തീർഥാടക സേവന കമ്പനികളുടെ ഗുണനിലവാരം വിലയിരുത്തി ഹജ്ജ്, ഉംറ മന്ത്രാലയം

ജി​ദ്ദ: ക​ഴി​ഞ്ഞ ഹ​ജ്ജ് സീ​സ​ണി​ൽ വി​ദേ​ശ​ത്തും ആ​ഭ്യ​ന്ത​ര​മാ​യും തീ​ർ​ഥാ​ട​ക​ർ​ക്കാ​യു​ള്ള സേ​വ​ന ക​മ്പ​നി​ക​ളു​ടെ ഗു​ണ​നി​ല​വാ​ര വി​ല​യി​രു​ത്ത​ലി​​ന്റെ ഫ​ല​ങ്ങ​ൾ ഹ​ജ്ജ്, ഉം​റ മ​ന്ത്രാ​ല​യം വെ​ളി​പ്പെ​ടു​ത്തി. ആ​ഭ്യ​ന്ത​ര തീ​ർ​ഥാ​ട​ക​ർ​ക്കാ​യി ആ​റ് ക​മ്പ​നി​ക​ൾ​ക്ക് ഉ​യ​ർ​ന്ന പ്ര​ക​ട​ന റേ​റ്റി​ങ്ങും അ​ഞ്ച് ക​മ്പ​നി​ക​ൾ​ക്ക് കു​റ​ഞ്ഞ പ്ര​ക​ട​ന റേ​റ്റി​ങ്ങും ല​ഭി​ച്ചു. വി​ദേ​ശ തീ​ർ​ഥാ​ട​ക​രെ സേ​വി​ക്കു​ന്ന​തി​ൽ മൂ​ന്ന് ക​മ്പ​നി​ക​ൾ മി​ക​ച്ച പ്ര​ക​ട​ന​വും 12 ക​മ്പ​നി​ക​ൾ ശ​രാ​ശ​രി പ്ര​ക​ട​ന​വും മൂ​ന്ന് ക​മ്പ​നി​ക​ൾ കു​റ​ഞ്ഞ പ്ര​ക​ട​ന​വും നേ​ടി.

മൂ​ന്ന് പ്ര​ധാ​ന മൂ​ല്യ​നി​ർ​ണ​യ മാ​ന​ദ​ണ്ഡ​ങ്ങ​ൾ അ​ടി​സ്ഥാ​ന​മാ​ക്കി​യാ​യി​രു​ന്നു ക​മ്പ​നി​ക​ളു​ടെ വി​ല​യി​രു​ത്ത​ൽ. പ്ര​തി​ബ​ദ്ധ​ത​യും അ​നു​സ​ര​ണ​വും പ്ര​ക​ട​ന നി​ര​ക്കി​ന്റെ 50 ശ​ത​മാ​ന​ത്തെ പ്ര​തി​നി​ധീ​ക​രി​ക്കു​ന്നു. സേ​വ​ന പ്ര​ക​ട​ന​ത്തി​​ന്റെ ഗു​ണ​നി​ല​വാ​രം 30 ശ​ത​മാ​ന​വും തീ​ർ​ഥാ​ട​ക​രു​ടെ സം​തൃ​പ്തി 20 ശ​ത​മാ​ന​വു​മാ​യാ​ണ് വി​ല​യി​രു​ത്ത​ൽ ന​ട​ത്തി​യ​ത്.

രാ​ജ്യ​ത്തി​ന​ക​ത്തും പു​റ​ത്തു​മു​ള്ള തീ​ർ​ഥാ​ട​ക​ർ​ക്ക് സേ​വ​ന​ങ്ങ​ൾ ന​ൽ​കു​ന്ന ക​മ്പ​നി​ക​ൾ ന​ൽ​കു​ന്ന താ​മ​സം, ഗ്രൗ​ണ്ട് സേ​വ​ന​ങ്ങ​ൾ, അ​റ​ഫ​യി​ലെ സേ​വ​ന​ങ്ങ​ൾ, മി​ന​യി​ലെ സേ​വ​ന​ങ്ങ​ൾ, മു​സ്ദ​ലി​ഫ​യി​ലെ സേ​വ​ന​ങ്ങ​ൾ എ​ന്നി​ങ്ങ​നെ ആ​റ് അ​ടി​സ്ഥാ​ന കാ​ര്യ​ങ്ങ​ളി​ൽ നി​ന്നാ​ണ് മൂ​ല്യ​നി​ർ​ണ​യം ക​ണ​ക്കാ​ക്കി​യ​ത്.

ഹ​ജ്ജ് തീ​ർ​ഥാ​ട​ക​രാ​യ അ​തി​ഥി​ക​ളു​ടെ സേ​വ​ന​ത്തെ ബാ​ധി​ക്കു​ന്ന ഒ​രു അ​ശ്ര​ദ്ധ​യും അ​നു​വ​ദി​ക്കി​ല്ലെ​ന്നും വെ​ച്ചു​പൊ​റു​പ്പി​ക്കി​ല്ലെ​ന്നും ഹ​ജ്ജ്, ഉം​റ മ​ന്ത്രാ​ല​യം ഊ​ന്നി​പ്പ​റ​ഞ്ഞു. തീ​ർ​ഥാ​ട​ക​രു​ടെ ആ​ഗ്ര​ഹ പൂ​ർ​ത്തീ​ക​ര​ണ​ത്തി​നാ​യി അ​വ​രു​ടെ അ​വ​കാ​ശ​ങ്ങ​ൾ സം​ര​ക്ഷി​ക്കു​ന്ന​തും പ്ര​ക​ട​ന​ത്തി​​ന്റെ ഗു​ണ​നി​ല​വാ​രം അ​ള​ക്കു​ന്ന​തും സേ​വ​ന സ്വീ​ക​ർ​ത്താ​ക്ക​ളു​ടെ റി​പ്പോ​ർ​ട്ടു​ക​ൾ കൈ​കാ​ര്യം ചെ​യ്യു​ന്ന​തും തു​ട​രു​മെ​ന്ന് മ​ന്ത്രാ​ല​യം ഊ​ന്നി​പ്പ​റ​ഞ്ഞു.