റ​മ​ദാ​ൻ അ​വ​സാ​ന​ത്തെ പ​ത്തി​ല്‍; മ​ന​സ്സു​ക​ൾ പ്രാ​ർ​ഥ​ന​മു​ഖ​രി​തം

കു​വൈ​ത്ത്​ സി​റ്റി: റ​മ​ദാ​ൻ അ​വ​സാ​ന പ​ത്തി​ൽ എ​ത്തി​യ​തോ​ടെ കൂ​ടു​ത​ൽ പ്രാ​ർ​ഥ​ന​ക​ളി​ലും സ​ത്ക​ർ​മ​ങ്ങ​ളി​ലും മു​ഴു​കി വി​ശ്വാ​സി​ക​ൾ. റ​മ​ദാ​നി​ലെ ഏ​റ്റ​വും വി​ല​പ്പെ​ട്ട ദി​ന​ങ്ങ​ളാ​യാ​ണ് അ​വ​സാ​ന പ​ത്തു​ദി​ന​ങ്ങ​ളെ കാ​ണു​ന്ന​ത്.

റ​മ​ദാ​നി​ലെ അ​ദ്യ പ​ത്ത് അ​നു​ഗ്ര​ഹ​ത്തി​ന്റെ​യും ര​ണ്ടാം പ​ത്ത് പാ​പ​മോ​ച​ന​ത്തി​ന്റേ​തും അ​വ​സാ​ന പ​ത്ത് ന​ര​ക​മോ​ച​ന​ത്തി​നും ഉ​ള്ള​താ​ണെ​ന്നാ​ണ് വി​ശ്വാ​സം. ദൈ​വ​ത്തി​ന്‍റെ പ്ര​ത്യേ​ക അ​നു​ഗ്ര​ഹ​ങ്ങ​ളു​മാ​യി റ​മ​ദാ​നി​ലെ അ​വ​സാ​ന നാ​ളു​ക​ളി​ലു​ണ്ടാ​വു​മെ​ന്ന് പ്ര​തീ​ക്ഷി​ക്കു​ന്ന ആ​യി​രം മാ​സ​ത്തേ​ക്കാ​ൾ ശ്രേ​ഷ്ഠ​മാ​യ ലൈ​ല​ത്തു​ല്‍ ഖ​ദ്ര്‍ അ​വ​സാ​ന പ​ത്തി​ലാ​വാ​നാ​ണ് സാ​ധ്യ​ത ക​ല്‍പി​ക്ക​പ്പെ​ടു​ന്ന​ത്. ഇ​നി​യു​ള്ള നാ​ളു​ക​ളി​ല്‍ കാ​രു​ണ്യ​പ്ര​വ​ര്‍ത്ത​ന​ങ്ങ​ളും സ​ഹാ​യ വി​ത​ര​ണ​ങ്ങ​ളും കൂ​ടു​ത​ല്‍ സ​ജീ​വ​മാ​കും. വി​ശ്വാ​സി​ക​ളു​ടെ രാ​ത്രി​ക​ൾ പ്രാ​ർ​ഥ​ന​മു​ഖ​രി​ത​മാ​കും. രാ​ജ്യ​ത്തെ മി​ക്ക പ​ള്ളി​ക​ളി​ലും നൂ​റു​ക​ണ​ക്കി​ന് വി​ശ്വാ​സി​ക​ൾ തി​ങ്ക​ളാ​ഴ്ച പാ​തി​രാ​ന​മ​സ്കാ​ര​ത്തി​ന് അ​ണി​നി​ര​ന്നു. പ​ള്ളി​ക​ളി​ൽ എ​ത്തു​ന്ന വി​ശ്വാ​സി​ക​ൾ​ക്കാ​യി ഔ​ഖാ​ഫ് മ​ന്ത്രാ​ല​യം വി​പു​ല​മാ​യ സ​ജ്ജീ​ക​ര​ണ​ങ്ങ​ൾ ഒ​രു​ക്കി​യി​ട്ടു​ണ്ട്.

