അറബി കാലിഗ്രഫിയിലെ മലയാളി എഴുത്തഴക്

അ​റ​ബി കാ​ലി​ഗ്ര​ഫി​യി​ലെ പാ​ര​മ്പ​ര്യ, സ​മ​കാ​ലി​ക രീ​തി​ക​ളെ വി​വി​ധ ക​ലാ​ര​ച​നാ​ശൈ​ലി​ക​ളി​ലേ​ക്ക് സ​ന്നി​വേ​ശി​പ്പി​ച്ച് യു.​എ.​ഇ​യി​ലെ കാ​ലി​ഗ്ര​ഫി ക​ലാ​കാ​രി​ൽ സ്വ​ന്ത​മാ​യൊ​രി​ടം നേ​ടി​യെ​ടു​ത്തി​രി​ക്കു​ക​യാ​ണ് ക​ണ്ണൂ​ർ​ നരിക്കോട് സ്വദേശിനി സു​മൈ​റ മു​ഹ​മ്മ​ദ് ആ​ഷി​ഖ്. കു​ട്ടി​ക്കാ​ലം​തൊ​ട്ട് പ​ഠ​ന​ത്തോ​ടൊ​പ്പം ചി​ത്ര​ക​ല, പെ​യി​ൻ​റി​ങ്, ക്രാ​ഫ്റ്റ് തു​ട​ങ്ങി​യ​വ​യി​ലെ​ല്ലാം സ​ജീ​വ​മാ​യി​രു​ന്നെങ്കിലും ഒ​ൻ​പ​ത് വ​ർ​ഷ​ങ്ങ​ൾ​ക്ക് മു​മ്പ് യു.​എ.​ഇ​യി​ൽ എ​ത്തി​യ​തോ​ടെ​യാ​ണ് ഇ​ല​ക്ട്രോ​ണി​ക്സ് എ​ൻ​ജി​നീ​യ​റാ​യ സു​മൈ​റയുടെ ജീ​വി​തം മാ​റി​മ​റി​ഞ്ഞ​ത്. യു.​എ.​ഇ​യി​ലെ ഓ​രോ നി​ർ​മി​തി​യി​ലും നി​റ​ഞ്ഞു​നി​ൽ​ക്കു​ന്ന ക​ലാ​വി​ഷ്കാ​ര​ങ്ങ​ൾ ക​ണ്ട​തോ​ടെ​ ക​ല​ക്കും കാ​ലി​ഗ്ര​ഫി​ക്കും എ​ത്ര​മാ​ത്രം പ്രാ​ധാ​ന്യ​മാ​ണ് ഈ ​നാ​ട് ന​ൽ​കു​ന്ന​തെ​ന്ന് തി​രി​ച്ച​റി​യുകയായിരുന്നു. മാ​ളു​ക​ളി​ലും കെ​ട്ടി​ട​ങ്ങ​ളി​ലും പാ​ത​യോ​ര​ങ്ങ​ളി​ൽ​പോ​ലും നി​റ​ഞ്ഞു​നി​ൽ​ക്കു​ന്ന കാ​ലി​ഗ്ര​ഫി​യെ​ക്കു​റി​ച്ചു​ള്ള അ​ന്വേ​ഷ​ണ​ങ്ങ​ളി​ൽ നി​ര​വ​ധി ക​ലാ​കാ​ര​ന്മാ​രു​ടെ സൃ​ഷ്ടി​ക​ൾ കാ​ണാ​നി​ട​യാ​യി. അ​ക്കൂ​ട്ട​ത്തി​ൽ ന​ർ​ജ​സ് നൂ​റു​ദ്ദീ​ൻ, ദി​യാ അ​ലാം, അ​ൽ സ​ഈ​ദ്, വി​സ്സാം ഷ​ക്കൂ​ർ തു​ട​ങ്ങി​യ​വ​രു​ടെ കാ​ലി​ഗ്ര​ഫി ക​ലാ​സൃ​ഷ്ടി​ക​ൾ ത​ന്നെ ഏ​റെ സ്വാ​ധീ​നി​ച്ചി​ട്ടു​ണ്ടെ​ന്ന് സു​മൈ​റ പ​റ​യു​ന്നു.

