ലേബർ ക്യാമ്പിൽനിന്നും ടെന്റുകളിലേക്കുള്ള നോമ്പുതുറ യാത്ര

ഖ​ത്ത​ർ പ്ര​വാ​സ​ത്തി​ന്റെ ആ​ദ്യ​നാ​ളു​ക​ളി​ലെ റ​മ​ദാ​ൻ മാ​സ​ങ്ങ​ളി​ൽ പു​തി​യ മേ​ച്ചി​ൽ പു​റ​ങ്ങ​ൾ തേ​ടു​ന്ന ദേ​ശാ​ട​ന​പ്പ​ക്ഷി​ക​ളെ പോ​ലെ​യാ​യി​രു​ന്നു ഞ​ങ്ങ​ൾ ലേ​ബ​ർ ക്യാ​മ്പി​ലെ അ​ന്തേ​വാ​സി​ക​ൾ. ഓ​രോ ദി​വ​സ​വും പു​തി​യ ഇ​ഫ്താ​ർ ടെ​ന്റു​ക​ൾ തേ​ടി​യു​ള്ള യാ​ത്ര. ഇ​ഫ്താ​ർ ടെ​ന്റു​ക​ളി​ൽ ബാ​ങ്കി​ന് തൊ​ട്ടു​മു​മ്പു​ള്ള ആ ​ഒ​രു നി​മി​ഷ​ത്തി​ൽ പൊ​ടു​ന്ന​നെ പൊ​ട്ടി​വി​രി​യു​ന്ന നി​ശ്ശ​ബ്ദ​ത​യും തു​ട​ർ​ന്നു​ള്ള ബാ​ങ്ക് വി​ളി​യും നീ​ണ്ട ഒ​രു ദി​വ​സ​ത്തെ കാ​ത്തി​രി​പ്പി​ന് വി​രാ​മം കു​റി​ക്കു​മ്പോ​ൾ അ​ടു​ത്ത ചി​ന്ത​യും ച​ർ​ച്ച​യും പു​തി​യ ടെ​ന്റു​ക​ൾ ക​ണ്ടെ​ത്തു​ന്ന​തി​ലാ​വും.

ആ​റു​മ​ണി​ക്കൂ​ർ ഡ്യൂ​ട്ടി ക​ഴി​ഞ്ഞു​വ​ന്ന് ചെ​റു മ​യ​ക്ക​വും അ​സ​ർ ന​മ​സ്കാ​ര​വും ക​ഴി​ഞ്ഞാ​ൽ ക്യാ​മ്പി​ന് വെ​ളി​യി​ൽ നി​ർ​ത്തി​യി​ട്ടി​രി​ക്കു​ന്ന ക​മ്പ​നി ബ​സു​ക​ളി​ലേ​ക്ക് ആ​ളു​ക​ൾ നീ​ങ്ങി​ത്തു​ട​ങ്ങും. ക​ണ്ണെ​ത്താ​ദൂ​ര​ത്താ​യി പ​ര​ന്നു​കി​ട​ക്കു​ന്ന മ​രു​ഭൂ​മി​യു​ടെ ഒ​ത്ത ന​ടു​ക്കു​ള്ള ലേ​ബ​ർ ക്യാ​മ്പി​ൽ​നി​ന്ന് അ​ടു​ത്തു​ള്ള പ​ട്ട​ണ​ത്തി​ലെ ഇ​ഫ്താ​ർ ടെ​ന്റു​ക​ളാ​വും ല​ക്ഷ്യം. വ​ണ്ടി നി​റ​ഞ്ഞി​രി​ക്കു​ന്ന ക്യാ​മ്പ് നി​വാ​സി​ക​ളു​ടെ​യെ​ല്ലാം ക​ണ്ണു​ക​ൾ അ​തു​വ​രെ സീ​റ്റി​ലെ​ത്താ​ത്ത ഡ്രൈ​വ​റെ പ​ര​തു​ക​യാ​വും. പി​ന്നീ​ട് ദൂ​ര​ത്തു​നി​ന്ന് ന​ട​ന്നു​വ​രു​ന്ന ഡ്രൈ​വ​ർ ഭാ​യി​ക്ക് ഹീ​റോ പ​രി​വേ​ഷ​മാ​യി​രു​ന്നു.

