നോ​മ്പി​ന്റെ ന​ന്മ ബ​ഹ്റൈ​നി​ലും അ​യ​ർ​ല​ൻ​ഡി​ലും

ക​ണ്ണൂ​ർ ജി​ല്ല​യി​ലെ വ​ള​പ​ട്ട​ണ​ത്തു​ള്ള ക​ട​വ് റോ​ഡി​ലെ മ​യ്യി​ൻ​ക്കാ​ര​ൻ ബാ​വ​ക്കാ​ന്റെ​വി​ട നാ​സി​ല​യു​ടെ​യും സ്വ​ന്തം ത​റ​വാ​ടി​ന്റെ പേ​രി​ൽ പ​ള്ളി​യു​ള്ള പു​ഴ​യ​രു​വ​ത്ത് ത​റ​വാ​ടം​ഗ​മാ​യ സു​ബൈ​റി​ന്റെ​യും മ​ക​ളാ​യാ​ണ് ജ​ന​നം. ര​ണ്ട​ര വ​യ​സ്സു​ള്ള​പ്പോ​ൾ ഉ​പ്പ പ്ര​വാ​സ​ജീ​വി​തം ന​യി​ക്കു​ന്ന ബ​ഹ്റൈ​നി​ലെ​ത്തി​യ​താ​ണ്. ഇ​രു​പ​ത് വ​ർ​ഷ​ത്തോ​ളം ജീ​വി​ച്ച ബ​ഹ്റൈ​നി​ലെ നോ​മ്പ​നു​ഭ​വം ജീ​വി​ത​ത്തി​ൽ മ​റ​ക്കാ​ൻ ക​ഴി​യാ​ത്ത​താ​ണ്. ക​ല്യാ​ണ​ത്തി​ന് ശേ​ഷം ഇ​പ്പോ​ൾ ജീ​വി​ക്കു​ന്ന യു.​കെ​യു​ടെ ഭാ​ഗ​മാ​യു​ള്ള നോ​ർ​തേ​ൺ അ​യ​ർ​ല​ൻ​ഡി​ലെ നോ​മ്പ​നു​ഭ​വം മ​റ്റൊ​ന്നാ​ണ്.

ഉ​പ്പ​യു​ടെ സാ​മൂ​ഹി​ക സം​ഘ​ട​നാ ജീ​വി​തം മൂ​ലം ഓ​രോ നോ​മ്പു​തു​റ​ക​ളും ഓ​ർ​മ​ക​ളാ​ൽ സ​മൃ​ദ്ധ​മാ​യി​രു​ന്നു. ഉ​പ്പ​യു​ടെ​യും ഉ​മ്മ​യു​ടെ​യും കു​ടും​ബാം​ഗ​ങ്ങ​ളി​ൽ ഭൂ​രി​ഭാ​ഗ​വും ബ​ഹ്റൈ​ൻ പ്ര​വാ​സി​ക​ളാ​യ​തു​കൊ​ണ്ട് ത​ന്നെ നോ​മ്പു​കാ​ല​ത്ത് നാ​ട്ടി​ലി​ല്ലാ​ത്ത​ത് ഒ​രി​ക്ക​ലും പ്ര​ശ്ന​മാ​യി തോ​ന്നി​യി​ട്ടി​ല്ല. വ​ർ​ഷ​ങ്ങ​ളോ​ളം താ​മ​സി​ച്ച മ​നാ​മ ജൂ​ഫ്രി ഗ​ല്ലി​യി​ലെ വീ​ട്ടി​ൽ നോ​മ്പ് ഒ​ന്നു​മു​ത​ൽ സ​മൂ​ഹ​ത്തി​ലെ വ്യ​ത്യ​സ്ത തു​റ​ക​ളി​ലു​ള്ള​വ​ർ നോ​മ്പ് തു​റ​ക്കാ​നെ​ത്താ​റു​ണ്ട്. ഉ​പ്പ​യു​ടെ അ​നു​ജ​ന്റെ കു​ടും​ബ​വും ഞ​ങ്ങ​ളും ഒ​രു സ്ഥ​ല​ത്ത് 18 വ​ർ​ഷ​ത്തോ​ളം ഒ​രു​മി​ച്ചാ​ണ് താ​മ​സി​ച്ച​ത്. എ​ല്ലാ​വ​രും ​ചേ​ർ​ന്നു​ള്ള ആ ​നോ​മ്പ​നു​ഭ​വ​ങ്ങ​ൾ വ​ള​രെ ആ​ഹ്ലാ​ദ​ക​ര​മാ​യി​രു​ന്നു. എ​നി​ക്ക് ഓ​ർ​മ​വെ​ച്ച കാ​ലം തൊ​ട്ടേ ഉ​പ്പ​യെ നോ​മ്പ് തു​റ​ക്കാ​നൊ​ന്നും കൂ​ടെ കി​ട്ടാ​റി​ല്ല.

