മൂന്നു പതിറ്റാണ്ടത്തെ പ്രവാസ അധ്യാപന അനുഭവങ്ങളുമായി വി.വി.കെ ഹനീഫ് മാസ്റ്റര്‍ മടങ്ങുന്നു

ഇ​ബ്രാ​ഹിം ശം​നാ​ട്

ജി​ദ്ദ: മൂ​ന്നു പ​തി​റ്റാ​ണ്ടി​ലേ​റെ നീ​ണ്ടു​നി​ന്ന പ്ര​വാ​സ​ലോ​ക​ത്തെ അ​ധ്യാ​പ​ന ജീ​വി​ത​ത്തോ​ട് വി​ട​പ​റ​യു​ക​യാ​ണ് വി.​വി.​കെ. ഹ​നീ​ഫ് മാ​സ്റ്റ​ര്‍. ബ​ഹു​ഭാ​ഷാ പ​ണ്ഡി​ത​ന്‍, വാ​ഗ്മി, ഗാ​യ​ക​ന്‍, ഇ​സ്‍ലാ​മി​ക വി​ജ്ഞാ​ന​ങ്ങ​ളി​ലു​ള്ള അ​റി​വ്, പൊ​തു​രം​ഗ​ത്തെ സ​ജീ​വ സാ​ന്നി​ധ്യം, നേ​തൃ​പാ​ട​വം തു​ട​ങ്ങി അ​നേ​കം വി​ശേ​ഷ​ണ​ങ്ങ​ള്‍ക്കു​ട​മ​യാ​ണ് ഹ​നീ​ഫ് മാ​സ്റ്റ​ര്‍. 1990ല്‍ ​ആ​ണ് ആ​ദ്യ​മാ​യി ജി​ദ്ദ​യി​ലെ​ത്തി​യ​ത്. ഒ​രു വ​ര്‍ഷം യാം​ബു​വി​ൽ സ്വ​കാ​ര്യ ക​മ്പ​നി​യി​ല്‍ ജോ​ലി​ചെ​യ്ത ശേ​ഷം ജി​ദ്ദ​യി​ലെ ഇ​ന്ത്യ​ന്‍ ഇ​ന്റ​ര്‍നാ​ഷ​ന​ല്‍ സ്കൂ​ളി​ല്‍ അ​റ​ബി​ക് അ​ധ്യാ​പ​ക​നാ​യി ജോ​ലി ആ​രം​ഭി​ച്ചു.

പ​ത്ര​ത്തി​ല്‍ ക​ണ്ട പ​ര​സ്യ​മാ​യി​രു​ന്നു സ്‌​കൂ​ളി​ല്‍ അ​ധ്യാ​പ​ക​നാ​യി ജോ​ലി​ക്ക് അ​പേ​ക്ഷ സ​മ​ര്‍പ്പി​ക്കാ​നി​ട​യാ​യ​ത്. സെ​ക്ക​ൻ​ഡ​റി സ്കൂ​ളി​ലാ​ണ് അ​റ​ബി​ക് അ​ധ്യാ​പ​ക​നാ​യി ചേ​ര്‍ന്ന​തെ​ങ്കി​ലും ഇ​പ്പോ​ള്‍ സീ​നി​യ​ര്‍ അ​റ​ബി​ക് അ​ധ്യാ​പ​ക​നാ​യാ​ണ് വി​ര​മി​ക്കു​ന്ന​ത്.അ​റ​ബി ഭാ​ഷ​യി​ലു​ള്ള അ​വ​ഗാ​ഹം കാ​ര​ണം, സ്കൂ​ളി​ന്റെ അ​റ​ബി​ക് ടെ​ക്സ്റ്റ് ബു​ക്കു​ക​ളു​ടെ തി​ര​ഞ്ഞെ​ടു​പ്പി​ലും ഹ​നീ​ഫ് മാ​സ്റ്റ​ര്‍ക്ക് നി​ര്‍ണാ​യ​ക പ​ങ്കു​വ​ഹി​ക്കാ​ൻ സാ​ധി​ച്ചു. കേ​ര​ള​ത്തി​ലെ ഒ​രു സ്ഥാ​പ​നം പു​റ​ത്തി​റ​ക്കു​ന്ന അ​റ​ബി​ക് പു​സ്ത​ക​മാ​ണ് നി​ല​വി​ൽ സ്‌​കൂ​ളി​ൽ പ​ഠി​പ്പി​ച്ചു​കൊ​ണ്ടി​രി​ക്കു​ന്ന​ത്.

