ഇ​രു​ൾ​വീ​ഴാ​ത്ത മ​ന​സ്സു​മാ​യി ഇ​ന്ദു​ലേ​ഖ​യു​ടെ കാ​രു​ണ്യ​ഹ​സ്തം

ദു​ബൈ: ക​ൺ​നി​റ​യെ ഇ​രു​ട്ടാ​ണെ​ങ്കി​ലും ഇ​ന്ദു​ലേ​ഖ​യു​ടെ അ​ക​ക്ക​ണ്ണി​ൽ പ​ട്ടി​ണി കി​ട​ക്കു​ന്ന​വ​ന്‍റെ മു​ഖ​ത്തി​ന് ഒ​രേ ഛായ​യാ​ണ്. മ​ങ്ങ​ലേ​ൽ​ക്കാ​ത്ത ഹൃ​ദ​യ​വു​മാ​യി ഒ​ന്ന​ര​പ​തി​റ്റാ​ണ്ടാ​യി യു.​എ.​ഇ​യി​ലെ തൊ​ഴി​ലാ​ളി​ക​ൾ​ക്കി​ട​യി​ലേ​ക്ക് ഒ​ഴു​കി​യെ​ത്തു​ക​യാ​ണ്​​ ഈ ​ക​ണ്ണൂ​രു​കാ​രി. റ​മ​ദാ​നി​ലെ ഓ​രോ വൈ​കു​ന്നേ​ര​ങ്ങ​ളി​ലും ദു​ബൈ​യി​ലെ താ​മ​സ​സ്ഥ​ല​ത്തു​നി​ന്ന്​ ഇ​ന്ദു​ലേ​ഖ​യു​ടെ കാ​ർ തൊ​ഴി​ലാ​ളി​ക​ളെ ല​ക്ഷ്യ​മി​ട്ട്​ ഉ​രു​ണ്ടു​തു​ട​ങ്ങും. എ​ല്ലാ​വ​രും ലേ​ബ​ർ ക്യാ​മ്പു​ക​ളി​ൽ ശ്ര​ദ്ധ​കേ​ന്ദ്രീ​ക​രി​ക്കു​മ്പോ​ൾ ഇ​ന്ദു​ലേ​ഖ എ​ത്തു​ന്ന​ത്​ തൊ​ഴി​ലി​ട​ങ്ങ​ളി​ലേ​ക്കാ​ണ്. സൈ​ക്കി​ളി​ൽ സ്ക്രാ​പ്​ ശേ​ഖ​രി​ക്കു​ന്ന​വ​ർ, കാ​ർ​ട്ട​ൺ ​ശേ​ഖ​രി​ക്കു​ന്ന തൊ​ഴി​ലാ​ളി​ക​ൾ, വ​ഴി​യ​രി​കി​ലി​രു​ന്ന്​ ബാ​ഗു​ക​ളും ചെ​രി​പ്പു​ക​ളും തു​ന്നു​ന്ന​വ​ർ... ഇ​ങ്ങ​നെ​യു​ള്ള​വ​രി​ലേ​ക്കാ​ണ്​ റ​മ​ദാ​നി​​ലെ 30 ദി​വ​സ​വും ഇ​ന്ദു​ലേ​ഖ സ​ഹാ​യ​മൊ​ഴു​ക്കു​ന്ന​ത്. ഭ​ർ​ത്താ​വ്​ മു​ര​ളീ​ധ​ര​നും ഒ​പ്പ​മു​ണ്ടാ​കും. ദി​വ​സ​വും 10 മു​ത​ൽ 50 കി​റ്റു​ക​ൾ വ​രെ വി​ത​ര​ണം ചെ​യ്യും.

17 വ​ർ​ഷ​ത്തി​നി​ടെ കോ​വി​ഡ്​ കാ​ല​ത്തൊ​ഴി​കെ മു​ട​ങ്ങാ​തെ തു​ട​രു​ക​യാ​ണ്​ ഈ ​ച​ര്യ. എ​ല്ലാ​വ​രും സം​ഘ​ട​ന​യു​ടെ ബാ​ന​റി​ലോ കൂ​ട്ട​മാ​യോ സ​ഹാ​യം എ​ത്തി​ക്കു​മ്പോ​ൾ ഇ​ന്ദു​ലേ​ഖ ത​നി​ച്ചാ​ണ്​ ഈ ​സേ​വ​നം ന​ൽ​കു​ന്ന​ത്. ഭ​ർ​ത്താ​വി​നൊ​പ്പം ഷാ​ർ​ജ​യി​ലെ തൊ​ഴി​ലി​ട​ങ്ങ​ളി​ൽ കാ​റി​ലൂ​ടെ ചു​റ്റി​ക്ക​റ​ങ്ങും. ഇ​തി​നി​ട​യി​ൽ കാ​ണു​ന്ന​വ​ർ​ക്കാ​ണ്​ ഇ​ഫ്താ​ർ കി​റ്റു​ക​ൾ ന​ൽ​കു​ന്ന​ത്. ജ്യൂ​സ്, ബി​സ്​​ക​റ്റ്, പ​ഴ​ങ്ങ​ൾ തു​ട​ങ്ങി​യ​വ വീ​ട്ടി​ൽ​ത​ന്നെ പാ​ക്ക്​ ചെ​യ്യും.

