റ​മ​ദാ​നി​ലെ ബാ​ങ്കൊ​ലി

വീ​ട്ടി​ൽ​നി​ന്ന് ഏ​ക​ദേ​ശം ര​ണ്ട്‌ മൂ​ന്ന് കി.​മീ ദൂ​ര​മു​ണ്ട്‌ ചെ​റു​വ​ക്ക​ര ത​റ​വാ​ട്ട് വീ​ട്ടി​ലേ​ക്ക്‌. മാ​റി​ത്താ​മ​സി​ച്ചെ​ങ്കി​ലും വേ​ര​റ്റ്‌ പോ​വാ​ത്ത ഇ​ഴ​യ​ടു​പ്പം ത​റ​വാ​ട്‌ വീ​ടു​മാ​യി നി​ല​നി​ന്നി​രു​ന്നു. വീ​ട്ടി​ൽ​നി​ന്നി​റ​ങ്ങി ആ​ദ്യ​ത്തെ ഒ​രു കി​ലോ​മീ​റ്റ​റോ​ളം മെ​യി​ൻ റോ​ഡി​ന്റെ ഓ​ര​ത്തു​കൂ​ടി ന​ട​ക്ക​ണം. പി​ന്നെ വ​യ​ൽ തു​ട​ങ്ങി​ന്നി​ട​ത്തു​നി​ന്ന് തെ​ങ്ങി​ൻ​തോ​പ്പി​ലൂ​ടെ തോ​ട്ടി​ലെ മീ​നി​നൊ​പ്പം ഒ​ഴു​ക്കി​ന്‌ സ​മാ​ന്ത​ര​മാ​യ ന​ട​പ്പ്‌. അ​പ്പോ​ൾ മേ​ലെ പ​റ​മ്പി​ൽ ചാ​ഞ്ഞ്‌ കി​ട​ക്കു​ന്ന തെ​ങ്ങി​ൻ ത​ല​പ്പു​ക​ളും വ​യ​ലി​ലെ ക​വു​ങ്ങും വാ​ഴ​ത്ത​ല​പ്പു​ക​ളും കു​ട​ചൂ​ടും, തോ​ട്ടി​ലെ ക​ള​ക​ളാ​ര​വം പി​ന്നി​ടു​ന്ന ദൂ​രം തി​ട്ട​പ്പെ​ടു​ത്തും. വ​ലി​യ തോ​ടും മു​റി​ച്ച്‌ ക​ട​ന്ന് ചെ​രി​പ്പി​ൽ പ​ര​മാ​വ​ധി ച​ളി​യാ​ക്കാ​തെ വ​യ​ൽ വ​ര​മ്പി​ലൂ​ടെ മു​റി​ച്ച്‌ ക​ട​ന്നാ​ൽ അ​ക്ക​രെ പ​റ​മ്പി​ൽ ചെ​റു​വ​ക്ക​ര ത​റ​വാ​ട്‌ ദൃ​ശ്യ​മാ​വും. നോ​മ്പെ​ടു​ത്ത് അ​വി​ടം വ​രെ ‌പോ​യി തി​രി​ച്ച്‌ വ​ന്നു എ​ന്ന​താ​യി​രു​ന്നു എ​ന്റെ ചെ​റു​പ്പ​ത്തി​ലു​ള​ള നോ​മ്പ്‌ കാ​ല​ത്തെ ആ​ദ്യ​ത്തെ ധീ​ര​യ​ജ്ഞം. വെ​ളി​ച്ചം മാ​യാ​ൻ തു​ട​ങ്ങു​ന്ന നീ​ലാ​കാ​ശ​ത്ത്‌ നോ​ക്കി ഉ​ട​ൻ ക​ഴി​ക്കാ​ൻ കാ​ത്തി​രി​ക്കു​ന്ന ഉ​മ്മ ഉ​ണ്ടാ​ക്കി​വെ​ച്ച വി​ഭ​വ​ങ്ങ​ളു​ടെ സ്വാ​ദോ​ർ​ത്ത്‌, ഒ​ന്ന് മു​ത​ൽ നൂ​റു വ​രെ പ​ല​വ​ട്ടം എ​ണ്ണി​ക്കൊ​ണ്ട​ങ്ങ​നെ സ​മ​യം ത​ള്ളി നീ​ക്കി ബാ​ങ്ക്‌ കേ​ൾ​ക്കാ​ൻ കാ​ത്തി​രി​ക്കും. അ​ഞ്ചോ ആ​റോ കി​ലോ​മീ​റ്റ​ർ അ​ക​ലെ​യു​ള്ള കൂ​നി​യോ​ട്‌ പ​ള്ളി​യി​ലെ ബാ​ങ്ക്‌ കേ​ട്ടി​ട്ടാ​യി​രു​ന്നു ഞ​ങ്ങ​ൾ നോ​മ്പ്‌ തു​റ​ന്നി​രു​ന്ന​ത്‌. സ​മ​യ​മാ​യാ​ൽ മു​റ്റ​ത്ത്‌ ഇ​റ​ങ്ങി​നി​ന്ന് കാ​തോ​ർ​ക്കും, അ​ങ്ങ​ക​ലെ​നി​ന്ന് ഒ​രു നേ​രി​യ ശ​ബ്ദ​മാ​യ്‌ അ​ല്ലാ​ഹു അ​ക്ബ​ർ എ​ന്ന് കേ​ൽ​ക്കു​മ്പോ​ൾ ‘കൊ​ടു​ത്ത്‌ കൊ​ടു​ത്ത്‌...’ എ​ന്ന് വി​ളി​ച്ചു പ​റ​ഞ്ഞു കൊ​ണ്ട്‌ അ​ക​ത്തേ​ക്കോ​ടും..

