ജോർഡനിലെ ആദ്യ നോമ്പ്​

ദുബൈ ആസ്ഥാനമായി പ്രവർത്തിക്കുന്ന ഹോട്ട് പാക്ക് ഗ്ലോബൽ കമ്പനിയുടെ ജോർഡൻ ബ്രാഞ്ച്​ ജീവനക്കാരൻ എൻ.കെ. അബ്ദുൽ നാസറിന്‍റെ ജോർഡൻ നോമ്പനുഭവങ്ങൾ

ജോ​ർ​ഡ​നി​ൽ ഇ​തെ​നി​ക്ക്​ ആ​ദ്യ റ​മ​ദാ​നാ​ണ്. ക​ഴി​ഞ്ഞ നോ​മ്പു കാ​ല​ത്ത് ജോ​ലി ചെ​യ്തി​രു​ന്ന മൊ​റോ​ക്കോ​യേ​ക്കാ​ൾ ത​ണു​ത്ത മെ​ഡി​റ്റ​റേ​നി​യ​ൻ കാ​ലാ​വ​സ്ഥ​യി​ൽ എ​ങ്ങ​നെ​യി​രി​ക്കും നോ​മ്പ് എ​ന്ന​ത് ആ​കാം​ക്ഷ​യാ​യി നി​ന്നു. ജോ​ർ​ഡ​ന്‍റെ ത​ല​സ്ഥാ​ന ന​ഗ​രി​യാ​യ അ​മ്മാ​നി​ൽ ഇ​പ്പോ​ൾ ത​ണു​പ്പ് കു​റ​ഞ്ഞി​ട്ടു​ണ്ട്. അ​ന്ത​രീ​ക്ഷ ഊ​ഷ്മാ​വ് ഒ​റ്റ​യ​ക്ക​ത്തി​ൽ​നി​ന്നു ര​ണ്ട​ക്ക​ത്തി​ലേ​ക്കും ഇ​ട​ക്കി​ട​ക്ക് പ​ത്തൊ​ൻ​പ​തി​ലേ​ക്കും ഇ​രു​പ​തി​ലേ​ക്കും ഒ​ക്കെ എ​ത്തു​ന്നു​ണ്ട്.

ആ​ദ്യ​ത്തെ അ​ത്താ​ഴ​ത്തി​ന് ഉ​ണ​ർ​ന്ന് ഫ​ജ്ർ ന​മ​സ്ക​രി​ക്കാ​ൻ പ​ള്ളി​യി​ൽ പോ​ക​ണ​മെ​ന്ന ആ​ഗ്ര​ഹ​ത്തോ​ടെ അ​ലാ​റം വെ​ച്ച് കി​ട​ന്നു. മൂ​പ്പ​ർ പ​തി​വു​പോ​ലെ ത​ന്‍റെ ഡ്യൂ​ട്ടി നി​ർ​വ​ഹി​ച്ചെ​ങ്കി​ലും ഒ​ന്ന് കൂ​ടി തി​രി​ഞ്ഞു മ​റി​ഞ്ഞു​കി​ട​ന്നു. പി​ന്നെ ഒ​ന്നി​നും സ​മ​യ​മി​ല്ല. ര​ണ്ട്​ മു​ട്ട​യെ​ടു​ത്ത് ബു​ൾ​സ് ഐ ​ആ​ക്കി, ചാ​യ​യും ഉ​ണ്ടാ​ക്കി ക​ഴി​ച്ചു. അ​പ്പോ​ഴേ​ക്കും സു​ബ്ഹി ന​മ​സ്കാ​ര​ത്തി​ന്‍റെ ഒ​ന്നാം ബാ​ങ്ക് കേ​ട്ടു. ഇ​വി​ടെ സു​ബ്ഹി​ക്ക് ര​ണ്ടു​ത​വ​ണ ബാ​ങ്ക് കൊ​ടു​ക്കും. ശ​രി​ക്കു​മു​ള്ള ബാ​ങ്കി​ന്‍റെ 15 മി​നി​റ്റ്​ മു​മ്പ് ര​ണ്ടാം ബാ​ങ്ക്. ഒ​ന്നാം വി​ളി കേ​ട്ട​പ്പോ​ൾ ത​ന്നെ കു​ടി​യും തീ​നും നി​ർ​ത്തി വു​ളു എ​ടു​ത്ത് പ​ള്ളി​യി​ലേ​ക്ക് പു​റ​പ്പെ​ട്ടു. അ​മ്മാ​നി​ൽ വ​ന്നെ​ത്തി​യ ക​ഴി​ഞ്ഞ ഡി​സം​ബ​റി​ൽ ആ​ദ്യ​മാ​യി ഒ​ന്നാം ബാ​ങ്ക് വി​ളി കേ​ട്ട​പ്പോ​ൾ ത​ന്നെ ഞാ​ൻ സു​ബ്ഹി ന​മ​സ്ക​രി​ച്ചി​രു​ന്നു. പി​ന്നെ വീ​ണ്ടും ബാ​ങ്ക് വി​ളി കേ​ട്ട​പ്പോ​ഴാ​ണ് അ​മ​ളി പ​റ്റി​യ​ത​റി​ഞ്ഞ​തും സു​ബ്ഹി​ക്കു​ള്ള ര​ണ്ട് വി​ളി സ​മ്പ്ര​ദാ​യം മ​ന​സ്സി​ലാ​യ​തും.

