കരിപ്പൂരിലെ ഉയര്‍ന്ന ഹജ്ജ് യാത്രാനിരക്ക്: പരിഹാരത്തിന് നടപടികളില്ല

കൊ​ണ്ടോ​ട്ടി: സം​സ്ഥാ​ന​ത്തു​നി​ന്നു​ള്ള ഈ ​വ​ര്‍ഷ​ത്തെ ഹ​ജ്ജ് തീ​ര്‍ഥാ​ട​ന​ത്തി​ന് മേ​യ് മൂ​ന്നാം വാ​രം തു​ട​ക്ക​മാ​കാ​നി​രി​ക്കെ, ക​രി​പ്പൂ​രി​ലെ കോ​ഴി​ക്കോ​ട് അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ല്‍നി​ന്നു​ള്ള അ​മി​ത യാ​ത്രാ​നി​ര​ക്ക് കു​റ​ച്ച് തീ​ര്‍ഥാ​ട​ക​രോ​ടു​ള്ള അ​നീ​തി പ​രി​ഹ​രി​ക്കാ​ന്‍ കാ​ര്യ​ക്ഷ​മ​മാ​യ ന​ട​പ​ടി​ക​ളൊ​ന്നു​മാ​യി​ല്ല. നി​ര​ക്ക് കു​റ​ക്കാ​ന്‍ ഇ​ട​പെ​ട​ല്‍ വേ​ണ​മെ​ന്ന് കേ​ന്ദ്ര സ​ര്‍ക്കാ​റി​നോ​ട് ആ​വ​ശ്യ​പ്പെ​ട്ടി​ട്ടു​ണ്ടെ​ന്ന് സം​സ്ഥാ​ന സ​ര്‍ക്കാ​റും വ​കു​പ്പ് മ​ന്ത്രി വി. ​അ​ബ്ദു​റ​ഹി​മാ​നും സം​സ്ഥാ​ന ഹ​ജ്ജ് ക​മ്മി​റ്റി അ​ധി​കൃ​ത​രും നി​ര​ന്ത​രം ആ​വ​ര്‍ത്തി​ക്കു​ന്നു​ണ്ടെ​ങ്കി​ലും ഇ​ക്കാ​ര്യ​ത്തി​ല്‍ വി​ശ്വാ​സ​യോ​ഗ്യ​മാ​യ ഒ​രു ഉ​റ​പ്പും ഇ​തു​വ​രെ​യി​ല്ലാ​ത്ത​ത് തീ​ര്‍ഥാ​ട​ക​രെ ആ​ശ​ങ്ക​യി​ലാ​ക്കു​ക​യാ​ണ്. സം​സ്ഥാ​ന​ത്തെ മൂ​ന്നു പു​റ​പ്പെ​ട​ല്‍ കേ​ന്ദ്ര​ങ്ങ​ളി​ല്‍നി​ന്നു​മു​ള്ള യാ​ത്രാ​നി​ര​ക്ക് ഏ​കീ​ക​രി​ക്ക​ണ​മെ​ന്ന ആ​വ​ശ്യം അ​നു​ഭാ​വ​പൂ​ർ​വം പ​രി​ഗ​ണി​ക്കു​മെ​ന്ന മ​റു​പ​ടി​യി​ല്‍ ക​വി​ഞ്ഞ് കേ​ന്ദ്ര​സ​ര്‍ക്കാ​റി​ല്‍നി​ന്നോ ബ​ന്ധ​പ്പെ​ട്ട വ​കു​പ്പ് മ​ന്ത്രി​മാ​രി​ല്‍നി​ന്നോ വ്യ​ക്ത​മാ​യ മ​റു​പ​ടി​യും കാ​ര്യ​ക്ഷ​മ​മാ​യ ഇ​ട​പെ​ട​ലും ഫ​ല​ത്തി​ല്‍ ഉ​ണ്ടാ​യി​ട്ടി​ല്ല.

