കുടിയന്‍റെ പെണ്ണുങ്ങള്‍

ഇൗ ​എ​ഴു​ത്ത്​ ജോ​ൺ​സ​നെ കു​റി​ച്ച​ല്ല. ‘കു​ടി​യ​ന്‍റെ കു​മ്പ​സാ​ര​ത്തി​ലൂ​ടെ’ മ​ല​യാ​ളി ആ ​ജീ​വി​തം അ​റി​ഞ്ഞ​താ​ണ്. ജോൺസന്‍റെ ഭാര്യ രാജിയെപ്പോലുള്ള അനേകം സ്​ത്രീ​കളാണ്​ ഇതിലെ കഥാപാത്രങ്ങൾ. മ​ദ്യ​പ​ർ​ക്കൊപ്പം ഉ​ള്ളാ​കെ ക​ല​ങ്ങി ജീ​വി​ക്കു​ന്ന സഹനത്തി​ന്‍റെ ഉടൽരൂപങ്ങൾ. പൂട്ടിയ ബാറുകൾ ജനത്തി​ന്‍റെ കണ്ണുവെട്ടിച്ചും കുതന്ത്രങ്ങൾ ഒരുക്കിയും തുറക്കാനുള്ള തത്രപ്പാടിനിടെ ഭരണകൂടം കാണാതെ പോകരുത്​ ഇൗ ജീവിതങ്ങൾ...

​പൂ​മ​ല​യി​ലെ ‘പു​ന​ർ​ജ​നി’​യി​ലേ​ക്കു​ള്ള യാ​ത്ര​ക്കി​ടെ മ​ന​സ്സി​ൽ ആ​ദ്യ​മെ​ത്തി​യ​ത് റൈ​ഹാ​ന​യു​ടെ മു​ഖ​മാ​ണ്. ബാ​ല്യം വി​ടും മു​മ്പ്​ വി​വാ​ഹ​വും കൗ​മാ​ര​ത്തി​ൽ മാതൃത്വത്തിലും യൗ​വ​ന​ത്തി​ൽ വി​വാ​ഹ​മോ​ച​ന​ത്തി​ലു​മെ​ത്തി​യ ജീ​വി​തം. ഒ​രാ​യു​സ്സി​ന്‍റെ വേ​ദ​ന​ക​ൾ ചെ​റു​പ്രാ​യ​ത്തി​ൽ അ​നു​ഭ​വി​ച്ച​വ​ൾ. സ്വ​സ്​​ഥ ജീ​വി​ത​ത്തി​ന്​ റൈ​ഹാ​ന​ക്ക്​ ത​ട​സ്സം നി​ന്ന​ത്​ ഭ​ർ​ത്താ​വാ​യി എ​ത്തി​യ​യാ​ളു​ടെ മ​ദ്യ​പാ​നം. മ​ല​പ്പു​റ​ത്തെ കു​ടും​ബ​കോ​ട​തി​ക്ക് പു​റ​ത്താ​ണ് അ​ന്ന് അ​വ​രെ ക​ണ്ട​ത്. ഭ​ർ​ത്താ​വു​മാ​യു​ള്ള വേ​ർ​പി​രി​യ​ലി​ന് എ​ത്തി​യ യു​വ​തി. 18 ഉം 11 ​നും വ​യ​സ്സുള്ള മ​ക്ക​ളു​ള്ള 35കാ​രി. 14 ാംവ​യ​സ്സിൽ മ​ണ​വാ​ട്ടി​യാ​യി ഭ​ർ​തൃ വീ​ട്ടി​ലെ​ത്തി​യ​വ​ൾ. ഭ​ർ​തൃ​വീ​ട്ടി​ൽ റൈ​ഹാ​ന​യെ കാ​ത്തി​രു​ന്ന​ത്​ മ​ദ്യം ഉ​ന്മാ​ദം തീ​ർ​ത്ത പു​രു​ഷ​ൻ. രാ​ത്രി​ക​ളി​ൽ രൂ​ക്ഷഗ​ന്ധ​വു​മാ​യി അ​യാ​ൾ മു​ന്നി​ലെ​ത്തി. ന​ല്ല ഉ​റ​ക്ക​ത്തി​ന്​ അ​രി​ഷ്​​ടം കു​ടി​ക്കു​ന്ന​താ​ണെ​ന്ന വാ​ക്ക്​ ആ​ദ്യ​മൊ​ക്കെ വി​ശ്വ​സി​ച്ചു​വെ​ങ്കി​ലും പ​തി​യെ യാ​ഥാ​ർ​ഥ്യം ബോ​ധ്യ​പ്പെ​ട്ടു. ജീ​വി​ത​ത്തി​ന്‍റെ വ​ർ​ണ​ങ്ങ​ൾ​ക്കു​മേ​ൽ മ​ദ്യ​ത്തി​ന്‍റെ ച​വ​ർ​പ്പ്​ റൈ​ഹാ​ന​യെ അ​പ്പാ​ടെ മൂ​ടി. സ​ഹി​ക്ക​വ​യ്യാ​താ​യ ഒ​രു ദി​നം ഇ​റ​ങ്ങി​പ്പോ​ന്നു, പാ​തി വ​ഴി​യി​ൽ നി​ല​ച്ച പ​ഠ​നം പൂ​ർ​ത്തി​യാ​ക്കി, മ​ക്ക​ളെ പ​ഠി​പ്പി​ച്ചു വ​ലു​താ​ക്കി. അ​നു​ഭ​വ​ങ്ങ​ൾ ചേ​ർ​ത്തു​വെ​ച്ച്​ പു​​സ്​​ത​ക​വു​മെ​ഴു​തി. സ​ർ​ക്കാ​ർ അ​ധ്യാ​പി​ക​യായാ​ണ്​ 20 വ​ർ​ഷ​ങ്ങ​ൾ​ക്കു ശേ​ഷം നി​യ​മ​പ​ര​മാ​യ വേ​ർ​പി​രി​യ​ലി​ന്​ കോ​ട​തി മു​റി​യി​ലെ​ത്തി​യ​ത്. സ​ഹ​ന​ത്തി​ന്‍റെ അ​ങ്ങേ​യ​റ്റം വ​രെ സ​ഞ്ച​രി​ച്ച്​ നി​സ്സം​ഗ​മാ​യി തീ​ർ​ന്ന ആ ​ക​ണ്ണു​ക​ളി​ല​പ്പോ​ൾ വി​ജ​യ​മോ, പ​രാ​ജ​യ​മോ എ​ന്ന്​ തി​രി​ച്ച​റി​യാ​നാ​യി​ല്ല.
