാ​ലു​പ​റ​മ്പി​ൽ സെ​യ്ദ് മു​ഹ​മ്മ​ദ് റാ​വു​ത്ത​ർ - ബീ​വി​യ​മ്മ ദ​മ്പ​തി​ക​ളു​ടെ 10 മ​ക്ക​ളി​ൽ മൂ​ത്ത​യാ​ളാ​യി ജ​ന​നം. ച​ങ്ങ​നാ​ശ്ശേ​രി​യി​ലെ പ​ഠ​ന​ത്തി​നി​ടെ പ്ര​ഥ​മ പ്ര​ധാ​ന​മ​ന്ത്രി ജ​വ​ഹ​ർ​ലാ​ൽ നെ​ഹ്രു, മ​ന്ന​ത്ത് പ​ത്മ​നാ​ഭ​ൻ, നി​ത്യ​ഹ​രി​ത നാ​യ​ക​ൻ പ്രേം​ന​സീ​ർ എ​ന്നി​ങ്ങ​നെ പ്ര​മു​ഖ​രെ കാ​ണാ​നും അ​ടു​ത്തി​ട​പ​ഴ​കാ​നും ല​ഭി​ച്ച അ​വ​സ​രം വ​ഴി​ത്തി​രി​വാ​യി. 1961ലാ​ണ് അ​ധ്യാ​പ​ക​നാ​യി ഹൈ​റേ​ഞ്ചി​ലെ കു​മ​ളി​യി​ലെ​ത്തു​ന്ന​ത്. ര​ണ്ടു ത​വ​ണ ഹെ​ഡ്മാ​സ്റ്റ​റാ​യി പ്ര​മോ​ഷ​ൻ തേ​ടി​യെ​ത്തി​യ​പ്പോ​ഴും കു​മ​ളി വി​ട്ടു പോ​കാ​നു​ള്ള വി​ഷ​മ​ത്താ​ൽ അ​തെ​ല്ലാം ഉ​പേ​ക്ഷി​ച്ച് അ​ധ്യാ​പ​ക​നാ​യി ത​ന്നെ തു​ട​ർ​ന്നു.1969​ൽ കു​മ​ളി സ്വ​ദേ​ശി​നി സൈ​ന​ബ ബീ​വി​യെ വി​വാ​ഹം ക​ഴി​ച്ചു. മ​ക്ക​ൾ: ഷീ​ന, ഷി​ജു, ഷി​നു.

യു.​പി വി​ഭാ​ഗം മ​ല​യാ​ളം അ​ധ്യാ​പ​ക​ൻ എ​ന്ന​തി​ലു​പ​രി ചെ​സ്സ്, ക്വി​സ്സ് മാ​സ്റ്റ​ർ, ഫു​ട്ബാ​ൾ, ബാ​ഡ്മി​ൻ​റ​ൺ പ​രി​ശീ​ല​ക​ൻ എ​ന്നി​ങ്ങ​നെ വി​വി​ധ രം​ഗ​ങ്ങ​ളി​ൽ വി.​എ​സ് കൈ​പി​ടി​ച്ചു​യ​ർ​ത്തി​യ​വ​ർ​ക്ക് ക​ണ​ക്കി​ല്ല. കാ​യി​ക രം​ഗ​ത്ത് മി​ക​വ് തെ​ളി​യി​ച്ച മി​ക്ക​വ​രും രാ​ജ്യ​ത്തെ വി​വി​ധ സേ​ന​ക​ളി​ൽ ജോ​ലി നേ​ടി​യെ​ന്ന​തി​ൽ അ​ധ്യാ​പ​ക​ന് അ​ഭി​മാ​നം. സ്കൂ​ളി​ൽ ആ​ദ്യ​മാ​യി ഫോ​ട്ടോ​ഗ്ര​ഫി ക്ല​ബ് രൂ​പീ​ക​രി​ച്ച​തും ടെ​ലി​ഫോ​ൺ ക​ണ്ടി​ട്ടി​ല്ലാ​ത്ത കു​ട്ടി​ക​ൾ​ക്കാ​യി ആ​ദ്യ​മാ​യി ടെ​ലി​ഫോ​ൺ എ​ത്തി​ച്ച​പ്പോ​ൾ ക​ണ്ട കൗ​തു​ക​വും അ​ധ്യാ​പ​ക​ൻ ഓ​ർ​മി​ച്ചെ​ടു​ക്കു​ന്നു. ഹൈ​റേ​ഞ്ചി​ൽ ആ​ദ്യ​മാ​യി സ്കൂ​ളി​ൽ സ്കൗ​ട്ട് പ​രി​ശീ​ല​നം തു​ട​ങ്ങി​യ​തും വി.​എ​സ്. ഷം​സു​ദ്ദീ​ൻ എ​ന്ന അ​ധ്യാ​പ​ക​നാ​യി​രു​ന്നു.

മ​ഞ്ഞ് മൂ​ടി​യ വ​ഴി​ക​ളി​ലൂ​ടെ ന​ട​ന്നെ​ത്തു​ന്ന വി​ദ്യാ​ർ​ഥി​ക​ളെ കാ​ത്ത് രാ​വി​ലെ ഗ്രൗ​ണ്ടി​ൽ യൂ​ണി​ഫോ​മും വി​സി​ലു​മ​ണി​ഞ്ഞ് ജാ​ഗ്ര​ത​യോ​ടെ വി.​എ​സ് കാ​ത്തു നി​ന്നി​രു​ന്നു. കു​മ​ളി​യി​ലെ കാ​യി​ക ലോ​ക​ത്തി​ന് തു​ട​ക്ക​മി​ട്ട ആ​ന​വ​ച്ചാ​ൽ, കു​മ​ളി ഹൈ​സ്കൂ​ൾ ഗ്രൗ​ണ്ടു​ക​ളു​ടെ നി​ർ​മാ​ണ​ത്തി​ന് മു​ന്നി​ൽ നി​ന്ന്​ പ്ര​വ​ർ​ത്തി​ച്ച​തും വി.​എ​സാ​ണ്. 90ന്‍റെ നി​റ​വി​ൽ നി​ൽ​ക്കു​മ്പോ​ഴും വി.​എ​സി​ന്‍റെ വി​സി​ൽ മു​ഴ​ക്ക​ത്തി​നാ​യി കാ​ത്തു നി​ൽ​ക്കു​ന്ന യു​വ​ത്വം ഒ​പ്പ​മു​ള്ള​താ​ണ് ഈ ​അ​ധ്യാ​പ​ക​നെ ഊ​ർ​ജ്ജ​സ്വ​ല​നാ​ക്കു​ന്ന​ത്.