പ​രി​വ​ർ​ത്ത​നം സാ​ധ്യ​മാ​ക്കു​ന്ന വ​സ​ന്തം

ന​ന്മ​യു​ടെ സു​ഗ​ന്ധം വി​ശ്വാ​സി​ക​ൾ ഏ​റ്റ​വും കൂ​ടു​ത​ൽ അ​നു​ഭ​വി​ച്ച​റി​യു​ന്ന മാ​സ​മാ​ണി​ത്. ആ​ത്മീ​യ​ബോ​ധം പ​ക​ർ​ന്നു​ത​രു​ന്ന​തു​പോ​ലെ പ​ട്ടി​ണി​പ്പാ​വ​ങ്ങ​ളു​ടെ വേ​ദ​ന അ​നു​ഭ​വി​ച്ച​റി​യാ​നു​ള്ള പാ​ഠ​ശാ​ല​യാ​ണ് റ​മ​ദാ​ൻ. ആ ​ഒ​രു അ​നു​ഭ​വ​ത്തി​ൽ​നി​ന്നാ​ണ് കാ​രു​ണ്യ​ത്തി​ന്റെ ചി​ന്താ​ധാ​ര​ക​ൾ മ​നു​ഷ്യ​മ​ന​സ്സു​ക​ളി​ൽ സ​ന്നി​വേ​ശി​പ്പി​ക്ക​പ്പെ​ടു​ന്ന​ത്. ഏ​തൊ​രു ആ​ചാ​ര​ത്തെ​ക്കു​റി​ച്ചോ​ർ​ക്കു​മ്പോ​ഴും ന​മ്മു​ടെ​യൊ​ക്കെ മ​ന​സ്സി​ന്റെ ഉ​ള്ളി​ൽ ഒ​രു​പാ​ട് ഓ​ർ​മ​ക​ൾ എ​ന്നും തു​ടി​കൊ​ട്ടി​ക്കൊ​ണ്ടി​രി​ക്കും. എ​ന്നും ഓ​ർ​മ വ​രു​ന്ന ഒ​രു ദി​വ​സ​ത്തേ​ക്കാ​ണ് ഞാ​ൻ നി​ങ്ങ​ളെ കൂ​ട്ടി​ക്കൊ​ണ്ടു​പോ​കു​ന്ന​ത്.

കാ​സ​ർ​കോ​ട് അ​റ​ബി കോ​ള​ജി​ൽ അ​ഫ്ദ​ലു​ൽ ഉ​ല​മ കോ​ഴ്സി​ന് പ​ഠി​ക്കു​ന്ന സ​മ​യം. ഹോ​സ്റ്റ​ലി​ൽ താ​മ​സി​ച്ചു​വ​രു​ക​യാ​യി​രു​ന്നു. മ​റ​ക്കാ​നാ​വാ​ത്ത ന​ല്ല നി​മി​ഷ​ങ്ങ​ൾ മാ​ത്രം കി​ട്ടി​യ വി​ദ്യാ​ർ​ഥി​ജീ​വി​തം. ഹോ​സ്റ്റ​ൽ എ​ന്നു പ​റ​യു​ന്ന​ത് വെ​വ്വേ​റെ സം​വി​ധാ​ന​ങ്ങ​ൾ ഒ​ന്നും​ത​ന്നെ ഇ​ല്ല. എ​ല്ലാ​വ​രും ഒ​ന്നി​ച്ച് ഒ​രു വ​ലി​യ ഹാ​ളി​ൽ ക​ട്ടി​ലി​ട്ട് കി​ട​ക്കും. ത​മാ​ശ​യാ​യി പ​റ​ഞ്ഞാ​ൽ മ​ത്തി ഫ്രൈ ​ചെ​യ്യാ​ൻ ഇ​ട്ട​പോ​ലെ ഉ​ണ്ടാ​കും. അ​തൊ​ക്കെ ഒ​രു കാ​ലം. പ​ഠ​ന​വും ക​ളി​യും ചി​രി​യും ചെ​റി​യ കു​സൃ​തി​ക​ളു​മാ​യി ചെ​ല​വ​ഴി​ച്ച കാ​ല​ഘ​ട്ടം. ജീ​വി​ത​ത്തി​ൽ ഒ​രി​ക്ക​ലും മ​റ​ക്കാ​ൻ പ​റ്റാ​ത്ത ര​ണ്ടു ഗു​രു​നാ​ഥ​ന്മാ​രെ വ​ര​ദാ​നം​പോ​ലെ എ​നി​ക്കു ല​ഭി​ച്ച​ത് അ​വി​ടെ​നി​ന്നാ​ണ്. ബ​ഹു​മാ​ന്യ അ​ധ്യാ​പ​ക​രാ​യി​രു​ന്ന ക​ദീ​ജ ടീ​ച്ച​റും ഹാ​ഷിം മാ​ഷും.