  
ല​ഹ​രി​യി​ൽ മു​ങ്ങു​ന്ന ജ​ന്മ​ങ്ങ​ൾ അ​വ​രെ മാ​ത്ര​മ​ല്ല ഇ​ല്ലാ​താ​ക്കു​ന്ന​ത്. നീ​റി​യെ​രി​യു​ന്ന അ​നേ​കം മ​നു​ഷ്യ​രു​ണ്ട്​ ഒാ​രോ കു​ടി​യ​ന്‍റെ ചു​റ്റി​ലും. മ​ദ്യ​ത്തി​ൽ സ്വ​യം മ​റ​ന്ന്​ ര​മി​ക്കു​േ​മ്പാ​ൾ ചു​റ്റു​മു​ള്ള ജീ​വി​ത​ങ്ങ​ളെ അ​വ​ർ അ​റി​യാ​തെ പോ​കു​ന്നു. കേ​ര​ള​ത്തി​ലെ കു​ടി​യ​ൻ​മാ​രി​ൽ ഭൂ​രി​പ​ക്ഷ​വും പു​രു​ഷ​ൻ​മാ​രാ​ണ്, അ​തി​ന്‍റെ കെ​ടു​തി​ക​ൾ അ​നു​ഭ​വി​ക്കു​ന്ന​ത്​ സ്​​ത്രീ​ക​ളും. നി​ഴ​ലു​പോ​ലെ കൂ​ടെ​യു​ള്ള ഭാ​ര്യ, മ​ക്ക​ൾ, അ​മ്മ, സ​ഹോ​ദ​രി എ​ന്നി​വ​രെ അവർ എ​ന്നും ഇ​രു​ട്ടി​ൽ നി​ർ​ത്തു​ന്നു. വേ​ദ​ന​ക​ൾ മാ​ത്രം സ​മ്മാ​നി​ക്കു​ന്നു. വീ​ർ​ത്തു​വ​ന്ന പെ​രു​വ​യ​റും നീ​രു​​െവ​ച്ച​തോ, ശു​ഷ്​​ക്കി​ച്ച​തോ ആ​യ ​കാ​ലു​ക​ളും ഒ​രു പി​ടി രോ​ഗ​ങ്ങ​ളു​മാ​യി ഒാ​രോ മ​ദ്യ​പ​രും പെ​െ​ട്ട​ന്നൊ​രു​നാ​ൾ മ​രി​ച്ചു​പോ​കു​ന്നു. ​ പ​ല​ത​വ​ണ കേ​ട്ടു​ക​ഴി​ഞ്ഞെ​ങ്കി​ലും വീ​ണ്ടും പ​റ​യാ​തെ വ​യ്യ, ഇൗ ​ജീ​വി​ത​ങ്ങ​ളെ.

ജോ​ൺ​സ​ണും രാ​ജി​യും ‘പു​നർ​ജ​നി’​യി​ൽ

 

‘പു​നർ​ജ​നി’​യി​ൽ ജോ​ൺ​സ​ണും ന​ല്ല പാ​തി രാ​ജി​യും കാ​ത്തി​രി​പ്പു​ണ്ട്. ജോ​ൺ​സ​നെ അ​റി​യി​ല്ലേ, ഏ​ഴാം ക്ലാ​സി​ൽ പ​ഠി​ക്കു​േ​മ്പാ​ൾ മ​ദ്യ​ത്തി​ന്‍റെ രു​ചി​യ​റി​ഞ്ഞ്​ മു​ഴു​കു​ടി​യ​നാ​യ​യാ​ൾ, ല​ഹ​രി​യി​ൽ മു​ങ്ങി​യ പ​ക​ലി​ര​വു​ക​ളി​ൽ ജീ​വി​ത​ത്തെ തു​ഴ​ഞ്ഞ​യാ​ൾ. ഒ​ട​ു​വി​ലൊ​രു​നാ​ൾ കു​ടി​ നി​ർ​ത്തി ഒ​രു​പാ​ട്​ ​േപ​രെ ജീ​വി​ത​ത്തി​ലേ​ക്ക്​ തി​രി​കെ ന​ട​ത്തി​യ​യാ​ൾ. മ​ന​സ്സിൽനിന്നും സി​ര​ക​ളി​ൽനിന്നും ല​ഹ​രി​യെ കു​ടി​യി​റ​ക്കാ​ൻ  തീ​രു​മാ​നി​ച്ച​വ​ർ​ക്ക്​ പൂ​മ​ല​യി​ൽ ‘പു​ന​ർ​ജ​നി’ ഒ​രു​ക്കി കാ​ത്തി​രി​ക്കു​ന്ന​യാ​ൾ.  ഇൗ ​എ​ഴു​ത്ത്​ പ​ക്ഷേ, ജോ​ൺ​സ​നെ കു​റി​ച്ച​ല്ല. ‘കു​ടി​യ​ന്‍റെ കു​മ്പ​സാ​ര​ത്തി​ലൂ​ടെ’ മ​ല​യാ​ളി ആ ​ജീ​വി​തം അ​റി​ഞ്ഞ​താ​ണ്. ഇൗ ​എ​ഴു​ത്ത്​  ജോൺസ​​​​​​​​​െൻറ ഭാര്യ രാജിയെപോലുള്ള അനേകം സ്​ത്രീ​കളെ കു​റി​ച്ചാ​ണ്. ബോ​ധ​ത്തി​നും അ​ബോ​ധ​ത്തി​നും ഇ​ട​യി​ൽ ഒ​ഴു​കു​ന്ന മ​ദ്യ​പ​ർ​ക്കൊപ്പം ഉ​ള്ളാ​കെ ക​ല​ങ്ങി ജീ​വി​ക്കു​ന്നവരെ കു​റി​ച്ചാ​ണ്. മ​ദ്യ​പ​രു​ടെ മ​ന​സ്സ്​​ മാ​റു​ന്ന​ത്​ കാ​ത്തി​രി​ക്കു​ന്ന അ​മ്മ​മാ​ർ​ക്കും സ​ഹോ​ദ​രി​മാ​ർ​ക്കും ​േവ​ണ്ടി​യാ​ണ്. 
