കൊ​ട​പ്പ​ന​ക്ക​ൽ ത​റ​വാ​ട്ടി​ലെ നോ​മ്പോ​ർ​മ

റ​മ​ദാ​ൻ മാ​സ​മു​റ​പ്പി​ക്ക​ലി​ന്റെ കേ​ന്ദ്ര​മാ​യി മാ​റു​ന്ന ത​റ​വാ​ട്ടു വീ​ട്ടി​ലെ ഓ​ർ​മ​ക​ളും പി​താ​വി​നും മാ​താ​വി​നു​മൊ​പ്പ​മു​ള്ള നോ​മ്പു​കാ​ല​വും ഓ​ർ​ത്തെ​ടു​ക്കു​ന്നു

കു​ട്ടി​ക്കാ​ല​ത്തെ നോ​മ്പി​നെ ഓ​ർ​ത്തെ​ടു​ക്കു​മ്പോ​ൾ ആ​ദ്യം ഓ​ർ​മ​യി​ലെ​ത്തു​ക റ​മ​ദാ​ൻ മാ​സ​പ്പി​റ​വി​യു​ടെ ഒ​രു​ക്ക​ങ്ങ​ളാ​വും. ശ​അ​ബാ​നി​ലെ അ​വ​സാ​ന ദി​വ​സ​ത്തി​ൽ ഉ​ച്ച മു​ത​ൽ ത​ന്നെ ഞ​ങ്ങ​ളു​ടെ കൊ​ട​പ്പ​ന​ക്ക​ൽ ത​റ​വാ​ട്ടു​വീ​ട്ടി​ൽ മാ​സ​പ്പി​റ​വി​യു​മാ​യി ബ​ന്ധ​പ്പെ​ട്ട ത​യാ​റെ​ടു​പ്പു​ക​ൾ തു​ട​ങ്ങി​ക്കാ​ണും.

പി​താ​വ് പാ​ണ​ക്കാ​ട് മു​ഹ​മ്മ​ദ​ലി ശി​ഹാ​ബ് ത​ങ്ങ​ൾ ഖാ​ദി സ്ഥാ​നം വ​ഹി​ക്കു​ന്ന വി​വി​ധ മ​ഹ​ല്ലു​ക​ളു​ടെ പ്ര​തി​നി​ധി​ക​ൾ നാ​ടി​ന്റെ പ​ല​ദി​ക്കി​ൽ​നി​ന്നും ജീ​പ്പി​ൽ എ​ത്തി​ത്തു​ട​ങ്ങും. വൈ​കീ​ട്ടാ​യാ​ൽ ഫോ​ണി​നും വി​ശ്ര​മ​മു​ണ്ടാ​വി​ല്ല. ബാ​പ്പ​യും സ​മ​സ്ത​യു​ടെ നേ​താ​ക്ക​ളു​മെ​ല്ലാം എ​വി​ടെ​യെ​ങ്കി​ലും മാ​സ​പ്പി​റ​വി ക​ണ്ടോ എ​ന്ന​റി​യാ​നു​ള്ള കാ​ത്തി​രി​പ്പി​ലാ​വും.

ആ​കെ ബ​ഹ​ള​വും ഉ​ദ്വേ​ഗ​വും നി​റ​ഞ്ഞ ആ ​ദി​വ​സ​ങ്ങ​ളി​ൽ ഞ​ങ്ങ​ൾ കു​ട്ടി​ക​ൾ​ക്കും എ​ളാ​പ്പ​മാ​ർ​ക്കു​മെ​ല്ലാം പ്ര​ധാ​ന ചു​മ​ത​ല റ​മ​ദാ​ൻ ഉ​റ​പ്പി​ച്ചു​ക​ഴി​ഞ്ഞാ​ൽ അ​ത് ക​ത്തു​ക​ളാ​ക്കി എ​ഴു​ത​ലാ​ണ്. ‘മാ​സ​പ്പി​റ​വി ക​ണ്ട​താ​യി വി​ശ്വാ​സ യോ​ഗ്യ​മാ​യ വി​വ​രം ല​ഭി​ച്ച​തി​നാ​ൽ അ​ടു​ത്ത ദി​വ​സം റ​മ​ദാ​ൻ ഉ​റ​പ്പി​ച്ചി​രി​ക്കു​ന്നു...’ എ​ന്ന് തു​ട​ങ്ങു​ന്ന ക​ത്ത് ഞ​ങ്ങ​ൾ എ​ഴു​തി ത​യാ​റാ​ക്കും. ഇ​തി​ൽ ബാ​പ്പ ഒ​പ്പു​വെ​ച്ചാ​കും ഓ​രോ മ​ഹ​ല്ലി​ലേ​ക്കു​മാ​യി ബ​ന്ധ​പ്പെ​ട്ട​വ​ർ​ക്ക് ന​ൽ​കു​ന്ന​ത്.