ഏ​ഴ് പ​ർ​വ​ത​ങ്ങ​ളു​ടെ മു​ക​ളി​ലാ​ണ് ഏ​താ​ണ്ട് 40 ല​ക്ഷം ജ​ന​സം​ഖ്യ​യു​ള്ള അ​മ്മാ​ൻ ന​ഗ​രം നി​ല​കൊ​ള്ളു​ന്ന​ത്. പി​ന്നെ ചെ​റു​കു​ന്നു​ക​ളും മ​ല​ക​ളും വേ​റെ​യും. ഒ​രു കു​ന്നി​ൻ മു​ക​ളി​ൽ നി​ന്ന് നോ​ക്കി​യാ​ൽ താ​ഴെ കാ​ണു​ന്ന മ​ല​ഞ്ചെ​രി​വു​ക​ളും പ​ച്ച​പ്പും താ​ഴ്​​വാ​ര​ങ്ങ​ളും ച​ന്ത​മേ​റി​യ കാ​ഴ്ച​യാ​ണ്. എ​ങ്കി​ലും കു​ന്നി​ൻ മു​ക​ളി​ലു​ള്ള പ​ള്ളി​യി​ലേ​ക്ക് ന​ട​ന്ന് ക​യ​റു​ന്ന​ത് കു​റ​ച്ച് പ്ര​യാ​സ​മാ​ണ്. പ്ര​ത്യേ​കി​ച്ചും 100 മീ​റ്റ​റി​ലേ​റെ ക​യ​റ്റം ക​യ​റേ​ണ്ടി​വ​രു​മ്പോ​ൾ. അ​മ്മാ​നി​ലെ ദ​ഹി​യ​ത്ത് റ​ഷീ​ദി​ലു​ള്ള എ​ന്‍റെ താ​മ​സ​സ്ഥ​ലം കെ​ട്ടി​ട​ത്തി​ൽ പ​കു​തി ഭൂ​ഗ​ർ​ഭ​ത്തി​ലു​ള്ള ഫ്ലാ​റ്റാ​ണ്.

മ​ല​യു​ടെ ചെ​രു​വി​ൽ നി​ർ​മി​ക്ക​പ്പെ​ട്ട അ​തി​ന്‍റെ ഒ​രു ഭാ​ഗ​ത്തേ ജ​ന​ലു​ക​ൾ ഉ​ള്ളൂ. അ​തേ ഫ്ലോ​റി​ൽ എ​തി​ർ വ​ശ​ത്തു​ള്ള ഫ്ലാ​റ്റു​കാ​ര​ൻ ഒ​ഴി​ഞ്ഞു​പോ​യ​പ്പോ​ൾ ഭൂ​ഗ​ർ​ഭ​ത്തി​ലെ ആ ​നി​ല​യി​ൽ ഞാ​ൻ ഏ​ക​നാ​യി. പ്ര​ഭാ​ത പ്രാ​ർ​ഥ​ന​ക്കു​ള്ള ര​ണ്ടാം വി​ളി കേ​ട്ട് ഞാ​ൻ ഫ്ലാ​റ്റി​ന്‍റെ വാ​തി​ല​ട​ച്ച് കോ​ണി ക​യ​റി റോ​ഡി​ലേ​ക്കെ​ത്തി. തൊ​ട്ട​ടു​ത്ത വീ​ടു​ക​ളൊ​ക്കെ വ​ർ​ണ​വി​ള​ക്കു​ക​ൾ കൊ​ണ്ട് അ​ല​ങ്ക​രി​ച്ചി​രി​ക്കു​ന്നു. പു​ണ്യ റ​മ​ദാ​നി​നെ വ​ര​വേ​ൽ​ക്കാ​ൻ അ​മ്മാ​ൻ പ​ട്ട​ണം ഒ​രു​ങ്ങി​യി​രി​ക്കു​ന്നു. ഒ​രു നി​മി​ഷം എ​ല്ലാം വീ​ക്ഷി​ച്ച് അ​ങ്ങ​നെ നി​ന്നു​പോ​യി. കു​ന്നി​നു മേ​ലെ​യു​ള്ള മ​സ്ജി​ദ് സി​ദ്ധീ​ഖ് പ​ള്ളി​യി​ലേ​ക്ക് അ​ബ്ദു​ല്ലാ​ഹ് അ​സ്​​ല​മി റോ​ഡി​ലൂ​ടെ 50 മീ​റ്റ​ർ ന​ട​ന്ന​പ്പോ​ഴേ​ക്കും ആ ​റോ​ഡി​ലേ​ക്ക് ചേ​രു​ന്ന അ​ബ്ദു​ന്നൂ​ർ ജ​ൻ​ഹോ റോ​ഡി​ൽ​നി​ന്ന് ഒ​രു കാ​ർ എ​ന്‍റെ​യ​ടു​ത്ത് വ​ന്നു​നി​ന്നു.