തന്റെ​യു​ള്ളി​ൽ ഉ​റ​ങ്ങി​ക്കി​ട​ക്കു​ന്ന ക​ലാ​ഭി​രു​ചി​യും ര​ച​നാ​നൈ​പു​ണ്യ​വും പൊ​ടി​ത​ട്ടി​യെ​ടു​ക്കാ​നു​ള്ള പ​രി​ശ്ര​മ​ങ്ങ​ളാ​യി​രു​ന്നു പി​ന്നീ​ടു​ള്ള നാ​ളു​ക​ളി​ൽ. സ്വ​ന്തം ഭാ​വ​ന​യി​ൽ തെ​ളി​യു​ന്ന​തും പ്ര​കൃ​തി​യി​ലും ഇ​ൻ​റ​ർ​നെ​റ്റി​ലും സാ​മൂ​ഹ്യ മാ​ധ്യ​മ​ങ്ങ​ളി​ലും എ​ന്നു​വേ​ണ്ട കൗ​തു​ക കാ​ഴ്ച​ക​ൾ എ​വി​ടെ ക​ണ്ടാ​ലും അ​വ​യെ സ്വ​ന്തം ശൈ​ലി​യി​ൽ ആ​വി​ഷ്ക​രി​ക്കാ​ൻ തു​ട​ങ്ങി. ക​ലാ​സൃ​ഷ്ടി​യി​ലെ ടി​പ്സും ട്രി​ക്സും മ​ന​സ്സി​ലാ​ക്കാ​ൻ യൂ​ട്യൂ​ബ് വി​ഡി​യോ​ക​ളും റീ​ൽ​സു​ക​ളും ഏ​റെ സ​ഹാ​യ​ക​മാ​യി.

ഓ​ൺ​ലൈ​നി​ലൂ​ടെ ല​ഭി​ച്ച കാ​ലി​ഗ്ര​ഫി പ​ഠ​ന​സാ​മ​ഗ്രി​ക​ൾ ഉ​പ​യോ​ഗ​പ്പെ​ടു​ത്തി നി​ര​ന്ത​ര പ​രി​ശ്ര​മ​ത്തി​ലൂ​ടെ അ​റ​ബി കാ​ലി​ഗ്ര​ഫി​യി​ലെ സു​ലു​സ്, സും​ബു​ലി, ദീ​വാ​നി, കൂ​ഫി, തു​ട​ങ്ങി​യ ഒ​ട്ടു​മി​ക്ക ശൈ​ലി​ക​ളി​ലു​ള്ള ര​ച​നാ രീ​തി​യും സ്വാ​യ​ത്ത​മാ​ക്കി. ഇ​ൻ​റ​ർ​നെ​റ്റി​ൽ​നി​ന്നെ​ടു​ത്ത മോ​ഡ​ലു​ക​ൾ പ​ക​ർ​ത്തി​വ​ര​ച്ച് തു​ട​ങ്ങി​യ കാ​ലി​ഗ്ര​ഫി ര​ച​ന പി​ന്നീ​ട് സ്വ​ന്തം ശൈ​ലി​യി​ൽ ചെ​യ്തു തു​ട​ങ്ങുകയായിരുന്നു. ആ​ശ​യ​ങ്ങ​ളു​ൾ​ക്കൊ​ള്ളു​ന്ന കാ​ലി​ഗ്ര​ഫി മാ​ത്ര​മാ​യും പ്ര​ത്യേ​ക ആ​ശ​ങ്ങ​ളൊ​ന്നു​മി​ല്ലാ​തെ കാ​ഴ്ച​ക്ക് പ്രാ​ധാ​ന്യം ന​ൽ​കി അ​ക്ഷ​ര​ങ്ങ​ളെ അ​മൂ​ർ​ത്ത രീ​തി​യി​ൽ വി​ന്യ​സി​ക്കു​ന്ന ആ​ധു​നി​ക ര​ച​നാ രീ​തി​യി​ലു​ള്ള കാ​ലി​ഗ്ര​ഫി​യും പ​രീ​ക്ഷി​ച്ച് വി​ജ​യം നേ​ടി. അ​മൂ​ർ​ത്ത ര​ച​നാ രീ​തി​യി​ൽ തീ​ർ​ത്ത പ്ര​ത​ല​ത്തി​ലേ​ക്ക് കാ​ലി​ഗ്ര​ഫി​യെ​കൂ​ടി ഉ​ൾ​ച്ചേ​ർ​ത്തു​കൊ​ണ്ടു​ള്ള ര​ച​നാ രീ​തി​ക​ളും ഒ​പ്പം ഡി​ജി​റ്റ​ൽ പെ​യി​ൻ​റി​ങ്ങി​ലൂ​ടെ പൂ​ർ​ത്തി​യാ​ക്കു​ന്ന ചി​ത്ര​ങ്ങ​ൾ വ​ലി​യ കാ​ൻ​വാ​സി​ലേ​ക്ക് പ്രി​ൻ​റ് ചെ​യ്തെ​ടു​ക്കു​ന്ന രീ​തി​യി​ലും ക​ലാ​വി​ഷ്കാ​ര​ങ്ങ​ൾ ന​ട​ത്തു​ന്നു​ണ്ടി​പ്പോ​ൾ.

