ആ​റ​ന്മു​ളയിൽ നിന്ന് തങ്കഅങ്കി ഘോഷയാത്ര പുറപ്പെട്ടു; ബുധനാഴ്ച പമ്പയിലെത്തും, വ്യാഴാഴ്ച ഉച്ചക്ക് മണ്ഡല പൂജ

പ​ത്ത​നം​തി​ട്ട: ശ​ബ​രി​മ​ല​യി​ൽ മ​ണ്ഡ​ല​പൂ​ജ​ക്ക്​ അ​യ്യ​പ്പ വി​ഗ്ര​ഹ​ത്തി​ൽ ചാ​ർ​ത്താ​നു​ള്ള ത​ങ്ക​അ​ങ്കി​യും വ​ഹി​ച്ചു​ള്ള ഘോ​ഷ​യാ​ത്ര ആ​റ​ന്മു​ള പാ​ർ​ഥ​സാ​ര​ഥി ക്ഷേ​ത്ര സ​ന്നി​ധി​യി​ൽ ​നി​ന്ന് പു​റ​പ്പെ​ട്ടു. ശ​ര​ണം വി​ളി​ക​ൾ മു​ഴ​ങ്ങി ഭ​ക്തി​സാ​​ന്ദ്ര അ​ന്ത​രീ​ക്ഷ​ത്തി​ൽ ഞായറാ​ഴ്ച രാ​വി​ലെ ഏ​​​ഴോ​ടെ​യാ​ണ്​ തി​രു​വി​താം​കൂ​ർ മ​ഹാ​രാ​ജാ​വ്​ ന​ട​ക്കു​വെ​ച്ച ത​ങ്ക അ​ങ്കി​യും വ​ഹി​ച്ചു​ള്ള ഘോ​ഷ​യാ​ത്ര​ പുറപ്പെട്ടത്.

ഘോ​ഷ​യാ​ത്രക്ക് 29 ഇടങ്ങളിൽ സ്വീകരണം നൽകും. ബുധനാഴ്ച ഉച്ചയോടെ ഘോ​ഷ​യാ​ത്ര പമ്പയിലും വൈകിട്ട് ആറിന് മണിക്ക് സന്നിധാനത്തും എത്തും. തുടർന്ന് വൈകിട്ട് ആറരക്ക് തങ്കഅങ്കി ചാർത്തിയുള്ള ദീപാരാധന നടക്കും.

മണ്ഡലകാല ഉത്സവത്തിലെ പ്രധാന ചടങ്ങായ മണ്ഡലപൂജ 26ന് ഉച്ചക്ക് 12നും 12.30നും മധ്യേ നടക്കും. തുടർന്ന് രാത്രി 11ന് ഹരിവരാസനം പാടി നട അടക്കുന്നതോടെ 41 ദിനങ്ങൾ നീണ്ടുനിന്ന മണ്ഡലകാല ഉത്സവത്തിന് പരിസമാപ്തി കുറിക്കും. മകരവിളക്ക് ഉത്സവത്തിനായി 30ന് വൈകിട്ട് അഞ്ച് മണിക്ക് നട വീണ്ടും തുറക്കും.

അതേസമയം, ശബരിമലയിൽ തീർഥാടകരുടെ വൻ തിരക്ക് കണക്കിലെടുത്ത് മണ്ഡലപൂജയുടെ പ്രധാന ദിവസങ്ങളായ ഡിസംബർ 25നും 26നും വെർച്വൽ ക്യൂവിന്‍റെ എണ്ണം കുറച്ചു. കൂടാതെ, സ്പോട്ട് ബുക്കിങ്ങും ഒഴിവാക്കി.

തങ്ക അങ്കി ഘോഷയാത്ര സന്നിധാനത്ത് എത്തി ദീപാരാധന നടക്കുന്ന 25ന് വെർച്വൽ ക്യൂ 54,444 പേർക്ക് മാത്രമായാണ് കുറവ് വരുത്തിയത്. മണ്ഡല പൂജ നടക്കുന്ന 26ന് 60,000 പേർക്കാണ് ദർശനത്തിന് അവസരമുള്ളത്.

സാധാരണ ദിവസങ്ങളിൽ വെർച്വൽ ക്യൂവിന്‍റെ എണ്ണം 70,000 ആയിരുന്നു. ഇതിന് പുറമേ ദർശനത്തിന് വരുന്ന എല്ലാവർക്കും സ്പോട്ട് ബുക്കിങ്ങും അനുവദിച്ചിരുന്നു.