നോ​മ്പി​ന്റെ മ​ഹ​ത്താ​യ സ​ന്ദേ​ശ​മാ​യ സ​ഹ​ജീ​വി​യു​ടെ വ​യ​റ്റി​ലെ വി​ശ​പ്പി​ന്റെ പ്ര​യാ​സം മ​ന​സ്സി​ലാ​ക്കാ​ൻ, ഉ​പ്പ​യു​ടെ​യും ഉ​മ്മ​യു​ടെ​യും ന​ല്ല ഇ​ട​പെ​ട​ൽ ക​ണ്ടു​വ​ള​ർ​ന്ന​ത് കൊ​ണ്ടു​ത​ന്നെ ചെ​റു​പ്പ​ത്തി​ലേ ക​ഴി​ഞ്ഞി​ട്ടു​ണ്ട്. റ​മ​ദാ​നി​ലും അ​ല്ലാ​ത്ത​പ്പോ​ഴും വീ​ട്ടി​ൽ അ​തി​ഥി​ക​ളെ ക്ഷ​ണി​ക്കു​ക​യും സ്വീ​ക​രി​ക്കു​ക​യും ചെ​യ്യു​ന്ന കാ​ര്യ​ത്തി​ൽ ഉ​പ്പ​യും ഉ​മ്മ​യും ഒ​രേ മ​ന​സ്സു​കാ​രാ​യി​രു​ന്നു.

അ​തു​പോ​ലെ ത​ന്നെ മ​റ്റു മ​ത​സ്ഥ​ർ​ക്കും സ​കാ​ത് കൊ​ടു​ക്കു​ന്ന ശീ​ലം ചെ​റു​പ്പ​ത്തി​ലേ ഉ​പ്പ പ​ഠി​പ്പി​ച്ചി​രു​ന്നു. എ​ല്ലാ മ​ത​ക്കാ​രെ​യും മ​നു​ഷ്യ​രാ​യി ക​ണ്ട് അ​വ​രു​ടെ പ്ര​യാ​സ​ത്തി​നാ​ണ് സ​ഹാ​യം. അ​ല്ലാ​തെ പേ​രി​ന​ല്ല സ​കാ​തും മ​റ്റ് സ​ഹാ​യ​ങ്ങ​ളും കൊ​ടു​ക്കേ​ണ്ട​ത് എ​ന്ന് ഉ​പ്പ എ​പ്പോ​ഴും പ​റ​ഞ്ഞ് പ​ഠി​പ്പി​ക്കാ​റു​ണ്ട്. ഇ​ത്ര​യും വ​ർ​ഷ​ത്തെ നോ​മ്പ​നു​ഭ​വ​ത്തി​ൽ ഉ​പ്പ​യു​ടെ പാ​ർ​ട്ടി നേ​താ​ക്ക​ളാ​യ പി​ണ​റാ​യി വി​ജ​യ​ൻ, ഇ.​പി. ജ​യ​രാ​ജ​ൻ, എം.​വി. ജ​യ​രാ​ജ​ൻ, പി. ​ശ​ശി, എം.​വി. ഗോ​വി​ന്ദ​ൻ മാ​ഷ്, സ​ജീ​വ​ൻ തേ​നാ​യി, സി.​വി. നാ​രാ​യ​ണേ​ട്ട​ന​ട​ക്ക​മു​ള്ള​വ​രും മ​റ്റ് പ്ര​വ​ർ​ത്ത​ക​രും എ​ന്റെ നി​ക്കാ​ഹി​ന് ബ​ഹ്റൈ​നി​ൽ നേ​തൃ​ത്വം ന​ൽ​കി​യ ഫ​ക്രു​ദ്ദീ​ൻ ത​ങ്ങ​ള​ട​ക്ക​മു​ള്ള മ​റ്റ് സാം​സ്കാ​രി​ക സം​ഘ​ട​ന പ്ര​വ​ർ​ത്ത​ക​രും കു​ടും​ബ​സ​മേ​തം എ​ത്ര​യോ ത​വ​ണ വീ​ട്ടി​ൽ അ​തി​ഥി​ക​ളാ​യി​ട്ടു​ണ്ട്.