ഞ​ങ്ങ​ളു​ടെ സ്ഥി​രം നീ​ല​ക്ക​ള​ർ അ​ശോ​ക് ലൈ​ലാ​ൻ​ഡ് ബ​സി​ന്റെ ഡ്രൈ​വ​ർ റൂ​മി​ലെ​ത്ത​ന്നെ കാ​ർ​ന്നോ​രാ​യ ചെ​ർ​പ്പു​ള​ശ്ശേ​രി​ക്കാ​ര​ൻ ഹം​സ​ക്ക​യാ​ണ്. ഞ​ങ്ങ​ൾ റൂ​മി​ലെ ആ​ളു​ക​ൾ ക​യ​റാ​തെ വേ​റെ ഒ​രാ​ളെ​പ്പോ​ലും ക​യ​റ്റി​ല്ലെ​ന്ന വാ​ശി​യു​ള്ള ഹം​സ​ക്ക നേ​ര​ത്തേ ത​ന്നെ വി​ളി തു​ട​ങ്ങും.. ‘വാ​ടാ കു​ട്ട്യോ​ളെ.. വേ​ഗം പോ​വ്വാ.. ആ ​പ​ഹ​യ​ന്മാ​ർ വ​ണ്ടി​ക്ക് ചു​റ്റു​ണ്ട്’. ചി​ല​പ്പോ​ഴൊ​ക്കെ ഞ​ങ്ങ​ൾ​ക്ക് മു​മ്പേ വ​ണ്ടി​യി​ൽ ക​യ​റി​പ്പ​റ്റാ​ൻ സാ​ധി​ക്കാ​ത്ത​ത്തി​ൽ ക​ലി​പൂ​ണ്ട് വി​റ​ക്കു​ന്ന മി​സി​രി​യെ പ​ച്ച​മ​ല​യാ​ള​ത്തി​ൽ ചീ​ത്ത പ​റ​യാ​നും ഹം​സ​ക്ക​ക്ക് മ​ടി​യി​ല്ല. എ​ല്ലാ​വ​രെ​യും ഇ​ഫ്താ​ർ ടെ​ന്റി​ൽ എ​ത്തി​ച്ചി​ട്ടേ ഹം​സ​ക്ക അ​ട​ങ്ങി​യി​രി​ക്കൂ.

ടെ​ന്റി​ൽ നി​ര​ത്തി​വെ​ച്ചി​രി​ക്കു​ന്ന വ​ലി​യ ത​ളി​ക​ക​ൾ​ക്ക് ചു​റ്റും ഇ​രി​പ്പു​റ​പ്പി​ച്ചാ​ൽ പി​ന്നെ നാ​ട്ടു​വ​ർ​ത്താ​നം തു​ട​ങ്ങു​ക​യാ​യി. വ​ർ​ത്ത​മാ​ന​ത്തി​നി​ട​ക്ക് ഭ​ക്ഷ​ണ​ത്ത​ളി​ക പൊ​തി​ഞ്ഞു​വെ​ച്ചി​രി​ക്കു​ന്ന പ്ലാ​സ്റ്റി​ക് ക​വ​ർ പ​തി​യെ ഉ​യ​ർ​ത്തി​നോ​ക്കു​ന്ന ചു​മ​ത​ല സ്വ​യം ഏ​റ്റെ​ടു​ത്തി​ട്ടു​ണ്ട് ഹം​സ​ക്ക. ത​ളി​ക​യി​ൽ ഒ​ളി​ഞ്ഞു​നോ​ക്കി​യ ശേ​ഷം മു​ഖം വാ​ടി​യാ​ൽ അ​ന്ന് സാ​ദാ ബി​രി​യാ​ണി​യും പു​ഴു​ങ്ങി​യ ചി​ക്ക​നു​മെ​ന്ന് മ​ന​സ്സി​ലാ​ക്കി​ക്കൊ​ള്ള​ണം. ഹം​സ​ക്ക​യു​ടെ മു​ഖ​ത്ത് നി​ലാ​വു​പോ​ലെ ചി​രി​വി​ട​ർ​ന്നാ​ൽ അ​ന്ന് മ​ജ്ബൂ​സ് അ​ല്ലെ​ങ്കി​ൽ ക​ബ്സ​യു​ടെ കൂ​ടെ ഒ​ട്ട​ക​മോ ആ​ടോ ആ​വും. ആ ​ഊ​ർ​ജം പി​ന്നെ കൂ​ട്ട​ത്തി​ലു​ള്ള ഞ​ങ്ങ​ളി​ലേ​ക്കും പ​ക​രും. ബാ​ങ്ക് വി​ളി​ക്കു​ന്ന​തു​വ​രെ​യു​ള്ള കാ​ത്തി​രി​പ്പാ​ണ് പി​ന്നെ. ഞ​ങ്ങ​ൾ നാ​ലോ അ​ഞ്ചോ ആ​ളു​ക​ളു​ടെ ഇ​ട​യി​ലേ​ക്ക് ഇ​ട​ക്കൊ​ക്കെ തി​രു​കി​ക്ക​യ​റു​ന്ന പ​ട്ടാ​ണി​യെ നോ​ക്കി ചി​രി​ച്ചു​കൊ​ണ്ട് ഹം​സ​ക്ക പ​റ​യും ‘മ​ല​ങ്ങീ​ല്ലോ റ​ബ്ബേ...’

