വി​​ശ്വാ​​സി ഊ​​ർ​​ജം സം​​ഭ​​രി​​ക്കു​​ന്ന കാ​​ലം

ശ്രേ​ഷ്ഠ​മാ​ക്ക​പ്പെ​ട്ട മാ​സ​ങ്ങ​ളും ദി​വ​സ​ങ്ങ​ളും ആ​ഗ​ത​മാ​കു​മ്പോ​ൾ ന​മു​ക്ക് സ​ന്തോ​ഷ​വും പ്ര​തീ​ക്ഷ​യു​മു​ണ്ടാ​ക​ണം. ന​ന്മ​ക​ൾ​ക്ക് എ​ത്ര​യോ ഇ​ര​ട്ടി പ്ര​തി​ഫ​ലം ല​ഭി​ക്കു​ന്ന മ​നോ​ഹ​ര​മാ​യ മു​ഹൂ​ർ​ത്ത​മാ​ണ് പ​രി​ശു​ദ്ധ റ​മ​ദാ​ൻ. വി​ശ്വാ​സി​യെ സം​ബ​ന്ധി​ച്ചി​ട​ത്തോ​ളം റ​മ​ദാ​ൻ ഒ​രു കൊ​യ്ത്തുകാ​ല​മാ​ണ്.

ഖു​ർ​ആ​ൻ അ​വ​തീ​ർ​ണ​മാ​യ പ​രി​ശു​ദ്ധ മാ​സം. സം​സ്ക​ര​ണ​ത്തി​ന്റെ​യും വി​ശു​ദ്ധി​യു​ടെ​യും പാ​പ​മോ​ച​ന​ത്തി​ന്റെ​യും സു​വ​ർ​ണ ദി​ന​ങ്ങ​ൾ. നോ​മ്പ് നി​ർ​ബ​ന്ധ​മാ​ക്കി​യ​ത് ഭ​യ​ഭ​ക്തി​യു​ണ്ടാ​കാ​ൻവേ​ണ്ടി​യാ​ണെ​ന്നാ​ണ് ഖു​ർ​ആ​നി​ന്റെ അ​ധ്യാ​പ​നം. ആ​ത്മീ​യ പു​രോ​ഗ​തി​ക്കുവേ​ണ്ടി ഈ ​സു​ദി​ന​ങ്ങ​ൾ വി​നി​യോ​ഗി​ക്ക​പ്പെ​ട​ണം. നോ​മ്പു​കാ​ല​ത്തെ ഖു​ർ​ആ​ൻ പാ​രാ​യ​ണം മ​ന​സ്സി​നെ​യും ശ​രീ​ര​ത്തെ​യും സം​സ്ക​രി​ക്കു​വാ​നു​ള്ള അ​വ​സ​ര​മാ​ക്ക​ണം.

ശാ​രീ​രി​ക​വും ആ​ത്മീ​യ​വു​മാ​യ രോ​ഗ​ങ്ങ​ൾ​ക്ക് കാ​ര​ണ​മാ​കു​ന്ന ഒ​ന്നാ​ണ് നി​റ​വ​യ​ർ. മ​ഹാ​നാ​യ മ​ഖ്ദൂം ആ​ത്മീ​യ രോ​ഗ​ങ്ങ​ൾ​ക്കു​ള്ള മ​രു​ന്നു​ക​ളെ​ണ്ണി​യ​തി​ൽ ഒ​ന്നാ​യി​രു​ന്നു വ​യ​ർ കാ​ലി​യാ​ക്കി​യി​ട​ൽ. അ​തി​ന്റെ ഗു​ണ​ങ്ങ​ൾ ലോ​കം തി​രി​ച്ച​റി​ഞ്ഞ് തു​ട​ങ്ങി​യ​തി​ന്റെ ബാ​ക്കി​പ​ത്ര​മാ​യാ​ണ്, യൂ​റോ​പ്പി​ലും മ​റ്റു പാ​ശ്ചാ​ത്യ രാ​ജ്യ​ങ്ങ​ളി​ലും ഇ​ന്റ​ർ​മി​റ്റ​ന്റ് ഫാ​സ്റ്റിങ് എ​ന്ന സം​സ്കാ​രം. അ​തു​പോ​ലെ, നോ​മ്പ് തു​റ​പ്പി​ക്ക​ലും ഭ​ക്ഷ​ണം ന​ൽ​ക​ലും അ​പ​ര​ന്റെ ആ​രോ​ഗ്യ​ത്തി​നും ആ​രാ​ധ​ന​ക്കും വേ​ണ്ട ഒ​ത്താ​ശ ന​ൽ​ക​ലാ​ണ്. നോ​മ്പു​കാ​ര​ന് ല​ഭി​ക്കു​ന്ന സ​മാ​ന​മാ​യ പ്ര​തി​ഫ​ലം ഒ​ട്ടും കു​റ​യാ​തെ ത​ന്നെ നോ​മ്പ് തു​റ​പ്പി​ച്ച​വ​നും ല​ഭി​ക്കു​ന്ന​താ​ണ്. ആ​യ​തി​നാ​ൽ, ക​ഴി​യു​ന്ന​ത്ര ആ​ളു​ക​ളെ നോ​മ്പു തു​റ​പ്പി​ക്കാ​ൻ ന​മു​ക്ക് സാ​ധി​ക്ക​ണം.

