ഒമ്പത്​ വർഷത്തെ കാത്തിരിപ്പിനൊടുവിൽ മകനെ കണ്ടെത്തിയ സന്തോഷത്തിൽ മാതാപിതാക്കൾ

തി​രു​വ​ന​ന്ത​പു​രം: ഒ​മ്പ​ത് വ​ർ​ഷ​മാ​യി അ​​​ന്വേ​ഷി​ക്കു​ക​യാ​യി​രു​ന്ന മ​ക​നെ ക​ണ്ടെ​ത്തി​യ സ​ന്തോ​ഷ​ത്തി​ലാ​ണ് ഈ ​മാ​താ​പി​താ​ക്ക​ൾ. വ​ർ​ഷ​ങ്ങ​ൾ​ക്കു​ശേ​ഷം വി​ദേ​ശ​ത്തു​ള്ള മ​ക​നെ വി​ഡി​യോ കോ​ളി​ലൂ​ടെ ക​ണ്ട്​ സം​സാ​രി​ച്ച​തി​ന്‍റെ സ​ന്തോ​ഷം സി. ​സു​ന്ദ​രേ​ശ​നും ബി.​എ​സ്. മ​ണി​ക്കും അ​ട​ക്കാ​നാ​കു​ന്നി​ല്ല. തി​രു​വ​ന​ന്ത​പു​രം ന​ഗ​ര​സ​ഭ മു​ൻ കൗ​ൺ​സി​ല​റും സി.​പി.​എം പ്രാ​ദേ​ശി​ക നേ​താ​വു​മാ​യ ഐ.​പി. ബി​നു​വി​ന്‍റെ​യും കേ​ര​ള പൊ​ലീ​സ് ഓ​ഫി​സേ​ഴ്സ് അ​സോ​സി​യേ​ഷ​ൻ സം​സ്ഥാ​ന പ്ര​സി​ഡ​ന്‍റ​റും സി.​ഐ​യു​മാ​യ ആ​ർ. പ്ര​ശാ​ന്തി​ന്‍റെ​യും ഇ​ട​പെ​ട​ലി​ലൂ​ടെ​യാ​ണ് ഒ​മ്പ​ത് വ​ര്‍ഷം മു​മ്പ് കാ​ണാ​താ​യ മ​ക​നെ ക​ണ്ടെ​ത്താ​ന്‍ മാ​താ​പി​താ​ക്ക​ൾ​ക്ക്​ സാ​ധി​ച്ച​ത്.

ആ​ര്യ​നാ​ട് തോ​ളൂ​ർ മ​ണി​ക​ണ്ഠ വി​ലാ​സ​ത്തി​ൽ എ​സ്. പ്ര​വീ​ൺ (34) ആ​ണ് ഒ​മ്പ​ത് വ​ർ​ഷ​ത്തെ അ​ജ്ഞാ​ത വാ​സ​ത്തി​നു​ശേ​ഷം വി​ഡി​യോ കോ​ളി​ലൂ​ടെ മാ​താ​പി​താ​ക്ക​ളോ​ട്​ സം​സാ​രി​ച്ച​ത്. ക​ഴി​ഞ്ഞ ദി​വ​സ​മാ​ണ് ഐ.​പി. ബി​നു​വി​ന് പ്ര​വാ​സി​ക​ളാ​യ ക​നി​ൽ​ദാ​സി​ന്‍റെ​യും മു​ജീ​ബി​ന്‍റെ​യും ഫോ​ൺ വി​ളി എ​ത്തു​ന്ന​ത്. തി​രു​വ​ന​ന്ത​പു​രം ആ​ര്യ​നാ​ട് സ്വ​ദേ​ശി​യാ​യ പ്ര​വീ​ൺ പ​ത്ത്​ വ​ർ​ഷ​ത്തോ​ള​മാ​യി വീ​ട്ടു​കാ​രു​മാ​യി ഒ​രു ബ​ന്ധ​വു​മി​ല്ലാ​തെ വി​ദേ​ശ​ത്ത് അ​ക​പ്പെ​ട്ടി​രി​ക്കു​ക​യാ​ണെ​ന്ന് അ​വ​ര്‍ അ​റി​യി​ച്ചു. വി​സ​യു​ടെ​യും പാ​സ്പോ​ർ​ട്ടി​ന്‍റെ​യും കാ​ലാ​വ​ധി ക​ഴി​ഞ്ഞ പ്ര​വീ​ൺ ജോ​ലി​യൊ​ന്നു​മി​ല്ലാ​തെ വ​ള​രെ മോ​ശം അ​വ​സ്ഥ​യി​ലാ​ണെ​ന്നാ​യി​രു​ന്നു ഇ​വ​ര്‍ ന​ൽ​കി​യ വി​വ​രം. വീ​ട്ടു​കാ​രെ ക​ണ്ടെ​ത്തി പ്ര​വീ​ണി​നെ തി​രി​കെ നാ​ട്ടി​ൽ എ​ത്തി​ക്ക​ണ​മെ​ന്നും അ​വ​ർ ആ​വ​ശ്യ​പ്പെ​ട്ടു.