  
പെ​യ്യാ​ൻ വി​ങ്ങു​ന്ന സാ​ന്ധ്യാ​മേ​ഘ​ത്തി​െ​നാ​പ്പ​മാ​ണ്​ പൂ​മ​ല​യി​ലെ​ത്തി​യ​ത്. അ​തി​രി​ട്ടു വേ​ർ​ത്തി​രി​ക്കാ​ത്ത ‘പു​ന​ർ​ജ​നി’​യു​ടെ മ​ണ്ണി​ലേ​ക്ക്​ ക​യ​റി​യ​തും ഉ​ട​ലാ​കെ ന​ന​ച്ച്​ മ​ഴ ഭൂ​മി​യെ​തൊ​ട്ടു. ധ്യാ​ന​നി​മ​ഗ്ന​നാ​യി​രി​ക്കു​ന്ന ബു​ദ്ധ പ്ര​തി​മ​ക്കു പി​ന്നി​ൽ ജോ​ൺ​സ​ൻ അ​ന്തേ​വാ​സി​ക​ളോ​ട്​ സം​സാ​രി​ക്കു​ക​യാ​ണ്. കേ​ൾ​വി​ക്കാ​രി​ൽ ഭൂ​രി​പ​ക്ഷ​വും സ്​​ത്രീ​ക​ൾ. അ​വ​രു​ടെ ക​ഥ​ക​ൾ പ​റ​ഞ്ഞു​തു​ട​ങ്ങേ​ണ്ട​ത്​ രാ​ജി​യി​ൽ നി​ന്നാ​ക​െ​ട്ട. തൊ​ട്ട​ടു​ത്ത സി​മ​ൻ​റ്​ ബെ​ഞ്ചി​ലി​രു​ന്നു രാ​ജി പ​റ​ഞ്ഞു തു​ട​ങ്ങി -​ശു​ഭ പ്ര​തീ​ക്ഷ​യി​ലാ​യി​രു​ന്നു തു​ട​ക്കം. ബി.​എ, എം.​എ റാ​ങ്കു​കാ​ര​ൻ, നി​യ​മ ബി​രു​ദ​മു​ള്ള​യാ​ൾ, ഗ​വേ​ഷ​ണ വി​ദ്യാ​ർ​ഥി. ജോ​ൺ​സ​ൺ എ​ന്ന ഭ​ർ​ത്താവി​നെ കു​റി​ച്ച്​ അ​ഭി​മാ​നം കൊ​ള്ളാ​ൻ ഇ​തൊ​ക്കെ ഏ​റ​യാ​യി​രു​ന്നു. സം​ഭ​വി​ച്ച​ത്​ തി​രി​ച്ച്​. ഭ​ർ​ത്താ​വ്​ ഒ​ന്നാ​ന്ത​രം മ​ദ്യ​പാ​നി​യാ​ണെ​ന്ന്​ വൈ​കാ​തെ അ​വ​ർ തി​രി​ച്ച​റി​ഞ്ഞു. വെ​ളി​വോ​ടെ മു​ന്നി​ലെ​ത്തി​യ നി​മി​ഷങ്ങ​ൾ വ​ള​രെ കു​റ​വ്. പ​ഠി​പ്പു​ള്ള​വ​ന്‍റെ ഭാ​ര്യ എ​ന്ന​ത്​  മ​ദ്യ​പാ​നി​യു​ടെ ഭാ​ര്യ എ​ന്ന പ​ദ​വി​യി​ലെ​ത്തി. അ​പ​മാ​ന ഭാ​ര​ത്താ​ൽ ബ​ന്ധു​ക്ക​ൾ​ക്കും നാ​ട്ടു​കാ​ർ​ക്കും ഇ​ട​യി​ൽ ത​ല​കു​നി​ച്ച്​ ന​ട​ക്കേ​ണ്ടി​വ​ന്ന നാ​ളു​ക​ൾ. രാ​ജി​യു​ടെ ജോ​ലി​യാ​യി​രു​ന്നു അ​ന്ന്​ ഏ​ക ആ​ശ്വാ​സം. അ​തി​നും ജോ​ൺ​സ​ന്‍റെ കു​ടി വി​രാ​മ​മി​ട്ടു.

