മസ്​​ജിദുന്നബവിയിൽ പ്രതിദിനം വിതരണം ചെയ്യുന്നത്​ 400 ടൺ സംസം

മ​ദീ​ന: റ​മ​ദാ​നി​ൽ മ​സ്​​ജി​ദു​ന്ന​ബ​വി​യി​ൽ പ്ര​തി​ദി​നം വി​ത​ര​ണം ചെ​യ്യു​ന്ന​ത്​ 400 ട​ൺ സം​സം. മ​ക്ക​യി​ൽ​നി​ന്ന്​ പ്ര​ത്യേ​ക ടാ​ങ്ക​ർ ലോ​റി​ക​ളി​ലാ​ണ്​ ഇ​ത്ര​യും സം​സം​ മ​ദീ​ന​യി​ലെ​ത്തി​ക്കു​ന്ന​ത്. ഇ​തി​ന്​ മേ​ൽ​നോ​ട്ടം വ​ഹി​ക്കു​ന്ന​തി​ന്​ 520 ജീ​വ​ന​ക്കാ​രു​ണ്ട്.

മ​ദീ​ന​യി​ലെ​ത്തി​ക്കു​ന്ന സം​സം പാ​ത്ര​ങ്ങ​ളി​ൽ നി​റ​ച്ച്​ ഹ​റ​മി​​ന്റെ വി​വി​ധ ഭാ​ഗ​ങ്ങ​ളി​ലേ​ക്ക്​ മാ​റ്റു​ന്ന​ത്​ ഈ ​ജീ​വ​ന​ക്കാ​രാ​ണ്. മ​സ്​​ജി​ദു​ന്ന​ബ​വി​യു​ടെ വി​വി​ധ ഭാ​ഗ​ങ്ങ​ളി​ലാ​യി സം​സം വി​ത​ര​ണ​ത്തി​ന്​ 14,000ത്തി​ല​ധി​കം പാ​ത്ര​ങ്ങ​ൾ ഒ​രു​ക്കി​യ​താ​യി മ​സ്​​ജി​ദു​ന്ന​ബ​വി കാ​ര്യാ​ല​യം പ​റ​ഞ്ഞു.

ദി​വ​സ​വും 10​ ല​ക്ഷ​ത്തി​ല​ധി​കം ഗ്ലാ​സു​ക​ളും ഒ​രു​ക്കു​ന്നു​ണ്ട്. ഹ​റ​മി​ന​ക​ത്തും പു​റ​ത്തും സം​സം വി​ത​ര​ണം ചെ​യ്യു​ന്ന​തി​നാ​യി 80 കൈ​വ​ണ്ടി​ക​ളും 20 ഇ​ല​ക്ട്രി​ക് വാ​ഹ​ന​ങ്ങ​ളു​മു​ണ്ട്. ഒ​ഴി​ഞ്ഞ പാ​ത്ര​ങ്ങ​ൾ നീ​ക്കം​ചെ​യ്യാ​ൻ 10​ ട്രെ​യി​ല​റു​ക​ളു​ണ്ട്. ഓ​രോ പാ​ത്ര​വും മൂ​ന്നു​ത​വ​ണ വൃ​ത്തി​യാ​ക്കു​ക​യും അ​ണു​മു​ക്ത​മാ​ക്കു​ക​യും ചെ​യ്​​ത​ശേ​ഷ​മാ​ണ്​ സം​സം നി​റ​ക്കു​ന്ന​ത്.

സം​സം നി​റ​ക്കാ​ൻ എ​ട്ടു സ്ഥ​ല​ങ്ങ​ളും ഒ​റ്റ​ത്ത​വ​ണ ഉ​പ​യോ​ഗി​ക്കാ​വു​ന്ന സം​സം ബോ​ട്ടി​ലു​ക​ൾ ത​ണു​പ്പി​ക്കാ​ൻ മൂ​ന്നു​ കേ​ന്ദ്ര​ങ്ങ​ളും ഉ​ണ്ട്. ന​മ​സ്​​കാ​ര സ്ഥ​ല​ങ്ങ​ളി​ൽ സം​സം വി​ത​ര​ണം ചെ​യ്യാ​ൻ പ്ര​ത്യേ​ക ആ​ളു​ക​ളു​ണ്ട്. സം​സം ചു​മ​യ്ക്കു​ന്ന​തി​നാ​യി പ്ര​ത്യേ​ക ബാ​ഗു​ക​ൾ ഇ​വ​ർ​ക്ക്​​ ഒ​രു​ക്കി​യി​ട്ടു​ണ്ടെ​ന്നും അ​ധി​കൃ​ത​ർ വ്യ​ക്ത​മാ​ക്കി.