പൊ​ലീ​സ്, അ​ഗ്നി​ശ​മ​ന വി​ഭാ​ഗം, എ​മ​ർ​ജ​ൻ​സി മെ​ഡി​ക്ക​ൽ വി​ഭാ​ഗം എ​ന്നി​വ​ക്ക്​ പു​റ​മെ നി​ര​വ​ധി സ​ന്ന​ദ്ധ​പ്ര​വ​ർ​ത്ത​ക​രും പ​ള്ളി​ക​ളി​ലെ​ത്തു​ന്ന​വ​ർ​ക്ക് സ​ഹാ​യ​ത്തി​നാ​യി ഉ​ണ്ട്. മൂന്ന് വർഷത്തെ ഇടവേളയ്ക്ക് ശേഷം രാജ്യത്തെ ഏറ്റവും വലിയ പള്ളിയായ ഗ്രാൻഡ് മസ്ജിദിൽ ഖിയാമുല്ലൈല്‍ ആരംഭിച്ചതിന്റെ സന്തോഷത്തിലാണ് വിശ്വാസികൾ. പ്രശസ്തരായ ഖുർആൻ പാരായണ വിദഗ്​ധരുടെ സാന്നിധ്യം ഗ്രാൻഡ് മസ്ജിദിന്റെ പ്രത്യേകതയാണ്. സ്വദേശികളും പ്രവാസികളും അടക്കം ആയിരങ്ങള്‍ ഇവിടെ പ്രാര്‍ഥനകളില്‍ പങ്കാളികളാകും.

വിശ്വാസികള്‍ക്കായി ആരോഗ്യ ക്ലിനിക്കുകളും ഔട്ട്ഡോർ ടെന്റും സ്ത്രീകള്‍ക്ക് പ്രത്യേക സൗകര്യവും ഇവിടെ ഒരുക്കിയിട്ടുണ്ട്. അർദ്ധരാത്രി 12 ന് ശേഷം എല്ലാ പാർക്കിങ് ലോട്ടുകളും വിശ്വാസികള്‍ക്ക് സൗജന്യമായി തുറന്നു നൽകും.. പാ​ർ​ക്കി​ങ് സ്ഥ​ല​ങ്ങ​ളി​ൽ​നി​ന്ന് പ​ള്ളി​യു​ടെ പ്ര​ധാ​ന ക​വാ​ട​ത്തി​ലേ​ക്ക് ബ​സ് സൗ​ക​ര്യം ഒ​രു​ക്കി​യി​ട്ടു​ണ്ട്. പ്രാ​ർ​ഥ​ന​ക്കാ​യി വ​രു​ന്ന വി​ശ്വാ​സി​ക​ള്‍ അ​ധി​കൃ​ത​രു​മാ​യി പൂ​ർ​ണ​മാ​യി സ​ഹ​ക​രി​ക്ക​ണ​മെ​ന്ന് അ​ധി​കൃ​ത​ർ അ​ഭ്യ​ര്‍ഥി​ച്ചു. ഹ​വ​ല്ലി ഗ​വ​ർ​ണ​റേ​റ്റി​ലെ സി​ദ്ദീ​ഖ്​ പ്ര​ദേ​ശ​ത്ത്​ സ്ഥി​തി ചെ​യ്യു​ന്ന മ​സ്​​ജി​ദ്​ ബി​ലാ​ൽ ബി​ൻ റ​ബാ​ഹി​ലും രാ​ത്രി ന​മ​സ്കാ​ര​ത്തി​നാ​യി സ​ജ്ജ​മാ​യി. ഗ്രാ​ൻ​ഡ് മ​സ്ജി​ദ് ക​ഴി​ഞ്ഞാ​ൽ രാ​ജ്യ​ത്തെ പ്ര​ധാ​ന പ​ള്ളി​യാ​ണി​ത്. ആ​ളു​ക​ൾ​ക്ക് പ​ള്ളി​യി​ൽ എ​ത്താ​നും ന​മ​സ്കാ​രം നി​ർ​വ​ഹി​ക്കാ​നും വി​പു​ല​മാ​യ സൗ​ക​ര്യ​ങ്ങ​ൾ ഇ​വി​ടെ ഒ​രു​ക്കി​യി​ട്ടു​ണ്ട്. സു​ര​ക്ഷ ക്ര​മീ​ക​ര​ണ​ങ്ങ​ളും ശ​ക്ത​മാ​ണ്. വി​ശ്വാ​സി​ക​ൾ​ക്ക് വാ​ഹ​ന സൗ​ക​ര്യ​വും ഏ​ർ​പ്പെ​ടു​ത്തി​യി​ട്ടു​ണ്ട്.