സ്നേ​ഹ​വും സ​ഹാ​നു​ഭൂ​തി​യും പ​ങ്കു​വെ​ക്കു​ന്ന കാ​ലം

ക​ണ്ണൂ​ർ ജി​ല്ല​യി​ൽ പേ​രാ​വൂ​ർ കൊ​ട്ടി​യ​ത്തി​ന​ടു​ത്താ​ണ് എ​ന്‍റെ വീ​ട്. മു​സ്​​ലിം​ക​ൾ ഇ​ട​ക​ല​ർ​ന്നു ജീ​വി​ക്കു​ന്ന പ്ര​ദേ​ശ​മ​ല്ല. തൊ​ട്ട​ടു​ത്ത് ഒ​രു വീ​ട് മാ​ത്ര​മാ​ണു​ള്ള​ത്. എ​ന്നാ​ൽ, ആ​യു​ർ​വേ​ദ ഡോ​ക്ട​റാ​കു​ന്ന​തി​നു​വേ​ണ്ടി​യു​ള്ള പ​ഠ​ന​കാ​ലം മ​ല​പ്പു​റം കോ​ട്ട​ക്ക​ൽ ആ​യു​ർ​വേ​ദ കോ​ള​ജി​ൽ ആ​യി​രു​ന്നു. അ​തു​കൊ​ണ്ടു​ത​ന്നെ 2009 മു​ത​ൽ 2015 വ​രെ​യു​ള്ള പ​ഠ​ന​കാ​ലം നോ​മ്പ​നു​ഭ​വ​ങ്ങ​ളു​ടെ ഓ​ർ​മ​ക​ൾ പൂ​ത്തു​ല​ഞ്ഞു​നി​ൽ​ക്കു​ന്ന​താ​ണ്.

മ​ല​പ്പു​റം ജി​ല്ല​യി​ൽ ആ​യ​തി​നാ​ൽ ഹോ​സ്റ്റ​ലും പ​രി​സ​ര പ്ര​ദേ​ശ​വും റ​മ​ദാ​ൻ മാ​സം വ​ള​രെ നി​ഷ്ഠ​യോ​ടെ ആ​ച​രി​ക്കു​ന്ന​വ​രാ​ണ്. ആ​റ​ര വ​ർ​ഷ​ക്കാ​ല​ത്തെ ഓ​രോ റ​മ​ദാ​ൻ ദി​ന​ങ്ങ​ളും തി​ക​ച്ചും വ്യ​ത്യ​സ്ത​മാ​യി​രു​ന്നു. ദൈ​വ​പ്രീ​തി മാ​ത്രം ആ​ഗ്ര​ഹി​ച്ച്​ പ​ക​ൽ മു​ഴു​വ​ൻ അ​ന്ന​പാ​നീ​യ​ങ്ങ​ൾ ഉ​പേ​ക്ഷി​ച്ച് വ്ര​തം അ​നു​ഷ്ഠി​ക്കു​ക, വ്യ​ത്യ​സ്ത​മാ​യ ഭ​ക്ഷ​ണ വി​ഭ​വ​ങ്ങ​ളു​ണ്ടാ​ക്കി വി​ത​ര​ണം ചെ​യ്യു​ക, ക​ഴി​ക്കാ​ൻ​വേ​ണ്ടി ഞ​ങ്ങ​ളും വ്ര​തം അ​നു​ഷ്ഠി​ച്ച​വ​രോ​ടൊ​പ്പം ഒ​ന്നി​ച്ചി​രി​ക്കു​ക, പ​ള്ളി​ക​ളി​ലെ ബാ​ങ്ക് കേ​ൾ​ക്കു​ക, എ​ല്ലാ​വ​രും ഒ​ന്നി​ച്ചു ഒ​രേ​സ​മ​യം ക​ഴി​ക്കു​ക എ​ന്ന​ത് വ​ള​രെ ര​സ​ക​ര​മാ​യ ഓ​ർ​മ​ക​ളും അ​നു​ഭ​വ​ങ്ങ​ളു​മാ​ണ്. മ​റ​ക്കാ​ൻ ക​ഴി​യി​ല്ല ഒ​രി​ക്ക​ൽ​പോ​ലും.

