നോ​മ്പു​തു​റ​ക്കാ​രെ തേ​ടി അ​വ​രു​ടെ യാ​ത്ര തു​ട​രു​ന്നു...

ദോ​ഹ: റ​മ​ദാ​നി​ലെ വൈ​കു​ന്നേ​ര​ങ്ങ​ളി​ൽ ഖ​ത്ത​റി​ന്‍റെ ത​ല​സ്ഥാ​ന​ന​ഗ​രി​യി​ൽ​നി​ന്ന് അ​ക​​ലെ​യു​ള്ള അ​ൽ ക​റാ​ന​യി​ലെ​യും ജെ​റി​യാ​നി​ലെ​യും ഉം ​ഖ​ർ​ന​യി​ലെ​യും അ​ബു ന​ഖ്‍ല​യി​ലേ​യു​മെ​ല്ലാം ഒ​രു​പ​റ്റം മ​നു​ഷ്യ​ർ ദോ​ഹ​യി​ൽ​നി​ന്നു​ള്ള റോ​ഡി​ലേ​ക്ക് ക​ണ്ണും​ന​ട്ടി​രി​ക്കു​ന്ന​ത് ഇ​പ്പോ​ഴൊ​രു പ​തി​വു​കാ​ഴ്ച​യാ​ണ്.

പ്ര​ഭാ​ത​ത്തി​ന് മു​മ്പേ വ​ല്ല​തും ക​ഴി​ച്ച് നോ​​മ്പെ​ടു​ത്ത​വ​ർ​ക്ക് വ്ര​തം മു​റി​ക്കാ​നു​ള്ള വി​ഭ​വ​ങ്ങ​ളു​മാ​യി കു​തി​ച്ചെ​ത്തു​ന്ന വാ​ഹ​നം അ​ക​ലെ നി​ന്നും പൊ​ട്ടു​പോ​ലെ ക​ണ്ടു​തു​ട​ങ്ങു​മ്പോ​ഴേ​ക്ക് അ​വ​രു​ടെ ശ​രീ​ര​വും മ​ന​സ്സും ​പ്രാ​ർ​ഥ​ന​ക​ൾ​കൊ​ണ്ട് കു​ളി​ര​ണി​യും. ഒ​ട്ട​ക​ങ്ങ​ളെ മേ​യ്ക്കു​ന്ന മ​സ്റ​ക​ളി​ലും തൊ​ഴി​ലാ​ളി ക്യാ​മ്പു​ക​ളി​ലും മ​റ്റു​മാ​യി കാ​ത്തി​രി​ക്കു​ന്ന ഒ​രു​പ​റ്റം മ​നു​ഷ്യ​രി​ലേ​ക്ക് ദോ​ഹ​യി​ൽ​നി​ന്ന് ഭ​ക്ഷ​ണ​പ്പൊ​തി​ക​ളു​മാ​യി റ​മ​ദാ​നി​ലെ ഈ ​യാ​ത്ര തു​ട​ങ്ങി​യി​ട്ട് ഇ​പ്പോ​ൾ ഏ​ഴെ​ട്ടു​വ​ർ​ഷം ക​ഴി​ഞ്ഞു.

ഖ​ത്ത​റി​ലെ പ്ര​വാ​സി​സ​മൂ​ഹ​ത്തി​ൽ സ​ജീ​വ സാ​ന്നി​ധ്യ​മാ​യി പ്ര​വ​ർ​ത്തി​ക്കു​ന്ന സെ​ന്‍റ​ർ ഫോ​ർ ഇ​ന്ത്യ​ൻ ക​മ്യൂ​ണി​റ്റി​യു​ടെ (സി.​ഐ.​സി) റ​യ്യാ​ൻ ഏ​രി​യ​യി​ൽ​നി​ന്നു​ള്ള ഒ​രു​കൂ​ട്ടം പ്ര​വ​ർ​ത്ത​ക​ർ​ക്ക് ഇ​പ്പോ​ഴ​ത് ജീ​വി​ത​ച​ര്യ​കൂ​ടി​യാ​ണ്. റ​മ​ദാ​ൻ മാ​സ​പ്പി​റ തെ​ളി​ഞ്ഞു​ക​ഴി​ഞ്ഞാ​ൽ വേ​ങ്ങ​ര സ്വ​ദേ​ശി സി​ദ്ദീ​ഖി​നും കൂ​ട്ടു​കാ​ർ​ക്കും വി​ശ്ര​മ​മു​ണ്ടാ​വാ​റി​ല്ല.