കൂ​ട്ട​ത്തി​ൽ ആ​രെ​ങ്കി​ലു​മൊ​ക്കെ ഇ​ട​ക്കി​ട​ക്ക് ക​വ​ർ പ​തി​യെ ഉ​യ​ർ​ത്തി​നോ​ക്കി ഒ​ട്ട​ക​വും ആ​ടു​മൊ​ക്കെ​ത​ന്നെ​യെ​ന്ന് ഉ​റ​പ്പു​വ​രു​ത്തും. ക​ഴി​ക്കു​വാ​ൻ തു​ട​ങ്ങി​യാ​ൽ വ​ലി​യ മാം​സ​ക്ക​ഷ​ണ​ങ്ങ​ൾ കൂ​ട്ട​ത്തി​ൽ ചെ​റു​പ്പ​മാ​യ എ​നി​ക്ക് നീ​ക്കി​ത്ത​രും ഹം​സ​ക്ക ‘ഇ​യ്യ് ക​ഴി​ക്ക് കു​ട്ട്യേ’.. വ​യ​റും മ​ന​സ്സും നി​റ​ച്ച് അ​ല്പം ക്ഷീ​ണ​വു​മാ​യി ലൈ​ലാ​ൻ​ഡ് ബ​സു​ക​ൾ വ​രി വ​രി​യാ​യി മ​രു​ഭൂ​മി​യി​ലെ മ​ൺ​പാ​ത​യി​ൽ പൊ​ടി​പ​ട​ർ​ത്തി ക്യാ​മ്പ് ല​ക്ഷ്യ​മാ​ക്കി മ​ട​ക്കം.

ഇ​ന്ന് വ​ർ​ഷ​ങ്ങ​ൾ​ക്കി​പ്പു​റം പ​ല​രും പ​ല​യി​ട​ങ്ങ​ളി​ലാ​യി. പ​ണ്ട​ത്തെ ഉ​ള്ളു​തു​റ​ന്നു​ള്ള സം​സാ​ര​ങ്ങ​ൾ​ക്ക് പ​ക​രം നോ​മ്പി​ന്റെ അ​വ​സാ​ന നി​മി​ഷ​വും മൊ​ബൈ​ൽ സ്‌​ക്രീ​നി​ൽ കൈ​വി​ര​ലു​ക​ൾ ഓ​ടി​ച്ച് മി​ണ്ടാ​ട്ട​മി​ല്ലാ​ത്ത ഇ​രി​പ്പാ​ണി​ന്ന്. അ​ർ​ഹ​ത​പ്പെ​ട്ട​വ​ർ​ക്കാ​യി ഇ​ഫ്താ​ർ ടെ​ന്റു​ക​ളി​ലെ ഇ​രി​പ്പി​ട​ങ്ങ​ൾ ഒ​ഴി​വാ​ക്കു​മ്പോ​ഴു​മൊ​ക്കെ ഹം​സ​ക്ക​മാ​രെ പോ​ലെ ചി​ല ന​ഷ്ട​ബോ​ധ​ങ്ങ​ൾ ഉ​ണ്ടാ​ക്കു​ന്നു​ണ്ട്..