ശ​ബ​രി​മ​ലയിൽ തിരക്ക്​ നിയന്ത്രണത്തിൽ വീഴ്ച; വൻ ഭക്തജനത്തിരക്ക്

ശ​ബ​രി​മ​ല: പൊ​ലീ​സ് സം​വി​ധാ​നം പാ​ടേ പാ​ളി​യ​തി​ന്​ പി​ന്നാ​ലെ സ​ന്നി​ധാ​ന​ത്ത് വ​ൻ ഭ​ക്ത​ജ​ന​ത്തി​ര​ക്ക്. തീ​ർ​ഥാ​ട​ക​രെ പ​ടി ക​യ​റ്റു​ന്ന​തി​ൽ അ​ട​ക്കം പൊ​ലീ​സി​ന് സം​ഭ​വി​ച്ച വീ​ഴ്ച​യാ​ണ് തി​ര​ക്ക് വ​ർ​ധി​ക്കാ​ൻ ഇ​ട​യാ​ക്കി​യ​ത്. മ​ണ്ഡ​ല​പൂ​ജ കാ​ല​യ​ള​വി​ൽ 80 മു​ത​ൽ 85 തീ​ർ​ഥാ​ട​ക​രെ വ​രെ ഒ​രു മി​നി​റ്റി​ൽ പ​ടി ക​യ​റ്റി​യി​രു​ന്നു. എ​ന്നാ​ൽ, ന​ട തു​റ​ന്ന തി​ങ്ക​ൾ മു​ത​ൽ ചൊ​വ്വാ​ഴ്ച ഉ​ച്ച​വ​രെ ഒ​രു മി​നി​റ്റി​ൽ പ​ടി​ക​യ​റു​ന്ന തീ​ർ​ഥാ​ട​ക​ർ 50ൽ ​താ​ഴെ​യാ​യി കു​റ​ഞ്ഞു. ഇ​തോ​ടെ തീ​ർ​ഥാ​ടക​നി​ര മ​ര​ക്കൂ​ട്ടം വ​രെ നീ​ണ്ട​ത്.

ചൊ​വ്വാ​ഴ്ച സ​ന്നി​ധാ​ന​ത്ത് എ​ത്തി​യ എ.​ഡി.​ജി.​പി എ​സ്. ശ്രീ​ജി​ത്ത് ഇ​ട​പെ​ട്ട് ഉ​ച്ച​ക്കു​ശേ​ഷം പ​ടി​ക​യ​റ്റം വേ​ഗ​ത്തി​ലാ​ക്കി​യി​ട്ടു​ണ്ട്. പ​മ്പ​യി​ൽ​നി​ന്ന്​ സ​ന്നി​ധാ​ന​ത്തേ​ക്ക് എ​ത്താ​ൻ തീ​ർ​ഥാ​ട​ക​ർ എ​ട്ടു​മ​ണി​ക്കൂ​റി​ല​ധി​കം കാ​ത്തു​നി​ൽ​ക്കേ​ണ്ട അ​വ​സ്ഥ​യാ​ണ്. മ​ര​ക്കൂ​ട്ടം മു​ത​ൽ ശ​രം​കു​ത്തി വ​രെ കു​ത്ത​നെ​യു​ള്ള ക​യ​റ്റ​ത്തി​ലും ശ​രം​കു​ത്തി മു​ത​ൽ വ​ലി​യ ന​ട​പ്പ​ന്ത​ൽ വ​രെ​യു​ള്ള കു​ത്തി​റ​ക്ക​ത്തി​ലും അ​ഞ്ചു​മ​ണി​ക്കൂ​റോ​ളം വ​രി നി​ൽ​ക്കേ​ണ്ട അ​വ​സ്ഥ​യും ഉ​ണ്ടാ​യി.

ഇ​തോ​ടെ വ​യോ​ധി​ക​രും കു​ട്ടി​ക​ളും അ​ട​ക്കം നൂ​റു​ക​ണ​ക്കി​ന് തീ​ർ​ഥാ​ട​ക​ർ വ​ല​ഞ്ഞു. തീ​ർ​ഥാ​ട​ക​ർ​ക്ക് ദാ​ഹ​ജ​ല​മോ ല​ഘു​ഭ​ക്ഷ​ണ​മോ എ​ത്തി​ക്കു​ന്ന​തി​ലും വ​ലി​യ വീ​ഴ്ച സം​ഭ​വി​ച്ചു. സ​ന്നി​ധാ​ന​ത്തെ ഉ​ന്ന​ത ഉ​ദ്യോ​ഗ​സ്ഥ​രു​ടെ നി​ർ​ദേ​ശ​പ്ര​കാ​രം ക്യൂ​വി​ൽ​നി​ന്ന്​ പു​റ​ത്തി​റ​ങ്ങാ​ൻ​പോ​ലും പൊ​ലീ​സ് അ​നു​വ​ദി​ക്കാ​തെ വ​ന്ന​തോ​ടെ നി​ര​വ​ധി തീ​ർ​ഥാ​ട​ക​ർ ത​ല​ചു​റ്റി വീ​ണു. മകരവിളക്ക് ഡ്യൂട്ടിക്ക് ചുമതലയേറ്റ പുതിയ പൊലീസ് ബാച്ചിലെ ഉദ്യോഗസ്ഥരുടെ തിരക്ക് നിയന്ത്രണത്തിലെ പരിചയ കുറവാണ് നിയന്ത്രണങ്ങൾ പാളാൻ ഇടയാക്കിയതെന്ന ആക്ഷേപം ഉയരുന്നുണ്ട്.