റ​മ​ദാ​ൻ തു​ട​ങ്ങും മു​മ്പേ ഇ​വ​രു​ടെ മ​ന​സ്സു​ക​ൾ ആ​വ​ശ്യ​ക്കാ​രു​ടെ എ​ണ്ണ​വും ല​ഭ്യ​മാ​യ വി​ഭ​വ​ങ്ങ​ളു​ടെ എ​ണ്ണ​വും കൂ​ട്ടി​യും കു​റ​ച്ചും തു​ട​ങ്ങും. സ​ഹോ​ദ​ര​ങ്ങ​ളെ നോ​മ്പു​തു​റ​പ്പി​ക്കാ​ൻ ആ​ഗ്ര​ഹി​ക്കു​ന്ന വ്യ​ക്തി​ക​ളും കൂ​ട്ടാ​യ്മ​ക​ളും പ​ണ​മാ​യും വി​ഭ​വ​ങ്ങ​ളാ​യും മു​ന്നോ​ട്ടു​വ​രു​മ്പോ​ൾ അ​വ​ർ​ക്ക് വ​ഴി​കാ​ട്ടി​യാ​വു​ക​യാ​ണ് ഇ​വ​ർ.

എ​ട്ടു വ​ർ​ഷം മു​മ്പ് ജീ​വി​ത​നി​യോ​ഗം പോ​ലെ​യാ​യി​രു​ന്നു ഈ ​സം​ഘം ത​ങ്ങ​ളു​ടെ ദൗ​ത്യം തി​രി​ച്ച​റി​ഞ്ഞ് രം​ഗ​ത്തി​റ​ങ്ങു​ന്ന​ത്. കു​റ​ച്ചു​പേ​രെ നോ​മ്പു​തു​റ​പ്പി​ക്ക​ണം എ​ന്ന ആ​ഗ്ര​ഹ​വു​മാ​യി എ​ത്തി​യ ഒ​രു വ്യ​ക്തി​യെ ഇ​ൻ​ഡ​സ്ട്രി​യ​ൽ ഏ​രി​യ​യി​ലെ ഒ​രു ലേ​ബ​ർ ക്യാ​മ്പി​ലെ​ത്തി​ച്ചാ​യി​രു​ന്നു തു​ട​ക്കം. 50 പേ​ർ​ക്ക് നോ​മ്പു​തു​റ വി​ഭ​വ​ങ്ങ​ൾ ന​ൽ​കി അ​വ​രു​ടെ വ​യ​റും ത​ങ്ങ​ളു​ടെ മ​ന​സ്സും നി​റ​ച്ച​തോ​ടെ പി​ന്നെ അ​തൊ​രു മു​ട​ങ്ങാ​ത്ത ക​ർ​മ​മാ​യി മാ​റി.

അ​ങ്ങ​നെ നൂ​റും 200ഉം ​ആ​യി ആ​വ​ശ്യ​ക്കാ​രു​ടെ എ​ണ്ണം ഉ​യ​ർ​ന്ന​പ്പോ​ൾ, അ​വ​ർ​ക്കെ​ല്ലാം നോ​മ്പു​തു​റ വി​ഭ​വ​ങ്ങ​ളു​മാ​യി ​​റ​യ്യാ​നി​ൽ​നി​ന്ന് ഇ​വ​രു​ടെ വാ​ഹ​ന​ങ്ങ​ൾ ഓ​ടി​ത്തു​ട​ങ്ങി. അ​ർ​ഹ​രാ​യ​വ​രെ നോ​മ്പു​തു​റ​പ്പി​ക്കാ​ൻ ആ​ഗ്ര​ഹി​ച്ച വ്യ​ക്തി​ക​ളും ​കൂ​ട്ടാ​യ്മ​ക​ളും സ്ഥാ​പ​ന​ങ്ങ​ളു​മെ​ല്ലാം അ​വ​കാ​ശി​ക​ളി​ലേ​ക്ക് ഇ​ഫ്താ​ർ കി​റ്റു​ക​ൾ എ​ത്തി​ക്കാ​ൻ സി​ദ്ദീ​ഖി​നെ​യും കൂ​ട്ടു​കാ​രെ​യും തേ​ടി​യെ​ത്തി.