നോ​മ്പ്‌ കാ​ല​മാ​യാ​ൽ രാ​ത്രി​യാ​വു​മ്പോ​ൾ വീ​ട്ടി​ൽ​നി​ന്ന് അ​യ​ൽ​പ​ക്ക​ത്തേ​ക്കൊ​ക്കെ ഉ​മ്മ ഭ​ക്ഷ​ണം കൊ​ടു​ത്ത​യ​ച്ചി​രു​ന്നു. അ​ങ്ങ​നെ​യു​ള്ള ഒ​രാ​ളു​ടെ ഓ​ർ​മ എ​ല്ലാ നോ​മ്പ്‌ കാ​ല​ത്തും എ​ന്നെ പി​ന്തു​ട​രാ​റു​ണ്ട്‌‌. സം​സാ​ര​ശേ​ഷി​യും കേ​ൾ​വി​യു​മി​ല്ലാ​ത്ത പ​നോ​ളെ​ലെ ചേ​ട്ട​ൻ. നോ​മ്പാ​യാ​ൽ അ​യാ​ൾ വൈ​കു​ന്നേ​ര​ത്തെ കു​ളി ഞ​ങ്ങ​ളു​ടെ അ​ടു​ത്തു​ള​ള പു​ഴ​യി​ലേ​ക്ക്‌ മാ​റ്റും. ബാ​ങ്ക്‌ കൊ​ടു​ത്ത്‌ ക​ഴി​ഞ്ഞ്‌ ഇ​രു​ട്ടാ​യാ​ൽ കു​ളി​ച്ച്‌ തോ​ർ​ത്തും തോ​ള​ത്തി​ട്ട്‌ ഇ​ല​യ​ന​ക്ക​മി​ല്ലാ​തെ കോ​ലാ​യി​ലെ പ​ടി​യി​ൽ വ​ന്നി​രി​ക്കും. ട​യ​ർ പ​ത്തി​ലും കു​ഞ്ഞി​പ്പ​ത്തി​ലും ഇ​റ​ച്ചി​ക്ക​റി​യും ചൂ​ട്‌ ചാ​യ​യും ഉ​മ്മ​യ​വി​ടെ കൊ​ണ്ടു​പോ​യി​വെ​ക്കും. ഭ​ക്ഷ​ണം ക​ഴി​ച്ച്‌ ക​ഴി​ഞ്ഞ്‌ മു​റ്റ​ത്ത്‌ പൈ​പ്പി​ന്ന് പ്ലേ​റ്റും ക​ഴു​കി വെ​ച്ച്‌ ഉ​പ​ചാ​പ​വാ​ക്കു​ക​ൾ​ക്കൊ​ന്നും നി​ൽ​ക്കാ​തെ മൂ​പ്പ​ര്‌ ഇ​രു​ട്ടി​ലേ​ക്ക്‌ മ​റ​യും. ഓ​ർ​മ​യു​ള​ള കു​റേ നോ​മ്പ്‌ നാ​ളു​ക​ളി​ൽ ഈ ​നി​ശ്ശ​ബ്ദ വി​പ്ല​ത്തി​ന്‌ ഞാ​ൻ മൂ​ക​സാ​ക്ഷി​യാ​യ്‌, പി​ന്നീ​ടെ​പ്പോ​ഴോ ആ ​വ​ര​വ്‌ നി​ല​ച്ചു.