രാ​ജി മ​ല​പ്പു​റ​ത്ത്​ അ​ധ്യാ​പി​ക ആ​യി​രി​ക്കെ, മ​ദ്യ​ത്തി​ൽ നി​ന്ന്​ താ​ൽ​ക്കാലി​ക വി​ടു​ത​ൽ നേ​ടി​യ സ​മ​യം ജോ​ൺ​സ​നും അ​വി​ടെ​യെ​ത്തി. മ​ദ്യം കി​ട്ടാ​ത്ത​താ​യി​രു​ന്നു അ​ന്നാ ശ​രീ​ര​ത്തി​ന്‍റെ പ്ര​ശ്​​നം. അ​സ്വ​സ്​​ഥ​മാ​യ മ​ന​സ്സും ഭാ​വ​ങ്ങ​ളു​മാ​യി ജോ​ൺ​സ​ൺ അ​ന്ന്​ എ​രി​പി​ര​ികൊ​ണ്ടു. മ​റ്റു​ള്ള​വ​രെ കൂ​ട്ടി ജോ​ൺ​സ​നെ ആ​ശു​പ​ത്രി​യി​ലെ​ത്തി​ക്കു​േ​മ്പാ​ൾ രാ​ജി ഒ​ളി​ച്ചു​വെ​ക്കാ​നാ​ഗ്ര​ഹി​ച്ച​തെ​ല്ലാം അ​വി​ടു​ത്തു​കാ​ര​റി​ഞ്ഞു. സ​ങ്ക​ട​ങ്ങ​ൾ ഉ​ള്ളി​ലൊ​തു​ക്കി രാ​ജി മ​ല​പ്പു​റ​ത്തോ​ട്​ വി​ട​പ​റ​ഞ്ഞു. മ​ദ്യം രു​ചി​ക്കാ​ത്ത പ​ക​ലി​ര​വു​ക​ളി​ൽ ജോ​ൺ​സ​ൻ രാ​ജി​യു​ടെ ദു​ഃഖ​ങ്ങ​ളെ അ​റി​ഞ്ഞു. പ​ക്ഷേ, പി​ന്നെ​യും അ​തി​ൽ മ​യ​ങ്ങി വീ​ണു. അ​പ്പോ​ഴും പ്ര​തീ​ക്ഷ​യു​ടെ ഭ്ര​മ​ണ​പ​ഥം തീ​ർ​ത്ത്​ ജോ​ൺ​സ​ന്​ ചു​റ്റും നി​ഴ​ലു​പോ​ലെ അവൾ നി​ശ്ശബ്​​ദം ക​റ​ങ്ങി. ജോ​ലി രാ​ജി​വെ​ച്ച്​ ഭ​ർ​ത്താവി​നെ ജീ​വി​ത​ത്തി​ലേ​ക്ക്​ കൊ​ണ്ടു​വ​രാ​ൻ കൂ​ട്ടി​രു​ന്നു. തി​രി​ച്ചു​വ​ര​വി​നാ​യി കാ​ത്തി​രു​ന്നു. ​പെ​​െ​ട്ട​ന്നൊരു ദി​നം കു​ടി നി​ർ​ത്തി​യ ജോ​ൺ​സ​ൻ തെ​ളി​ജീ​വി​ത​ത്തി​ലേ​ക്ക്​ മ​ട​ങ്ങി​യെ​ത്തി. ആ ​തി​രി​ച്ചു​വ​ര​വ്​ രാ​ജി​ക്കും ജോ​ൺ​സ​നും മാ​ത്ര​മ​ല്ല മ​റ്റൊ​രു​പാ​ട്​ പേ​ർ​ക്ക്​ ‘പു​ന​ർ​ജ​നി​’യാ​യി. രാ​ജി​യു​ടെ ക്ഷ​മ​യും സ​ഹ​ന​വും കാ​ത്തി​രി​പ്പു​മി​ല്ലെ​ങ്കി​ൽ ഇ​ന്ന്​ ജോ​ൺ​സ​നി​ല്ല,  പു​ന​ർ​ജ​നി​യു​മി​ല്ല. രാ​ജി​യെ​പ്പോ​ലെ തെ​ളി​ഞ്ഞ ജീ​വി​ത​ത്തെ കാ​ത്തി​രി​ക്കു​ന്ന എ​ത്ര​യെ​ത്ര​പേ​ർ. 
  
ഒ​മ്പ​ത്​ വ​ർ​ഷ​ത്തെ ന​ഷ്​​ടം ഒ​രു ദി​വ​സ​ത്തേ​െ​ങ്കി​ലും തി​രി​കെ കി​ട്ടു​മോ? അ​തു മ​തി അ​ജി​ത​ക്ക്. ഒ​രാ​യു​സ്സി​ന്‍റെ നൊ​മ്പ​ര​ങ്ങ​ൾ ഇ​തി​ന​കം അ​നു​ഭ​വി​ച്ചു​ക​ഴി​ഞ്ഞു. ഇ​നി​യെ​ങ്കി​ലും കു​റ​ച്ചു​നാ​ളു​ക​ൾ മ​ദ്യ​ത്തി​ന്‍റെ മ​ണ​മൊ​ഴി​ഞ്ഞ നാ​ളു​ക​ൾ ഭ​ർ​ത്താവി​ലു​ണ്ടാ​കു​മോ! മ​ഴ ചി​ത​റി വീ​ഴു​ന്ന പു​ന​ർ​ജ​നി​യി​ലെ വ​രാ​ന്ത​യോ​ട്​ ചേ​ർ​ന്ന ചാ​രു​പ​ടി​യി​ലി​രു​ന്ന്​ അ​ജി​ത പ​റ​ഞ്ഞു തു​ട​ങ്ങി. മ​ദ്യ​പി​ച്ചി​ല്ലെ​ങ്കി​ൽ ഭ​ർ​ത്താ​വ്​ ആ​ന​ന്ദി​നെ പോ​ലെ നി​റ​ഞ്ഞ സ്​​നേ​ഹ​മു​ള്ള