ഇ​ൻ​ഡ​സ്ട്രി​യ​ൽ ഏ​രി​യ​യി​ൽ തു​ട​ങ്ങി​യ വി​ത​ര​ണം അ​വ​കാ​ശി​ക​ളെ തേ​ടി സൗ​ദി അ​തി​ർ​ത്തി​വ​രെ എ​ത്തി​യെ​ന്ന​താ​ണ് ക​ഴി​ഞ്ഞ കാ​ല​ങ്ങ​ളി​ലെ അ​നു​ഭ​വം. ക​ട​ക​ളോ മ​നു​ഷ്യ​വാ​സ​ങ്ങ​ളോ ഇ​ല്ലാ​ത്ത മേ​ഖ​ല​ക​ളി​ൽ റ​മ​ദാ​നി​ലെ സാ​യാ​ഹ്ന​ങ്ങ​ളി​ൽ ബാ​ങ്ക് വി​ളി ഉ​യ​രും മു​മ്പേ ഈ​ത്ത​പ്പ​ഴ​വും പ​ഴ​വ​ർ​ഗ​ങ്ങ​ളും മു​ത​ൽ മ​ട്ട​നും ചി​ക്ക​നും ഉ​ൾ​പ്പെ​ടെ​യു​ള്ള വി​ഭ​വ​ങ്ങ​ൾ പൊ​തി​ക​ളി​ലാ​യി എ​ത്തി​ക്കും.

കോ​വി​ഡ് മ​ഹാ​മാ​രി​ക്കാ​ല​ത്ത് എ​ല്ലാ​വ​രും പ്ര​തി​സ​ന്ധി​യി​ലാ​യ​പ്പോ​ഴും ​ഇ​വ​രു​ടെ നേ​തൃ​ത്വ​ത്തി​ൽ ഭ​ക്ഷ്യ​വി​ത​ര​ണം മു​ട​ങ്ങി​യി​രു​ന്നി​ല്ല. മാ​ത്ര​മ​ല്ല, നേ​ര​ത്തെ വി​ത​ര​ണം ചെ​യ്ത​തി​നേ​ക്കാ​ൾ ഇ​ര​ട്ടി​യാ​യി ഭ​ക്ഷ്യ​പ്പൊ​തി​ക​ൾ അ​വ​കാ​ശി​ക​ളി​ലേ​ക്ക് എ​ത്തി​ച്ചു. ക​ഴി​ഞ്ഞ റ​മ​ദാ​നി​ൽ ദി​വ​സം 5000 വ​രെ ​ഭ​ക്ഷ​ണ​പ്പൊ​തി​ക​ളാ​ണ് വി​ത​ര​ണം ചെ​യ്ത​ത്.

ആ​കെ, 1.30 ല​ക്ഷ​ത്തോ​​ളം ഭ​ക്ഷ്യ​പ്പൊ​തി​ക​ൾ. ജെ​റി​യാ​ൻ, മി​കൈ​ൻ​സ്, അ​ബു ന​ഖ്‌​ല, ഇ​ൻ​ഡ​സ്ട്രി​യ​ൽ ഏ​രി​യ, ശ​ഹാ​നി​യ, റ​യ്യാ​ൻ, മൈ​ദ​ർ, ഫ​റൂ​സി​യ, അ​സീ​സി​യ, ഐ​ൻ ഖാ​ലി​ദ്, വ​ക്‌​റ തു​ട​ങ്ങി​യ സ്ഥ​ല​ങ്ങ​ളി​ലെ ലേ​ബ​ർ ക്യാ​മ്പു​ക​ളി​ലും വി​ജ​ന​മാ​യ പ്ര​ദേ​ശ​ങ്ങ​ളി​ലെ ഫാ​മു​ക​ളി​ലും ഒ​റ്റ​പ്പെ​ട്ട് താ​മ​സി​ക്കു​ന്ന പ്ര​ദേ​ശ​ങ്ങ​ളി​ലു​ള്ള​വ​രി​ലേ​ക്കും ഇ​ട​യ​ന്മാ​രി​ലേ​ക്കു​മെ​ല്ലാം മു​ട​ങ്ങാ​തെ നോ​മ്പു​തു​റ വി​ഭ​വ​ങ്ങ​ളെ​ത്തി.