യു.​എ.​ഇ​യു​ടെ സ​ഹി​ഷ്ണു​താ വ​ർ​ഷം ആ​ഘോ​ഷ പ​രി​പാ​ടി​ക​ളു​ടെ ഭാ​ഗ​മാ​യി സം​ഘ​ടി​പ്പി​ക്ക​പ്പെ​ട്ട കാ​ലി​ഗ്ര​ഫി മ​ത്സ​ര​ത്തി​ൽ വി​ജ​യം നേ​ടാ​ൻ ക​ഴി​ഞ്ഞ​താ​ണ് ഏ​റെ അ​ഭി​മാ​നം തോ​ന്നി​യ നി​മി​ഷം. മത്സരവിജയിയായി എന്നതിലുപരി യു.എ.ഇയിലെ അറിയപ്പെട്ട കാലിഗ്രഫി കലാകാരന്മാരെ അടുത്ത് പരിചയപ്പെടാനും ബന്ധം സ്ഥാപിക്കാനും കഴിഞ്ഞതാണ് ഈ മത്സരത്തിലൂടെ ലഭിച്ച ഏറ്റവും വലിയ നേട്ടമായി സുമൈറ കാണുന്നത്. യു.​എ.​ഇ​യി​ലെ പ്ര​മു​ഖ എ​ക്സി​ബി​ഷ​നു​ക​ളി​ൽ പ​ല​തി​ലും ക​ലാ​സൃ​ഷ്ടി​ക​ൾ പ്ര​ദ​ർ​ശി​പ്പി​ക്കാ​നും ത​ത്സ​മ​യ കാ​ലി​ഗ്ര​ഫി ര​ച​ന നി​ർ​വ​ഹി​ക്കാ​നും സു​മൈ​റ​ക്ക് അ​വ​സ​രം ല​ഭി​ച്ചി​ട്ടു​ണ്ട്.

ക​ലാ​ര​ച​ന​യി​ലൂ​ടെ ല​ഭി​ക്കു​ന്ന ആ​ത്മ സം​തൃ​പ്തി​യാ​ണ് ക​ല​യെ ചേ​ർ​ത്തു​പി​ടി​ക്കാ​നു​ള്ള സു​മൈ​റ​യു​ടെ പ്ര​ചോ​ദ​നം. തന്റെ ര​ച​ന​ക​ളി​ലൂ​ടെ മ​റ്റു​ള്ള​വ​രി​ലേ​ക്കു​കൂ​ടി ആ​ന​ന്ദം പ​ക​ര​നാ​വു​ക​യെ​ന്ന​തി​ലാ​ണ് തന്റെ സ​ന്തോ​ഷം. അ​ങ്ങ​നെ​യാ​ണ് സാ​മൂ​ഹ്യ​മാ​ധ്യ​മ​മാ​യ ഇ​ൻ​സ്റ്റ​ഗ്രാ​മി​ൽ തന്റെ സൃ​ഷ്ടി​ക​ൾ പോ​സ്റ്റു​ചെ​യ്യാ​ൻ തു​ട​ങ്ങു​ന്ന​ത്. അ​തോ​ടെ ഫോ​ളോ ചെ​യ്യു​ന്ന​വ​രു​ടെ എ​ണ്ണം കൂ​ടി എ​ന്ന​തു​മാ​ത്ര​മ​ല്ല സൃ​ഷ്ടി​ക​ൾ​ക്ക് ആ​വ​ശ്യ​ക്കാ​രു​മാ​യി. തു​ട​ർ​ന്ന് കാ​ലി​ഗ്ര​ഫി​യു​ടെ​യും ചി​ത്ര​ക​ല​യു​ടെ​യും എ​ല്ലാ സാ​ധ്യ​ത​ക​ളും ഉ​പ​യോ​ഗി​ച്ച് കൂ​ടു​ത​ൽ ര​ച​ന​ക​ളി​ലേ​ക്ക് തി​രി​ഞ്ഞു.