മാ​റ്റൊ​രാ​ളു​ണ്ടാ​കി​ല്ല, പ​ക്ഷേ കു​റ​ഞ്ഞ നി​മി​ഷങ്ങ​ൾ മാ​ത്ര​മേ അ​ജി​ത​യു​ടെ ജീ​വി​ത​ത്തി​ൽ അ​ത​നു​ഭ​വ​പ്പെട്ടു​ള്ളൂ. ആ​ന​ന്ദി​ന്‍റെ മ​ന​സ്സിലെ സ്​​നേ​ഹ ക​ണി​ക​ക​ളെ​ല്ലാം വി​ഷ ത്തുള്ളി​ക​ൾ പൊ​ടു​ന്ന​നെ മാ​യ്​​ച്ചു ക​ള​യും. സൈ​ക്കോ​ള​ജി​യും ഫി​ലോ​സ​ഫി​യും പ​ഠി​ച്ച ആ​ന​ന്ദ്​ ഒ​രി​ക്ക​ലും ഭാ​ര്യ​യു​ടെ​യും മ​ക്ക​ളു​ടെ​യും മാ​താ​പി​താ​ക്ക​ളു​ടെ​യും മാ​ന​സിക നി​ല മ​ന​സ്സിലാ​ക്കി​യി​ല്ല. നി​യ​മ​ത്തി​ൽ ബി​രു​ദ​മു​ണ്ടെ​ങ്കി​ലും വ​ക്കീ​ലാ​യി തി​ള​ങ്ങാ​നു​മാ​യി​ല്ല. മ​ദ്യ​പാ​ന ശീ​ലം എ​ല്ലാ​യി​ട​ത്തു​നി​ന്നും അ​യാ​ളെ പി​റ​കോ​ട്ടു​വ​ലി​ച്ചു. വി​വാ​ഹ​ത്തി​ന്‍റെ ഒ​മ്പ​താം വ​ർ​ഷ​വും ഭ​ർ​ത്താ​വി​ന്‍റെ പി​ടി​കി​ട്ടാ​ത്ത മ​ന​സ്സി​നും  ശ​രീ​ര​ത്തി​നും പി​റ​കെ ഒാ​ടു​ക​യാ​ണ്​ അ​ജി​ത.  ഒ​രി​ക്ക​ൽ ഭ​ർ​ത്താ​വി​നൊ​പ്പം ബ​ന്ധു​വി​ന്‍റെ ശ്രാ​ദ്ധ​ത്തി​ന്​ ​േപാ​യി. ഉൗ​ണ്​ ക​ഴി​ച്ചു​കൊ​ണ്ടി​രി​ക്കെ ആ​രോ എ​ന്തോ പ​റ​ഞ്ഞു, ക​ഴി​ക്കു​ന്ന​ത്​ നി​ർ​ത്തി ക്ഷു​ഭി​ത​നാ​യി ഇ​റ​ങ്ങി​പ്പോ​രാ​ൻ അ​തു​മ​തി​യാ​യി കാ​ര​ണം. പി​ന്നീ​ട്​ ഇ​തു​വ​രെ ഭ​ർ​ത്താ​വു​മൊ​ത്ത്​ അ​ജി​ത ബ​ന്ധു​വീ​ടു​ക​ളി​ലേ​ക്കും അ​യ​ൽ​ക്കാരി​ലേ​ക്കും വ​രെ പോ​യി​േ​ട്ട​യി​ല്ല. നി​സ്സാ​ര​കാ​ര്യ​ങ്ങ​ൾ​ക്ക്​ പൊ​ട്ടി​ത്തെ​റി​ച്ചും ബാ​ധ്യ​ത​ക​ളെ വി​സ്​​മ​രി​ച്ചും അ​യാ​ൾ മ​ദ്യ​ത്തി​ന്​ പി​റ​കെ സ​ഞ്ച​രി​ച്ചു​കൊ​ണ്ടി​രു​ന്നു.  പ​ണ​മി​ല്ലാ​ത്ത​പ്പോ​ൾ ക​ടം​വാ​ങ്ങി കു​ടി​ച്ചു. വീ​ട്​​വി​റ്റു. അച്ഛനു​മ​മ്മ​യും വി​ട്ടു​പോ​യി. എ​ന്നി​ട്ടും അ​യാ​ൾ കു​ടി​മാ​ത്രം ഒ​ഴി​വാ​ക്കി​യി​ല്ല. ല​ഹ​രി​യി​ൽ ആ​ന​ന്ദ്​​ ബോ​ധ​ം കെ​ട്ടു​റ​ങ്ങു​േ​മ്പാ​ൾ , വാ​ട​ക വീ​ട്ടി​ൽ ദു​ർ​വി​ധി​യോ​ർ​ത്ത്​ അ​ജി​ത ക​ര​ഞ്ഞു​റ​ങ്ങി. വേ​ദ​ന​യി​ലേ​ക്ക്​ ഉ​ണ​ർ​ന്നു. ആ​ന​ന്ദി​നെ ബോ​ധ​മു​ള്ള​വ​നാ​യി കാ​ണാ​ൻ പ​ല​തും ചെ​യ്​​ത്​ പ​രാ​ജ​യ​പ്പെ​ട്ടു. അ​വ​സാ​ന പ്ര​തീ​ക്ഷ​യി​ലാ​ണി​പ്പോ​ൾ. ആ​ന​ന്ദി​നൊ​പ്പം അ​ജി​ത​യും പോ​ന്ന​തോ​ടെ ര​ണ്ടാം ക്ലാ​സി​ൽ പ​ഠി​ക്കു​ന്ന മ​ക​ന്​ ആ​രു​മി​ല്ലാ​താ​തി. പു​ന​ർ​ജ​നി​യി​ലെ വാ​രാ​ന്ത​യി​ലി​രു​ന്ന്​ അ​വ​ൻ മ​ഴ​കാ​ണു​ക​യാ​ണ്.