അ​വി​ടെ ഭ​ക്ഷ​ണ​മൊ​ക്കെ ഉ​ണ്ടാ​ക്കു​ന്ന​ത് ഹോ​സ്റ്റ​ലി​ൽ താ​മ​സി​ക്കു​ന്ന കു​ട്ടി​ക​ളും ടീ​ച്ച​ർ​മാ​രും ഒ​രു​മി​ച്ചും സ​ഹ​ക​രി​ച്ചു​കൊ​ണ്ടാ​യി​രു​ന്നു. അ​വി​ടെ​നി​ന്നാ​ണ് പാ​ച​ക​ക​ല ശ​രി​യാ​യ​വി​ധം ഞ​ങ്ങ​ളെ​ല്ലാ​വ​രും പ​ഠി​ക്കു​ന്ന​തു​ത​ന്നെ. ഒ​രു ദി​വ​സം ഞ​ങ്ങ​ൾ ത​റാ​വീ​ഹ് ന​മ​സ്കാ​ര​വും ക​ഴി​ഞ്ഞ് പ​ഠ​ന​ത്തി​ന്റെ​യും ക​ഥ​പ​റ​ച്ചി​ലി​ന്റെ​യും തി​ര​ക്കി​നി​ട​യി​ൽ അ​തി​ൽ മൂ​ന്നു പേ​ർ ( പേ​ർ വെ​ളി​പ്പെ​ടു​ത്തി​യാ​ൽ ചി​ല​പ്പോ​ൾ കോ​ള​ജ് ഗ്രൂ​പ്പി​ൽ ക​യ​റാ​ൻ പ​റ്റാ​ത്ത​തു​കൊ​ണ്ട് അ​ത് വെ​ളി​പ്പെ​ടു​ത്തു​ന്നി​ല്ല) ബാ​ത്‌​റൂ​മി​ൽ ഫ്ര​ഷ് ആ​കാ​ൻ വേ​ണ്ടി പോ​യ​താ​ണ്.

ര​ണ്ടു പേ​രു​ടെ പേ​ടി​പ്പെ​ടു​ത്തു​ന്ന ശ​ബ്ദം കേ​ട്ട് ഞ​ങ്ങ​ൾ ഞെ​ട്ടി. പേ​ടി​യോ​ടെ പോ​യി നോ​ക്കി​യ​പ്പോ​ൾ അ​വ​ർ അ​വി​ടെ​നി​ന്നു തി​രി​ച്ച് ഓ​ടി​വ​രു​ന്നു. അ​ടു​ക്ക​ള​യി​ൽ ക​ള്ള​നാ​യി​രു​ന്നു വി​ഷ​യം. ആ​രാ​ണ് പാ​തി​രാ​ത്രി​യി​ൽ ക​ട്ടു​തി​ന്നാ​ൻ നോ​ക്കി​യ ക​ള്ള​ൻ എ​ന്ന് ധൈ​ര്യ​പൂ​ർ​വം നോ​ക്കാ​ൻ​ത​ന്നെ തീ​രു​മാ​നി​ച്ചു. കൂ​ട്ട​ത്തി​ൽ കു​റ​ച്ചെ​ങ്കി​ലും ധൈ​ര്യ​മു​ള്ള ഞാ​നും എ​ന്റെ ര​ണ്ടു സ​ഹ​പാ​ഠി​ക​ളും​കൂ​ടി അ​ടു​ക്ക​ള​യി​ലേ​ക്കു ക​യ​റു​മ്പോ​ൾ അ​താ കു​റെ പാ​ത്ര​ങ്ങ​ൾ താ​ഴെ വീ​ഴു​ന്ന ശ​ബ്ദം. ധൈ​ര്യം സം​ഭ​രി​ച്ച് ഞാ​ൻ തി​രി​ഞ്ഞു​നോ​ക്കി​യ​പ്പോ​ൾ എ​ന്റെ കൂ​ടെ വ​ന്ന ര​ണ്ടു സ​ഹ​പാ​ഠി​ക​ളു​ടെ​യും നി​ഴ​ൽ​പോ​ലും കാ​ണു​ന്നി​ല്ല. പി​ന്നെ ഓ​ടി​യ വ​ഴി​യി​ൽ പു​ല്ലു​പോ​ലും മു​ള​ക്കാ​ൻ സാ​ധ്യ​ത ഇ​ല്ലാ​ത്ത​വി​ധം ഞാ​നും തി​രി​ച്ചോ​ടി. എ​ന്താ​യാ​ലും രാ​വി​ലെ നോ​ക്കാം എ​ന്ന സ​മാ​ധാ​ന​ത്തി​ൽ കി​ട​ന്നു​റ​ങ്ങു​ക​യും ചെ​യ്തു.