‘അ​സ്സ​ലാ​മു അ​ലൈ​ക്കും. പ​ള്ളി​യി​ലേ​ക്കാ​ണെ​ങ്കി​ൽ എ​ന്‍റെ കൂ​ടെ വ​രാം’.

ഞാ​ൻ സ​ലാം മ​ട​ക്കി വ​ണ്ടി​യി​ൽ ക​യ​റി. ഇ​രു​ട്ടി​ൽ ഡ്രൈ​വ​റു​ടെ മു​ഖ​മൊ​ന്നും കാ​ണു​ന്നി​ല്ല.

‘എ​ന്‍റെ പേ​ര് ആ​മി​ർ. താ​ങ്ക​ളു​ടെ പേ​രെ​ന്താ’.

ഞാ​ൻ എ​ന്‍റെ പേ​ര് പ​റ​ഞ്ഞു. പി​ന്നെ കൂ​ട്ടി​ച്ചേ​ർ​ത്തു.

‘ഞാ​ൻ ഇ​ന്ത്യ​ക്കാ​ര​നാ​ണ്’.

‘അ​ഹ്‌​ല​ൻ വ ​സ​ഹ്‌​ല​ൻ. ഇ​ന്ന് ദ​ക്ഷി​ണാ​ഫ്രി​ക്ക​യി​ൽ​നി​ന്ന് കു​റ​ച്ച് ഇ​ന്ത്യ​ക്കാ​ർ ഇ​വി​ടെ വി​സി​റ്റി​ന് വ​രു​ന്നു​ണ്ട്. പ​രി​ച​യ​പ്പെ​ടാം’.

അ​പ്പോ​ഴേ​ക്കും വ​ണ്ടി മ​ല​ക​യ​റി പ​ള്ളി​ക്ക​ടു​ത്തെ​ത്തി. കു​ത്ത​നെ​യു​ള്ള ക​യ​റ്റം ക​യ​റി​യെ​ത്തു​മ്പോ​ഴു​ള്ള ക​ന​ത്ത കി​ത​പ്പ് ഒ​ഴി​വാ​യ​തി​ന്‍റെ ആ​ശ്വാ​സ​ത്തി​ൽ ആ​മി​റി​നോ​ട് ന​ന്ദി പ​റ​ഞ്ഞു ഞാ​ൻ പ​ള്ളി​യി​ലേ​ക്ക് ക​യ​റി. നാ​ട്ടി​ൽ, സൗ​ദി​യി​ൽ, യു.​എ.​ഇ​യി​ൽ, മൊ​റോ​ക്കോ​യി​ൽ, ഇ​പ്പോ​ൾ ജോ​ർ​ഡ​നി​ലും. ഓ​രോ​ന്നോ​ർ​ത്ത് ഞാ​ൻ പ​ള്ളി​യി​ലി​രു​ന്നു. 15 മി​നി​റ്റ്​ ക​ഴി​ഞ്ഞാ​ണ് ഇ​മാം വ​ന്ന​ത്. മ​സ്ജി​ദ് നി​റ​യെ ആ​ളു​ക​ൾ. ന​മ​സ്കാ​രം ക​ഴി​ഞ്ഞ് ഞാ​ൻ ആ​മി​റി​നെ പ​ള്ളി​യി​ലും പു​റ​ത്തും പ​ര​തി. മു​ഖം ശ​രി​ക്ക് ക​ണ്ടി​ട്ടി​ല്ലാ​ത്ത​തു​കൊ​ണ്ട് എ​നി​ക്ക് ക​ണ്ടു​പി​ടി​ക്കാ​ൻ ക​ഴി​ഞ്ഞി​ല്ല.