ഒ​പ്പം, നാ​ടി​ന്റെ വി​വി​ധ ഭാ​ഗ​ങ്ങ​ളി​ൽ​നി​ന്നും വ​രു​ന്ന ഫോ​ണി​ന് മ​റു​പ​ടി ന​ൽ​ക​ലും ഞ​ങ്ങ​ളു​ടെ ജോ​ലി​യാ​ണ്. മാ​സം ക​ണ്ടോ, റ​മ​ദാ​ൻ ആ​യോ എ​ന്നു തു​ട​ങ്ങി​യു​ള്ള ഫോ​ൺ വി​ളി​ക​ളാ​ൽ സ​ജീ​വ​മാ​കും ആ ​ദി​വ​സം. സ​മ​സ്ത​യു​ടെ പ​ണ്ഡി​ത​രും, മു​ജാ​ഹി​ദ്, ജ​മാ​അ​ത്ത് തു​ട​ങ്ങി​യ സം​ഘ​ട​ന നേ​താ​ക്ക​ളു​മെ​ല്ലാം വി​ളി​ച്ച് റ​മ​ദാ​ൻ ഉ​റ​പ്പി​ക്കു​ന്ന​തി​ൽ ഒ​രു ഏ​കോ​പ​ന​വു​മു​ണ്ടാ​കും.

മാ​സം ക​ണ്ടു ക​ഴി​ഞ്ഞാ​ൽ, ആ​ദ്യ നോ​മ്പെ​ടു​ക്കു​ക എ​ന്ന​ത് ഞ​ങ്ങ​ൾ കു​ട്ടി​ക​ൾ​ക്കും ആ​വേ​ശ​മാ​ണ്. ഒ​ന്നാം നോ​മ്പി​ന് ക്ഷീ​ണം കൂ​ടു​മ്പോ​ൾ ഉ​മ്മ​യു​ടെ സ്നേ​ഹം കൂ​ടു​ത​ലാ​യും ല​ഭി​ക്കും. നോ​മ്പ് മു​റി​യാ​തെ മ​ഗ്രി​ബ് വ​രെ എ​ത്തി​ക്കാ​ൻ ഉ​മ്മ ക​രു​​ത​ലോ​ടെ​യു​ണ്ടാ​കും.

ബാ​പ്പ അ​തി​രാ​വി​ലെ വി​ളി​ച്ചു​ണ​ർ​ത്തി, ഒ​ന്നി​ച്ച് അ​ത്താ​ഴം ക​ഴി​ച്ച് സു​ബ്ഹി​ക്ക് പ​ള്ളി​യി​ലേ​ക്ക് പോ​കു​ന്ന​തും ഇ​മ്പ​മു​ള്ള ഓ​ർ​മ​യാ​ണ്. പ​തി​വാ​യി ക​റു​ത്ത തൊ​പ്പി​യി​ടു​ന്ന ബാ​പ്പ റ​മ​ദാ​നി​ൽ വെ​ളു​ത്ത തൊ​പ്പി​യി​ലേ​ക്ക് മാ​റും. ഞ​ങ്ങ​ൾ വീ​ട്ടു​കാ​ർ​ക്കും നാ​ട്ടു​കാ​ർ​ക്കും ബാ​പ്പ​യു​ടെ സാ​മീ​പ്യം കൂ​ടു​ത​ലാ​യി കി​ട്ടു​ന്ന കാ​ല​മാ​ണ് റ​മ​ദാ​ൻ.

