എല്ലായിടത്തും സമാധാനം വന്നുചേരണം -മാർപ്പാപ്പ

``ലോകത്തിന് സമാധാനമാണ് ആവശ്യമാണ്, എല്ലാ കുടുംബങ്ങളിലും വ്യക്തികളിലും സമാധാനം വന്ന​ുചേരണം, ഇതിനായി സുമനസുള്ള എല്ലാ സ്ത്രീയും പുരുഷനും പ്രവർത്തിക്കണ''മെന്ന് ​ഫ്രാൻസിസ് മാർപ്പാപ്പ. സമാധാനം ആരംഭിക്കുന്നത് വ്യക്തികളിൽ നിന്നാണ്. വത്തിക്കാനിൽ വിശ്വാസികളോട് സംസാരിക്കുകയായിരുന്നു മാർപ്പാപ്പ. യുദ്ധക്കൊതിയും ഉപഭോഗ സംസ്കാരവും പാടില്ല. ദുർബലരെയും കുട്ടികളെയും സംരക്ഷിക്കുന്ന ലോകമാണ് ഈ നാടിനാവശ്യമെന്നും മാർപാപ്പ പറഞ്ഞു​.

കാലിത്തൊഴുത്തിലെ യേശുവിന്റെ ജനനം അതേപടി പുനരാവിഷ്കരണമാണ് വത്തിക്കാനിൽ കണ്ടത്. വർണാഭമായ ചടങ്ങുകൾ. സെന്റ് പീറ്റേഴ്സ് ബസലിക്കയിൽ ഫ്രാൻസിസ് മാർപ്പാപ്പ ചടങ്ങുകൾക്ക് മുഖ്യകാർമികത്വം വഹിച്ചു. ആയിരക്കണക്കിന് പേരാണ് ചടങ്ങുകൾക്ക് സാക്ഷ്യം വഹിച്ചത്.