മ​ധ്യ​പൗ​ര​സ്ത്യ ദേ​ശ​ത്തെ മി​ക്ക​വാ​റും നോ​മ്പു​തു​റ വി​ഭ​വ​ങ്ങ​ൾ ജോ​ർ​ഡ​നി​ൽ ല​ഭ്യ​മാ​ണ്. ഏ​റ്റ​വും വി​ശേ​ഷ​പ്പെ​ട്ട​താ​യി തോ​ന്നി​യ​ത് ഖ​മ​റു​ദ്ദീ​ൻ എ​ന്നു പേ​രു​ള്ള പാ​നീ​യ​മാ​ണ്. ഉ​ണ​ങ്ങി​യ ആ​പ്രി​ക്കോ​ട്ട് പ​ഴ​ത്തി​ന്‍റെ പേ​സ്റ്റി​ന്‍റെ ക​ട്ടി​യു​ള്ള ക​ഷ​ണ​ങ്ങ​ൾ ഏ​റെ നേ​രം വെ​ള്ള​ത്തി​ലി​ട്ട് അ​തി​ൽ പ​ഞ്ച​സാ​ര​യും റോ​സ് വാ​ട്ട​റും ചേ​ർ​ത്ത് ജ്യൂ​സാ​യി അ​ടി​ച്ചെ​ടു​ക്കു​ന്ന ഈ ​പാ​നീ​യം ദാ​ഹ​ശ​മ​ന​ത്തി​ന് അ​ത്യു​ത്ത​മ​മെ​ന്ന് ഞ​ങ്ങ​ളു​ടെ ഹോ​ട്ട് പാ​ക്ക് ഗ്ലോ​ബ​ൽ ക​മ്പ​നി​യി​ൽ കൂ​ടെ ജോ​ലി​ചെ​യ്യു​ന്ന ജോ​ർ​ഡ​ൻ​കാ​ര​നാ​യ സ​ഹ​പ്ര​വ​ർ​ത്ത​ക​ൻ ക​മ​ൽ നാ​ജി​യു​ടെ സാ​ക്ഷ്യം. ന​മു​ക്ക് പ​രി​ചി​ത​മാ​യ ഈ​ത്ത​പ്പ​ഴ​ത്തി​നും സ​മൂ​സ​ക്കും പു​റ​മെ സാ​ല​ഡ് എ​ന്ന് വി​ളി​ക്കാ​വു​ന്ന ഫ​ത്തൂ​ഷും ഗു​ലാ​ബ് ജാം ​പോ​ലെ​യു​ള്ള ലു​ക്ക​യി​മാ​ത്ത് എ​ന്ന മ​ധു​ര​വും ഖ​ത്താ​യി​ഫ് എ​ന്ന ഓ​ട്ട​ട അ​ല്ലെ​ങ്കി​ൽ മ​ട​ക്ക​ട​യും പി​ന്നെ ല​ബ​ൻ എ​ന്ന മോ​രും നോ​മ്പ് തു​റ​ക്കു​ള്ള വി​ഭ​ങ്ങ​ളാ​ണ് ജോ​ർ​ഡ​നി​ൽ. പ്ര​ധാ​ന വി​ഭ​വ​ങ്ങ​ൾ ഗ​ൾ​ഫ് രാ​ജ്യ​ങ്ങ​ളി​ൽ ഉ​ള്ള​തി​നേ​ക്കാ​ൾ കൂ​ടു​ത​ലാ​ണെ​ന്ന് തോ​ന്നി ഇ​വി​ടെ.

