സൗദിയിലെ ആദ്യ മാസപ്പിറവി നീരീക്ഷണ​ കേന്ദ്രം മക്കയിലെ അബീ ഖുബൈസ്​ മലയിൽ

ജിദ്ദ: സൗദിയിലെ ആദ്യത്തെ മാസപ്പിറവി നിരീക്ഷണ കേന്ദ്രം മക്കയിൽ. 1948-ൽ അബ്​ദുൽ അസീസ്​ രാജാവി​െൻറ കാലത്താണ്​ മക്കയിലെ അബു ഖുബൈസ്​ മലയുടെ മുകളിൽ​ ആദ്യ മാസപ്പിറവി നിരീക്ഷണ കേന്ദ്രം സ്ഥാപിതമായത്​. ​ജ്യോതിശാസ്​ത്രത്തിൽ വലിയ താൽപര്യം പ്രകടിപ്പിച്ചിരുന്ന ശൈഖ് മുഹമ്മദ് അബ്​ദുൽ റസാഖ് ഹംസയുടെ ആശയമാണ് ഇങ്ങനെയൊരു നിരീക്ഷണാലയം സ്ഥാപിക്കാൻ കാരണമെന്നാണ്​ റിപ്പോർട്ട്​​. ഗ്രഹങ്ങളുടെയും ആകാശഗോളങ്ങളുടെയും ചലനം നിരീക്ഷിക്കുക, ജ്യോതിശാസ്ത്ര കണക്കുകൂട്ടലുകൾ നടത്തുക, മാസങ്ങളുടെ ആരംഭം പ്രത്യേകിച്ച് റമദാൻ, ഹജ്ജ് മാസങ്ങൾ എന്നിവയുമായി ബന്ധപ്പെട്ടവക്ക്​ ആദ്യത്തെ ഔദ്യോഗിക ജ്യോതിശാസ്ത്ര നിരീക്ഷണാലയം ഹറമിനടുത്ത്​ സ്ഥാപിക്കാൻ അദ്ദേഹം ആഗ്രഹിച്ചിരുന്നു.

സഉൗദ് ബിൻ അബ്​ദുൽ അസീസ്​​ രാജാവാണ്​​ കേന്ദ്രത്തിനു​ വേണ്ട ഉപകരണങ്ങൾ സംഭാവന ചെയ്തത്​. ജ്യോതി ശാസ്ത്രത്തി​െൻറ തുടക്കക്കാരെയും അതിൽ നിന്ന് കൂടുതൽ പഠിക്കാൻ ആഗ്രഹിക്കുന്നവരെയും പ്രോത്സാഹിപ്പിക്കാനുള്ള ശൈഖ്​ മുഹമ്മദ്​ അബ്​ദുൽ റസാഖ്​ ഹംസയുടെ അഭ്യർഥന അന്നത്തെ കിരീടാവകാശിയായിരുന്ന അമീർ സഉൗദ്​ ബിൻ അബ്​ദുൽ അസീസ്​ അംഗീകരിക്കുകയായിരുന്നു. അമേരിക്കയിൽ നിന്നാണ്​ കേന്ദ്രത്തിനു വേണ്ട ഉപകരണങ്ങൾ എത്തിച്ചത്​. നക്ഷത്രങ്ങളും ഗ്രഹങ്ങളും ഗാലക്സികളും നിർണയിക്കുകയും നിരീക്ഷിക്കുകയും ചെയ്യുന്നതിനുള്ള ഒരു ദൂരദർശിനിയും ഗ്ലാസ് കൊണ്ട് നിർമ്മിച്ച ഒരു പ്ലാനറ്റോറിയവും ഉൾപ്പെടുന്നതായിരുന്നു അബു ഖുബൈസ്​ മലക്ക്​ മുകളിലെ ​മാസപ്പിറവി നിരീക്ഷണ കേന്ദ്രം. ഒപ്പം മാപ്പുകളുടെയും ദിശ കണ്ടെത്തുന്നതിനുള്ള ഉപകരണങ്ങളുടെയും ശേഖരവും അവിടെയുണ്ടായിരുന്നു.