ഹോ​ട്ട​ലി​ൽ​നി​ന്ന്​ ബി​രി​യാ​ണി വാ​ങ്ങും. ഓ​രോ ദി​വ​സ​വും ചി​ത്ര​ങ്ങ​ൾ സ​മൂ​ഹ​മാ​ധ്യ​മ​ങ്ങ​ളി​ൽ പോ​സ്റ്റ്​ ചെ​യ്യാ​റു​ണ്ട്. മ​റ്റു​ള്ള​വ​രെ അ​റി​യി​ക്കാ​ൻ വേ​ണ്ടി​യ​ല്ല, പ്ര​ചോ​ദ​ന​മേ​കാ​നാ​ണ്​ ചി​ത്ര​ങ്ങ​ൾ പോ​സ്റ്റ്​ ചെ​യ്യു​ന്ന​തെ​ന്ന്​ ഇ​ന്ദു​ലേ​ഖ പ​റ​യു​ന്നു. ത​ന്‍റെ മാ​തൃ​ക പി​ൻ​പ​റ്റി ഇ​ത്ത​രം തൊ​ഴി​ലാ​ളി​ക​ളി​ലേ​ക്ക്​ ഭ​ക്ഷ​ണം എ​ത്തി​ക്കാ​ൻ പ​ല​രും മു​ന്നോ​ട്ടു​വ​രു​ന്ന​തി​ന്‍റെ സ​ന്തോ​ഷ​വും ഇ​ന്ദു​ലേ​ഖ​ക്കു​ണ്ട്. ദു​ബൈ​യി​ൽ ഇ​ല​ക്​​ട്രോ മെ​ക്കാ​നി​ക്ക​ൽ കോ​ൺ​ട്രാ​ക്ട് സ്ഥാ​പ​നം ന​ട​ത്തു​ന്ന ദ​മ്പ​തി​ക​ൾ ബി​സി​ന​സി​ന്‍റെ നി​ശ്ചി​ത ശ​ത​മാ​നം ഇ​തു​പോ​ലു​ള്ള സ​ഹാ​യ​ങ്ങ​ൾ​ക്കാ​യി നീ​ക്കി​വെ​ക്കാ​റു​ണ്ട്. റ​മ​ദാ​ൻ അ​ല്ലാ​ത്ത​പ്പോ​ഴും തൊ​ഴി​ലാ​ളി​ക​ൾ​ക്ക്​ ഭ​ക്ഷ​ണ​വും സ​ഹാ​യ​വും ന​ൽ​കാ​റു​ണ്ട്. ​വീ​ടു​വെ​ക്കു​ന്ന​വ​ർ​ക്കും വി​വാ​ഹ​ത്തി​നും ക​ഴി​യു​ന്ന​ത്ര സ​ഹാ​യം ചെ​യ്യു​ന്ന ഇ​ന്ദു​ലേ​ഖ​ക്ക്​ വ​ലി​യൊ​രു സ്വ​പ്നം മു​ന്നി​ലു​ണ്ട്. പ​ണ​മി​ല്ലാ​ത്ത​തി​ന്‍റെ പേ​രി​ൽ ക​ണ്ണു​ചി​കി​ത്സ​ക്ക്​ ബു​ദ്ധി​മു​ട്ടു​ന്ന​വ​ർ​ക്ക്​ സാ​മ്പ​ത്തി​ക​മാ​യി സ​ഹാ​യം ചെ​യ്യു​ക, ഈ ​ല​ക്ഷ്യം നി​റ​വേ​റ്റാ​നു​ള്ള ഒ​രു​ക്ക​ത്തി​ലാ​ണ്​ അ​വ​ർ.