കൂ​ടു​ത​ല്‍ യാ​ത്ര​ക്കാ​ര്‍ ആ​ശ്ര​യി​ക്കു​ന്ന കോ​ഴി​ക്കോ​ട് വി​മാ​ന​ത്താ​വ​ള​ത്തി​ല്‍നി​ന്ന് ജി​ദ്ദ​യി​ലേ​ക്കു​ള്ള യാ​ത്രാ​നി​ര​ക്ക് ഇ​ത്ത​വ​ണ കൊ​ച്ചി, ക​ണ്ണൂ​ര്‍ വി​മാ​ന​ത്താ​വ​ള​ങ്ങ​ളെ അ​പേ​ക്ഷി​ച്ച് 38,000 രൂ​പ മു​ത​ല്‍ 39,000 രൂ​പ വ​രെ കൂ​ടു​ത​ലാ​ണ്. ക​രി​പ്പൂ​രി​ല്‍നി​ന്ന് ഹ​ജ്ജ് സ​ർ​വി​സ് ന​ട​ത്തു​ന്ന​തി​ന് എ​യ​ര്‍ ഇ​ന്ത്യ എ​ക്സ്പ്ര​സ് വി​മാ​ന​ക്ക​മ്പ​നി ടി​ക്ക​റ്റ് നി​ര​ക്കാ​യി 1.25 ല​ക്ഷം രൂ​പ​യാ​ണ് ടെ​ൻ​ഡ​റി​ല്‍ രേ​ഖ​പ്പെ​ടു​ത്തി​യ​ത്. അ​തേ​സ​മ​യം, ക​ണ്ണൂ​രി​ല്‍ ഇ​ത് 87,000 രൂ​പ​യും കൊ​ച്ചി​യി​ല്‍നി​ന്ന് സൗ​ദി എ​യ​ര്‍ലൈ​ന്‍സ് ന​ല്‍കി​യ​ത് 86,000 രൂ​പ​യു​മാ​ണ്. ക​രി​പ്പൂ​രി​ല്‍നി​ന്ന് എ​യ​ര്‍ ഇ​ന്ത്യ എ​ക്സ്പ്ര​സ് മാ​ത്ര​മാ​ണ് ടെ​ൻ​ഡ​ര്‍ ന​ല്‍കി​യ​തെ​ന്ന​തി​നാ​ല്‍ ഈ ​ക​മ്പ​നി​ക്കു​ത​ന്നെ​യാ​കും ക​രാ​ര്‍ ല​ഭി​ക്കു​ക​യെ​ന്നും ഉ​റ​പ്പാ​ണ്.

ക​ഴി​ഞ്ഞ വ​ര്‍ഷം 1.65 ല​ക്ഷം രൂ​പ​യാ​യി​രു​ന്നു ടെ​ൻ​ഡ​റി​ല്‍ എ​യ​ര്‍ ഇ​ന്ത്യ എ​ക്സ്പ്ര​സ് ക​രി​പ്പൂ​രി​ല്‍ നി​ന്നു​ള്ള യാ​ത്രാ​നി​ര​ക്ക് രേ​ഖ​പ്പെ​ടു​ത്തി​യി​രു​ന്ന​ത്. ഇ​ത് ക​ടു​ത്ത പ്ര​തി​ഷേ​ധ​ത്തി​നി​ട​യാ​ക്കി​യ​തോ​ടെ 1.21 ല​ക്ഷം രൂ​പ​യാ​ക്കി കു​റ​ച്ചു. എ​ന്നി​ട്ടും 35,000 രൂ​പ​യാ​ണ് ക​രി​പ്പൂ​രി​ല്‍നി​ന്നു​ള്ള തീ​ര്‍ഥാ​ട​ക​ര്‍ അ​ധി​ക​മാ​യി ന​ല്‍കേ​ണ്ടി​വ​ന്ന​ത്. ക​രി​പ്പൂ​ര്‍ വി​മാ​ന​ത്താ​വ​ള​ത്തി​ല്‍ വ​ലി​യ വി​മാ​ന സ​ർ​വി​സു​ക​ള്‍ പു​ന​രാ​രം​ഭി​ക്കാ​ത്ത​താ​ണ് നി​ല​വി​ലെ പ്ര​ശ്ന​ങ്ങ​ള്‍ സ​ങ്കീ​ര്‍ണ​മാ​ക്കു​ന്ന​ത്. 2020 ആ​ഗ​സ്റ്റ് ഏ​ഴി​ന് 21 പേ​രു​ടെ മ​ര​ണ​ത്തി​നി​ട​യാ​ക്കി​യ വി​മാ​ന​ദു​ര​ന്ത​ത്തി​നു​ശേ​ഷം വ​ലി​യ വി​മാ​ന​ങ്ങ​ള്‍ക്കു​ള്ള സ​ര്‍വി​സ് അ​നു​മ​തി കേ​ന്ദ്ര വ്യോ​മ​യാ​ന മ​ന്ത്രാ​ല​യം റ​ദ്ദാ​ക്കു​ക​യാ​യി​രു​ന്നു.