ഇതാ സഹിഷ്ണുതയുടെ മന്ദിരം; ദുബൈയിലെ ഏറ്റവും വലിയ ഹിന്ദു ക്ഷേത്രം തുറന്നു

ദുബൈ: സഹിഷ്ണുതയുടെ പര്യായമായി ദുബൈയിലെ ഏറ്റവും വലിയ ഹിന്ദു ക്ഷേത്രം ജബൽ അലിയിൽ തുറന്നു. യു.​എ.​ഇ സ​ഹി​ഷ്ണു​ത, സഹവർതിത്വ മ​ന്ത്രി ശൈ​ഖ് ന​ഹ്​​യാ​ൻ ബി​ൻ മു​ബാ​റ​ക് ആ​ൽ നഹ്​യാനാണ്​ ഉദ്​ഘാടനം നിർവഹിച്ചത്​. ഇന്ത്യൻ അംബാസഡർ സഞ്ജയ്​ സുധീർ, കമ്യൂനിറ്റി ഡവലപ്​മെന്‍റ്​ അതോറിറ്റി ഡയറക്ടർ ജനറൽ അഹ്​മദ്​ ജുൽഫർ തുടങ്ങിയവരും പ​ങ്കെടുത്തു.

ആചാരാനുഷ്ഠാനങ്ങളോടെയായിരുന്നു ക്ഷേത്രത്തിന്‍റെ ഉദ്​ഘാടന ചടങ്ങ്. മലയാളികൾക്ക്​ പുറമെ വിവിധ മത നേതാക്കളും പ​ങ്കെടുത്തു.

ക്രി​സ്ത്യ​ൻ ദേ​വാ​ല​യ​ങ്ങ​ൾ​ക്കും ഗു​രു​ദ്വാ​ര​ക്കും സ​മീ​പ​മാ​ണ് പു​തി​യ ക്ഷേ​ത്രം നി​ർ​മിച്ചത്. ബ​ഹു​നി​ല ക്ഷേ​ത്ര​ത്തി​ൽ 16 മൂ​ർ​ത്തി​ക​ളു​ടെ പ്ര​തി​ഷ്ഠ​യാ​ണു​ള്ള​ത്. ഉ​ത്ത​രേ​ന്ത്യ​യി​ലെയും ദ​ക്ഷി​ണേ​ന്ത്യ​യി​ലെ​യും പ്ര​ധാ​ന ആ​രാ​ധ​ന മൂ​ർ​ത്തി​ക​ൾ​ക്ക്​ പു​റ​മെ സി​ഖ്​ ആ​രാ​ധ​ന​ക്കു​ള്ള സൗ​ക​ര്യ​വും ക്ഷേ​ത്ര​ത്തി​ലു​ണ്ട്. സ്വാ​മി അ​യ്യ​പ്പ​ൻ, ഗു​രു​വാ​യൂ​ര​പ്പ​ൻ തു​ട​ങ്ങി മ​ല​യാ​ളി​ക​ളു​ടെ പ്ര​ധാ​ന ആ​രാ​ധ​ന മൂ​ർ​ത്തി​ക​ളു​ടെ പ്ര​തി​ഷ്ഠ​യും ഇ​വി​ടെ​യു​ണ്ട്.

ഓ​ൺ​ലൈ​ൻ ബു​ക്കി​ങ് അ​നു​സ​രി​ച്ചാ​ണ് ഇ​വി​ടേ​ക്ക് പ്ര​വേ​ശ​നം അ​നു​വ​ദി​ക്കു​ന്ന​ത്. വി​ശ്വാ​സി​ക​ൾക്ക്​ നേരത്തെ മുതൽ സ​ന്ദ​ർ​ശ​നം അ​നു​വ​ദി​ച്ചിരുന്നു. എ​ന്നാ​ൽ, പൂ​ർ​ണ രൂ​പ​ത്തി​ൽ പ്ര​വ​ർ​ത്ത​നം ഇന്നലെ മുതലാണ്​ തുടങ്ങിയത്​. വി​പു​ല​മാ​യ പാ​ർ​ക്കി​ങ്​ സൗ​ക​ര്യ​വും ആ​രാ​ധ​ന ച​ട​ങ്ങു​ക​ൾ​ക്കും മ​റ്റും ഉ​പ​യോ​ഗി​ക്കാ​ൻ പ്ര​ത്യേ​ക ഹാ​ളും ഇ​തി​ൽ പ​ണി​തി​ട്ടു​ണ്ട്.

ഒ​മ്പ​തു​ദി​വ​സം പ്ര​ത്യേ​ക പ്രാ​ർ​ഥ​ന​ക​ൾ ന​ട​ത്തി​യ ശേ​ഷ​മാ​ണ് ഇ​വി​ടെ പ്ര​തി​ഷ്ഠ​ക​ർ​മം പൂ​ർ​ത്തി​യാ​യ​ത്. ആ​ഗ​സ്റ്റ് അ​വ​സാ​ന​ത്തോ​ടെ സി​ഖു​കാ​രു​ടെ വി​ശു​ദ്ധ​ഗ്ര​ന്ഥ​മാ​യ ഗു​രു​ഗ്ര​ന്ഥ സാ​ഹി​ബും സ്ഥാ​പി​ച്ചു. ത്രീ​ഡി പ്രി​ന്‍റ് ചെ​യ്ത വ​ലി​യ താ​മ​ര ചി​ത്ര​മു​ള്ള പ്ര​ധാ​ന പ്രാ​ർ​ഥ​ന ഹാ​ളി​ലാ​ണ് പ്ര​തി​ഷ്ഠ​ക​ൾ സ്ഥാ​പി​ച്ച​ത്. വി​വി​ധ ച​ർ​ച്ചു​ക​ളും ഗു​രു​നാ​നാ​ക് ദ​ർ​ബാ​ർ ഗു​രു​ദ്വാ​ര​യും ഉ​ൾ​ക്കൊ​ള്ളു​ന്ന ജ​ബ​ൽ അ​ലി​യി​ലെ 'ആ​രാ​ധ​ന ഗ്രാ​മം' എ​ന്ന് വി​ശേ​ഷി​പ്പി​ക്ക​പ്പെ​ടു​ന്ന സ്ഥ​ല​ത്താ​ണ് ക്ഷേ​ത്രം സ്ഥി​തി​ചെ​യ്യു​ന്ന​ത്.

ബ​ർ​ദു​ബൈ​യി​ൽ 1958 മു​ത​ൽ ഹി​ന്ദു ക്ഷേ​ത്രം നി​ല​വി​ലു​ണ്ട്. വി​ശേ​ഷ​ദി​വ​സ​ങ്ങ​ളി​ൽ ഇ​വി​ടുത്തെ വ​ർ​ധി​ച്ച തി​ര​ക്കു​കൂ​ടി ക​ണ​ക്കി​ലെ​ടു​ത്താ​ണ് പു​തി​യ ക്ഷേ​ത്രം നി​ർ​മി​ച്ച​ത്. മൂ​ന്നു​വ​ർ​ഷം മു​മ്പാ​ണ്​ ക്ഷേ​ത്ര നി​ർ​മാ​ണം ആ​രം​ഭി​ച്ച​ത്.