ക്ഷേത്രം പുനർനിർമിക്കാൻ പാകിസ്താൻ; പദ്ധതിക്കായി നീക്കിവെച്ചത് 10 ദശലക്ഷം

ലാഹോർ: കാലപ്പഴക്കം കാരണം ജീർണിച്ച ഹിന്ദു ക്ഷേത്രം പുനർനിർമിക്കാൻ ഒരുങ്ങി പാകിസ്താൻ. പാഞ്ചാബ് പ്രവിശ്യയിലുള്ള നാരോവാൽ ജില്ലയിലെ സഫർവാൽ പട്ടണത്തിലുള്ള ബാവോലി സാഹിബ് ക്ഷേത്രമാണ് പുനർനിർമിക്കുന്നത്.

10 ദശലക്ഷം പാകിസ്താൻ രൂപയാണ് ഈ പദ്ധതിക്കായി സർക്കാർ നീക്കിവെച്ചത്. രവി നദിയുടെ തീരത്തുള്ള ക്ഷേത്രം 1960ലാണ് അടച്ചുപൂട്ടിയത്.

ന്യൂനപക്ഷങ്ങളുടെ ആരാധനാലയങ്ങൾക്ക് മേൽനോട്ടം വഹിക്കുന്ന ഇവാക്വീ ട്രസ്റ്റ് പ്രോപ്പർട്ടി ബോർഡ് ആണ് പുനർനിർമാണ പ്രവർത്തനങ്ങൾക്ക് നേതൃത്വം നൽകുന്നത്.