ഇ​റ​ച്ചി​യും ചോ​റും വ​റു​ത്ത പ​ച്ച​ക്ക​റി​ക​ളും ഒ​ക്കെ ചേ​ർ​ന്ന ‘മ​ഗ്‌​ലൂ​ബ‘ എ​ന്ന വി​ഭ​വം പേ​ര് സൂ​ചി​പ്പി​ക്കും പോ​ലെ അ​കം പു​റം മ​റി​ച്ചി​ട്ടാ​ണ് തീ​ന്മേ​ശ​യി​ൽ എ​ത്തു​ക. ‘മു​ഹ​മ്മ​ർ‘ എ​ന്ന ‘മു​സ​ഖ​ൻ ‘ വി​ഭ​വം ഫ​ല​സ്തീ​ന്‍റെ ദേ​ശീ​യ ഭ​ക്ഷ​ണ​മാ​ണെ​ന്നാ​ണ് അ​റി​യ​പ്പെ​ടു​ന്ന​ത്. ഖു​ബൂ​സി​ൽ വെ​ച്ച് സെ​ർ​വ് ചെ​യ്യു​ന്ന വി​വി​ധ​ത​രം മ​ന്തി​ക​ൾ, മ​ലൂ​ഖി​യ, മു​ന്തി​രി​യി​ല​യി​ൽ പൊ​തി​ഞ്ഞ് ത​യാ​റാ​ക്കു​ന്ന യ​ല​ഞ്ചി, മ​ഖ്‌​ഷി, കു​ഫ്ത്ത, അ​റാ​യി​ഷ്, ഷ​ഷ്‌​ബ​റ​ക്ക് അ​ങ്ങ​നെ നീ​ളു​ന്നു പ​ട്ടി​ക.

പി​ന്നെ​യു​ള്ള ദി​വ​സ​ങ്ങ​ളി​ൽ പ​ള്ളി​യി​ൽ ദ​ക്ഷി​ണാ​ഫ്രി​ക്ക​ൻ സം​ഘം ന​ട​ത്തി​യ ഉ​ദ്‌​ബോ​ധ​ന​ങ്ങ​ൾ ആ​യി​രു​ന്നു. ഫ​ജ്ർ ന​മ​സ്കാ​ര​ത്തി​നും അ​സ​റി​നും ശേ​ഷം അ​വ​രു​ടെ ഇം​ഗ്ലീ​ഷി​ലു​ള്ള ചെ​റു ഭാ​ഷ​ണ​ങ്ങ​ൾ, അ​വ​രു​ടെ കൂ​ടെ​ത്ത​ന്നെ​യു​ള്ള ജോ​ർ​ഡാ​നി​ക​ൾ അ​റ​ബി​യി​ലേ​ക്ക് ത​ർ​ജ​മ ചെ​യ്തു. അ​റ​ബി മാ​തൃ​ഭാ​ഷ​യാ​യ ജോ​ർ​ഡ​നി​ക​ളും പ​ല​സ്തീ​നി​ക​ളും ഗൗ​ര​വ​ത്തോ​ടെ​ത​ന്നെ ആ ​പ്ര​സം​ഗ​ങ്ങ​ൾ കേ​ട്ടി​രു​ന്നു. നോ​മ്പു​കാ​ലം മ​ന​സ്സു​ഖ​മു​ള്ള കാ​ല​മാ​ണ്. ആ​കു​ല​ത​ക​ളും വ്യാ​കു​ല​ത​ക​ളും ഒ​ഴി​ഞ്ഞ്, പ്ര​യാ​സ​ങ്ങ​ളെ നേ​രി​ടാ​ൻ ന​മ്മെ പാ​ക​പ്പെ​ടു​ത്തു​ന്ന കാ​ലം.

പ​ല അ​ഹ​ങ്കാ​ര​ങ്ങ​ളി​ൽ നി​ന്നും ന​മ്മെ മോ​ചി​പ്പി​ച്ച് സ​ന്തോ​ഷ​പ്പെ​ടു​ത്തു​ന്ന കാ​ല​വും. ഇ​തെ​ഴു​തു​മ്പോ​ൾ നോ​മ്പ് 14 പി​ന്നി​ട്ടി​രി​ക്കു​ന്നു. അ​ബ്ദു​ല്ലാ​ഹ് അ​സ്​​ല​മി റോ​ഡി​ലൂ​ടെ പ​ള്ളി​യി​ലേ​ക്കു​ള്ള എ​ന്‍റെ ന​ട​ത്ത​വും തു​ട​രു​ന്നു. ആ​യു​സ്സി​ൽ അ​മ്പ​താ​ണ്ടു​ക​ൾ പി​ന്നി​ട്ട ഞാ​ൻ പ​ള്ളി​യി​ലേ​ക്കു​ള്ള ക​യ​റ്റം​ക​യ​റി വ​ല്ലാ​തെ കി​ത​ച്ചു​പോ​കാ​തി​രി​ക്കാ​ൻ അ​ബ്ദു​ന്നൂ​ർ ജ​ൻ​ഹോ റോ​ഡി​ൽ നി​ന്ന് വ​രു​ന്ന ജോ​ർ​ഡ​നി​ക​ളു​ടെ വ​ണ്ടി​ക​ൾ എ​ന്നെ​യും ക​യ​റ്റി പ​ള്ളി​യെ ല​ക്ഷ്യ​മാ​ക്കി മു​ന്നേ​റു​ന്നു.