ഖ​ത്ത​റി​ൽ ആ​ദ്യ​മാ​യ്‌ വ​ന്ന വ​ർ​ഷ​ത്തെ നോ​മ്പ്‌ കാ​ലം പ്ല​സ്ടു സു​ഹൃ​ത്തും സ​ഹ​മു​റി​യ​നു​മാ​യി​രു​ന്ന ബി​ജോ​യു​ടെ നോ​മ്പു​മാ​യി ബ​ന്ധ​പ്പെ​ട്ട​താ​ണ്. വ​ന്ന ഉ​ട​നെ​യു​ള​ള സാ​മ്പ​ത്തി​ക ഞെ​രു​ക്കം മൂ​ലം വൈ​കു​ന്നേ​ര​മാ​യാ​ൽ ന​ല്ല ന​ല്ല ടെ​ന്റു​ക​ൾ ക​ണ്ട്‌ പി​ടി​ച്ച്‌ നോ​മ്പ്‌ തു​റ​ക്ക​ലാ​യി​രു​ന്നു പ​രി​പാ​ടി. ഒ​ന്നി​ച്ച്‌ ന​ട​ക്കാ​ൻ ഈ ​അ​ന്യ​നാ​ട്ടി​ൽ പ​ഴ​യ സു​ഹൃ​ത്തി​നെ ത​ന്നെ കി​ട്ടി​യ​തി​ൽ ഞാ​നും ആ​ശ്വ​സി​ച്ചു. ഒ​രു ദി​വ​സം ത​മാ​ശ​ക്ക്‌ പ​റ​ഞ്ഞു, ഈ ​ക​ഴി​ക്കു​ന്ന​തി​ന്റെ ശ​രി​ക്കു​മു​ള​ള സു​ഖ​മ​റി​യ​ണേ​ൽ എ​ന്നെ​പ്പൊ​ലെ നോ​മ്പെ​ടു​ക്ക​ണ​മെ​ന്ന്. അ​ങ്ങ​നെ ഒ​രു ദി​വ​സം അ​വ​നാ സാ​ഹ​സം ചെ​യ്തു. പ​ക്ഷേ ആ​ദ്യ നോ​മ്പ്‌ ഗ്യാ​സ്ട്രൈ​റ്റി​സു​മൊ​ക്കെ​യാ​യി ത​ല​വേ​ദ​ന​ക്ക് സാ​ധ്യ​ത​യു​ള്ള ഒ​ന്നാ​ണ​ല്ലോ. അ​ത്‌ ത​ന്നെ സം​ഭ​വി​ച്ചു.‌ ഉ​ച്ച​യാ​യ​പ്പോ​ൾ ത​ന്നെ ബി​ജോ​യ്ക്ക് വി​ശ​ന്ന് ഭ്രാ​ന്താ​യി. വൈ​കു​ന്നേ​ര​മാ​യ​പ്പോ​ൾ ത​ല​വേ​ദ​ന. എ​ന്നെ കാ​ണു​മ്പോ​ൾ അ​ത്‌ കൂ​ടി​ക്കൊ​ണ്ടി​രു​ന്നു. എ​ങ്ങ​നെ​യോ ഒ​രു വി​ധം ടെ​ന്റി​ലെ​ത്തി, നാ​ല​ഞ്ച്‌ പേ​ർ ഒ​ന്നി​ച്ച്‌ ഒ​രു പാ​ത്ര​ത്തി​ൽ​നി​ന്ന് ക​ഴി​ക്കു​ന്ന രീ​തി​യാ​ണ​വി​ടെ. ചു​വ​ന്ന് ക​ല​ങ്ങി​യ ക​ണ്ണു​ക​ളു​മാ​യി എ​ന്നെ നോ​ക്കി​പ്പേ​ടി​പ്പി​ച്ച്‌ കൊ​ണ്ട്‌ ബി​ജോ​യ്‌ പ​ര​മാ​വ​ധി സാ​ധ​ന​ങ്ങ​ൾ ത​ന്നി​ലേ​ക്ക​ടു​പ്പി​ച്ച്‌ വെ​ച്ചു. ബാ​ങ്ക്‌ കൊ​ടു​ത്ത​തേ പി​ന്നെ ഓ​ർ​മ​യു​ള​ളൂ, ശു​ഭം..