  
ബീ​ന​യു​ടെ പ്ര​ക്ഷു​ബ്​ധ​മാ​യ മ​ന​സ്സ്​​ മൂ​ന്നാ​മ​ത്തെ മ​ക​ൾ പി​റ​ന്ന​തോ​ടെ കൈ​വി​ട്ടു​പോ​യി. ഒാ​ർ​മ​ക​ളി​ൽ ശൂ​ന്യ​ത നി​റ​ഞ്ഞു. ഒാ​ർ​മ​ക​ൾ നി​ല​നി​ന്നി​െ​ട്ട​ന്തി​നാ! 17 വ​ർ​ഷം അ​വ ന​​ല്ല​തൊ​ന്നും ശേ​ഖ​രി​ച്ചു​വെ​ച്ചി​ട്ടി​ല്ല; അ​പ​മാ​ന​വും സ​ങ്ക​ട​ങ്ങ​ളും ന​ഷ്​​ട​ങ്ങ​ളു​മ​ല്ലാ​തെ -​ജീ​വി​തം പ​റ​യു​ന്ന ബീ​ന​യു​ടെ മി​ഴി​ക​ളി​ൽ ക​ണ്ട​ത്​ നി​സ്സം​ഗ​ത. ഭ​ർ​ത്താ​വ്​ സു​ബി​ക്കും മ​ക്ക​ൾ​ക്കു​മൊ​പ്പം ന​ല്ലൊ​രു ജീ​വി​തം സ്വ​പ്​​നം ക​ണ്ട​താ​ണി​വ​ർ. എ​ല്ലാ​മു​ണ്ടാ​യി​രു​ന്നു ഒ​രു​കാ​ല​ത്ത്. കു​ഴ​പ്പ​മി​ല്ലാ​തെ ന​ട​ന്നു​പോ​യി​രു​ന്ന ജ്വ​ല്ല​റി, മി​ടു​ക്കി​ക​ളാ​യ മ​ക്ക​ൾ. മ​ദ്യം ക​വ​ർ​ന്ന സു​ബി​യു​ടെ ജീ​വി​തം ഇൗ ​സ​ന്തോ​ഷ​ങ്ങ​ളെ​യെ​ല്ലാം ദൂ​രേ​ക്ക്​ മാ​റ്റി. മ​ധു​വി​ധു ആ​ഘോ​ഷ​ത്തി​നാ​യി തൃ​ശൂ​രി​ൽ നി​ന്ന്​ എ​റ​ണാ​കു​ള​ത്തെ​ത്തി​യ രാ​ത്രി. സു​ഹൃ​ത്തു​ക്ക​ൾ​ക്കൊപ്പം മ​ദ്യ​പി​ച്ചി​രു​ന്ന സു​ബി​യെ കാ​ത്ത്​ കാ​ര്യ​മ​റി​യാ​തെ പു​ല​ർ​ച്ചവ​രെ അ​ന്ന്​ ബീ​ന കാ​ത്തി​രു​ന്ന രാ​ത്രി. ജ്വ​ല്ല​റി അ​ട​ച്ച്​ കൂ​ട്ടു​കാ​ർ​ക്കൊപ്പം മ​ദ്യ​പി​ച്ച്​ രാ​ത്രി​യി​ലെ​പ്പോ​െ​ഴങ്കി​ലും വീ​ട്ടി​ലെ​ത്ത​ലാ​യി​രു​ന്നു ആ​ദ്യം. പി​ന്നെ ക​ട​യി​ലി​രു​ന്നും കു​ടി തു​ട​ങ്ങി. ഇ​തോ​ടെ ജ്വ​ല്ല​റി​യി​ൽ ആ​ളൊ​ഴി​ഞ്ഞു. വ​രു​മാ​നം കു​റ​ഞ്ഞു. അ​തോ​ടെ കു​ടി​ക്കാ​ൻ മ​റ്റൊ​രു കാ​ര​ണ​മാ​യി. മൂ​ന്നാ​മ​തും പെ​ൺ​കു​ട്ടി പി​റ​ന്ന​പ്പോ​ൾ ആ​ൺ​കു​ട്ടി​യി​ല്ലെ​ന്ന​താ​യി കാ​ര​ണം. കാ​ര​ണ​ങ്ങ​ൾ ​േവ​റെ​യും ക​ണ്ടെ​ത്തി സു​ബി കു​ടി​ച്ചു​കൊ​ണ്ടേ​യി​രു​ന്നു. ബീ​ന​യും പെ​ൺ​മ​ക്ക​ളും അ​യാ​ളു​ടെ ചി​ന്ത​യു​ടെ ഭാ​ഗ​മാ​യ​തേ​യി​ല്ല. മ​ക്ക​ളു​ടെ സ്​​കൂ​ളി​ൽ മ​ദ്യ​പി​ച്ച്​ ചെ​ന്ന്​ പ്ര​ശ്​​ന​മു​ണ്ടാ​ക്കി​യ​ത്, അ​പ​മാ​നി​ത​രാ​യ മ​ക്ക​ൾ അച്ഛൻ ഇ​നി സ്​​കൂ​ളി​ൽ വ​രേ​ണ്ട എ​ന്ന്​ പ​റ​ഞ്ഞ​ത്, ബോ​ധ​മി​ല്ലാ​ത്ത ഭ​ർ​ത്താ​വി​ന്​ പ​ക​രം മ​ക്ക​ളു​ടെ അച്ഛനും അ​മ്മ​യും ആ​കേ​ണ്ടി​വ​രു​ന്ന​ത്, പ​റ​യാ​ൻ ബീ​ന​ക്ക്​ ഏ​റെ​യു​ണ്ട്. സ​ഹ​ന​ത്തി​ന്‍റെ കൂ​ട്ടി​ൽ ഇ​വ​ർ ക്ഷ​മി​ച്ചി​രു​ന്ന​ത്​ വ​ർ​ഷ​ങ്ങ​ൾ.