2021ലാ​ണ് ഒ​മാ​നി​ൽ കോ​യ​മ്പ​ത്തൂ​ർ ആ​ര്യ​വൈ​ദ്യ ക്ലി​നി​ക്കി​ൽ ഡോ​ക്ട​റാ​യി ജോ​ലി​ക്കു​വ​രു​ന്ന​ത്. കോ​വി​ഡ് കാ​ല​മാ​യ​തി​നാ​ൽ ഒ​മാ​നി​ൽ, പ​ല​രും പ​റ​ഞ്ഞു​കേ​ട്ട റ​മ​ദാ​ൻ മ​ധു​രം അ​നു​ഭ​വി​ച്ച​റി​യാ​ൻ അ​വ​സ​രം കി​ട്ടി​യി​ല്ല. ഭ​ക്ഷ​ണം പോ​ലെ​യു​ള്ള അ​വ​ശ്യ വ​സ്തു​ക്ക​ൾ വാ​ങ്ങാ​നും ക​ഴി​ക്കാ​നും ആ​രും ഇ​ഷ്ട​പ്പെ​ടാ​റു​ണ്ടാ​യി​രു​ന്നി​ല്ല. എ​ങ്കി​ലും ക്ലി​നി​ക്കി​ൽ വ​രു​ന്ന ചി​ല​രു​ടെ ആ​ഗ്ര​ഹം​കൊ​ണ്ട് പ​ല​പ്പോ​ഴും ചെ​റി​യ രീ​തി​യി​ലു​ള്ള വി​ഭ​വ​ങ്ങ​ൾ ല​ഭി​ക്കാ​റു​ണ്ടാ​യി​രു​ന്നു.

ഒ​രി​ക്ക​ൽ റ​മ​ദാ​നി​ൽ, തൊ​ട്ട​ടു​ത്ത ഒ​രു പാ​കി​സ്താ​നി റ​സ്റ്റാ​റ​ന്റി​ലെ തൊ​ഴി​ലാ​ളി​ക്ക് ന​ടു​വേ​ദ​ന അ​നു​ഭ​വ​പ്പെ​ട്ട​തി​നെ​ത്തു​ട​ർ​ന്ന് ക്ലി​നി​ക്കി​ൽ വ​രു​ക​യും ചി​കി​ത്സ​യി​ൽ ആ​ശ്വാ​സം ല​ഭി​ക്കു​ക​യും ചെ​യ്തു. അ​തി​ന്‍റെ ഉ​പ​കാ​ര​സ്മ​ര​ണ എ​ന്ന നി​ല​യി​ൽ ല​ഭി​ച്ച, വ​ള​രെ ല​ളി​ത​മാ​യാ​ണെ​ങ്കി​ലും അ​ന്ന് കി​ട്ടി​യ ആ ​വി​ഭ​വം ഈ ​റ​മ​ദാ​ൻ മാ​സ​ത്തി​ൽ ഓ​ർ​മി​ക്കു​ന്നു. ഈ ​പ്രാ​വ​ശ്യം ഞാ​ൻ വാ​ർ​ഷി​കാ​വ​ധി​ക്ക് എ​ന്റെ നാ​ട്ടി​ലാ​ണ്. നോ​മ്പു​കാ​ലം പ​ണ​മു​ള്ള​വ​നും ഇ​ല്ലാ​ത്ത​വ​നും തു​ട​ങ്ങി മാ​നു​ഷ​രെ​ല്ലാ​രും ഒ​ന്നു​പോ​ലെ പ​രി​ഗ​ണി​ക്ക​പ്പെ​ടു​ന്ന സ്നേ​ഹ​വും സ​ഹാ​നു​ഭൂ​തി​യും പ​ങ്കു​വെ​ക്കു​ന്ന കാ​ല​മെ​ന്നു​പ​റ​യാം.