സാ​മൂ​ഹ്യ​മാ​ധ്യ​മ​ത്തി​ൽ തന്റെ സൃ​ഷ്ടി​ക​ൾ ശ്ര​ദ്ധ​യി​ൽ​പ്പെ​ട്ട യു.​എ.​ഇ​യി​ലെ പ്ര​മു​ഖ ഫ​ർ​ണി​ച്ച​ർ ക​മ്പ​നി​യാ​യ ലാ​ൻ​റ് മാ​ർ​ക്ക് ഗ്രൂ​പ്പി​ന്‍റെ ഹോം​ബോ​ക്സ് ത​ങ്ങ​ളു​ടെ ഉ​ൽ​പ​ന​ങ്ങ​ളി​ൽ ആ​ലേ​ഖ​നം ചെ​യ്യു​ന്ന​തി​ന് കാ​ലി​ഗ്ര​ഫി​ചെ​യ്തു​കൊ​ടു​ക്കാ​നാ​വ​ശ്യ​പ്പെ​ട്ട​താ​ണ് സു​മൈ​റ​യു​ടെ ക​ലാ​പ്ര​യാ​ണ​ത്തി​ലെ പ്ര​ധാ​ന വ​ഴി​ത്തി​രി​വ്. വ​രു​മാ​ന​മാ​ർ​ഗ​മെ​ന്ന​നി​ല​യി​ലേ​ക്ക് കൂ​ടു​ത​ൽ ക്രി​യാ​ത്മ​ക​മാ​യി ഇ​ട​പെ​ടാ​ൻ തു​ട​ങ്ങു​ന്ന​ത് അ​വി​ടം മു​ത​ലാ​ണ്. നി​ല​വി​ൽ വി​വി​ധ ഗാ​ർ​ഹി​ക അ​ല​ങ്കാ​ര ഉ​ൽ​പ​ന​ങ്ങ​ളു​ടെ നി​ർ​മാ​താ​ക്ക​ൾ​ക്ക് ഓ​ർ​ഡ​ർ അ​നു​സ​രി​ച്ച് കാ​ലി​ഗ്ര​ഫി​യും ചെ​യ്തു​ന​ൽ​കു​ന്നു. യു.​എ.​ഇ​ക്ക് പു​റ​ത്തു​നി​ന്ന്പോ​ലും ആ​വ​ശ്യ​ക്കാ​രെ​ത്തി​തു​ട​ങ്ങി​യ​തോ​ടെ ഡി​ജി​റ്റ​ൽ ആ​ർ​ട്ട് മാ​ധ്യ​മം ഉ​പ​യോ​ഗി​ച്ചും ക​ലാ​രൂ​പം ത​യാ​റാ​ക്കു​ന്നു​ണ്ട്. ലാ​ൻ​റ് മാ​ർ​ക്ക് ഗ്രൂ​പ്പി​ന്‍റെ ഹോം​ബോ​ക്സ്, ഇ​ന്ത്യ​യി​ലും യു.​എ.​ഇ​യി​ലും ശാ​ഖ​ക​ളു​ള്ള എ.​ബി.​സി ഉ​ൾ​പ്പെ​ടെ 38ഓ​ളം ഷോ​റൂ​മു​ക​ളി​ലും www.sumaira-arts വെ​ബ്സൈ​റ്റി​ലും ഇ​ന്ന് സു​മൈ​റ​യു​ടെ ആ​ർ​ട്ട് വ​ർ​ക്കു​ക​ൾ ല​ഭ്യ​മാ​ണ്.