കാ​ഴ്ച​ക്കു​റ​വു​മാ​യി പി​റ​ന്നു​വീ​ണ ക​ണ്ണൂ​ർ മാ​ങ്ക​ട​വ്​ അ​രോ​ളി സ്വ​ദേ​ശി ഇ​ന്ദു​ലേ​ഖ​യു​ടേ​ത്​ അ​തി​ജീ​വ​ന​ത്തി​ന്‍റെ ക​ഥ​യാ​ണ്. ജ​ന്മ​നാ കാ​ഴ്ച​ക്കു​റ​വു​ണ്ടാ​യി​രു​ന്നെ​ങ്കി​ലും മൂ​ന്നാം വ​യ​സ്സി​ലാ​ണ്​ ഇ​ത്​ തി​രി​ച്ച​റി​ഞ്ഞ​ത്. വ​യ​സ്സേ​റു​ന്തോ​റും കാ​ഴ്ച കു​റ​ഞ്ഞു​കൊ​ണ്ടി​രു​ന്നു. 1995ലാ​ണ്​ കാ​ഴ്ച തി​രി​ച്ചു​കി​ട്ടി​ല്ല എ​ന്ന സ​ത്യം മ​ന​സ്സി​ലാ​ക്കി​യ​ത്. ഇ​ന്ദു​ലേ​ഖ​യു​ടെ അ​വ​സ്ഥ മ​ന​സ്സി​ലാ​ക്കി​ത​ന്നെ മു​ര​ളീ​ധ​ര​ൻ അ​വ​രെ ജീ​വി​ത​പ​ങ്കാ​ളി​യാ​യി കൂ​ട്ടി​ച്ചേ​ർ​ത്തു. 12 വ​ർ​ഷം മു​മ്പ്​ ക​ണ്ണി​ൽ പൂ​ർ​ണ​മാ​യും ഇ​രു​ൾ​വീ​ണു. സ്വ​ന്തം സ​ന്തോ​ഷം ക​ണ്ടെ​ത്താ​നാ​ണ്​ മ​റ്റു​ള്ള​വ​രി​ലേ​ക്ക്​ സ​ഹാ​യം എ​ത്തി​ക്കു​ന്ന​ത്.

അ​ക​ക്ക​ണ്ണി​ന്‍റെ വെ​ളി​ച്ച​ത്തി​ൽ പ​ഠി​ച്ച്​ ​അ​ധ്യാ​പി​ക​യാ​യി ജോ​ലി നേ​ടി. ജേ​ണ​ലി​സം പ​ഠി​ച്ച്​ പ്രാ​ദേ​ശി​ക ന്യൂ​സ്​​പേ​പ്പ​റി​ൽ ജോ​ലി ചെ​യ്തു. യു.​എ.​ഇ​യി​ൽ എ​ത്തി മി​ക​ച്ചൊ​രു സം​രം​ഭ​ക​യു​മാ​യി. ഇ​തി​നി​ട​യി​ൽ ‘ഓ​ർ​ക്കാ​നി​ഷ്ട​പ്പെ​ടു​ന്ന ഓ​ർ​മ​ക​ൾ’ എ​ന്ന പു​സ്ത​കം പ്ര​സി​ദ്ധീ​ക​രി​ച്ചു. ര​ണ്ടാം പു​സ്ത​ക​ത്തി​ന്‍റെ പ​ണി​പ്പു​ര​യി​ലാ​ണ്. നാ​ട്ടി​ലേ​ക്കു​ പോ​കു​ന്ന​തി​നി​ടെ വി​മാ​ന​ത്താ​വ​ള​ത്തി​ൽ ട്രാ​വ​ൽ ബാ​ൻ വ​ന്ന്​ നാ​ലു​ ദി​വ​സം ജ​യി​ലി​ൽ കി​ട​ക്കേ​ണ്ട അ​വ​സ്ഥ​യു​മു​ണ്ടാ​യി​ട്ടു​ണ്ട്. എ​ങ്കി​ലും, ഈ ​ജീ​വി​ത​ത്തെ ദു​രി​ത​മാ​യി കാ​ണാ​ൻ ഇ​ന്ദു​ലേ​ഖ​യെ കി​ട്ടി​ല്ല. മ​റ്റു​ള്ള​വ​രു​ടെ ദുഃ​ഖ​വും സ​ങ്ക​ട​ങ്ങ​ളും കാ​ണാ​നും സ​ഹാ​യി​ക്കാ​നും അ​ടു​ത്ത​റി​യാ​നും പു​സ്ത​ക​മെ​ഴു​താ​നു​മെ​ല്ലാം ദൈ​വം ത​ന്ന അ​നു​ഗ്ര​ഹ​മാ​ണ്​ ഈ ​കാ​ഴ്ച​യി​ല്ലാ​യ്​​മ എ​ന്ന്​ വി​ശ്വ​സി​ക്കു​ക​യാ​ണ്​ ഇ​ന്ദു​ലേ​ഖ.