ഇ​പ്പോ​ൾ കു​റ​ച്ച് വ​ർ​ഷ​ങ്ങ​ളാ​യി നോ​ർ​തേ​ൺ അ​യ​ർ​ല​ൻ​ഡി​ലാ​ണ് ഞാ​ൻ. ഇ​വി​ട​ത്തെ​പോ​ലെ ബാ​ങ്കൊ​ന്നും കേ​ൾ​ക്കി​ല്ലെ​ങ്കി​ലും സ​മ​യ​ത്തി​ന്റെ അ​പ്ഡേ​ഷ​ൻ അ​വി​ട​ത്തെ ഇ​സ് ലാ​മി​ക് ഓ​ർ​ഗ​നൈ​സേ​ഷ​ൻ പ്ര​സി​ദ്ധീ​ക​രി​ക്കു​ന്ന​തു കൊ​ണ്ട് വ​ലി​യ പ്ര​യാ​സ​മി​ല്ല. സ​മൂ​ഹ നോ​മ്പു​തു​റ​യൊ​ക്കെ വ​ള​രെ കു​റ​വാ​ണ്. ത​ണു​പ്പ് പ്ര​ദേ​ശ​മാ​യ​തു​കൊ​ണ്ട് നോ​മ്പ് സ​മ​യം നീ​ണ്ടു​പോ​യാ​ലും ശ​രീ​ര​ത്തി​നെ വ​ലി​യ​തോ​തി​ൽ ബാ​ധി​ക്കാ​റി​ല്ല. ഈ ​ത​വ​ണ അ​വി​ട​ത്തെ ഇ​സ് ലാ​മി​ക് ഓ​ർ​ഗ​നൈ​സേ​ഷ​ൻ ഇ​ഫ്താ​ർ സം​ഗ​മ​മൊ​ക്കെ കു​റ​ച്ച് സ​കാ​ത​ട​ക്കം അ​തി​ജീ​വ​ന​ത്തി​നാ​യി പൊ​രു​തു​ന്ന ഫ​ല​സ്തീ​നി​ക​ൾ​ക്കാ​ണ് എ​ത്തി​ക്കു​ന്ന​ത്.

അ​ത്ത​രം കൂ​ട്ടാ​യ്മ​യു​ടെ കൂ​ടെ ചെ​റി​യ പ​ങ്കാ​ളി​ത്തം വ​ഹി​ക്കാ​ൻ ക​ഴി​യു​ന്ന​ത് ജീ​വി​ത​ത്തി​ലെ ഏ​റ്റ​വും വ​ലി​യ കാ​ര്യ​മാ​യാ​ണ് കാ​ണു​ന്ന​ത്. സ​ഹോ​ദ​ര​ങ്ങ​ൾ പ്ര​വാ​സ​ജീ​വി​തം ന​യി​ക്കു​ന്ന ല​ണ്ട​ൻ ടൗ​ണി​ൽ ബ​ഹ്റൈ​നി​ലേ​ത് പോ​ലെ​ത​ന്നെ പ​ള്ളി​ക​ളി​ലൊ​ക്കെ വി​പു​ല​മാ​യ സ​മൂ​ഹ നോ​മ്പു​തു​റ ഉ​ണ്ടാ​വാ​റു​ണ്ട്.