രാ​വി​ലെ എ​ഴു​ന്നേ​റ്റ് അ​ടു​ക്ക​ള​പ്പ​ണി​യി​ൽ ചു​മ​ത​ല​യു​ള്ള പ​ഠി​താ​ക്ക​ളാ​ണ് ആ ​സം​ഭ​വം കാ​ണു​ന്ന​ത്. വേ​ഗം ഞ​ങ്ങ​ളെ ത​ട്ടി​യു​ണ​ർ​ത്തി കി​ച്ച​ണി​ലേ​ക്ക് കൂ​ട്ടി​ക്കൊ​ണ്ടു​പോ​യി. ആ ​കാ​ഴ്ച ക​ണ്ട് ഞ​ങ്ങ​ളു​ടെ ബോ​ധം പോ​യി​ല്ല എ​ന്നു മാ​ത്രം. പൂ​ച്ച​യും കു​ഞ്ഞു​ങ്ങ​ളും അ​ടു​പ്പി​ന്റെ ചു​വ​ട്ടി​ൽ കി​ട​ന്നു​റ​ങ്ങു​ന്നു. എ​ന്താ​യാ​ലും ഞ​ങ്ങ​ൾ​ക്ക് ധീ​ര​ത​ക്കു​ള്ള അ​വാ​ർ​ഡ് കി​ട്ടി​യേ തീ​രൂ. പൂ​ച്ച​യെ ക​ള്ള​നാ​ക്കി​യ ആ​ൾ​ക്കാ​ർ​ക്ക് വേ​റെ എ​ന്തു കി​ട്ടി​യാ​ലാ​ണ് മ​തി​യാ​വു​ക. പി​ന്നെ ഓ​ർ​ത്തു​ചി​രി​ക്കാ​ൻ നേ​ര​മി​ല്ലാ​ത്ത​തു​കൊ​ണ്ട് വേ​ഗം അ​ത്താ​ഴം ക​ഴി​ച്ച് ത​ഹ​ജ്ജു​ദ് ന​മ​സ്ക​രി​ക്കാ​ൻ വേ​ണ്ടി എ​ല്ലാ​വ​രും പ​ള്ളി​യി​ലേ​ക്കു പ്ര​വേ​ശി​ച്ചു.

പാ​പ​മോ​ച​നം, വ്യ​ക്തി​ത്വ സം​സ്ക​ര​ണം, ലൈ​ല​ത്തു​ൽ ഖ​ദ്ർ, സ്വ​ർ​ഗ​പ്ര​വേ​ശ​നം എ​ന്നീ വി​ല​പ്പെ​ട്ട പ​രി​വ​ർ​ത്ത​ന​ങ്ങ​ളു​മാ​യി വ​ർ​ഷ​ത്തി​ൽ മാ​ത്രം ക​ട​ന്നു​വ​രു​ന്ന അ​തി​ഥി​യെ ആ​തി​ഥേ​യ മ​ര്യാ​ദ​യോ​ടെ ന​മു​ക്ക് വ​ര​വേ​ൽ​ക്കാം.