നഫീസയുടേത്​ ‘ഇമ്മിണി വലിയ’ നോ​മ്പ്​ ഓർമകൾ

വ​ടു​ത​ല: വെ​ള്ളേ​ഴ​ത്ത് ന​ഫീ​സ അ​ഹ​മ്മ​ദി​ന്‍റെ (84) നോ​മ്പ് ഓ​ർ​മ​ക​ൾ​ക്ക് പ​ട്ട​ണ​വാ​സ​ത്തി​ന്റെ​യും ഗ്രാ​മ​വാ​സ​ത്തി​ന്റെ​യും ചേ​രു​വ​ക​ളു​ണ്ട്. ത​ല​യോ​ല​പ്പ​റ​മ്പ് ച​ന്ത​ക്ക് സ​മീ​പ​ത്തെ വീ​ട്ടി​ലെ കു​ട്ടി​ക്കാ​ല നോ​മ്പും വ​ടു​ത​ല ഗ്രാ​മ​ത്തി​ലെ​ത്തി​യ​പ്പോ​ഴു​ണ്ടാ​യ വ്ര​ത​വും തി​ക​ച്ചും വ്യ​ത്യ​സ്ത​മാ​ണെ​ന്ന്​ ന​ഫീ​സ ഉ​മ്മ ഓ​ർ​ത്തെ​ടു​ക്കു​ന്നു. വൈ​ക്കം മു​ഹ​മ്മ​ദ് ബ​ഷീ​റി​ന്റെ അ​ടു​ത്ത ബ​ന്ധു​വാ​ണ്. പ​ണ്ടൊ​ക്കെ റ​മ​ദാ​ന്റെ വ​ര​വ് ഒ​രു ആ​ഘോ​ഷ പ്ര​തീ​തി​യാ​യി​രു​ന്നു. ഒ​രു​മാ​സം മു​മ്പു​ത​ന്നെ നോ​മ്പി​നെ വ​ര​വേ​ൽ​ക്കാ​നു​ള്ള ഒ​രു​ക്കം ആ​രം​ഭി​ക്കും. പ​ഴ​യ​കാ​ല​ത്തൊ​ക്കെ നോ​മ്പി​ന് കൊ​ടു​ത്തി​രു​ന്ന പ​രി​ഗ​ണ​ന പു​തി​യ ത​ല​മു​റ കൊ​ടു​ക്കു​ന്നി​​ല്ല. ചി​ല ന​ല്ല മാ​റ്റ​ങ്ങ​ൾ പു​തി​യ ത​ല​മു​റ​ക്കു​ണ്ടെ​ന്നും അ​വ​ർ സ​മ്മ​തി​ക്കു​ന്നു.

വീ​ട്​ പ​ള്ളി​യു​ടെ അ​ടു​ത്താ​യി​രു​ന്ന​തി​നാ​ൽ നോ​മ്പ് കാ​ല​ത്തും അ​ല്ലാ​തെ​യും ധാ​രാ​ളം ഉ​സ്താ​ദു​മാ​ർ​ക്ക് ഭ​ക്ഷ​ണം ഒ​രു​ക്കി​ക്കൊ​ടു​ത്തി​ട്ടു​ണ്ട്. ഭ​ർ​ത്താ​വ് വെ​ള്ളേ​ഴ​ത്ത് അ​ഹ​മ്മ​ദി​ന്റെ നോ​മ്പ് അ​നു​ഭ​വ​ങ്ങ​ൾ വി​തു​മ്പ​ലോ​ടെ​യാ​ണ് അ​വ​ർ പ​റ​ഞ്ഞ​ത്. ഇ​ന്ന​ത്തെ​പ്പോ​ലെ സ​മൃ​ദ്ധി​യു​ടെ നോ​മ്പ​ല്ലാ​യി​രു​ന്നു​വെ​ങ്കി​ലും പ്ര​ത്യേ​ക ഐ​ശ്വ​ര്യ​മാ​യി​രു​ന്നു പ​ഴ​യ നോ​മ്പു​കാ​ല​ത്തി​ന്. ഇ​ല്ലാ​യ്മ​ക്കാ​രു​ടെ വീ​ട്ടി​ൽ​പോ​ലും ഭ​ക്ഷ​ണ​ത്തി​ൽ ഐ​ശ്വ​ര്യ​മു​ണ്ടാ​യി​രു​ന്നു. പാ​വ​പ്പെ​ട്ട​വ​രു​ടെ വീ​ടു​ക​ളി​ലേ​ക്ക് റ​മ​ദാ​ൻ കി​റ്റ് എ​ത്തി​ക്കു​ന്ന സ​മ്പ്ര​ദാ​യം പു​തി​യ കാ​ല​ത്തി​ന്റെ പ്ര​ത്യേ​ക​ത​യാ​ണ്. പ​ണ്ടു​കാ​ല​ത്ത് ഈ ​സ​മ്പ്ര​ദാ​യം ഉ​ണ്ടാ​യി​രു​ന്നു​വെ​ങ്കി​ൽ വ​ള​രെ ന​ന്നാ​യി​രു​ന്നു.

