വർസാനിൽ പുതിയ പള്ളി തുറന്നു

ദുബൈ: അൽ വർസാൻ -4ൽ പുതിയ പള്ളി തുറന്നു. ഇസ്​ലാമിക്​ അഫയേഴ്​സ്​ ആൻഡ്​ ചാരിറ്റബിൾ ആക്ടിവിറ്റീസ്​ ഡിപാർട്ട്​മെന്‍റാണ്​ അൽ മുഹ്​സിനീൻ മസ്​ജിദ്​ എന്ന പേരിൽ വലിയ പള്ളി തുറന്നത്​. 1647 ചതുരശ്ര മീറ്ററുള്ള പള്ളിയിൽ ഒരേ സമയം 1330 പേർക്ക്​ നമസ്കരിക്കാൻ കഴിയും.

കഴിഞ്ഞ മാസമാണ്​ പള്ളിയുടെ നിർമാണം പൂർത്തിയായത്​. ആധുനിക വാസ്തുവിദ്യയാൽ അലംകൃതമാണ്​ പള്ളിയുടെ ഉൾഭാഗം. വർസാൻ ഭാഗത്തെ ഏറ്റവും വലിയ പള്ളികളിലൊന്നാണിത്​. റമദാനിൽ യു.എ.ഇയു​ടെ വിവിധ ഭാഗങ്ങളിൽ നിരവധി പള്ളികളാണ്​ തുറന്നത്​.

ഷാർജയിൽ മാത്രം 15ഓളം പള്ളികൾ തുറന്നു. റമദാൻ അവസാനിക്കുന്നതിന്​ മുൻപ്​ ഇനിയും പള്ളികൾ തുറക്കുമെന്ന്​ അറിയിച്ചിട്ടുണ്ട്​. താമസക്കാരുടെ എണ്ണം വർധിച്ചതാണ്​ കൂടുതൽ പള്ളികൾ സ്ഥാപിക്കാൻ കാരണമെന്ന്​ അധികൃതർ അറിയിച്ചു.