പു​തു​ത​ല​മു​റ​യു​ടെ മ​ന​സ്സു​ക​ളി​ല്‍ വി​ജ്ഞാ​ന​ത്തി​ന്റെ വെ​ളി​ച്ചം പ്ര​സ​രി​പ്പി​ക്കാ​ന്‍ സാ​ധി​ച്ച​ത് അ​വി​സ്മ​ര​ണീ​യ അ​നു​ഭ​വ​മാ​യി​രു​ന്നു​വെ​ന്ന് ഹ​നീ​ഫ് മാ​ഷ് പ്ര​തി​ക​രി​ച്ചു. വി​വി​ധ ദേ​ശ​ക്കാ​രും ഭാ​ഷ​ക്കാ​രു​മാ​യ വി​ദ്യാ​ർ​ഥി​ക​ളെ പ​ഠി​പ്പി​ക്കാ​നു​ള്ള അ​വ​സ​രം ഫ​ല​പ്ര​ദ​മാ​യി ഉ​പ​യോ​ഗ​പ്പെ​ടു​ത്തി​യ​തി​ലു​ള്ള നി​റ​ഞ്ഞ സം​തൃ​പ്തി​യോ​ടെ​യാ​ണ് നാ​ട്ടി​ലേ​ക്ക് തി​രി​ക്കു​ന്ന​ത്. അ​വി​ടെ​യും അ​ധ്യാ​പ​ന​രം​ഗ​ത്ത് സേ​വ​നം ചെ​യ്യാ​നാ​ണ് താ​ല്‍പ​ര്യ​മെ​ന്ന് അ​ദ്ദേ​ഹം പ​റ​ഞ്ഞു.ജി​ദ്ദ​യി​ലെ നി​ര​വ​ധി മ​ത, ക​ലാ, സാം​സ്കാ​രി​ക സം​ഘ​ട​ന​ക​ളി​ലും സ​ജീ​വ സാ​ന്നി​ധ്യ​മാ​യി​രു​ന്ന വി.​വി.​കെ. ഹ​നീ​ഫ് മാ​സ്റ്റ​ര്‍ അ​റി​യ​പ്പെ​ടു​ന്ന സ​ര്‍ഗ​പ്ര​തി​ഭ​യു​ള​ള ഗാ​യ​ക​ന്‍ കൂ​ടി​യാ​യി​രു​ന്നു.

മ​ല​യാ​ളം കൂ​ടാ​തെ ഉ​ര്‍ദു ഗ​സ​ലു​ക​ളും അ​ദ്ദേ​ഹ​ത്തി​ന് ശ്രു​തി മ​ധു​ര​മാ​യി ആ​ല​പി​ക്കാ​ന്‍ ക​ഴി​വു​ണ്ട്. ത​നി​മ നോ​ര്‍ത്ത് സോ​ണ്‍ അ​സീ​സി​യ യൂ​നി​റ്റ് പ്ര​സി​ഡ​ന്റ്, ജി​ദ്ദ പ്ര​വാ​സി വെ​ൽ​ഫെ​യ​ര്‍, ജി​ദ്ദ ക​ലാ സാ​ഹി​തി, അ​ക്ഷ​ര​ക്കൂ​ട്ട്, ശാ​ന്ത​പു​രം അ​ല്‍ജാ​മി​അ അ​ലും​നി ക​മ്മി​റ്റി തു​ട​ങ്ങി​യ വേ​ദി​ക​ളി​ലെ നി​റ​സാ​ന്നി​ധ്യ​മാ​യി​രു​ന്നു അ​ദ്ദേ​ഹം. ഭാ​ര്യ ഹാ​ഫി​സ അ​ധ്യാ​പി​ക​യാ​ണ്. മ​ക്ക​ള്‍ ഫു​ആ​ദ്, അ​ജ്‍വ​ദ്, അ​ര്‍ഫ​ദ്. സൗ​ദി​യി​ല്‍ നി​ര​വ​ധി സു​ഹൃ​ദ് വ​ല​യ​മു​ള്ള വ്യ​ക്തി​ത്വ​ത്തി​ന്റെ ഉ​ട​മ​യാ​ണ്. മൊ​ബൈ​ല്‍: 0507597856.