റ​മ​ദാ​നി​ലെ രാ​ത്രി ന​മ​സ്കാ​രം പാ​തി​ര​യോ​ടെ​യാ​ണ് അ​വ​സാ​നി​ച്ചി​രു​ന്ന​ത്. മ​ക്ക​ളെ​ല്ലാ​വ​രും കൂ​ടി​ച്ചേ​ർ​ന്ന് പ​ര​സ്പ​രം നോ​മ്പു​തു​റ സം​ഘ​ടി​പ്പി​ക്കു​ന്ന​തി​ൽ ഏ​റെ സ​ന്തോ​ഷ​മു​ണ്ട്. ജ​നി​ച്ചു​വ​ള​ർ​ന്ന ത​ല​യോ​ല​പ്പ​റ​മ്പി​ൽ​നി​ന്നും വ​ള​രെ വ്യ​ത്യ​സ്ത​മാ​യി​രു​ന്നു അ​ന്ന​ത്തെ വ​ടു​ത​ല​യു​ടെ അ​വ​സ്ഥ. വൈ​ദ്യു​തി​പോ​ലു​മി​ല്ലാ​ത്ത കാ​ല​ഘ​ട്ട​മാ​യി​രു​ന്നു. എ​ന്നാ​ൽ, ആ ​വി​ഷ​മ​ങ്ങ​ൾ​ക്കി​ട​യി​ലൂ​ടെ സ​ന്തോ​ഷ​ത്തോ​ടെ റ​മ​ദാ​നും പെ​രു​ന്നാ​ളും വ​ന്നു​പോ​യി​ക്കൊ​ണ്ടി​രു​ന്നു. നോ​മ്പു​കാ​ല​മാ​യാ​ൽ പേ​ര​ക്കു​ട്ടി​ക​ളോ​ടൊ​പ്പം ഖു​ർ​ആ​ൻ ഓ​തു​ന്ന​തി​ൽ സ​ന്തോ​ഷം ക​ണ്ടെ​ത്തു​ന്നു.

നി​ര​ന്ത​ര​മു​ള്ള ഓ​ത്താ​യ​തി​നാ​ൽ ഖു​ർ​ആ​നി​ലെ ഭൂ​രി​ഭാ​ഗ​വും മ​നഃ​പാ​ഠ​മാ​ണ്. ഇ​ള​യ മ​ക​ൻ സ​ഈ​ദി​ന്‍റെ (ക്ല​ർ​ക്ക് വി.​ജെ.​എ​ച്ച്.​എ​സ്) കൂ​ടെ​യാ​ണ് താ​മ​സം. അ​രൂ​ക്കു​റ്റി പ​ഞ്ചാ​യ​ത്ത് പ്ര​സി​ഡ​ന്റ് അ​ഷ​റ​ഫ് വെ​ള്ളേ​ഴ​ത്ത് മൂ​ത്ത മ​ക​നാ​ണ്. വി.​എ. സ​ലീം (മു​ൻ ആ​ർ.​എം മാ​ധ്യ​മം), ബ​ഷീ​ർ (ബി​സി​ന​സ്), ഷാ​ജി (ക്ല​ർ​ക്ക് കെ.​കെ.​പി.​ജെ) അ​ബ്ദു​സ്സ​ത്താ​ർ (സ​ബ് എ​ൻ​ജി​നീ​യ​ർ, കെ.​എ​സ്.​ഇ.​ബി) എ​ന്നി​വ​രാ​ണ് മ​റ്റു​മ​ക്ക​ൾ.