തു​ട​ര്‍ന്ന് ബി​നു സു​ഹൃ​ത്തും ആ​ര്യ​നാ​ട് സ്വ​ദേ​ശി​യാ​യ കേ​ര​ള പൊ​ലീ​സ് ഓ​ഫി​സേ​ഴ്സ് അ​സോ​സി​യേ​ഷ​ൻ സം​സ്ഥാ​ന പ്ര​സി​ഡ​ന്‍റും ഇ​ൻ​സ്പെ​ക്ട​റു​മാ​യ പ്ര​ശാ​ന്തി​നെ വി​വ​ര​മ​റി​യി​ച്ചു. പ്ര​ശാ​ന്ത് പ്ര​വീ​ണി​ന്‍റെ വീ​ട് ക​ണ്ടെ​ത്തി വീ​ട്ടു​കാ​രു​മാ​യി ബ​ന്ധ​പ്പെ​ട്ടു. ബി​നു അ​റി​യി​ച്ച​ത​നു​സ​രി​ച്ച് സി.​പി.​എം ആ​ര്യ​നാ​ട് ബ്രാ​ഞ്ച് സെ​ക്ര​ട്ട​റി അ​ഡ്വ. അ​ജേ​ഷും സ്ഥ​ല​ത്തെ​ത്തി. നാ​ട്ടി​ൽ പെ​യി​ന്‍റി​ങ്​ ജോ​ലി​യാ​യി​രു​ന്നു പ്ര​വീ​ണി​ന്. പി​ന്നീ​ട് കാ​റ്റ​റി​ങ് ജോ​ലി​ക്കാ​യാ​ണ് പ​ത്ത്​ വ​ർ​ഷം മു​മ്പ് അ​ബൂ​ദ​ബി​യി​ലേ​ക്ക് പോ​യ​ത്. അ​വി​ടെ​യെ​ത്തി ര​ണ്ട് വ​ർ​ഷ​ത്തോ​ളം വീ​ട്ടു​കാ​രു​മാ​യി പ്ര​വീ​ൺ ബ​ന്ധ​പ്പെ​ടു​മാ​യി​രു​ന്നു. പി​ന്നീ​ട് മ​റ്റൊ​രു സ്ഥ​ല​ത്തെ ക​മ്പ​നി​യി​ൽ ജോ​ലി​ക്ക് പോ​കു​ക​യാ​ണെ​ന്ന് ബ​ന്ധു​ക്ക​ളെ അ​റി​യി​ച്ചു. പി​ന്നാ​ലെ പ്ര​വീ​ണി​നെ​ക്കു​റി​ച്ച് വി​വ​രം ല​ഭി​ക്കാ​തെ​യാ​യി. തു​ട​ര്‍ന്ന് ബ​ന്ധു​ക്ക​ൾ പ്ര​വീ​ണി​നെ ക​ണ്ടെ​ത്താ​നാ​യി പ​ല ശ്ര​മ​ങ്ങ​ളും ന​ട​ത്തി​യെ​ങ്കി​ലും ഫ​ല​മു​ണ്ടാ​യി​രു​ന്നി​ല്ല. പ്ര​വീ​ണി​നെ ഉ​ട​ൻ നാ​ട്ടി​ലെ​ത്തി​ക്കാ​നു​ള്ള ന​ട​പ​ടി ആ​രം​ഭി​ച്ച​താ​യി ബി​നു പ​റ​ഞ്ഞു.