  
ഇ​ടു​ക്കി​യി​ലെ മൂ​ല​മ​റ്റ​ത്തു​നി​ന്നാ​ണ്​ ച​ന്ദ്രി​ക ഭ​ർ​ത്താ​വി​നെ​യും കൊ​ണ്ടെ​ത്തി​യ​ത്. സ​ങ്ക​ട​ങ്ങ​ളു​ടെ താ​ങ്ങാ​നാ​കാ​ത്ത ഭാ​രം കൊ​ണ്ടാ​ണ്​ ഇ​വ​ർ മ​ല​യി​റ​ങ്ങി​യ​ത്​ എ​ന്ന്​ തോ​ന്നി മു​ഖം ക​ണ്ട​പ്പോ​ൾ. സ​ം​സാ​രി​ച്ചു തു​ട​ങ്ങി​യ​പ്പോ​ൾ അ​ത്​ ബോ​ധ്യ​മാ​യി. കു​ടി​യൊ​ഴി​ഞ്ഞ നേ​ര​മി​ല്ലാ​ത്ത ഭ​ർ​ത്താ​വ്. ഹോ​സ്​​റ്റ​ലി​ൽ ക​ഴി​യു​ന്ന മ​ക്ക​ൾ. സ്വ​ന്തം അ​ധ്വാ​നം കൊ​ണ്ട്​ വീ​ട്​ പു​ല​ർ​ത്തേ​ണ്ടി വ​രു​ന്ന അ​വ​സ്​​ഥ. ഇ​വ​യൊ​ക്കെ നി​ത്യം അ​നു​ഭ​വി​ക്കു​ന്ന ആ​രു​ടെ മു​ഖ​ത്താ​ണ്​ സ​ന്തോ​ഷം വി​ട​രു​ക! ഡ്രൈ​വ​റാ​യി​രു​ന്നു ഭ​ർ​ത്താ​വ്. സ്വ​ന്ത​മാ​യി ലോ​റി​യും ഒാ​േ​ട്ടാ​റി​ക്ഷ​യും ഉ​ള്ള​യാ​ൾ. വൈ​കു​ന്നേ​രം സു​ഹൃ​ത്തു​ക്ക​ൾ​ക്കൊപ്പ​മാ​യി​രു​ന്നു തു​ട​ക്ക​ത്തി​ൽ മ​ദ്യ​പാ​നം. ല​ഹ​രി ത​ല​ക്ക്​ പി​ടി​ച്ചു തു​ട​ങ്ങി​യ​തോ​ടെ ജോ​ലി സ​മ​യം കു​റ​ഞ്ഞു, മ​ദ്യ​പാ​ന സ​മ​യം കൂ​ടി. വ​ണ്ടി​യോ​ടി കി​ട്ടു​ന്ന​ത്​ കു​ടി​ക്കാ​ൻ തി​ക​യി​ല്ലെ​ന്നാ​യി. ലോ​റി​യു​ടെ നി​കു​തി​യും ഇ​ൻ​ഷു​റ​ൻ​സും അ​റ്റ​കു​റ്റ​പ്പണി​യു​മൊ​ക്കെ മു​ട​ങ്ങി. വാ​ഹ​നം കൊ​ണ്ട്​ റോ​ഡി​ലി​റ​ങ്ങാ​ൻ പ​റ്റാ​ത്ത​സ്​​ഥി​തി. കു​ടി​ച്ചു വ​ന്നു​ള്ള ബ​ഹ​ള​വും മ​ർ​ദ​ന​വും മാ​ത്രം മാ​റ്റ​മി​ല്ലാ​തെ തു​ട​ർ​ന്നു. കൂ​ട്ടു​കാ​ർ​ക്കൊപ്പം വീ​ട്ടി​ലി​രു​ന്നും കു​ടി തു​ട​ങ്ങി​യതോ​ടെ ച​​ന്ദ്രി​ക മ​ക്ക​ളെ ഹോ​സ്​​റ്റ​ലി​ലാ​ക്കി. അ​വ​രെ കാ​ണാ​നു​ള്ള യാ​ത്ര​ക​ൾ​പോ​ലും മ​ദ്യ​ശാ​ല​ക​ളു​ടെ ബോ​ർ​ഡ്​ ക​ണ്ടാ​ൽ പാ​തി വ​ഴി​യി​ൽ അ​വ​സാ​നി​ക്കും. അ​തി​നി​ടെ​യാ​ണ്​ ബി​വ​റേ​ജ​സി​ൽ ച​ന്ദ്രി​ക​ക്ക്​ ജോ​ലി​കി​ട്ടി​യ​ത്. മ​ദ്യ​കു​പ്പി​ക​ളി​ൽ ലേ​ബ​ൽ ഒ​ട്ടി​ക്കു​ക​യാ​യി​രു​ന്നു പ​ണി. ഏ​റെ വെ​റു​ക്കു​ന്ന, ഒ​രു​പാ​ടു​പേ​രു​ടെ ജീ​വി​തം ഇ​രു​ട്ടി​ലാ​ക്കു​ന്ന ‘വി​ഷ’​ത്തിൻ​മേ​ൽ ഒാ​രോ പേ​രു​ക​ൾ പ​തി​ക്കു​േമ്പാ​ഴും ച​ന്ദ്രി​ക​യു​ടെ ഉ​ള്ള്​ നൊ​ന്തു. മ​റ്റൊ​ന്നും ചെ​യ്യാ​നി​ല്ലാ​ത്ത​തു​കാ​ര​ണം ഇ​ന്നും തു​ട​രു​ന്നു അ​തേ ജോ​ലി.  