93ാം വയസിലും കാല്‍നടയായി ശങ്കരൻ നായര്‍ ശബരിമലയിലേക്ക്

കൊ​ട​ക​ര: ഭ​ക്തി​യു​ടെ​യും നി​ശ്ച​യ​ദാ​ര്‍ഢ്യ​ത്തി​ന്റെ​യും ക​രു​ത്തി​ല്‍ 93ാം വ​യ​സി​ലും കാ​ല്‍ന​ട​യാ​യി ശ​ബ​രി​മ​ല ദ​ര്‍ശ​ന​ത്തി​ന് പോ​വു​ക​യാ​ണ് പാ​ല​ക്കാ​ട് കൊ​ഴി​ഞ്ഞാ​മ്പാ​റ സ്വ​ദേ​ശി ശ​ങ്ക​ര​ന്‍നാ​യ​ര്‍. 57ാം വ​ര്‍ഷ​മാ​ണ് ഇ​ദ്ദേ​ഹം കാ​ല്‍ന​ട​യാ​യി മ​ക​ര​വി​ള​ക്ക് തൊ​ഴാ​ന്‍ ശ​ബ​രി​മ​ല​യി​ലേ​ക്ക് പോ​കു​ന്ന​ത്. 25ന് ​കൊ​ഴി​ഞ്ഞാ​മ്പാ​റ​യി​ലെ ക​രു​വാ​പ്പാ​റ ശി​വ​ക്ഷേ​ത്ര​ത്തി​ല്‍ നി​ന്ന് കെ​ട്ടു​നി​റ​ച്ച് 26ന് ​രാ​വി​ലെ ആ​രം​ഭി​ച്ച​താ​ണ് യാ​ത്ര.

ദി​വ​സ​വും 30 കി​ലോ​മീ​റ്റ​റോ​ളം ന​ട​ക്കും. രാ​ത്രി ക്ഷേ​ത്ര​ങ്ങ​ളോ​ട​നു​ബ​ന്ധി​ച്ച് ഒ​രു​ക്കി​യ വി​ശ്ര​മ​കേ​ന്ദ്ര​ങ്ങ​ളി​ലാ​ണ് അ​ന്തി​യു​റ​ക്കം. തി​ങ്ക​ളാ​ഴ്ച രാ​വി​ലെ​യാ​ണ് കൊ​ട​ക​ര​യി​ലെ​ത്തി​യ​ത്. പ​ല​പ്പോ​ഴും ഒ​റ്റ​ക്കാ​ണ് യാ​ത്ര. ഈ ​പ്രാ​യ​ത്തി​ല്‍ ത​നി​ച്ചാ​ണോ യാ​ത്ര എ​ന്നു ചോ​ദി​ക്കു​ന്ന​വ​രോ​ട് അ​യ്യ​പ്പ​സ്വാ​മി കൂ​ടെ​യു​ണ്ട് എ​ന്നാ​ണ് മ​റു​പ​ടി.

തു​ട​ര്‍ച്ച​യാ​യി നി​ര​വ​ധി വ​ര്‍ഷം ശ​ബ​രി​മ​ല ദ​ര്‍ശ​നം ന​ട​ത്തി ഗു​രു​സ്വാ​മി​യാ​യി മാ​റി​യ ഇ​ദ്ദേ​ഹം ഏ​ക​ദേ​ശം 12000 പേ​രെ ഇ​തി​ന​കം ശ​ബ​രി​മ​ല​ദ​ര്‍ശ​ന​ത്തി​നു കൊ​ണ്ടു​പോ​യി​ട്ടു​ണ്ട്.

37ാം വ​യ​സി​ൽ ആ​ദ്യ​മാ​യി ശ​ബ​രി​മ​ല ച​വു​ട്ടി​യ ശേ​ഷം ഇ​തു​വ​രെ ദ​ര്‍ശ​നം മു​ട​ക്കി​യ​ട്ടി​ല്ല. എ​ല്ലാ​വ​ര്‍ഷ​വും മ​ക​ര​വി​ള​ക്ക് കാ​ല​ത്താ​ണ് ശ​ബ​രി​മ​ല​ക്ക് പോ​കാ​റു​ള്ള​ത്. ചേ​ല​ക്ക​ര മു​ഖാ​രി​ക്കു​ന്നി​ല്‍ ജ​നി​ച്ച ശ​ങ്ക​ര​ന്‍നാ​യ​ര്‍ മും​ബൈ​യി​ലെ ജി​ന്‍ഡാ​ല്‍ അ​ലൂ​മി​നി​യം ക​മ്പ​നി​യി​ലെ എ​ക്‌​സി​ക്യൂ​ട്ടീ​വ് സെ​ക്ര​ട്ട​റിയായി വി​ര​മി​ച്ച​യാ​ളാ​ണ്. കൊ​ഴി​ഞ്ഞാ​മ്പാ​റ​യി​ലാ​ണ് താ​മ​സം. ഭാ​ര്യ പ​ത്മ മും​ബൈ​യി​ല്‍ ക​സ്റ്റം​സ് ഓ​ഫി​സ​റാ​യ മ​ക​ന്‍ കൃ​ഷ്ണ​പ്ര​സാ​ദി​നൊ​പ്പ​മാ​ണ്.

ചി​ട്ട​യാ​യ ജീ​വി​ത​വും മി​ത​മാ​യ ഭ​ക്ഷ​ണ​വു​മാ​ണ് ത​ന്റെ ആ​രോ​ഗ്യ​ ര​ഹ​സ്യ​മെ​ന്ന് ഈ ​വ​യോ​ധി​ക​ന്‍ പ​റ​യു​ന്നു. തി​ങ്ക​ളാ​ഴ്ച കൊ​ട​ക​ര​യി​ലെ​ത്തി​യ ശ​ങ്ക​ര​ന്‍നാ​യ​ര്‍ പൂ​നി​ലാ​ര്‍ക്കാ​വ് ക്ഷേ​ത്രം ഊ​ട്ടു​പു​ര​യി​ല്‍ വി​ശ്ര​മി​ച്ച് ചൊ​വ്വാ​ഴ്ച രാ​വി​ലെ യാ​ത്ര തു​ട​രും. ആ​രോ​ഗ്യം അ​നു​വ​ദി​ക്കു​ന്നി​ട​ത്തോ​ളം കാ​ല്‍ന​ട​യാ​യി ശ​ബ​രി​മ​ല യാ​ത്ര തു​ട​ര​ണ​മെ​ന്നാ​ണ് ഈ ​അ​യ്യ​പ്പ​ഭ​ക്ത​ന്റെ ആ​ഗ്ര​ഹം.