മോ​ൺ. ജോ​ർ​ജ് ജേ​ക്ക​ബ് കൂ​വ​ക്കാ​ട്ട് പുതിയ ക​ർ​ദി​നാ​ൾ; ക​ർ​ദി​നാളാകുന്ന മൂ​ന്നാ​മത്തെ മലയാളി

വ​ത്തി​ക്കാ​ൻ: മലയാളി മോ​ൺ. ജോ​ർ​ജ് ജേ​ക്ക​ബ് കൂ​വ​ക്കാ​ട്ട് ഉ​ൾ​പ്പെ​ടെ 21 പേ​രെ പുതിയ ക​ർ​ദി​നാ​ൾ​മാ​രാ​യി പ്രഖ്യാപിച്ച് ഫ്രാ​ൻ​സി​സ് മാ​ർ​പാ​പ്പ. വ​ത്തി​ക്കാ​ൻ ന​യ​ത​ന്ത്ര ​കാ​ര്യാ​ല​യ​ത്തി​ൽ മാ​ർ​പാ​പ്പയുടെ യാത്രകൾ കോഡീകരിക്കുന്നതിന്‍റെ ചുമതല വഹിക്കുന്ന ജോ​ർ​ജ് ജേ​ക്ക​ബ് കൂ​വ​ക്കാ​ട്ട് ച​ങ്ങ​നാ​ശേ​രി അ​തി​രൂ​പ​താം​ഗമാണ്. പുതിയ ക​ർ​ദി​നാ​ൾ​മാ​രുടെ സ്ഥാ​നാ​രോ​ഹ​ണം ഡി​സം​ബ​ർ എ​ട്ടി​ന് വ​ത്തി​ക്കാ​നി​ൽ ന​ട​ക്കും.

ജോ​ർ​ജ് ജേ​ക്ക​ബ് കൂ​വ​ക്കാ​ട്ടിന്‍റെ സ്ഥാനലബ്ദിയോടെ കേ​ര​ള​ത്തി​ൽ ​നി​ന്നു​ള്ള ക​ർ​ദി​നാ​ൾ​മാ​രു​ടെ എ​ണ്ണം മൂ​ന്നാ​യി. സീ​റോ ​മ​ല​ങ്ക​രസ​ഭ മേ​ജ​ർ ആ​ർ​ച്ച് ബി​ഷ​പ്പ് മാ​ർ ക്ലീ​മി​സ് കാ​തോ​ലി​ക്കാ​ബാ​വ, സീറോ മ​ല​ബാ​ർ സ​ഭ അ​ധ്യ​ക്ഷ​ൻ ക​ർ​ദി​നാ​ൾ മാ​ർ ജോ​ർ​ജ് ആ​ല​ഞ്ചേ​രി എ​ന്നി​വ​രാ​ണ് മറ്റ് ക​ർ​ദി​നാ​ൾ​മാ​ർ.

മേ​ജ​ർ ആ​ർ​ച്ച് ബി​ഷ​പ്പ് മാ​ർ ക്ലീ​മി​സ് കാ​തോ​ലി​ക്കാ​ബാ​വ

സീറോ മ​ല​ബാ​ർ സ​ഭയുടെ ച​ങ്ങ​നാ​ശേ​രി മാ​മ്മൂ​ട് ലൂ​ര്‍​ദ്മാ​താ ഇ​ട​വ​കാംഗമായ കൂ​വ​ക്കാ​ട്ട് ജേ​ക്ക​ബ് വ​ര്‍​ഗീ​സ്- ത്രേ​സ്യാ​മ്മ ദ​മ്പ​തി​ക​ളു​ടെ മ​ക​നാ​ണ് മോ​ൺ. ജോ​ർ​ജ് ജേ​ക്ക​ബ് കൂ​വ​ക്കാ​ട്ട്. 2006 മു​ത​ല്‍ വ​ത്തി​ക്കാ​ന്‍ ന​യ​ത​ന്ത്ര വി​ഭാ​ഗ​ത്തി​ല്‍ സേ​വ​ന​മ​നു​ഷ്ഠി​ച്ച് വ​രി​ക​യാ​ണ്. അ​ള്‍​ജീ​രി​യ, ദ​ക്ഷി​ണ കൊ​റി​യ, മം​ഗോ​ളി​യ, ഇ​റാ​ന്‍, കോ​സ്റ്റ​റി​ക്ക എ​ന്നീ രാ​ജ്യ​ങ്ങ​ളി​ല്‍ അ​പസ്‌​തോ​ലി​ക് നു​ണ്‍​ഷ്യേ​ച്ച​റി​ന്‍റെ സെ​ക്ര​ട്ട​റി​യാ​യി​രു​ന്നു.

ക​ർ​ദി​നാ​ൾ മാ​ർ ജോ​ർ​ജ് ആ​ല​ഞ്ചേ​രി

വെ​ന​സ്വേ​ല​യി​ലെ വ​ത്തി​ക്കാ​ന്‍ ന​യ​ത​ന്ത്ര കാ​ര്യാ​ല​യ സെ​ക്ര​ട്ട​റി​യാ​യി​രി​ക്കെ​യാ​ണ് ജോ​ർ​ജ് ജേ​ക്ക​ബ് കൂ​വ​ക്കാ​ട്ടി​നെ മാ​ര്‍​പാ​പ്പ വ​ത്തി​ക്കാൻ കേ​ന്ദ്ര​ കാ​ര്യാ​ല​യ​ത്തിലെ പൊ​തു​കാ​ര്യ​ങ്ങ​ള്‍​ക്കു​ള്ള വി​ഭാ​ഗ​ത്തി​ല്‍ നി​യ​മി​ച്ച​ത്.