സ്വ​പ്ര​യ​ത്ന​ത്താ​ൽ ക​ല​യെ​യും കാ​ലി​ഗ്ര​ഫി​യെ​യും വ​രു​തി​യി​ലാ​ക്കി സു​മൈ​റ ഇ​ന്ന് യു.​എ.​ഇ​യി​ലെ അം​ഗീ​കാ​രം ല​ഭി​ച്ച പ​രി​ശീ​ല​ക​യാ​ണ്. ക​ഴി​ഞ്ഞ മൂ​ന്നു വ​ർ​ഷ​ത്തി​നു​ള്ളി​ൽ അ​ടി​സ്ഥാ​ന കാ​ലി​ഗ്ര​ഫി​യി​ലും അ​മൂ​ർ​ത്ത ചി​ത്ര​ര​ച​ന​യി​ലു​മാ​യി 25ഓ​ളം വ​ർ​ക്ക്​ ഷോ​പ്പു​ക​ളാ​ണ് സം​ഘ​ടി​പ്പി​ച്ച​ത്. ഇ​പ്പോ​ഴ​ത് മാ​സ​ത്തി​ലൊ​രി​ക്ക​ലാ​യി ന​ട​ത്ത​പ്പെ​ടു​ന്നു. കാ​ലി​ഗ്ര​ഫി പ​ഠ​ന​ത്തി​ന് താ​ൽ​പ​ര്യം അ​റി​യി​ച്ച് കൂ​ടു​ത​ൽ അ​ന്വേ​ഷ​ണ​ങ്ങ​ളെ​ത്തി​യ​തോ​ടെ സു​ലു​സ്, സും​ബു​ലി സ്ക്രി​പ്റ്റു​ക​ളു​ടെ പ​രി​ശീ​ല​നം ന​ൽ​കാ​ൻ സ്വ​ന്ത​മാ​യി കോ​ഴ്സും തു​ട​ങ്ങി​യി​ട്ടു​ണ്ട്.

കാ​ലി​ഗ്ര​ഫി​യോ​ടൊ​പ്പം ഡി​ജി​റ്റ​ൽ സാ​ങ്കേ​തി​ക​ത കൂ​ടി ഉ​പ​യോ​ഗ​പ്പെ​ടു​ത്തി​യാ​ൽ ഈ ​മേ​ഖ​ല​യി​ൽ സാ​ധ്യ​ത​ക​ളേ​റെ​യാ​ണെ​ന്ന തി​രി​ച്ച​റി​വി​ൽ ഇ​നി​യും കൂ​ടു​ത​ൽ ഉ​യ​ര​ങ്ങ​ളി​ലെ​ത്താ​നു​ള്ള ശ്ര​മ​ത്തി​ലാ​ണ് സു​മൈ​റ. ചെ​റു​പ്പം തൊ​ട്ട് ക​ലാ​ഭി​ചു​രി തി​രി​ച്ച​റി​ഞ്ഞ് കൈ​പി​ടി​ച്ചു​യ​ർ​ത്തി​യ മാ​താ​പി​താ​ക്ക​യായ അബ്ദുൽ സത്താറും റുഖിയയും സ​ഹോ​ദ​ര​ങ്ങ​ളും ത​ൻ​റെ ക​ലാ​വി​ഷ്ക്കാ​ര​ങ്ങ​ൾ​ക്ക് ആ​വ​ശ്യ​മാ​യ സൗ​ക​ര്യ​ങ്ങ​ളു​മൊ​രു​ക്കി പ​രി​പൂ​ർ​ണ പ്രോ​ത്സാ​ഹ​ന​വു​മാ​യി ഭ​ർ​ത്താ​വ് മു​ഹ​മ്മ​ദ് ആ​ഷി​ഖും മ​ക്ക​ളാ​യ അ​യ്മ​ൻ ആ​ഷി​ഖും ഹ​നാ​ൻ ആ​ഷി​ഖും കൂ​ടെ​യു​ണ്ട്.