ചെ​ല​വ​ഴി​ക്കു​ന്ന​വ​രു​ടെ ഉ​പ​മ

ചെ​ല​വ​ഴി​ച്ചാ​ൽ കു​റ​ഞ്ഞു​പോ​കു​മെ​ന്നാ​ണ് ന​മ്മു​ടെ പൊ​തു​വെ​യു​ള്ള ധാ​ര​ണ. എ​ന്നാ​ൽ ക്രി​യാ​ത്മ​ക​വും പ്ര​യോ​ജ​ന​പ്ര​ദ​വു​മാ​യ കാ​ര്യ​ങ്ങ​ളി​ൽ ചെ​ല​വ​ഴി​ക്ക​പ്പെ​ടു​മ്പോ​ഴാ​ണ് സ​മൂ​ഹം വ​ള​രു​ന്ന​തും വി​ക​സി​ക്കു​ന്ന​തും. സ​മ്പ​ന്ന​രി​ൽ മാ​ത്രം സ​മ്പ​ത്ത് ക​റ​ങ്ങു​മ്പോ​ൾ സ​മൂ​ഹം മു​ര​ടി​ച്ചു​പോ​കു​ന്നു.പാ​വ​ങ്ങ​ൾ​ക്കും അ​നാ​ഥ​ർ​ക്കും അ​ഗ​തി​ക​ൾ​ക്കും അ​ധ​സ്​​ഥി​ത​ർ​ക്കും അ​വ​ഗ​ണി​ക്ക​പ്പെ​ടു​ന്ന​വ​ർ​ക്കും വേ​ണ്ടി ചെ​ല​വ​ഴി​ക്കു​ന്ന​ത് ഒ​രി​ക്ക​ലും ന​ഷ്​​ട​മ​ല്ല, മ​റി​ച്ച് ലാ​ഭ​മാ​ണ്. അ​വ​രെ സ​മൂ​ഹ​ത്തി​ന്റെ പൊ​തു നി​ല​വാ​ര​ത്തി​ലേ​ക്ക് കൈ​പി​ടി​ച്ചു​യ​ർ​ത്തു​ക​യാ​ണ് അ​ത് വ​ഴി നാം ​ചെ​യ്യു​ന്ന​ത്. അ​ത് ദൈ​വ​മാ​ർ​ഗ​ത്തി​ലു​ള്ള ചെ​ല​വ​ഴി​ക്ക​ലാ​ണ്. പു​ണ്യ​ത്തെ വി​ശ​ദീ​ക​രി​ച്ചു​കൊ​ണ്ട് അ​ല്ലാ​ഹു പ​റ​യു​ന്നു.

