ചരിത്രം പറഞ്ഞ് കോലെഴുത്ത്

1425-26 വ​ർ​ഷ​ങ്ങ​ളി​ലാ​ണ് ഉ​ത്സ​വ​നാ​ഥ​നാ​യ വി​ശാ​ലാ​ക്ഷി സ​മേ​ത ശ്രീ ​വി​ശ്വ​നാ​ഥ സ്വാ​മി ക്ഷേ​ത്രം പ​ണി​ത​തെ​ന്നാ​ണ് ച​രി​ത്ര​രേ​ഖ​ക​ൾ പ​റ​യു​ന്ന​ത്. ഇ​ക്കാ​ര്യ​ങ്ങ​ൾ വി​ശ​ദീ​ക​രി​ക്കു​ന്ന കോ​ലെ​ഴു​ത്ത് ക​ൽ​പാ​ത്തി​യി​ലെ വി​ശ്വ​നാ​ഥ​ൻ സ്വാ​മി​ക്ഷേ​ത്ര​ത്തി​ന് മു​ന്നി​ലെ നീ​ണ്ട ക​രി​ങ്ക​ൽ സ്തൂ​പ​ത്തി​ലു​ണ്ട്. ല​ക്ഷ്മി അ​മ്മാ​ൾ എ​ന്ന ബ്രാ​ഹ്മ​ണ സ്ത്രീ ​നീ​ണ്ട നാ​ള​ത്തെ കാ​ശി​യാ​ത്ര ക​ഴി​ഞ്ഞ് മ​ട​ങ്ങ​വേ കൊ​ണ്ടു​വ​ന്ന ബാ​ണ​ലിം​ഗം ഇ​ന്ന​ത്തെ ക​ൽ​പാ​ത്തി​പ്പു​ഴ​യോ​ര​ത്ത് പ്ര​തി​ഷ്ഠി​ക്കാ​ൻ അ​ന്ന​ത്തെ പാ​ല​ക്കാ​ട്ടു​ശ്ശേ​രി ശേ​ഖ​രീ​വ​ർ​മ വ​ലി​യ രാ​ജ​യോ​ട് ആ​ഗ്ര​ഹം പ്ര​ക​ടി​പ്പി​ച്ചി​രു​ന്നെ​ന്ന് കോ​ലെ​ഴു​ത്ത് സ്തൂ​പ​ത്തി​ലു​ണ്ട്. സ​ൽ​സ്വ​ഭാ​വി​യും ഈ​ശ്വ​ര വി​ശ്വാ​സി​യു​മാ​യ രാ​ജാ​വ് ഈ ​ബ്രാ​ഹ്മ​ണ സ്ത്രീ​യു​ടെ ആ​ഗ്ര​ഹ​ത്തി​ന് സ​മ്മ​തം ന​ൽ​കി.

വി​വ​രം വി​ശ്വ​സ്ത​നാ​യ അ​ക​ത്തേ​ത്ത​റ വ​ലി​യ കോ​ണി​ക്കി​ലി​ട​ത്തി​ലെ കാ​ര​ണ​വ​രാ​യ ഇ​ട്ടി​ക്കോ​മ്പി​യ​ച്ച​നെ അ​റി​യി​ക്കു​ക​യും അ​വ​രോ​ട് ഇ​ന്ന​ത്തെ ക​ൽ​പാ​ത്തി നി​ല​കൊ​ള്ളു​ന്ന ഭാ​ഗ​ത്ത് ക്ഷേ​ത്രം പ​ണി​ത് പ്ര​സ്തു​ത ബാ​ണ​ലിം​ഗം യ​ഥാ​വി​ധി നി​ശ്ചി​ത സ്ഥാ​ന​ത്ത് പ്ര​തി​ഷ്ഠി​ക്കാ​നും ഉ​ത്ത​ര​വ് ന​ൽ​കി.

രാ​ജാ​വി​ന്റെ ഉ​ത്ത​ര​വ് മാ​നി​ച്ച് കാ​ര്യ​സ്ഥ​നാ​യ ഇ​ട്ടി​ക്കോ​മ്പി​യ​ച്ച​നാ​ണ് അ​ന്ന് ക്ഷേ​ത്രം പ​ണി​ത് ബാ​ണ​ലിം​ഗം പ്ര​തി​ഷ്ഠ ന​ട​ത്തി​യ​ത്. ഇ​തി​ൽ സ​ന്തു​ഷ്ഠ​നാ​യ ശേ​ഖ​ര​വ​ർ​മ രാ​ജാ​വ് ഇ​ട്ടി​ക്കോ​മ്പി​യ​ച്ച​നെ ക്ഷേ​ത്ര​ത്തി​ന്റെ ട്ര​സ്റ്റി​യാ​യും നി​യ​മി​ച്ചു. 1426ൽ ​ക്ഷേ​ത്ര നി​ർ​മാ​ണം പൂ​ർ​ത്തി​യാ​യി.

ക്ഷേ​ത്ര​ചെ​ല​വി​ന് വേ​ണ്ടി ശം​ഖു​വാ​ര​ത്തോ​ട് വ​രെ സ്ഥ​ലം രാ​ജാ​വ് എ​ഴു​തി​ക്കൊ​ടു​ത്തു. പി​ന്നീ​ടാ​ണ് ത​ഞ്ചാ​വൂ​രി​ൽ​നി​ന്ന് ബ്രാ​ഹ്മ​ണ​രെ ഇ​വി​ടെ കൊ​ണ്ടു​വ​ന്ന് താ​മ​സി​പ്പി​ച്ച​തും ത​ഞ്ചാ​വൂ​ർ മാ​യാ​പു​രം ശൈ​ലി​യി​ൽ ര​ഥോ​ത്സ​വം ഉ​ണ്ടാ​കു​ന്ന​തും. ത​മി​ഴ് നാ​ട് മാ​യാ​വ​ര​ത്തെ മ​യൂ​ര​നാ​ഥ ക്ഷേ​ത്ര​ത്തി​ൽ ര​ഥോ​ത്സ​വം പോ​ലെ ത​ന്നെ​യാ​ണ് ഇ​വി​ടെ​യും ന​ട​ക്കു​ന്ന​ത്. അ​വി​ട​ത്തെ എ​ല്ലാ ആ​ചാ​ര​ങ്ങ​ളും ഇ​വി​ടെ​യും പി​ന്തു​ട​രു​ന്നു. ആ ​പാ​ര​മ്പ​ര്യ​വും പെ​രു​മ​യും നി​ല​നി​ർ​ത്തി ഈ ​വ​ർ​ഷ​വും അ​തി​ഗം​ഭീ​ര​മാ​യാ​ണ് ര​ഥോ​ത്സ​വം കൊ​ണ്ടാ​ടു​ന്ന​ത്. വെ​ള്ളി​യാ​ഴ്ച​യാ​ണ് കൊ​ടി​യി​റ​ക്കം.