അവധി ദിനങ്ങളിലും ശ​ബ​രി​മ​ലയിൽ ഭക്​തർക്ക്​ സുഖദർശനം; ഇതുവരെ ദ​ർ​ശ​നം നടത്തിയവർ ഒന്നര ലക്ഷം

ശ​ബ​രി​മ​ല: മ​ണ്ഡ​ല​കാ​ല തീ​ർ​ഥാ​ട​ന​ത്തി​നാ​യി ന​ട തു​റ​ന്ന ശേ​ഷ​മു​ള്ള ആ​ദ്യ അ​വ​ധി ദി​ന​ങ്ങ​ളി​ൽ ഭ​ക്​​ത​ർ​ക്ക്​ സു​ഖ​ദ​ർ​ശ​നം. ക​ഴി​ഞ്ഞ ര​ണ്ട് ദി​വ​സ​ങ്ങ​ളാ​യി പു​ല​ർ​ച്ചെ ന​ട​തു​റ​ക്കു​മ്പോ​ൾ മാ​ത്ര​മാ​ണ് ന​ട​പ്പ​ന്ത​ലി​ലും സ​ന്നി​ധാ​ന​ത്തും ചെ​റി​യ തി​ര​ക്ക്‌ അ​നു​ഭ​വ​പ്പെ​ടു​ന്ന​ത്‌.

വെ​ർ​ച്വ​ൽ ക്യൂ ​സം​വി​ധാ​നം കാ​ര്യ​ക്ഷ​മ​മാ​യ​തും പ​തി​നെ​ട്ടാം പ​ടി​യി​ലും കൊ​ടി​മ​ര​ച്ചു​വ​ട്ടി​ലും സേ​വ​നം അ​നു​ഷ്ഠി​ക്കു​ന്ന പൊ​ലീ​സ്​ ഉ​ദ്യോ​ഗ​സ്ഥ​ന്മാ​രു​ടെ പ​രി​ച​യ​ സ​മ്പ​ന്ന​ത​യും ആ​ണ് തി​ര​ക്ക് കു​റ​ക്കാ​ൻ സ​ഹാ​യ​ക​മാ​കു​ന്ന​ത്. ന​ട തു​റ​ന്ന​തി​ന്‌ ശേ​ഷം മൂ​ന്ന്‌ ദി​വ​സ​ങ്ങ​ളി​ലാ​യി 1,51,977 പേ​ർ ദ​ർ​ശ​ന​ത്തി​നെ​ത്തി.

ഞാ​യ​റാ​ഴ്‌​ച വൈ​കി​ട്ട്‌ ഏ​ഴ്‌ വ​രെ​യു​ള്ള ക​ണ​ക്കാ​ണി​ത്‌. ന​ട തു​റ​ന്ന വെ​ള്ളി​യാ​ഴ്ച മാ​ത്രം വൈ​കി​ട്ട് നാ​ല് മു​ത​ൽ രാ​ത്രി 11 വ​രെ 30,687 പേ​ർ ദ​ർ​ശ​നം ന​ട​ത്തി.

108ന്റെ റാപിഡ് ആക്​ഷൻ മെഡിക്കൽ യൂനിറ്റുകൾ

തി​രു​വ​ന​ന്ത​പു​രം: ശ​ബ​രി​മ​ല​യി​ൽ തീ​ർ​ഥാ​ട​ക​ർ​ക്ക് അ​ടി​യ​ന്ത​ര വൈ​ദ്യ സ​ഹാ​യം ഒ​രു​ക്കാ​ൻ ശ​ബ​രി​മ​ല പാ​ത​യി​ൽ ക​നി​വ് 108 ന്റെ ​റാ​പി​ഡ് ആ​ക്​​ഷ​ൻ മെ​ഡി​ക്ക​ൽ യൂ​നി​റ്റു​ക​ൾ കൂ​ടി വി​ന്യ​സി​ച്ച​താ​യി ആ​രോ​ഗ്യ​മ​ന്ത്രി വീ​ണാ ജോ​ർ​ജ്. ആ​രോ​ഗ്യ വ​കു​പ്പി​ന്‍റെ​യും ക​നി​വ് 108ന്‍റെ​യും ആം​ബു​ല​ൻ​സു​ക​ൾ​ക്ക് പു​റ​മേ​യാ​ണ് ഈ ​യൂ​നി​റ്റു​ക​ൾ കൂ​ടി സ​ജ്ജ​മാ​ക്കി​യ​ത്. പ​മ്പ മു​ത​ൽ സ​ന്നി​ധാ​നം വ​രെ​യും കാ​ന​ന​പാ​ത​യി​ലു​മാ​യി ആ​കെ 19 എ​മ​ർ​ജ​ൻ​സി മെ​ഡി​ക്ക​ൽ സെ​ന്റ​റു​ക​ൾ, ഓ​ക്സി​ജ​ൻ പാ​ർ​ല​റു​ക​ൾ എ​ന്നി​വ​യും സ​ജ്ജ​മാ​ക്കി​യി​ട്ടു​ണ്ട്.

ഇ​ടു​ങ്ങി​യ പാ​ത​ക​ളി​ൽ സ​ഞ്ച​രി​ക്കാ​ൻ ക​ഴി​യു​ന്ന ബൈ​ക്ക് ഫീ​ഡ​ർ ആം​ബു​ല​ൻ​സ്, ദു​ർ​ഘ​ട പാ​ത​ക​ളി​ലൂ​ടെ സ​ഞ്ച​രി​ക്കാ​ൻ ക​ഴി​യു​ന്ന 4x4 റെ​സ്‌​ക്യൂ വാ​ൻ, ഐ.​സി.​യു ആം​ബു​ല​ൻ​സ് എ​ന്നി​വ​യാ​ണ് സ​ജ്ജ​മാ​ക്കി​യ​ത്. 108 എ​ന്ന ടോ​ൾ ഫ്രീ ​ന​മ്പ​റി​ലേ​ക്ക് ബ​ന്ധ​പ്പെ​ട്ടാ​ൽ ഈ ​വാ​ഹ​ന​ങ്ങ​ളു​ടെ സേ​വ​നം ല​ഭ്യ​മാ​കും. കൂ​ടാ​തെ, അ​ടി​യ​ന്ത​ര വൈ​ദ്യ സ​ഹാ​യ​ത്തി​ന് 04735 203232 എ​ന്ന ന​മ്പ​റി​ലും വി​ളി​ക്കാം.