നി​ങ്ങ​ള്‍ കി​ഴ​ക്കോ​ട്ടോ പ​ടി​ഞ്ഞാ​റോ​ട്ടോ ‎മു​ഖം​തി​രി​ക്കു​ന്ന​ത​ല്ല പു​ണ്യം. പി​ന്നെ​യോ, ‎അ​ല്ലാ​ഹു​വി​ലും അ​ന്ത്യ​ദി​ന​ത്തി​ലും മ​ല​ക്കു​ക​ളി​ലും ‎വേ​ദ​ഗ്ര​ന്ഥ​ത്തി​ലും പ്ര​വാ​ച​ക​ന്മാ​രി​ലും വി​ശ്വ​സി​ക്കു​ക; ‎സ​മ്പ​ത്തി​നോ​ട് ഏ​റെ പ്രി​യ​മു​ണ്ടാ​യി​രി​ക്കെ അ​ത് ‎അ​ടു​ത്ത ബ​ന്ധു​ക്ക​ള്‍ക്കും അ​നാ​ഥ​ക​ള്‍ക്കും അ​ഗ​തി​ക​ള്‍ക്കും ‎വ​ഴി​യാ​ത്ര​ക്കാ​ര്‍ക്കും ചോ​ദി​ച്ചു​വ​രു​ന്ന​വ​ര്‍ക്കും അ​ടി​മ ‎മോ​ച​ന​ത്തി​നും ചെ​ല​വ​ഴി​ക്കു​ക; ന​മ​സ്കാ​രം ‎നി​ഷ്ഠ​യോ​ടെ നി​ര്‍വ​ഹി​ക്കു​ക; സ​കാ​ത്ത് ന​ല്‍കു​ക; ‎ക​രാ​റു​ക​ളി​ലേ​ര്‍പ്പെ​ട്ടാ​ല​വ പാ​ലി​ക്കു​ക; ‎പ്ര​തി​സ​ന്ധി​ക​ളി​ലും വി​പ​ത്ഘ​ട്ട​ങ്ങ​ളി​ലും യു​ദ്ധ​രം​ഗ​ത്തും ‎ക്ഷ​മ പാ​ലി​ക്കു​ക; ഇ​ങ്ങ​നെ ചെ​യ്യു​ന്ന​വ​രാ​ണ് ‎പു​ണ്യ​വാ​ന്മാ​ര്‍. അ​വ​രാ​ണ് സ​ത്യം പാ​ലി​ച്ച​വ​ര്‍. അ​വ​ര്‍ ‎ത​ന്നെ​യാ​ണ് യ​ഥാ​ര്‍ഥ ഭ​ക്ത​ന്മാ​ര്‍ (വി​ശു​ദ്ധ ഖു​ർ​ആ​ൻ 2:177).

ഇ​ങ്ങ​നെ അ​ല്ലാ​ഹു​വി​ന്റെ മാ​ർ​ഗ​ത്തി​ൽ ചെ​ല​വ​ഴി​ക്കു​ന്ന​തി​നെ​ക്കു​റി​ച്ച് മ​നോ​ഹ​ര​മാ​യ ഒ​രു ഉ​ദാ​ഹ​ര​ണ​മു​ണ്ട് ഖു​ർ​ആ​നി​ൽ. അ​തി​ങ്ങ​നെ വാ​യി​ക്കാം. ദൈ​വ​മാ​ര്‍ഗ​ത്തി​ല്‍ ത​ങ്ങ​ളു​ടെ ധ​നം ‎ചെ​ല​വ​ഴി​ക്കു​ന്ന​വ​രു​ടെ ഉ​പ​മ​യി​താ: ഒ​രു ധാ​ന്യ​മ​ണി; അ​ത് ‎ഏ​ഴ് ക​തി​രു​ക​ളെ മു​ള​പ്പി​ച്ചു. ഓ​രോ ക​തി​രി​ലും നൂ​റു ‎മ​ണി​ക​ള്‍. അ​ല്ലാ​ഹു അ​വ​നി​ച്ഛി​ക്കു​ന്ന​വ​ര്‍ക്ക് ഇ​വ്വി​ധം ‎ഇ​ര​ട്ടി​യാ​യി കൂ​ട്ടി​ക്കൊ​ടു​ക്കു​ന്നു. അ​ല്ലാ​ഹു ഏ​റെ ‎വി​ശാ​ല​ത​യു​ള്ള​വ​നും സ​ര്‍വ​ജ്ഞ​നു​മാ​ണ് (വി​ശു​ദ്ധ ഖു​ർ​ആ​ൻ 2:177)‎. ഇ​വി​ടെ ചെ​ല​വ​ഴി​ക്കു​ന്ന​ത് ലാ​ഭ​ക​ര​മാ​യ ഒ​രു നി​ക്ഷേ​പ​മാ​യി മാ​റു​ന്നു. എ​ഴു​നൂ​റി​ര​ട്ടി ലാ​ഭം ല​ഭി​ക്കു​ന്ന ഒ​രു സു​ര​ക്ഷി​ത നി​ക്ഷേ​പ വി​സ്​​മ​യം!