14 വ​ർ​ഷ​മാ​യി ച​​ന്ദ്രി​ക​യു​ടെ സ​ഹ​ന​ത്തി​ന്. വി​വാ​ഹം ക​ഴി​ഞ്ഞ​തു മു​ത​ൽ സ​​ന്തോ​ഷം അ​റി​യാ​തു​ള്ള യാ​ത്ര. ചെ​റു​പ്രാ​യ​ത്തി​ലേ അ​മ്മ മ​രി​ച്ച​താ​ണ്. വൈ​കാ​തെ അച്ഛനും. അ​മ്മാ​വ​ൻ​മാ​രു​ടെ വീ​ട്ടി​ൽ നി​റ​ങ്ങ​ൾ ഒ​ട്ടു​മി​ല്ലാ​തെ വ​ള​ർ​ന്ന പെ​ൺ​കു​ട്ടി. 23ാം വ​യ​സ്സി​ൽ ഭാ​ര്യ​യാ​യ​പ്പോ​ൾ അ​വ​െ​ളാ​രു വ​സ​ന്ത​ത്തെ സ്വ​പ്​​നം ക​ണ്ടു. അ​തെ​ല്ലാം പ​ക്ഷേ, ല​ഹ​രി​യു​ടെ പ​ക്ഷി​ക​ൾ കൊ​ത്തി​ക്കൊ​ണ്ടു​പോ​യി. പു​ന​ർ​ജ​നി​യി​ൽ മ​റ്റൊ​രു ജ​ന്മം സ്വ​പ്​​നം കാ​ണു​ക​യാ​ണ്​ ച​ന്ദ്രി​ക. കാ​ത്തി​രി​പ്പി​നൊ​ടു​വി​ൽ നീ​ല​ക്കുറി​ഞ്ഞി​പോ​ലെ ആ ​പ്ര​തീ​ക്ഷ​ക​ൾ പൂ​ക്കു​മാ​യി​രി​ക്കും. 
  
എ​ഴു​തി നി​റ​ക്കാ​വു​ന്ന​തി​നു​മ​പ്പു​റം പി​ന്നെ​യും കു​റെ ക​ഥാ​പാ​ത്ര​ങ്ങ​ളെ പു​ന​ർ​ജ​നി​യി​ൽ ക​ണ്ടു. ശാ​ന്ത ജീ​വി​ത​ത്തി​നു​മേ​ൽ ല​ഹ​രി​യു​ടെ നീ​രാ​ളി പി​ടി​ത്ത​ത്തി​ൽ സ്വാ​സ്​​ഥ്യം ന​ഷ്​​ട​പ്പെ​ട്ട ഒ​രു​പാ​ടൊ​രു​പാ​ടു​പേ​ർ. കു​ടി​യ​ൻ​മാ​രു​ടെ ഭാ​ര്യ​മാ​ർ, അ​മ്മ​മാ​ർ, മ​ക്ക​ൾ, മ​ദ്യ​പ​ന്‍റെ കൂ​ടെ​യു​ള്ള ജീ​വി​തം പ​ല രൂ​പ​ത്തി​ൽ ന​ഷ്​​ട​ങ്ങ​ൾ വ​രു​ത്തി​ക്കൊ​ണ്ടേ​യി​രി​ക്കു​ന്ന​​വ​ർ. ഇ​ത്​ പു​ന​ർ​ജ​നി​യി​ലെ മാ​ത്രം കാ​ഴ്​​ച​ക​ള​ല്ല. ഒാ​രോ ഡീ​അ​ഡി​ക്​​ഷൻ സന്‍റെറു​ക​ളി​ലും വീ​ടു​ക​ളു​ടെ അ​ക​ത്ത​ള​ങ്ങ​ളി​ലും ഇ​ത്ത​ര​ത്തി​ലു​ള്ള എ​ത്ര​യെ​ത്ര​പേ​രു​ണ്ടാ​കും! മ​ദ്യ​പ​രു​ടെ കൂടുന്ന എ​ണ്ണ​ത്തി​നൊ​പ്പം ബ​ലി​യാ​യി പോ​കു​ന്ന ജീ​വി​ത​ങ്ങ​ളെ കു​റി​ച്ച്​ ആ​രും ഒാ​ർ​ക്കാ​റി​ല്ല. ആ ​ജീ​വി​ത​ങ്ങ​ളെ ക​ണ്ടു​മു​ട്ടാ​റി​ല്ല. എ​ത്ര​യെ​ത്ര ക​ഥ​ന​ങ്ങ​ൾ ഉ​ള്ളി​ൽ പേ​റി​യാ​കും അ​വ​രൊ​ക്കെ​യും പ​ക​ലി​നെ ത​ള്ളി നീ​ക്കു​ന്ന​ത്​, രാ​വി​ൽ പു​ല​രി കാ​ക്കു​ന്ന​ത്. വ​രു​മാ​ന ക​ണ​ക്കു​ക​ൾ നോ​ക്കി തൂ​ക്ക​മൊ​പ്പി​ച്ച്​ മ​ദ്യം വി​ള​മ്പു​ന്ന അ​ധി​കാ​രി​ക​ളേ നി​ങ്ങ​ള​റി​യു​ന്നു​ണ്ടോ, ആ ​മൗ​നനൊ​മ്പ​ര​ങ്ങ​ൾ. 

(സ്വ​കാ​ര്യ​ത​മാ​നി​ച്ച്​ ജോ​ൺ​സ​ന്‍റെ​യും രാ​ജി​യു​ടേ​തു​മ​ല്ലാ​ത്ത​വ​രു​ടെ പേ​രു​ക​ളി​ൽ മാ​റ്റം വ​രു​ത്തി​യി​ട്ടു​ണ്ട്)