വാർത്താ മാധ്യമങ്ങൾ നിലവിൽ വരുന്നതിന്​ മുമ്പ്​ മക്കയിലെ ഖാദിയും അദ്ദേഹത്തി​െൻറ അസിസ്​റ്റൻറും ചില സാക്ഷികളും റമദാൻ മാസപ്പിറവി കാണാൻ അബുഖുബൈസ് മല മുകളിലേക്ക്​ കയറിയിരുന്നുവെന്നാണ്​ ചില ചരിത്ര ശ്രോതസ്സുകൾ വ്യക്തമാക്കുന്നത്​. മാസപ്പിറവി കണ്ടെന്ന് സ്ഥിരീകരിച്ചാൽ മക്കയിലുള്ളവർക്ക്​ അതുകാണും വിധം അവരിലൊരാൾ കൈയിൽ ഒരു തുണി ഉയർത്തിക്കാട്ടും. പിന്നീട്​ പീരങ്കികളിലൂടെ വെടി ഉയിർത്തും. വർഷങ്ങൾ കൂറെ പിന്നിട്ടപ്പോൾ ജബലു അബീ ഖുബൈസിലെ ആ മാസപ്പിറവി നിരീക്ഷണ കേന്ദ്രം​ മക്ക ക്ലോക്ക് ടവറിലേക്ക് മാറ്റി. ഇപ്പോൾ നൂതനമായ സാ​േങ്കതിക സംവിധാനങ്ങളോടെ ക്ലോക്ക്​ ടവറിൽ മാസപ്പിറവി നിരീക്ഷണ കേന്ദ്രം പ്രവർത്തിച്ചുവരുന്നു.

നിലവിൽ​ സൗദി അറേബ്യയിൽ നിരവധി ജ്യോതിശാസ്ത്ര നിരീക്ഷണാലയങ്ങളുണ്ട്​. അവയിൽ ഏറ്റവും പ്രധാനപ്പെട്ടവ സുദൈർ, താമിർ, മക്ക എന്നിവിടങ്ങളിലാണ്​. കൂടാതെ റമാൻ മാസപ്പിറവി ഉൾപ്പെടെ നിരീക്ഷിക്കാൻ റിയാദ്, മദീന, ഖസിം, ദഹ്‌റാൻ, ശഖ്‌റ, ഹാഇൽ, തബൂക്ക് എന്നിവിടങ്ങളിലും നിരീക്ഷണാലയങ്ങളുണ്ട്​. സാ​േങ്കതിക വിദ്യകൾ പുരോഗമിച്ചതോടെ ചന്ദ്രദർശന പ്രക്രിയകൾ യാന്ത്രികമാക്കുന്നതിനും നിയന്ത്രിക്കുന്നതിനുമായി നീതിന്യായ മന്ത്രാലയം ഇലക്ട്രോണിക് സംവിധാനങ്ങളും ആരംഭിച്ചു. വീഡിയോ ബ്രോഡ്കാസ്റ്റിങ്​ സാങ്കേതികവിദ്യയിലൂടെ കോടതികളും നിരീക്ഷണാലയങ്ങളും തമ്മിൽ നേരിട്ടുള്ള ആശയവിനിമയത്തിനുള്ള സൗകര്യവും മ​ന്ത്രാലയം ഒരുക്കി.

ഇലക്ട്രോണിക് സംവിധാനത്തിലൂടെ മാസപ്പിറവിയുടെ ഉറവിടം കുറ്റമറ്റ രീതിയിൽ ഏകീകരിക്കാനും ബന്ധപ്പെട്ട അധികാരികളുമായി ആശയവിനിമയം വേഗത്തിലാക്കുകയും ലക്ഷ്യമിട്ടാണ്​ നീതിന്യായ മന്ത്രാലയം ഇൗ സംവിധാനങ്ങളെല്ലാം ഒരുക്കിയത്​.