തൊ​ഴി​ൽ​തേ​ടി​യെ​ത്തി​യ വി​ദേ​ശി​ക​ളും ജോ​ലി ന​ഷ്ട​പ്പെ​ട്ട​വ​രു​മെ​ല്ലാം ഇ​വ​രു​ടെ ക​രു​ണ​യി​ൽ നോ​മ്പ്​ തു​റ​ന്നു. ഖ​ത്ത​ർ ചാ​രി​റ്റി​യി​ൽ​നി​ന്ന് ഫ്ര​ണ്ട്സ്​ ക​ൾ​ച​റ​ൽ സെൻറ​ർ മു​ഖേ​ന ല​ഭി​ക്കു​ന്ന 2500ഓ​ളം ഭ​ക്ഷ​ണ​ക്കി​റ്റു​ക​ളാ​യി​രു​ന്നു ക​ഴി​ഞ്ഞ​വ​ർ​ഷം ഏ​റ്റ​വും പ്ര​ധാ​ന​മാ​യി​രു​ന്ന​ത്.

ഇ​തി​നു പു​റ​മെ, വി​വി​ധ സ​ന്ന​ദ്ധ സം​ഘ​ട​ന​ക​ൾ, ക​ച്ച​വ​ട​സ്ഥാ​പ​ന​ങ്ങ​ൾ, കോ​ള​ജ് അ​ലു​മ്നി​ക​ൾ, മ​ഹ​ല്ല് കൂ​ട്ടാ​യ്മ​ക​ൾ, വാ​ട്സ് ആ​പ് ഗ്രൂ​പ്പു​ക​ൾ തു​ട​ങ്ങി അ​മ്പ​തോ​ളം ചെ​റു​തും വ​ലു​തു​മാ​യ സം​ഘ​ങ്ങ​ൾ സ​ഹാ​യ​വു​മാ​യെ​ത്തി​യ​പ്പോ​ൾ കൃ​ത്യ​മാ​യ ഏ​കോ​പ​ന​ത്തി​ലൂ​ടെ ഇ​വ​ർ ജീ​വ​കാ​രു​ണ്യ പ്ര​വ​ർ​ത്ത​ന​ത്തി​ന്‍റെ മ​ഹ​ത്ത​ര മാ​തൃ​ക തീ​ർ​ത്തു.

റ​മ​ദാ​നി​ലെ ഭ​ക്ഷ്യ​ക്കി​റ്റു​ക​ൾ മാ​ത്ര​മ​ല്ല, പെ​രു​ന്നാ​ൾ വ​സ്ത്ര​ങ്ങ​ൾ, ശൈ​ത്യ​കാ​ല​ത്തെ ത​ണു​പ്പു​കു​പ്പാ​യ​ങ്ങ​ൾ, ഉ​ളു​ഹി​യ​ത്ത് മാം​സ​ങ്ങ​ൾ അ​ങ്ങ​നെ വി​ശേ​ഷ​പ്പെ​ട്ട​തെ​ല്ലാ​മാ​യി ​നോ​മ്പ​ല്ലാ​ത്ത കാ​ല​ത്തും റ​യ്യാ​നി​ൽ​നി​ന്ന് വാ​ഹ​ന​ങ്ങ​ൾ അ​വ​കാ​ശി​ക​ളെ തേ​ടി പാ​യു​ന്നു.

ഇ​ത്ത​വ​ണ​യും മു​ട​ക്ക​മി​ല്ലാ​തെ സി​ദ്ദീ​ഖും 45ഓ​ളം വ​രു​ന്ന വ​ള​ന്റി​യ​ർ​മാ​രും സ​ജീ​വ​മാ​യി രം​ഗ​ത്തു​ണ്ട്. ഭ​ക്ഷ​ണം ന​ല്കാ​ൻ സ​ന്ന​ദ്ധ​രാ​യി​വ​രു​ന്ന കൂ​ട്ടാ​യ്മ​ക​ൾ​ക്ക്, ആ​വ​ശ്യ​ക്കാ​​ര​നെ കാ​ണി​ച്ചു​കൊ​ടു​ക്കു​ക​യും വി​ത​ര​ണ​ത്തി​ന് നേ​തൃ​ത്വം ന​ൽ​കു​ക​യും ചെ​യ്തു​കൊ​ണ്ട് അ​വ​ർ ഓ​രോ സാ​യാ​ഹ്ന​ത്തി​ലും വി​ശ​ക്കു​ന്ന വ​യ​റു​ക​ൾ തേ​ടി പു​റ​പ്പെ​ടു​ന്നു.