മാ​വേ​ലി മ​ന്ന​ന്നെ വ​ര​വേ​ൽ​ക്കാ​നൊ​രു​ങ്ങി പ്ര​വാ​സി​ക​ളും

കു​വൈ​ത്ത് സി​റ്റി: ഇ​ന്ന് അ​ത്തം. ഓ​ണ​പ്പു​ല​രി​ക്ക് കാ​ത്തി​രി​ക്കു​ന്ന മ​ല​യാ​ളി​ക​ളു​ടെ ആ​ഘോ​ഷം ഇ​ന്ന് പൂ​ക്ക​ള​മി​ട്ടു​കൊ​ണ്ട് ആ​രം​ഭി​ക്കു​ക​യാ​യി. പൂ​ക്ക​ള​മി​ട്ടും ഓ​ണ ഒ​രു​ക്ക​ങ്ങ​ളി​ലൂ​ടെ​യും മ​ല​യാ​ളി​യു​ടെ മ​ന​സ്സി​ൽ ആ​ഘോ​ഷ​ങ്ങ​ളു​ടെ ആ​ര​വ​മു​യ​രു​ന്ന ദി​വ​സ​ങ്ങ​ളാ​ണി​നി. മാ​വേ​ലി​മ​ന്ന​നെ വ​ര​വേ​ൽ​ക്കാ​ൻ ഇ​നി പ​ത്തു നാ​ൾ​കൂ​ടി.

അ​ത്തം ദി​ന​ത്തി​ല്‍ ഇ​ടു​ന്ന പൂ​ക്ക​ളം അ​ത്ത​പ്പൂ എ​ന്ന​റി​യ​പ്പെ​ടു​ന്നു. ഒ​രു​മ​യു​ടെ​യും ന​ന്മ​യു​ടെ​യും പ​ത്തു ദി​ന​ങ്ങ​ൾ​ക്കു​കൂ​ടി​യാ​ണ് അ​ത്തം തു​ട​ക്കം​കു​റി​ക്കു​ന്ന​ത്. പൊ​ന്നി​ന്‍ചി​ങ്ങ​മാ​സ​ത്തി​ലേ​ക്കു​ള്ള കാ​ല്‍വെ​പ്പ് സ​മൃ​ദ്ധി​യു​ടെ​യും ഐ​ശ്വ​ര്യ​ത്തി​ന്റെ​യും പ്ര​തീ​ക്ഷ​ക​ൾ പ​ങ്കു​വെ​ക്കു​ന്നു.

ര​ണ്ടു​വ​ർ​ഷം കോ​വി​ഡ് ത​ട​സ്സ​പ്പെ​ടു​ത്തി​യ ആ​ഘോ​ഷ​ങ്ങ​ൾ ഈ ​ഓ​ണ​ക്കാ​ല​ത്തോ​ടെ തി​രി​ച്ചു​വ​രു​ക​യാ​ണ്. മ​ന​സ്സ് നി​റ​യെ ആ​ഹ്ലാ​ദ​വു​മാ​യി ഇ​നി പ​ത്തു​നാ​ൾ ക​ഴി​ച്ചു​കൂ​ട്ടാം. പൂ​ക്ക​ളു​ടെ നി​റ​ങ്ങ​ളും അ​ത്ത​ച്ച​മ​യ​വു​മാ​യി ഓ​ണ​ത്തെ വ​ര​വേ​ൽ​ക്കാം. പൂ​ക്ക​ളു​ടെ​യും പൂ​വി​ളി​യു​ടെ​യും ആ​ര​വം ഓ​രോ ഓ​ണ​ക്കാ​ല​വും ഓ​ർ​മ​പ്പെ​ടു​ത്തു​ന്നു.

വീ​ടും നാ​ടും വി​ട്ടു മാ​റി​നി​ൽ​ക്കു​ന്ന​വ​ർ​ക്ക് മ​ന​സ്സു​നി​റ​യെ ഗൃ​ഹാ​തു​ര​ത്വ​ത്തി​ന്റെ അ​ല​യ​ടി​ക​ൾ ഉ​യ​രു​ന്ന നാ​ളു​ക​ൾ. തു​മ്പ​പ്പൂ​ക്ക​ൾ നി​റ​ഞ്ഞ പ​റ​മ്പു​ക​ളും നാ​ട്ടു​വ​ഴി​ക​ളും വ​യ​ൽ​വ​ര​മ്പു​ക​ളും ഓ​ർ​മ​ക​ളി​ൽ നി​റ​വും മ​ണ​വും പ​ര​ത്തു​ന്ന വേ​ള. തു​മ്പ​യും തു​ള​സി​യും മൂ​ക്കു​റ്റി​യും നി​റ​ഞ്ഞ പൂ​ക്ക​ളം ഓ​ർ​മ​യാ​യെ​ങ്കി​ലും 'ഉ​ള്ള​തു​കൊ​ണ്ട് ഓ​ണം​പോ​ലെ എ​ന്ന ചൊ​ല്ല്'​പോ​ലെ കി​ട്ടു​ന്ന​തു​കൊ​ണ്ട് പൂ​ക്ക​ളം ഒ​രു​ക്കു​ന്ന​വ​രാ​ണ് പ്ര​വാ​സി​ക​ൾ.

ജീ​വി​ത​ത്തി​ര​ക്കു​ക​ൾ​ക്കി​ട​യി​ൽ അ​തു ന​ൽ​കു​ന്ന കു​ളി​ർ​മ ചെ​റു​ത​ല്ല. സെ​പ്റ്റം​ബ​ര്‍ ഏ​ഴി​നാ​ണ് ഒ​ന്നാം ഓ​ണം. സെ​പ്റ്റം​ബ​ര്‍ എ​ട്ടി​ന് തി​രു​വോ​ണം, ഒ​മ്പ​തി​ന് മൂ​ന്നാം ഓ​ണം.