വൈ​കാ​രി​ക​മാ​യി അ​ച്ച​ട​ക്കം ക​ര​സ്ഥ​മാ​ക്കാ​നു​ള്ള ശ്ര​മ​ങ്ങ​ളും വി​ശ്വാ​സി​യു​ടെ ഭാ​ഗ​ത്തു നി​ന്നു​മു​ണ്ടാ​ക​ണം. ദേ​ഷ്യ​വും അ​സൂ​യ​യും പ​ക​യും വെ​ടി​യ​ണം. തി​രു​ന​ബി പ​ഠി​പ്പി​ക്കു​ന്നു: നോ​മ്പ് വി​ശ്വാ​സി​ക്ക് പ​രി​ച​യാ​ണ്. മോ​ശ​മാ​യ കാ​ര്യ​ങ്ങ​ളി​ലോ വി​വ​ര​ദോ​ഷി​ക​ളു​ടെ വി​നോ​ദ​ങ്ങ​ളി​ലോ സ​മ​യം ചെ​ല​വ​ഴി​ക്ക​രു​ത്.

ന​മ്മെ ആ​ക്ര​മി​ക്കു​ന്ന​വ​രോ​ടും അസഭ്യം വി​ളി​ക്കു​ന്ന​വ​രോ​ടും, 'ഞാ​ൻ നോ​മ്പു​കാ​ര​നാ​ണ്' എ​ന്ന ബോ​ധ​ത്തി​ൽ, പ്ര​തി​ക​രി​ക്കാ​തെ മാ​റി നി​ൽ​ക്ക​ണം. താ​ഴ്മ​യും കാ​രു​ണ്യ​വും പ​രി​ശീ​ലി​ക്കാ​ൻ ഈ ​സു​ദി​ന​ങ്ങ​ളെ ഉ​പ​യോ​ഗ​പ്പെ​ടു​ത്ത​ണം.

നി​രാ​ലം​ബ​രെ സ​ഹാ​യി​ക്കാ​നും ന​ന്മ​ക​ളി​ൽ വ്യാ​പൃ​ത​രാ​കാ​നും റ​മ​ദാ​ൻ മാ​സ​ത്തി​ൽ പ്ര​ത്യേ​ക ഉ​ത്സാ​ഹം വേ​ണം. റ​മ​ദാ​നി​ൽ ധാ​രാ​ളം ധ​ർ​മം ചെ​യ്യു​ന്ന​വ​രാ​യി​രു​ന്നു തി​രു​ന​ബി. ന​ന്മ​ക​ൾ​ക്കു വേ​ണ്ടി സ​മ​യം ചെ​ല​വ​ഴി​ക്കു​മ്പോ​ൾ അ​കം തെ​ളി​ഞ്ഞു തെ​ളി​ഞ്ഞു വ​രും. അ​തു പു​തി​യൊ​രു ജീ​വി​ത ക്ര​മ​ത്തെ​യും ശാ​രീ​രി​ക​വും ആ​ത്മീ​യ​വു​മാ​യ ഉ​ണ​ർ​വി​നെ​യും സ​മ്മാ​നി​ക്കും. വി​ശു​ദ്ധ റ​മ​ദാ​ൻ സ​മാ​ഗ​ത​മാ​യി​ട്ടും വേ​ണ്ട വി​ധ​ത്തി​ൽ അ​തി​നെ സ്വീ​ക​രി​ക്കാ​ൻ സാ​ധി​ക്കാ​ത്ത​വ​ന് അ​ല്ലാ​ഹു​വി​ന്റെ കോ​പ​മു​ണ്ടാ​ക​ട്ടെ എ​ന്ന് മ​ല​ക്ക് ജി​ബ് രീ​ലി​ന്‍റെ പ്രാ​ർ​ഥ​ന​ക്ക് തി​രു​ന​ബി ആ​മീ​ൻ പ​റ​ഞ്ഞ ച​രി​ത്രം ഓ​ർ​മ​യി​ലു​ണ്ടാ​ക​ട്ടെ.