പു​റ​ത്തെ പ​രി​പാ​ടി​ക​ളോ മ​റ്റോ റ​മ​ദാ​നി​ൽ അ​ധി​ക​മു​ണ്ടാ​വി​ല്ല. അ​ത് ഞ​ങ്ങ​ൾ വീ​ട്ടു​കാ​ർ​ക്കും ബ​ന്ധു​ക്ക​ൾ​ക്കും നാ​ട്ടു​കാ​ർ​ക്കു​മൊ​പ്പം ചെ​ല​വ​ഴി​ക്കാ​നാ​വും ബാ​പ്പ ഏ​റ്റ​വും കൂ​ടു​ത​ൽ നീ​ക്കി​വെ​ക്കു​ന്ന​ത്.

പ​ഴ​യ​കാ​ല ഓ​ർ​മ​ക​ളും കൂ​ട്ടു​കാ​രു​ടെ വി​ശേ​ഷ​വും വ​ല്ല്യു​പ്പാ​ക്ക് (പി.​എം.​എ​സ്.​എ പൂ​ക്കോ​യ ത​ങ്ങ​ൾ) ഒ​പ്പ​മു​ള്ള ക​ഥ​ക​ളു​മെ​ല്ലാം ബാ​പ്പ ഞ​ങ്ങ​ളു​മാ​യി പ​ങ്കു​വെ​ക്കും. അ​വ​ധി​യാ​യ​തി​നാ​ൽ റ​മ​ദാ​നി​ലെ പ​ക​ലും രാ​ത്രി​യു​മെ​ല്ലാം ബാ​പ്പ​ക്കൊ​പ്പ​മാ​വും. ര​ണ്ടാ​മ​ത്തെ ഇ​ഫ്താ​ർ എ​ളാ​പ്പ​മാ​രു​ടെ വീ​ട്ടി​ലാ​വും, പി​ന്നെ അ​ടു​ത്ത ബ​ന്ധു​വീ​ട്ടി​ലും. അ​പ്പോ​ഴെ​ല്ലാം ബാ​പ്പ​ക്കൊ​പ്പം ഞ​ങ്ങ​ളു​മു​ണ്ടാ​കും.

ഉ​മ്മ വീ​ടാ​യ കൊ​യി​ലാ​ണ്ടി​യി​ലും നോ​മ്പു​തു​റ​ക്കാ​നെ​ത്തും. ക​സി​ൻ സ​ഹോ​ദ​ര​ങ്ങ​ൾ​ക്കൊ​പ്പം വൈ​കു​ന്നേ​ര​ങ്ങ​ളി​ൽ കൊ​യി​ലാ​ണ്ടി​യി​ലെ ക​ട​ൽ​തീ​ര​ത്തേ​ക്കു​ള്ള യാ​ത്ര​യും, അ​വ​ർ​ക്കൊ​പ്പ​മു​ള്ള നാ​ളു​ക​ളു​മെ​ല്ലാ​മാ​ണ് കു​ട്ടി​ക്കാ​ല​ത്തെ നോ​മ്പു​ക​ൾ....

ഓ​രോ നോ​മ്പു​കാ​ല​വും ബാ​പ്പ​ക്കും ഉ​മ്മ​ക്കു​മൊ​പ്പ​മു​ള്ള ഒ​രാ​യി​രം ഓ​ർ​മ​ക​ളു​ടെ തി​രി​യ​ടി​ക​ൾ കൂ​ടി​യാ​ണ്. അ​വ​രു​ടെ സ്വ​ർ​ഗീ​യ ജീ​വി​ത​ത്തി​നാ​യി പ്രാ​ർ​ഥ​ന​ക​ൾ.

ത​യാ​റാ​ക്കി​യ​ത്: കെ. ​ഹു​ബൈ​ബ്