ലൈലത്തുൽ ഖദ്ർ

ആയുസ്സും ആരോഗ്യവും ജീവിത സൗകര്യങ്ങളും എല്ലാം തികഞ്ഞവരാണെങ്കിലും ഈ നിറവുകൾ അനുഭവിക്കാൻ റബ്ബിന്‍റെ അനുഗ്രഹവും സഹായവും ആവശ്യമാണ്. മനുഷ്യരേ, നിങ്ങൾ അല്ലാഹുവിങ്കലേക്ക് ആശ്രിതന്മാരാകുന്നു; അല്ലാഹുവാകട്ടെ സ്വയം പര്യാപ്തനും സ്തുത്യർഹനുമാകുന്നു (ഖുർആൻ 35:15). അല്ലാഹുവേ, കണ്ണ് ഇമവെട്ടുന്ന സമയം പോലും എന്‍റെ കാര്യം എന്നിലേക്ക് ഏൽപിക്കരുതേ എന്ന് നബി (സ) പ്രാർഥിക്കാറുണ്ടായിരുന്നു.

ബുദ്ധിയും ശക്തിയും സമ്പത്തുമെല്ലാം തികഞ്ഞിട്ടും പരിഹരിക്കപ്പെടാത്ത എത്രയോ വേവലാതികൾക്കിടയിലാണ് അധികപേരും ജീവിക്കുന്നത്.

ഇവക്കൊക്കെയുള്ള ഏക പരിഹാരമാണ് ആത്മാർഥമായ പ്രാർഥന. പ്രാർഥനയില്ലെങ്കിൽ നിങ്ങളെ അല്ലാഹു പരിഗണിക്കുകയേയില്ല എന്ന് (ഖുർആൻ 25:77) അല്ലാഹു നമ്മെ അറിയിച്ചിട്ടുണ്ട്. അപ്പോൾ പ്രാർഥനയാണ് വിശ്വാസിയുടെ രക്ഷാകവചം. പ്രാർഥനയാൽ അല്ലാഹു തന്‍റെ വിധിയെപ്പോലും തടുത്തുനിർത്തുമെന്ന് ഹദീസിൽ കാണാം.

പ്രാർഥനകൾക്ക് അല്ലാഹുവിങ്കൽ പ്രത്യേക പരിഗണന ലഭിക്കുന്ന ദിവസങ്ങളും സമയങ്ങളും നബി പഠിപ്പിച്ചുതന്നിട്ടുണ്ട്. അതിലൊന്നാണ് വിശുദ്ധ റമദാൻ. അതിൽതന്നെ അവസാനത്തെ പത്തു രാത്രികൾ. ആയിരം മാസത്തേക്കാൾ പുണ്യമുള്ള ലൈലത്തുൽ ഖദ്ർ എന്ന് ഖുർആൻ വിശേഷിപ്പിച്ച ദിനം.

ഈ നാളുകളിൽ നബി (സ) ആരാധനകൾക്കുവേണ്ടി മുണ്ടുമുറുക്കി ഉടുത്തിരുന്നുവെന്നും കുടുംബങ്ങളെ വിളിച്ചുണർത്തി നമസ്കരിക്കാനും പശ്ചാത്തപിക്കാനും കൽപിച്ചിരുന്നുവെന്നും കാണാം. അപ്രകാരം ദാനധർമങ്ങൾ ചെയ്യാനും നബി (സ) അതിജാഗ്രത പുലർത്തിയിരുന്നു.

ആ​യി​രം മാ​സ​ത്തേ​ക്കാ​ൾ പു​ണ്യ​മു​ള്ള രാ​വ്, സ​മാ​ധാ​ന​ത്തി​ന്‍റെ രാ​വ്, ഖു​ർ​ആ​ൻ അ​വ​ത​ര​ണം ആ​രം​ഭി​ച്ച രാ​വ്, ക​ഴി​ഞ്ഞ​കാ​ല പാ​പ​ങ്ങ​ളെ​ല്ലാം പൊ​റു​ക്ക​പ്പെ​ടു​ന്ന രാ​വ് എ​ന്നി​ങ്ങ​നെ ഖു​ർ​ആ​നി​ലും ന​ബി വ​ച​ന​ങ്ങ​ളി​ലും വി​ശേ​ഷി​പ്പി​ക്ക​പ്പെ​ട്ട ഈ ​നാ​ളു​ക​ൾ സ​ൽ​ക​ർ​മ​ങ്ങ​ൾ കൊ​ണ്ട് നാം ​ധ​ന്യ​മാ​ക്കു​ക.

ഈ ​പു​ണ്യ​രാ​വു​ക​ളി​ൽ എ​ന്താ​ണ് പ്ര​ത്യേ​ക​മാ​യി പ്രാ​ർ​ഥി​ക്കേ​ണ്ട​ത് എ​ന്ന് ആ​യി​ശ (റ) ​ന​ബി​യോ​ട് ചോ​ദി​ച്ച​പ്പോ​ൾ അ​വി​ടു​ന്ന് പ​റ​ഞ്ഞു; അ​ല്ലാ​ഹു​വേ നീ ​മാ​പ്പു ചെ​യ്യു​ന്ന​വ​നും മാ​പ്പ് ഇ​ഷ്ട​പ്പെ​ടു​ന്ന​വ​നു​മാ​ണ​ല്ലോ. എ​നി​ക്കു നീ ​മാ​പ്പ് ത​രേ​ണ​മേ എ​ന്ന് പ്രാ​ർ​ഥി​ക്കു​ക.

ദീ​ർ​ഘാ​യു​സ്സു​ള്ള ഒ​രു വ്യ​ക്തി ജീ​വി​ത​കാ​ലം മു​ഴു​വ​ൻ ആ​രാ​ധ​ന ക​ർ​മ​ങ്ങ​ളി​ൽ മു​ഴു​കി​യാ​ൽപോ​ലും നേ​ടാ​ൻ ക​ഴി​യാ​ത്ത പു​ണ്യം ലൈ​ല​ത്തു​ൽ ഖ​ദ്​റി​ലു​ണ്ടെ​ന്ന് അ​ല്ലാ​ഹു വാ​ക്കു​ത​ന്നി​ട്ടും അ​തി​നു​വേ​ണ്ടി മു​ണ്ടു​മു​റു​ക്കി​യ ന​ബി​യു​ടെ​യും അ​നു​ച​ര​ന്മാ​രു​ടെ​യും ജീ​വ​ച​രി​ത്രം പ​ഠി​ച്ചി​ട്ടും അ​തൊ​ന്നും മ​ന​സ്സി​ൽ ത​ട്ടാ​ത്ത മ​നു​ഷ്യ​ർ എ​ത്ര നി​ർ​ഭാ​ഗ്യ​വാ​ന്മാ​രാ​ണ്.